【终於约Friend食饭】尖沙咀主打饮酒海鲜 Outdoor位有气氛
好耐无同朋友夜晚食饭倾计喇!久违咁耐嘅晚餐,梗系想搵个舒服地方饮吓酒丶食好嘢啦,尖沙咀呢间楼上餐厅Poseidon 就有个户外大平台,可以Chill 住睇夜景食饭;室内亦有舒服卡位丶高凳位丶烟雾特效座位。

餐厅有驻场调酒师,多款啤酒丶红白酒丶鸡尾酒可以饮成晚。最正系大厨会定期引入Seasonal 靓食材推新菜式,记住饮酒都要留肚食好嘢呀。
同场有卡位丶高凳同户外位拣。

烟雾特效座位好有气氛。

人气招牌菜 海鲜拼盘
呢度一向主打靓食材,食靓嘢点少得海鲜,所以呢个「海鲜拼盘」一直好有人气!今次新Menu 继续有新鲜即开生蚝丶鸡尾冻虾丶翡翠螺丶青口丶虾,新引入超鲜甜花甲,任沾泰式辣酱丶红酒醋丶鸡尾酒酱3款酱汁,有2人份或4人份拣。

想食得尽兴啲,都可以追加特级鲟鱼鱼子酱丶波士顿龙虾,会同其他海鲜一齐放喺贝壳大碟上枱,影相一流。
贝壳大碟上枱超靓。

海鲜拼盘有新鲜即开生蚝。

新加入花甲厚肉鲜甜,海鲜控一定锺意。

冬末想食热嘢~烤龙虾海鲜拼盘
微凉冬末,想食啲热嘢佐酒可以拣「烤龙虾海鲜拼盘」。大厨透露大部分海鲜都系每朝11点拎新鲜货,所以就算海鲜用多种香料同Cajun Sauce 烤制都遮唔住鲜味。拼盘有新鲜龙虾半只丶虎虾丶鱿鱼丶三文鱼丶扇贝丶青口丶蚬,配埋蒜蓉包沾汁食最正。

吸满海鲜精华!原只面包蟹海胆意大利饭
「烤龙虾海鲜拼盘」中有啲海鲜要先蒸至半熟,蒸海鲜嘅精华就用埋嚟煮呢道意大利饭。原只面包蟹肉丶意大利饭丶海鲜汁一齐煮开,饭粒烟韧,每啖都有丝丝蟹肉。

当意大利饭热辣辣酿入蟹盖後,大厨会即刻放上刺身级海胆,锺意海胆原始口感味道嘅话可以一啖啖慢慢食,锺意意大利饭嘅奶油口感则可捞饭食。

肥美厚肉 3款口味焗生蚝
焗生蚝有蟹肉芝士丶菠菜芝士同烟肉芝士3款口味拣。主要用No.2西班牙丶韩国生蚝,比法国生蚝更肥美厚肉,略带甜味,好啱用嚟烤焗。


坊间罕见 酥炸麒麟鱼汉堡
呢度另一招牌菜系马头鱼,系罕有连鱼鳞都食得嘅鱼。如果对呢个鱼名觉得陌生系正常,因为坊间较少餐厅识煮马头鱼,好易会令鱼鳞变腍唔好食。

所以个人好推荐留肚一试马头鱼,大厨用自家秘诀将马头鱼鱼鳞炸得一支支竖起,入口极香脆!马头鱼菜式有「酥炸麒麟鱼汉堡」丶「酥炸麒麟马头鱼」同「一口酥炸麒麟马头鱼」。
当作主菜食可拣「酥炸麒麟鱼汉堡」。

想试真啲马头鱼,可拣大件上枱嘅「酥炸麒麟马头鱼」。

佐酒小食则有「一口酥炸麒麟马头鱼」,唔使次次食薯条佐酒咁闷。

炭烧美国顶级安格斯斧头扒
除咗一系列海鲜,呢度亦有美国Prime 级别安格斯斧头扒,用得Prime 就知肉味够浓,可配埋自家制红酒黑醋汁解腻。

走地鸡!蜜糖烧鸡半只
主菜方面有牛亦有鸡,呢道「蜜糖烧鸡半只」系用较大既走地春鸡,多肉得嚟肉质又弹牙。大厨会用香料腌制24小时,鸡肉够晒入味。另外,为咗令烧鸡更有蜜糖香,春鸡入炉低温烤至7成熟时会先涂一层蜜糖;焗至9成同全熟时再分别涂蜜糖,3层蜜糖烤焗够晒香!

鲟鱼黑鱼子烟三文鱼他他
前菜选择方面就有「鲟鱼黑鱼子烟三文鱼他他」,最底酱汁系经典法汁,味道清淡带轻微芥末味,平衡多种配料味道—卜卜脆嘅黑鱼子丶软绵三文鱼同清爽红菜头,将几种味道口感一次过入口最正。

一系列佐酒小食 777 Potato Fries Platter
主要想同朋友饮酒倾计,亦有多款佐酒小食拣。虽然话系「小食」,但份量都好丰富,嗌2款小食4个人Share 都好满足。呢道「777 Potato Fries Platter」有齐旋风藉条丶脆薯条丶洋葱圈丶芝士焗肉酱薯皮。几款口味都有,一班朋友Share 都唔使惊有人唔啱食啦。

德国肠拼盘
佐酒小食仲有「德国肠拼盘」,最锺意配埋酸椰菜食解腻又开胃。

享受日光 悠闲Weekend Brunch 食Bagels
周末想放空抖吓,星期六丶日11:30至17:30 嚟呢度坐户外食个Weekend Brunch 都好舒服。份量选择多,仲可以优惠价追加啤酒丶红白酒,CP值高。可以HK$98 直接食个All Day Breakfast;又或以2 Course HK$1683 Course HK$1884 Course HK$208 价钱从「Egg & English Mussin」丶「沙律」丶「热汤」丶「Avocado & Bagels」丶「主菜」或「甜品」中拣选你要嘅类别。言下之意,若你拣4 Course 就可以Order 4个类别啦!

而且每类都有唔同口味选择,以「Avocado & Bagels」为例就有6款口味—「腰果配牛油果」丶「虾配牛油果」丶「朱古力配火龙果」或「花生酱配香蕉」等。手工Bagels 烟韧微酸带麦香,绝对会食上瘾。
每个类别都有多款口味拣,单系「Avocado & Bagels」就有齐咸甜选择。

「朱古力配火龙果Bagels」当埋甜品食都得。

饮酒好地方 多款Cocktail!
Cocktail 一直好受女生欢迎,呢度就有多款Cocktail 畀大家慢慢拣,Girls' Talk 成晚都唔闷呀。  
(左) 「Black Pearl」以Rum 酒作基调,味道偏酸甜。
(中) 「Seaside Breeze」以Vodka 作基调,热情果口味。
(右) 「Senorita」以Vodka 作基调,充满红桑莓味道。

Poseidon Restaurant & Bar
地址: 尖沙咀亚士厘道24-38号天星大厦4楼
电话: 25118299
* 资料由客户提供