打边炉最紧要系咩？系朋友啊！唔是我讲㗎，系旺角一间火锅放题店内嘅打卡位。肉浦团火锅放题主力供应多款唔同肉类，无论系日本A4宫崎牛、澳洲M5和牛，定系1++韩牛都有，另外仲有各式各样嘅新鲜海鲜、丸类甚至甜品等，咁多嘢食，梗系同埋一班Friend一齐食先畅快啦。
汤底
汤底绝对系一个火锅嘅灵魂，汤底嘅浓淡味道同配搭，可以令到一整餐都昇华。
清酒味噌卜卜蚬汤，味道鲜甜，酒香十足
清酒味噌卜卜蚬汤系其中一个坊间较少见，又比较有特色嘅汤底。加入日本清酒同卜卜蚬制作，真材实料。另外加汤时，更会额外畀一细壶清酒客人自行添加，咁就唔怕冲淡晒啲味啦。汤底清甜清爽，渌牛肉好啱，可以嗒真到牛肉嘅原味，仲外加多重甜味。顺带一提，喺加热嘅过程，清酒酒精已经挥发走咗，只留清酒嘅香气，所以可以放心大啖大啖食，唔使怕醉。
海鲜及肉类
打边炉唔少得海鲜
一班朋友一齐打边炉，当然要食得尽庆，肥牛同海鲜系必然主角。大大只北吉广岛蠔够晒新鲜，又软滑又有鲜味。越南虎虾同样大只，虾肉鲜甜弹牙，系encore嘅常客。另外推介原只鱿鱼仔，几有嚼劲㗎。
特别推介澳洲M5和牛
牛魔王最关注当然系牛肉嘅款式同质素啦，餐厅喺每款牛肉上枱时，都会放置小木牌，标示清楚牛肉嘅部位，方便大家认住自己嘅心水再encore。咁多款牛肉中，特别推介澳洲M5和牛，肉味浓郁又多肉汁，脂肪比例平均。
A4宫崎和牛肩胛肉眼亦系高人气之选，肉质柔软嫩滑，近乎入口即溶。
安格斯牛小排
牛颈脊
如果钟意肉味浓郁啲嘅，安格斯牛小排应该系你哋嘅首选，可以话系咁多款牛肉中味道最浓嘅。肉身带有筋膜，口感亦会较为丰富。而喜欢有咬口多啲嘅话，就可拣牛颈脊。牛颈脊系运动较多嘅部位，油花适中，肉质鲜甜。
牛板腱口感弹牙；1++韩牛后腿肉肉质细嫩。
打边炉嚟讲，必须要有酒先够痛快。呢度有Kirin同Samuel Adams Sam' 76嘅生啤供应，另外仲特地邀请咗调酒师设计咗3款鸡尾酒，包括：「吾系酸梅汤」酸梅啤酒、混合荔枝、啤酒同红酒，类近西班牙Sangria口味嘅「荔枝啤啤红」同埋加入菊花 Vodka「菊桂气」。
即日起至2022年8月31日，凡于星期一至四，经OpenRice订座晚市时段，消费指定套餐「团」即可享有4人同行1人半价优惠(半价优惠以一位正价之同等或较低价值计算)。
肉浦团火锅放题
地址: 旺角通菜街1A-1L号威达商业大厦2楼A号舖
电话: 93513394
*每间指定餐厅支援的付款方式有所不同，详情请向有关餐厅查询。餐厅保留最终决定权。
