【特约分享】铜锣湾食饭送无上限消费券+$1,000礼品

最近出街食饭真系特别抵,因为好多商场都推出超多优惠!特别系铜锣湾美食地标TOWER 535 同 CUBUS 仲直接送埋消费券+礼品。最吸引系消费券可以累积使用,唔会每次食饭只可用一张,储埋几张一次过用都得!礼品价值仲份份至少价值HK$1,000 𠻹,礼品咁贵价确实少见~即睇点样赚晒咁多优惠啦!


优惠一 : 无使用上限消费券 越食越抵

TOWER 535 同 CUBUS 都送出无使用上限嘅消费券。食得越多,可以换领/使用嘅消费券越多!消费券分别有HK$50、HK$100 同HK$200三种, 可以喺唔同商户使用。

换领日期:2020年6月22至7月26日
换领地点:TOWER 535 顾客服务中心 或 CUBUS 顾客服务中心
换领方法:於铜锣湾Tower 535 或 CUBUS 内指定食府及商户,即日消费满HK$500(以折实价计算),可凭当日电子付款发票(接受合拼收据) 换领总值HK$200 消费券。 (每日最多可凭HK$2,000 消费发票,换领总值HK$800 消费券)


优惠二 : HK$1,000 精美礼品!

除咗消费券,仲要记住即日消费满HK$3,500 或以上,可即时额外换取价值HK$1,000 或以上精美礼品乙份㗎。讲完咁多着数,就入正题睇吓TOWER 535 同 CUBUS 有咩好食啦~


《消费券使用方法》
HK$50 消费券
.凡於指定商户惠顾满HK$100 可使用1张;满HK$200 可使用2张,如此类推。

HK$100 消费券
.凡於指定商户惠顾满HK$100 可使用1张;满HK$200 可使用2张,如此类推。

HK$200 消费券
.凡於指定商户惠顾满HK$800 可使用1张;满HK$1600 可使用2张,如此类推。

消费券有效期: 2020年6月22至8月31日,逾期作废。


TOWER 535 爽食日韩料理 椰青波波

呢度有多间日本料理,由厨师发办至放题都有,同场仲有韩式炸鸡、泰国菜、特式咖啡、地道黯然销魂饭,选择种类超多,一班朋友约食饭就最啱喇。


立鮨 抵价食高质寿司
TOWER 535铜锣湾谢斐道535号地下G03铺

「立鮨」门口超吸睛,简约木饰同悠和灯光令成个用餐气氛都好舒服。立食寿司店一向主打快食、平价、高质,言下之意即系唔使等好耐位,就用到抵价食高质寿司啦!所以立食寿司一向受知音人欢迎,立食虽然唔会坐低同朋友慢慢倾,但反而令你更专注喺食物上,更享受到师傅制作嘅每件寿司。

「立鮨」仲有厨师发办套餐,有师傅亲拣当日10款新鲜寿司,另可追加三文鱼刺身同雪葩,或以HK$98加配海胆迷你丼。

厨师发办10件,可追加HK$98 海胆迷你丼。
海胆迷你丼,海胆超软绵甘甜。

疗癒西班牙菜 Appendix Coffee & Bar
TOWER 535铜锣湾谢斐道535号3楼301铺

咖啡吧由疗癒绿色配流线形点缀,单讲环境已令人相当放松。店家主打西班牙菜,但出色咖啡同悠闲环境,绝对称得上好啱Hea 嘅Café,自己一个嚟睇书饮咖啡抑或同朋友食饭都得。

呢度嘅海鲜意大利饭有足料海鲜,饭粒饱满,青口、大虾都好肥美。同时推荐香烤蜜糖原只春鸡配烤蔬菜,春鸡偏大只但肉质够嫩。

流线形设计令人放松。
海鲜意大利饭好丰富。

Gosango五感六觉 JPOT
TOWER 535铜锣湾谢斐道535号地下G05a铺及1楼

「Gosango五感六觉」分别由「J POT」火锅概念店、「SENSU」酒吧同烧肉专门店「和牛蕃」3间特色餐厅组合而成。相信大家对「J POT」都唔陌生,因为系由周董都现身支持嘅火锅店呀!接近3,000 尺超大火锅店以音乐为主题,除咗大播周董嘅歌,仲有爵士鼓造型锅具、琴键造型座位好特别。

