【海鲜＋靓扒】康得思酒店超丰富海陆自助餐　任食生蚝小龙虾

就嚟中秋，当然要同家人至爱食餐好，香港康得思酒店嘅The Place 新推出「味游海陆世界」全新餐单，名副其实由高级海鲜食到扒类美馔。而且午餐或晚餐时段都超丰富，一定有自己锺意食嘅嘢！

酒店自助餐餐厅The Place 环境非常宽敝。

「味游海陆世界」自助餐推全新餐单。

想午後偷闲，可以拣每日中午12点至2点半嘅午餐时段，有多款优质冰上鲜包括新鲜生蚝丶蓝青口丶冻虾同小龙虾，连Lunch Time 都可以满足海鲜瘾。同场亦特设即制寿司丶多款即切空运刺身同即叫即制自选沙律吧。

任食多款海鲜，最重要有大受欢迎嘅新鲜生蚝。

热食方面都系意想唔到咁多元化，食肉兽可以Enjoy 纽西兰肉眼扒丶威士忌烤猪肋骨丶炸鱼薯条丶黑啤炖牛肉伴芝士薯蓉；亚洲风味就有广东生滚粥丶泰式青胡椒烤鱼同泰式冬荫功汤面等。

值得一提嘅系，呢度特别请嚟印籍厨师即制印度烤饼，新鲜出炉份外外脆内软，并可配多款咖哩或乳酪蘸酱，睇得出餐厅好讲求食物质素同细节。

驻场印籍厨师即制印度烤饼。

印度烤饼可配多款咖哩或乳酪蘸酱。

自助晚餐时段有齐以上菜式，并加码有更多高级海鲜同扒类，包括冰镇翡翠螺丶新鲜水蟹粥丶即切片皮鸭丶烧羊架丶美国顶级肉眼扒丶风乾巴马火腿，女士一定要饮埋足料炖汤滋补一下。

即切片皮鸭。

烧羊架及美国顶级肉眼扒。

仲有好玩嘅地方系可以随个人喜好，亲自制作色彩丰富嘅特色海鲜刺身饭。每位惠顾自助晚餐嘅客人仲可享芝士焗龙虾一客。

每位自助晚餐客人免费获芝士焗龙虾一客。

自助餐一大亮点嘅甜点区域，就由甜点厨师Roy Ma 主理，今期仲有多款抹茶款式，除咗唔可以错过嘅即叫即制京都抹茶雪糕泡芙外，仲有抺茶蕨饼丶抺茶挞丶抺茶拿破仑丶抺茶卷蛋，全用上得奖京都宇治抺茶粉制成，茶味香浓。其他精选甜品仲有日本白桃伯爵茶蛋糕丶韩国人气麻糬曲奇丶台式古早甜品芋圆仙草等。