【小鱼儿登陆将军澳】必食烤鱼+鲍鱼鸡煲！

平时哄小朋友食鱼真系难过登天，仲要自己落手慢慢起骨先得...点搅? 梗系食烤鱼啦! 好消息，小鱼儿已登陆将军澳, 而家去尖沙咀店食得，去将军澳店又得! 呢度嘅烤鱼用原条游水鱼入馔，大厨事先起走整条龙骨，食嘅时候就更方便。烤鱼有海鲈鱼丶江团鱼同凌波鱼拣，当中凌波鱼最高人气，因为全无泥腥味，肉质嫩滑肥美，鱼油重够晒香。

【唔辣之选】黄金特浓蒜香豆花

唔辣嘅烤鱼就推荐「黄金特浓蒜香豆花」，汤底唔只得蒜头，仲有用12只鸡熬制10小时浓鸡汤，就算唔辣都好香浓，用嚟配牛肉更突出肉味呀。呢个烤鱼口味就拣咗配江团鱼，含丰富胶原蛋白之馀，肉质都好肥美，好啱女生食㗎！

【激罕鱼春烤鱼】巫山麻辣鱼春鱼卜豆花

想食辣嘅就一定要上「巫山麻辣鱼春鱼卜豆花」，因为有坊间少见嘅黄花鱼春。少见原因系本来鱼春就少有，每条鱼得一件，仲要唔系每条鱼都有，所以特地叫街市鱼档预留先有㗎！原件鱼春腍身吸汤，咬开爆汤又有少许卜卜口感，夹辣汤食相当过瘾，锺意嘅话亦可额外追加「黄花鱼春」㗎。

【足足6只鲍鱼】极品鲍鱼鸡煲

除咗烤鱼外，仲有多款鸡煲。锺意辣嘅可拣「重庆鸡煲」有4种辣度丶3种麻度拣；唔辣嘅就有超丰富「极品鲍鱼鸡煲」，有$258半只鸡+4只鲍鱼或 $468原只鸡+6只鲍鱼选择。个人觉得原只鸡最抵食，鸡肉多仲有咁多只鲍鱼，两个人加个小朋友可能斋食呢个煲都饱。所有鸡煲都选用穗香鸡，以特别饲料饲养，鸡肉细腻爽滑，鸡骨仲有独特清香人参味，色香味俱全，用嚟煮鸡煲一流。

多款BBQ烧烤　好啱开心Share

将军澳咁多一家大细落街食饭，所以分店特别引入更多BBQ烧烤，「蒜蓉牛油烤鲍鱼」丶「盐烧鹌鹑蛋」等都系将军澳店限定，嚟紧仲会依据街坊口味引入更多烧物。