呢度所有汤底都系自家熬制,真材实料。想喺夏天食得清爽啲可拣日式昆布汤;想进补亦推荐滋补花胶鸡汤。必点五款时令海鲜拼盘,全部每日新鲜运到;牛控必食精选三款日山A5和牛拼盘,入口即融化出油香。

爵士鼓造型锅具一定要影低。
海鲜每日新鲜运到。

Gosango五感六觉 SENSU
TOWER 535铜锣湾谢斐道535号地下G05a铺及1楼

呢度有一般刺身、寿司外,仲有特别嘅手球寿司。呢款寿司系源於富有艺妓文化嘅日本京都,因为艺妓要保持妆容整洁,所以当地店家特别将寿司挰成球形,形状可爱,亦好啱女生同小朋友食。

鱼材由日本直送香港,相当新鲜。
独特手球寿司好可爱。

Gosango五感六觉 和牛蕃
TOWER 535铜锣湾谢斐道535号地下G05a铺及1楼

今次介绍嘅就系「和牛蕃」,气氛时尚舒适,好啱闰蜜、情侣慢慢食慢慢倾。

「和牛蕃」一向出名食靓牛,所以晚市嘅日山A5和牛放题一直大受欢迎!当中名物烧肉每日都有限定和牛部位。烧肉以外,特别推荐真正用和牛制作嘅和牛汉堡。

日山A5和牛放题每日都会精选唔同靓位。
和牛汉堡好高质。

BHC 韩式炸鸡
TOWER 535铜锣湾谢斐道535号地库B03铺

「BHC」主打健康葵花籽油炸鸡,大部分食材都由韩国空运到港,炸鸡即叫即炸。主打BBU Linkle 芝士炸鸡洒上大量芝士粉,芝士控一定锺意;另外Macho-King 酱油炸鸡,外层同样炸得极香脆。

同场仲有芝士薯条、韩国猪肋骨炖汤、健康沙律Cobb Salad ,沙律除咗有新鲜沙律菜,仲有近年大热嘅Superfood 牛油果。

份量足料,亦有划算套餐选择。
芝士炸鸡味道好香浓。

敏华冰厅 黯然销魂饭
TOWER 535铜锣湾谢斐道535号地下G02 铺

「敏华冰厅」除咗有地道奶茶、蛋挞,仲有佢哋最特色嘅黯然销魂饭。戳开最上层嘅煎蛋,令蛋黄流到叉烧同白饭之间,加埋特选豉油相当开胃佐饭。

讲到地道,不得不提每间冰室必有嘅常餐,最突出嘅系炒蛋滑身有蛋汁,沙嗲牛肉面亦重沙嗲香,牛肉煮得腍身。

「敏华冰厅」保持到港式味道。
黯然销魂饭几时食都好开胃。

小曼谷泰国美食站 泰国味道
TOWER 535铜锣湾谢斐道535号地库B02铺

「小曼谷泰国美食站」门口嘅一大架火车头一直都系大家嘅打卡热点。呢度主打正宗泰菜,必试泰式鲜虾炒金边粉,一贯泰式煮法味道清新微酸,加咗芽菜、青柠汁同花生,配埋Q弹金边粉口感烟韧又爽口。

呢度仲有辣度恰好嘅泰皇咖喱炒青口,配埋可以轻松食到椰肉嘅椰青波波解辣啱啱好。

菜式份量足,饭後亦可点叫泰式甜品。
芒果沙冰、椰青波波都好解渴。

CUBUS大满足日本丼饭 热辣辣铁板鹅肝
识喺铜锣湾搵好嘢食嘅话,一定去过CUBUS。呢度嘅餐厅都行高质路线,而且环境坐得宽敞舒服,有多间日本料理、铁板烧、私房菜等拣。


玄鮨 米芝莲推介
CUBUS铜锣湾开平道1号7楼

曾连续数年获得《米芝莲指南香港澳门》推介嘅「玄鮨」主打厨师发办,鱼材固然新鲜,并贯彻日本职人精神,每碟菜式都非常精致,视觉味觉都系一种享受。

特上鱼生饭可以一次过食到多款时令鱼生。如果锺意拖罗、海胆嘅话就可以拣三色丼,拖罗蓉极多。另有刺身拼盘用上多种颜色小花点缀,每件刺身都好厚切。

每碟菜式都好精致。
特上鱼生饭集合多款时令鱼材。

鮨金和食料理 一次食多款和牛 
CUBUS铜锣湾开平道1号12楼

呢度以木色、金色为主调,环境高级舒服。有多款厨师发办套餐选择,今次试嘅系茶梅套餐,6款上盛和牛—A5鹿儿岛西冷、A4肉眼盖等并排上枱,更加突颢每片和牛嘅雪花肉质。单点就有什锦鱼生饭,饭上铺满多款鱼生。

