【康得思酒店星级外卖】米芝莲中菜丶西式轻食都有
疫情持续人心惶惶,大家都想食餐安乐茶饭,最悭力安全当然系外卖啦。而家外卖选择越嚟越多,连酒店质素都有!今次就搵嚟旺角Cordis, Hong Kong康得思酒店嘅外卖自取服务,酒店有齐米芝莲星级食府「明阁」丶欧陆风餐厅及酒吧「Alibi – Wine Dine Be Social」,同埋全日供应自选特色菜式嘅「The Place」。

酒店餐厅当然有保证,三间餐厅都系即叫即煮,确保食物质素安全卫生,无论喺屋企定Office 都可以食到酒店级菜式喇!

喺屋企食米芝莲 「明阁」菜式
以前无谂过喺屋企都食到米芝莲菜式,「明阁」有多款米芝莲星级点心丶至尊蜜汁叉烧等。同场仲有多款限定套餐,一人套餐只系HK$108 仲有天天老火汤附送,套餐选择包括至尊蜜汁叉烧饭丶富贵盐香鸡饭丶鹅肝叉烧葱花炒饭等。

另外亦设二人或四人套餐,HK$338 起可自选两款 或 四款小菜 (连丝苗白饭及天天老火汤),包括凤梨咕噜肉丶远年陈皮和牛面颊丶花椒罗勒未来牛肉汉堡等。



欧陆风餐厅及酒吧     「Alibi – Wine Dine Be Social」
除咗中菜外,酒店仲有高质嘅西餐厅。「Alibi – Wine Dine Be Social」外卖菜单有小食丶主菜同埋配菜拣,当中主菜新喀里多尼亚大虾海鲜饭就用西班牙辣肉肠丶番茄乾同烟薰藏红花等炒制,相当香口。小食同配菜则有黑松露火腿芝士多士丶迷你澳洲赫里福德有机草饲牛肉汉堡丶香炒花椰菜苗等。

新喀里多尼亚大虾海鲜饭

「绿色千层」沙律

全日供应自选特色菜式    「The Place」
有时想食得清新啲,酒店内另一间西餐厅「The Place」外卖菜单就有多款轻食丶三文治同意大利粉拣,例如凯撒沙律丶凯撒鸡肉卷饼丶海鲜扁意粉等,好啱OL 午餐轻食。
凯撒沙律

海南鸡饭

印尼炒饭

明阁 
地址: 旺角上海街555号香港康得思酒店6楼
电话: 35523028

Alibi – Wine Dine Be Social
地址: 旺角上海街555号香港康得思酒店5楼
电话: 35523028

The Place
地址: 旺角上海街555号香港康得思酒店L楼层
电话: 35523028
* 资料由客户提供