【有片】睇海景食部队锅+韩烧 最新韩西Fusion菜
喺香港搵韩国菜好易,但食韩国菜再食埋靓景就唔系度度搵到喇。呢间「金饍」就喺出名靓景嘅北京道1号,店内一整排落地玻璃望住维港同尖沙咀文化中心,想食韩国菜庆祝重要日子都绝对能登大雅之堂。依家逢星期一至四,提前一日订座仲享晚市主菜单75折𠻹!


午市丶晚市都食到 -- 全无防腐剂「九宫格」
大家都知传统韩国菜都会放满一小碟丶一小拌菜,「金饍」嘅九宫格韩式拌菜就吸引到一班熟客!店家每日都会预备10几款拌菜轮流放入九宫格,拌菜类别都会根据季节或当日新鲜食材变化,全部自家制绝无防腐剂,每次嚟都最期待九宫格有咩惊喜!
叫韩烧/部队锅/主餐牌,以及晚市惠顾均会附上九宫格,全部拌菜自家制好健康。泡菜辣中带甜,系自家用10几种配料腌制,好多熟客仲会买埋返屋企食𠻹!

部队锅 (1及2人份於上午11:30至下午5时;2人套餐版於下午6时後供应)
大家都知部队锅系喺韩战时发明,当时将美国部队带嚟嘅午餐肉丶肠仔丶茄汁豆等食材,加埋泡菜丶韩式辣酱丶即食面等煮成超丰富嘅一餐 !「金饍」嘅部队锅有齐以上材料,仲有豆腐丶芝士丶鸡蛋等,最正系有埋韩国鱼糕串~望住泡菜汤底滚吓滚吓超开胃,最啱同三五知己慢慢食。
部队锅材料超丰富,另外会跟埋九宫格拌菜。
仲有一串串鱼糕。
将韩国即食面连芝士丶鸡蛋落锅,令汤底越滚越浓,拉丝芝士同蛋浆包住面条好好食!

全新韩式+西式Fusion韩食 (全日供应)
「金饍」一直以传统韩国菜出名,驻店大厨会继续煮地道菜式畀大家食外,最近更同另一位有西厨背景嘅大厨合作,推出全新韩西Fusion 料理,最估唔到系韩式炒年糕都可以煮到意粉咁!

烧五花腩辣酱炒长通粉及年糕
传统小食炒年糕唔再只系年糕咁单调,而系加入挂汁力十足嘅长通粉,有双重口感之馀,长通粉仲会沾满牛油烧香嘅韩烧猪腩肉肉汁,配埋清爽洋葱丶翠肉瓜解腻一流。

铁板拉丝芝士鸡蛋泡菜炒饭
铁板热辣辣上枱时已闻到泡菜炒饭香~亲手将芝士同半熟蛋捞匀,绵滑芝士同蛋浆总系有种幸福感!


芝士焗豆肉酱年糕
好多人都锺意西式千层意粉,一啖食到肉酱加意粉多层次口感。呢道焗肉酱年糕就有同样嘅体验,味道香浓,推荐当作小食一齐Share。

韩风卡邦尼拉面
大厨将经典卡邦尼意粉变成韩国拉面,秘诀系将拉面煮至半熟,保留强烈烟韧口感。并用韩国辣椒粉取代西式辣椒,辣中带甜,视觉更红更抢眼!配菜则有烟肉丶温泉蛋丶紫菜丶蟹籽等混合韩西式口味。

鱿鱼蚬肉紫苏青酱忌廉长通粉
大厨特别以韩国及泰国两种紫苏叶作为青酱嘅基调,加埋番茄沙沙酱丶调配出清新微酸味道,独特嘅紫苏叶香则突显鱿鱼蚬肉鲜味,清爽感觉好啱夏天食。

海景韩烧!天然水果发酵 肉质松软
除咗最新韩西Fusion 菜式外,呢度平时嘅韩烧同石头锅饭都值得一试㗎,试问有几多地方可以望住大海景叹韩烧吖!推荐特选牛肋骨同葱花牛舌。牛肋骨系利用苹果丶雪梨天然水果发酵,令肉质更松软,有别於坊间用梳打粉「乸」到无晒肉味。

特选牛肋骨
牛肋骨肉有浓郁牛味外,仲有淡淡水果甜香,真系好正!


蜂窝纹厚切五花腩
五花腩嘅油香一直吸引好多Fans,呢度嘅五花腩一定满足到一众Fans期待!极级厚切相当足料有咬口,独特嘅格纹切法可以烧出更多焦脆位,记住用生菜包住五花腩丶泡菜丶辣酱食无得输。



葱花牛舌
牛舌上枱时,曾疑惑点解咁多葱花?员工帮我哋一边烧一边解释,原来牛舌只烧一面就够熟,同时可保持肉嫩感,肉边又带轻微焦脆,用嚟包住葱花一啖入口好惹味。 


石头锅饭
锺情韩国传统菜式嘅话,一定要试埋热辣辣石头锅饭!

金饍韩国料理
地址: 尖沙咀北京道1号8楼
电话: 26280822
* 资料由客户提供