【汀九都有好嘢食】韩式自助餐 奢华韩烧
讲真有时食饭唔系为咗饱,而系食个Feel!有个地方可以静静地望下海丶食好嘢几咁正。成日以为要有海景就要去尖沙咀丶中环呢啲市区逼,其实香港仲有好多靓海景,汀九就肯定系其中之一,而且仲系睇着海景食自助餐! 

餐厅仲有天窗,望天望海劲舒服。

任食即开生蚝 仲有多款韩国菜式
嚟呢度之前,真系无谂过汀九有间餐厅对正大海,仲可以望着海平线食自助餐。呢度除咗有必食生蚝丶海鲜丶热盘外,仲会定时有新主题,今次就嚟到韩式主题喇!人参鸡汤可以任饮任食,仲有大厨帮你烧埋韩烧,全部食材都系靓嘢嚟㗎。

开胃菜都矜贵过人
开餐之前,大厨已经为每位食客准备咗「韩式矶烧活鲍鱼」。留意返,真系活鲍鱼而唔系冰鲜鲍呀,弹牙口感完全两回事!大厨就用韩式矶烧方法处理,再配埋牛油用油香提鲜。

奢华版韩烧 大厨现场即烧!
今次韩式主题真系几有诚意,唔系随便摆啲烤肉出嚟就话韩式,而系真系有个大厨帮你即场烧!讲到韩烧梗系有牛肋骨同猪腩肉啦,大厨一早用韩式烧汁腌好,放上烤炉已经闻到肉香。
韩烧食材好足料。

美国安格斯牛肋骨。

猪腩肉都好肥美。

除咗疯狂食烤肉,韩烧呢Part仲有好多海鲜拣-生蚝丶泰国大虾丶日本皇帝蟹肩同鱿筒,虽则靓海鲜轻轻洒少少盐嚟烤已经好好食,但大厨为咗令烧生蚝更有新鲜感,仲专登烧至7成熟时加少少泡菜,入口有海水味又带啲泡菜酸辣。


补身人参鸡汤 都有得任饮
一向都知道人参鸡汤大补元气,仲可以生津丶安神,总之就系滋补啦!但出面饮碗真材实料嘅人参鸡汤真系唔平,估唔到呢度可以任饮任食,而且仲唔系敷衍之作。呢度用上唔少人参丶鲜鸡熬汤之外,每只鸡都会酿入糯米令热汤煮得更乳白,食埋汤料就最正。

任拣配料 个人化石头饭
石头饭都可以个人化?呢度预备咗多款健康配料俾你拣-韩式泡菜丶萝卜丶温泉蛋等,想试咩味道丶口感嘅石头饭都系自己话事。仲要即拣即制,热辣辣石头饭先系正宗风味呀!

数唔晒咁多韩国传统菜式
除咗一系列主打韩国菜,传统韩国菜都差唔多有齐-辣炒年糕丶韩式肉卷丶泡菜海鲜汤面等等,酸酸辣辣又香口。夏天真系成日都想过吓泡菜瘾,终於有个地方可以放肆狂食喇。
泡菜煎饼

韩式烧鸡

留肚食11款Movenpick 雪糕!
编辑强烈建议要留肚食雪糕,呢度除咗选用Movenpick 雪糕外,仲有成11种口味任拣,望着海景试匀咁多口味都咪话唔过瘾。不过要试晒就真系好难㗎喇,甜品师就推荐有咖啡同酒香嘅Tiramisu味;同埋又香又滑嘅云呢拿味,你会见到软滑白色雪糕中有啲细黑点,唔驶惊呀,原来系云呢拿籽嚟㗎,同平时用云呢拿香油做嘅雪糕完全唔同。
专人帮你舀Movenpick 雪糕。

口味多到唔识拣。

生日食劲啲!免费送原只葡式烧乳猪
即日起,生日嚟Bay’s Kitchen & Bar食自助晚餐真系超正,只要10位以上即送价值$1080原只葡式烤乳猪或汽酒一支呀!编辑私心认为梗系食成只乳猪最正啦!

乳猪系以葡式方法腌味,并以低温烤1小时以上至金黄色,焗到外脆内软仲锁着肉汁,成班朋友一齐食劲有气氛!

*如享用生日优惠原只葡式烤乳猪,需预早3天订位,并於订座时说明。
*10位以上及於生日正日前後7日,方可享用本优惠。
*本优惠只限於自助晚餐时段享用。

韩式主题自助餐
日期:2019年6月4-15丶17日至8月31日
时间:下午6时30分至晚上9时30分
价钱:
星期一至四: 成人 $438 / 小童 $219
星期五至日: 成人 $488 / 小童 $244

仲有抵食优惠!

最高达7折!OpenRice 优惠券

详情:入座时出示优惠券,可享指定折扣优惠。

买一送一!

周日韩式主题Brunch自助餐

日期:2019年6月9丶23日至8月25日期间,逢星期日

时间:上午11时至下午3时

价钱:成人 $488 / 小童 $244


Bay's Kitchen & Bar
立即在OpenRice网上订座
地址: 荃湾汀九青山公路汀九段123号汀兰居地铺
电话: 29451138
* 资料由客户提供