如果你锺意穿梭横街小巷探索小店搵食，一定知道天后有好多小店，有时遇到隐世小店嗰种惊喜真系会特别深刻，呢间「黑木亭居酒屋」就系进驻天后嘅小店之一喇。踏入店内，大大幅和风画作即映入眼帘，呢种日本地道居酒屋气氛好啱慢食饮酒，好符合店家主打串烧丶烤物路线。
店主坦言选址天后，全因发觉附近街坊丶食客都锺意食串烧，可惜串烧店常欠主食，多数只能作宵夜而非晚餐。於是把心一横开间食得饱丶饮得爽嘅食店啦～所以呢度除咗串烧外，仲主打每日入货新鲜海鲜丶日本和牛，食串烧都可以当晚餐食得饱，仲有清酒丶红白酒丶生啤等多於20款酒类拣。
其他推介:
而家经OpenRice 订座或优惠券仲有高至85折优惠𠻹，而优惠仲有半价享烧龙虾 X 海胆(原价$868)及指定清酒丶红白酒买一送一，正呀！
优惠请按这里: https://bit.ly/3pB9F1a
烧物之中，烧海鲜难度最高，呢度嘅师傅就有多年串烧经验，拿捏火喉啱啱好，唔会烧乾海鲜表面之馀，亦Keep 到内嫩多汁先系高质。除咗讲求烧烤技巧，海鲜鲜度都好重要，所以店家除咗由日本入货，亦会每日亲到街市买游水海鲜。食客可以预先Order各类鲜鱼丶扇贝丶鲍鱼等，特别系预订龙虾好受欢迎！
主打烧海鲜: 必食「海鱼一夜干」+「云丹系列」
今次第一道上枱嘅就系主打烤鱼—「海鱼一夜干」，系日本居酒屋一道高档菜式。日本人会将原条开边花鱼浸海盐後风乾，令鱼肉扎实不油腻。所用嘅花鱼无幼骨，料理方法亦令鱼肉带独特咸香，好啱大大啖爽快地食嚟佐酒。
黑木亭每个月都会推出限量系列，11月就有丰腴鲜甜嘅「云丹系列」，厚身肥美嘅韩国海胆Crossover 各种海鲜一齐烧香，透过海胆鲜甜味为其他海鲜引味。特别推荐「海胆 x 鲍鱼」呢个组合，海胆独特嘅奶油软滑口感＋鲍鱼嘅烟韧，真系可以用「难忘」二字形容。
「云丹系列」嘅「海胆 x 扇贝」又系极度甘甜细腻，海胆随扇贝慢慢融化口中，再饮啖清酒真系一大享受。
呢度嘅串烧选择都好多，鸡丶和牛丶黑豚丶海鲜等都有，难得嚟到都Order 晒咁多类别，当中最深刻嘅有「厚烧牛舌」，目测足有1cm 厚，师傅只用少少盐丶黑椒引味，有嚼劲得嚟亦够软，咬落渗出淡淡牛味。
(左起) 明太子鸡肉丶京葱鸡肉丶白鳝丶鸡翼丶黑毛和牛串丶厚烧牛舌丶原条黑豚露笋卷
「明太子鸡肉」将略带鲜咸嘅明太子加埋沙律酱，味道香浓，女仔一定锺意。
A4和牛:「日本产和牛他他」+「板烧日本产和牛」
除咗一系列烧物，正如店家所讲要有埋主食畀大家食得饱饱～所以今次一口气点咗两款同样用A4和牛入馔嘅「日本产和牛他他」同「板烧日本产和牛」试试佢。虽然店家已细心提醒和牛他他系一成熟，但因为和牛非常薄切，所以唔会觉得好生入唔到口。配埋酸汁丶洋葱微辣带酸，反而更突出和牛软绵绵口感。
呢度嘅「板烧日本产和牛」烧至5成熟啱啱好，唔会因为过熟令和牛流失油脂香。个人比较锺意呢款和牛有油香又有牛肉咬口，唔会失去愈咬愈有肉香嘅乐趣。
甜品日本直送 X惊喜可爱熊熊冰饮品
甜品就有「四莓生芝士蛋糕配冲绳海盐雪糕」，由日本直接送到，芝士蛋糕质感偏向绵滑，唔系密度好高嗰种，配埋四莓微酸好解腻。如果咁啱朋友生日庆生，亦可以预先联络店家免费写祝福字句。
食到最後，估唔到饮品都几有惊喜，特别系呢杯「蜜桃乌龙熊茶」。系呀，系熊茶亦系红茶，因为有粒超可爱熊熊冰喺杯中。熊熊冰同样用蜜桃乌龙熊茶雪成，影相靓之馀，溶冰亦唔会令鸟龙茶变淡。
锺意乳香味嘅话，可以一试用北海道奶调配而成嘅「北海道士多啤梨牛乳乳酸」，饮落仲会食到少少士多啤梨蓉，几有咬口。
黑木亭居酒屋
地址: 天后清风街10号清风大厦地铺
电话: 26606373