【美国最大蚝场之一】香港店食罕有生蚝 海鲜龙虾炖汤
想喺香港食高质生蚝海鲜,就要识搵真正嘅海鲜供应商,因为佢哋直接喺外国拥有养殖场,当然最直接拎到靓海鲜。香港餐厅「Taylor Shellfish Farms」就系美国有120年历史丶最大海鲜供应商之一嘅直营餐厅,所以呢度嘅生蚝海鲜出名极级!
今期优惠: OpenRice订座可享以下优惠:
1)星期一至四 Oyster Night 所有生蚝可享88折;
2)星期五丶六丶曰 惠顾,每位顾客人送葡萄牙白洒或红酒一杯;
3)Happy Hour时段2pm-5pm所有饮品买一送一另送小食一客;
4)外卖自取全日八五折至1月31日
注:第1-3项优惠不适用於12月31日及1月1日
一入店内就有大蚝吧,一眼睇晒当日有咩新鲜生蚝丶海鲜。

同店家一聊,先知佢哋嘅生蚝每星期多天由外国不同国家直送抵港丶所以每日可以由自家厂房直送到餐厅丶留意返 ~系每日呀! 一般餐厅可能只可每星期入货,所以呢度生蚝特别新鲜之馀,不时仲有冷门生蚝抵港㗎,价钱相对都更划算。
最近引入咗罕有铜蚝极重金属味,唔系度度都食到,因为有自家蚝场先成功入货,等待知音人一试呀。

新推大热作品: Taylor 海鲜炖汤
今次详谈生蚝之前,先睇「Taylor Shellfish Farms」新推嘅Taylor 海鲜炖汤,龙虾汤底中有美国波士顿龙虾丶美国青口丶法国虾丶新鲜带子丶翡翠螺丶鱿鱼,真心系香港难得食到超鲜味嘅海鲜炖汤。
谂深一层,好少用「鲜味」二字形容龙虾汤,因为一般餐厅都系煮得浓郁偏咸。唔知系咪「Taylor Shellfish Farms」来货够鲜,龙虾汤底系特别将美国波士顿龙虾壳磨成粉,再加香料一齐熬煮先有呢个鲜味,普通货绝对煮唔出呢个效果。
海鲜燩汤嘅海鲜真系每样都出色,当然最吸引系波士顿龙虾,特别多膏多肉,用叉一拮就轻松食到完整龙虾肉。个人私心喜好仲有翡翠螺,平时喺云云海鲜中唔算最突出,但今次超浓螺味加埋爽弹口感,绝对系满分之作。
店家笑言海鲜炖汤食到一半,会即刻奉上即焗蒜蓉包将龙虾汤推上另一高峰。「高峰」一字好似夸张得有趣,但当我将蒜蓉包浸入龙虾汤後一试,先知「高峰」一字恰好,蒜蓉包够热够脆,吸收龙虾汤後轻脆爆汤,蒜蓉牛油嘅微咸香令龙虾汤更惹味,难怪唔少人都要追加蒜蓉包。

120年历史自家蚝场直送 超新鲜多款
讲起「Taylor Shellfish Farms」确实不得不提生蚝,今次就介绍而家Seasonal 嘅6 款生蚝。因为佢哋自家养殖场系健康无污染嘅海洋环境,更保留到生蚝本身天然味道。

(下图 由右上顺时针起) 
-法国金箔皇御Regal 系列 系蚝界中最顶级质素,上枱时会洒上金箔,一望就知系矜贵生蚝。蚝味特别纯厚,带子味甜,馀韵带果实味。
-美国熊本生蚝 体积偏细,但入口鲜甜,肉质特别柔滑;
-日本广岛真蚝海水味重带鲜甜,蚝肉厚身Creamy;
-爱尔兰Harty蚝 喺Dungarvan Bay 养殖出最平衡嘅味道,入口清甜又唔过咸。蚝肉厚得嚟Creamy。最特别系後续味道略带青瓜味,味道多层次;
-法国TIA MARAA蚝肉质爽口,亦继承法国蚝常带嘅金属味,中间渗透出果香味;
-法国Utah Beach钻蚝 入口清甜,味道更细腻,所以馀韵比其他生蚝更久,每秒都有层次变化,一定要慢慢品尝;

幸福Moment 生蚝+鱼子
店家主打生蚝,当然同样为生蚝创造「高峰」~推荐大家先食一Round 生蚝後,可加钱加配鱼子或黑鱼子,为生蚝加入卜卜口感同咸香,味道口感都提升一大层次。

法国渔民出海捕虾: 法国熟虾
之所以叫法国熟虾,因为真系由法国渔民出海捕虾,并即时喺船上煮熟真空包装直送香港,直接上枱就食得,新鲜到好似食到法国海水味咁!

墨鱼汁意大利粉配墨鱼香肠
无论意粉定墨鱼香肠都系高质之上,一向食开嘅墨鱼汁意粉都会偏腍 (可能因为酱汁太多?),而呢度嘅意粉同样挂汁,但却保持到意粉轻韧带爽嘅口感。
墨鱼香肠则出乎意料地弹牙带咸香,个人觉得一啖意粉丶一啖墨鱼肠味道最平衡,夹埋一齐食反而浪费咗两者特色。


Taylor Shellfish Farms
地址: 西环西营盘高街80-86号丽贤阁地下C及D铺
电话: 25493130

地址: 大坑新村街42-43号地铺
电话: 29526477
* 资料由客户提供