午餐亦有寿司及迷你牛肉稻庭乌冬, 食完6件寿司後可以食碗乌冬暖胃,好舒畅。

牛控一定锺意嘅茶梅套餐,可食到多款和牛。
午餐嘅寿司都好高质,鱼生厚切新鲜。

锅処雪舟 和牛寿喜烧 
CUBUS铜锣湾开平道1号6楼

CUBUS 中有2间「雪舟」分别喺6楼同8楼,一间食日式锅物;一间食铁板烧。想食日式锅物可以去6楼「锅処雪舟」,店内挂上一个个木灯罩透出悠和灯光,座位旁有落地玻璃,靓景靓环境好适合同朋友慢慢边倾边食。

2人前精选锅晚膳有前菜、野菜拼盘,并有A3 日本产黑毛和牛、A5 日本产黑毛和牛同日本豚肉拣。食前要先将洋葱、大葱等炒香,再烧香牛肉、铺上蔬菜倒入汤,食落特别香口健康。

A5 日本产黑毛和牛烧出和牛油香。
最後会铺上满满蔬菜倒入汤。

铁板烧雪舟 矜贵日本食材 
CUBUS铜锣湾开平道1号8楼

CUBUS 8楼嘅「铁板烧雪舟」可以食到多款矜贵日本食材,如日本飞騨牛、毛蟹、北海道活鳕场蟹同活日本鲍等。铁板烧可以享受整个用餐过程,望住师傅即场烧煮各种食材特别好味!

除咗必食铁板牛柳、铁板鹅肝外,呢度嘅海鲜都值得一试。特别系加咗牛油烧香嘅带子,师傅烧好带子後仲会放入菇类、银杏再煮。

铁板鹅肝上碟好精致。
带子超新鲜。

滝寿司 特色日本料理
CUBUS铜锣湾开平道1号15楼

驻场师傅有丰富日本料理经验,主理厨师发办就有好大发挥空间,根据唔同食客喜好设计各款料理。所用食材都系日本空运到港,唔同季节会更新菜色,引入各种时令鱼材入馔。

除咗寿司、刺身外,呢度亦有自家构思嘅多款料理,相当有心思。

推荐坐吧枱可以近距离睇煮制过程,系一种视觉享受。
师傅会自家构思各款料理,唔系度度都食到。

Chez Moi 浪漫法国餐
CUBUS铜锣湾开平道1号11楼

喺CUBUS 除咗有多间日本料理拣,仲有间精致法国菜。全店用柔和木色同白色为主调,好啱约会或庆祝特别日子。

鸭髀系法国经典菜式之一,呢度嘅法国鸭髀焗得香脆,皮连肉一口咬开即渗出鸭油香㗎!仲有法菜必食香煎鹅肝同样做到外脆内嫩,并配上解腻嘅清甜苹果蓉。呢度仲有牛扒、芝士拼盘、甜品等。

落地玻璃,环境雅致。
法国鸭髀焗得香脆。

月下酌 矜贵中菜
CUBUS铜锣湾开平道1号28楼

「月下酌」喺CUBUS 28楼同天台,室内有大落地玻璃,以云石、玫瑰金等点缀餐枱餐具,系走新派高雅嘅中菜馆。资深大厨团队以矜贵食材煮制各款中菜,有樱花虾瑶柱蛋白炒饭黑醋黑豚里脊佛跳墙等。

中式甜品轻甜滋补,女仔一定要食,如椰皇燕窝炖蛋白桂花炖雪梨等。店内有玻璃楼梯上露天酒吧,饭後Chill 吓都得。

佛跳墙用料超矜贵。
桂花炖雪梨好滋润,女仔一定要食。

TOWER 535
即去搵食:https://bit.ly/31hWAjx
地址:铜锣湾谢斐道535号

CUBUS
即去搵食:https://bit.ly/2NxSmw4
地址:铜锣湾开平道1号

*消费券及礼品款式均以随机方式派发,名额有限,先到先得。

* 资料由客户提供