【天后高质小店】第2份和牛65折 清酒买1送1
晚市堂食重临天,即刻搵班老死吹下水,食吓串烧丶饮啖酒。天后呢间小店「黑木亭居酒屋」,主打串烧之馀,仲引入多款和牛丶海鲜主食,加埋多款串烧丶和食同清酒,感觉真系好似去咗日本居酒咁。其实黑木亭开业无耐,甫开业时嘅海鲜主题已留下深刻印象。相隔一个月後再嚟一试,食物质素依然Keep 到高上外,亦好欣赏老板娘花心思又有新主题—日本岩手县A4和牛,优惠期间仲有「第2份和牛68折」𠻹。

岩手县A4和牛主题 第2份和牛68折
超厚切和牛三文治
今次共有4道和牛菜式拣,只要Order 其中2款就可以享受优惠喇!当中最有惊喜嘅,不得不提呢道和牛三文治,和牛厚度绝对称得上夸张!我哋仲笑问老板娘块和牛迟啲会唔会薄咗㗎?老板娘笑言「一样系咁厚!有啲熟客见到和牛咁厚,仲讲笑话戥我哋唔抵𠻹 (笑)」。小店另一引人入胜嘅地方,就系可以同老板好似朋友咁倾计,特别有亲切感同气氛。

三文治仲铺上海胆丶黑鱼籽酱,和牛油香夹杂海胆同鱼籽嘅鲜甜咸香,味道层次丰富。
和牛极厚切,一咬即渗出油香,多士同海胆解腻恰到好处。

幸福感!海胆鹌鹑蛋和牛饭
丼饭铺满和牛,炙烧牛肉依然粉嫩烧得啱啱好,咬落软嫩有肉味。最好味嘅食法,系先用筷子戳开半熟鹌鹑蛋,将蛋浆丶海胆丶和牛同饭捞匀,蛋浆同海胆嘅绵滑+软嫩和牛,配埋微QQ口感嘅日本产久保田米,几种口感混合真系好食到有幸福感㗎!
和牛轻轻炙烧,保留和牛油脂同肉香。

一试和牛最原始味道 和牛他他
和牛他他嘅和牛轻烧至一成熟,配埋极薄切刀功,最保留到和牛原始肉味同软绵绵口感。食前先沾上自家调制洋葱酸汁,微辣轻酸,好自然咁一片接一片食晒清碟。

和牛他他一食上瘾,好快就清碟。

有油香.有咬口 板烧和牛扒
想享受实实在在嘅和牛扒,推荐板烧日本产和牛扒。师傅将和牛轻烧至5成熟,外香内嫩,切件上枱食落更轻松,一夹入口,同朋友Share 都方便得多。和牛扒另一吸引之处在於够厚度,保留到油脂香之馀又有咀嚼乐趣,可以愈咬愈有肉香。
和牛扒切件上枱,方便同朋友Share。

清酒买一送一 日式酒壶够气氛
食和牛丶串烧点可以无清酒,店家特意引入各款清酒—轻带果香嘅「京姬匠纯米大吟酿」丶带洋梨芳香爽雅嘅「作惠乃智纯米吟酿」丶口感绵滑又带米酒甜味嘅「北秋田浊酒」等。

想菜式配啱清酒,落单时都可以问吓店员推荐㗎,上枱时仲有日式酒壶边饮边斟更有气氛,记住用埋清酒买一送一优惠,好抵饮!
日式酒壶可以边饮边斟,好有气氛。

海胆饭团
老板娘上个月推出嘅海鲜主题,就知道店家好擅於海鲜入馔,创造出多款特别海鲜菜式。所以除咗Order 和牛外,仲特别一试海胆饭团。依日本传统烧饭团做法,将饭团外层烤至脆口,内里饭粒依然保持湿润软弹,配埋甘甜饱满海胆又系一绝。
饭团烤至轻脆,配搭Creamy 海胆相映成趣。

午市串烧优惠 串烧8折!
作为串烧店,除咗有多款主食外,仲有好多串烧款拣,如明太子鸡肉丶白鳝丶黑毛和牛串丶厚烧牛舌等都好人气。趁午市嚟仲有「串烧每串8折」优惠,最平HK$23就有一串,相当抵食。
多款串烧选择。大人气明太子鸡肉串烧,将明太子加埋沙律酱好香浓,女仔一定锺意!

晚市优惠,星期日至四单点餐牌88折/ 生日订座 即影即有心意卡+甜品1款
一直都话女仔特别有心思,黑木亭嘅老板娘亦为生日食客准备多个打卡时刻!只要预先订座并说明庆祝生日,店员会帮你影免费即影即有一张,并贴心地放入可爱信封中,连埋心意卡畀你带返屋企留念,另食满HK$1,000仲有甜品送㗎!

即影即有会放入心意卡中,好有心思。

黑木亭居酒屋优惠一览!

- 第二份和牛68折

- 清酒买一送一

- 午市优惠,串烧8折

- 晚市优惠, 星期日至四单点餐牌88折

- 生日订座,即影即有一张配心意卡

消费满HK$1,000 送甜品1款


黑木亭居酒屋
地址: 天后清风街10号清风大厦地铺
电话: 26606373
* 资料由客户提供