【平民价食Omakase质素】买手长驻日本 即日送达海鲜
近年Omakase 店越开越多,无他,香港人太熟日本又太识食日本嘢,要求自然越嚟越高。但唔系日日都咁多Budget 食咁贵,呢间「鱼鲜生」就可以用平民价钱食到Omakase 高级质素。

日本料理最讲求食材,所以店主每日都经驻日本买手喺鱼市场拣鱼,再即日运嚟香港,放喺你面前嘅寿司刺身,真系啱啱喺日本飞嚟咋!嗰种喺日本先食到嘅鱼鲜味,真系呃唔到人。
店内贴满日本海报,俨如一间日本居酒屋。

其实「鱼鲜生」开业已经十几年,一直由店主兼师傅主理。最近店主为十几年品牌加入新鲜感同活力,引入更多日本海鲜并重新打造Menu 菜式,料理更高质更啱打卡。
全新布Menu 好有质感,小细节已见店主心思。

全港独家 「白咖哩手拉乌冬 (吉烈鳗鱼)」
第一次喺日本食到吉列鳗鱼,外脆内嫩又渗出少少鱼油嘅味道……讲真系惊为天人嘅。但一直喺香港食唔返,因为炸鳗鱼难度高,要控制好油温丶时间仲要用靓鳗鱼先唔会又乾又硬,今次喺呢间香港小店见到真系好惊喜。
炸鳗鱼外脆内嫩,炸粉厚度适中,啱啱好包住鳗鱼。

呢度嘅炸鳗鱼口感贴近日本,外层金黄脆口,内里系滑嫩鳗鱼,仲要只系HK$88 绝对值得一战。而且乌冬系真.日本手打乌冬,口感软Q烟韧,配埋Creamy 咖哩包住脆口鳗鱼,轻甜香口。手拉乌冬系列仲有「华味鸟」丶「黑豚肉眼」拣。
「白咖哩手拉乌冬 (吉烈鳗鱼)」只系HK$88。
真.日本手拉乌冬软Q烟韧。

好怀念嘅日本味 寿司定食
既然店家有买手长驻日本每朝拣靓鱼,当然要试试呢度嘅寿司丶刺身。呢道「寿司定食」有10件,全部日本空运到港,因为只想用当日新鲜货,所以每日限量50份,而且系厨师发办,师傅只用当日最新鲜当造鱼材,所以每次食都有惊喜,想食真系要早啲嚟。
「寿司定食」全部日本直送鱼材,沿用Omakase 做法同质素只系HK$388,相当抵食。

今次有拖罗丶北海道海胆丶喜之次等矜贵鱼材。拖罗鱼油脂丰富,入口即溶,而口中仍然留有浓郁鱼油香。
有拖罗丶喜之次等矜贵鱼材。
不惜成本用北海道海胆,有别於坊间常见加拿大海胆。

另外值得一提系牡丹虾,入口虾味清甜甘香,肉质细绵扎实,并有新鲜虾特有嘅胶质口感,系好怀念嘅日本味道!另一款个人最锺意系赤贝寿司,你无睇错~系平时唔多显眼嘅赤贝,但亦系最勾起到日本回忆嘅味道。赤贝好弹牙鲜甜,并有浓浓蛤类独有海水味,食到最後仲有轻微黏口感同海潮香後劲,完全系日本即开即食嘅味道层次。
新鲜牡丹虾丶赤贝好有惊喜。

刺身价钱贴地 轻尝可选 HK$188
刺身分别有轻尝版「2人前刺身拼盘」HK$188 同超丰盛版「4人前刺身拼盘」HK$1,488 选择。2人前份量唔多,但种类绝对满足到刺身迷—赤虾2只丶深海池鱼2片丶三文鱼腩2片丶日本马粪海胆1碗,好啱轻食浅尝,留肚试埋其他嘢。
「2人前刺身拼盘」HK$188
深海池鱼丶三文鱼腩都好厚切肥美。

日本味觉深度游 超丰盛刺身 HK$1,488
同场仲有「4人前刺身拼盘」HK$1,488,三五知己Share 食都大满足,单单1板日本马粪海胆(250g) 已经好有气势!极少见刺身拼盘咁有份量,再加埋赤虾4只丶三文鱼4片丶鰤鱼4片丶鲔赤身4片丶珍宝带子4片,用嚟为朋友庆祝生日绝对撑得起场面。

顺带一提5月仲有生日优惠,只要提早一日订位,4人同行即送西班牙LOLEA 有汽红/白酒1支 (价值HK$288) 𠻹。
超丰盛「4人前刺身拼盘」HK$1,488。
难得一见成板日本马粪海胆上枱,好啱嗌埋清酒边饮边食。

疗愈感十足 绵滑蛋浆「拖罗丼」
日本人平时最锺意嘅嘢食一定有T.K.G,即系生蛋酱油拌饭,绵绵蛋浆包住饭粒……真系一蛋入魂!呢个「拖罗丼」对於我嚟讲就系T.K.G 进化版,同样放上浑圆日本生蛋黄,加埋多片轻炙拖罗,每啖珍珠米都充满蛋香同鱼油香。
「拖罗丼」HK$168。

「日本拍卖十名内 马粪海胆丼」
顾名思义选用日本拍卖十名内嘅马粪海胆,有别於常见嘅加拿大海胆。店主坦言虽然成本高好多,但味道口感都更胜一筹。
「海胆丼」HK$248。

【外卖客制化】别致日本风 木盒寿司
简约木盒仿如日本人高级便当,聚会打卡一流!井字分隔确保寿司完整送到府上。而且仲可以自选所有寿司款式,详情可联络店家或到其Instagram 了解更多。
外卖木盒寿司整齐别致,更可自订寿司款式。

鱼鲜生刺身专门店
地址: 铜锣湾登龙街31-35号地下
电话: 25741238
* 资料由客户提供