过去一年，好多人都喺香港发掘新景点去个小旅行。个人就锺意小店林立嘅港岛区，特别天后一带有好多唔显眼嘅小店一直默默耕耘，呢间「黑木亭居酒屋」就系其中之一喇。老板娘坦言一直坚持系CP值高又有主食嘅串烧店，专注串烧丶日本和牛丶即日入货游水海鲜，仲好开心有班熟客欣赏佢哋嘅食物。而且每道菜都Igable，有别於一般串烧店。
连壳都唔放过！半价HK$239(二食)/ HK$599(三食)享龙虾三食(原价HK$1,198)
店家除咗有日本直送海鲜，仲会每日亲到街市买游水海鲜，并可代客预订各类鲜鱼丶鲍鱼丶扇贝等。而我个人就一定预约呢道「龙虾三食」，因为澳洲龙虾一向比波士顿龙虾厚肉贵价，份量2至3个人Share 都得，今次半价仲有三食CP值极高！
第一食: 大厨将龙虾头切开洒盐，再将虾膏烧香逼出鲜味，香浓甘香。
第二食: 依据日本做法将龙虾肉加入龙虾膏丶芦笋丶蟹子炒香，唔额外加入太多调味料，单靠龙虾膏吊起鲜味，食嘅系龙虾本身嘅鲜甜。
第三食: 大厨最後会将龙虾壳加入味噌煮汤。好奇一问要煲几耐？原来短短5至10分钟已煲出龙虾味，只因新鲜龙虾壳本身够晒浓香。
仙气十足！日本产A4和牛魔方
散发轻烟嘅玻璃箱好梦幻～而且牛魔方一口一粒，女生一定要Order!! 其实牛魔方系大厨将板烧牛肉烧至5成熟再切成魔方Size，和牛粒更弹牙有咬劲，边咬边渗出肉汁。和牛烧至5成，熟度刚好突出肉味又唔会韧。
题外话一提，唔知你会唔会同我一样锺意法国芥末子酱，唔会好似美式芥末咁呛，细致轻辛又有少少白酒酸好突出肉味，几惊喜呢间日式料理店都附呢种酱。仙气玻璃箱加上一口牛，都系女生锺意嘅元素！
岩手县A4和牛主题 超厚切吉列和牛三文治
呢度仲有好多人气和牛菜式，将日本岩手县A4和牛做得出神入化。个人次次都忍唔住食嘅系超厚切「日本产A4吉列和牛三文治」！
和牛厚度真系会吓亲你，我哋早於11月就食过呢道和牛三文治，半年过後依然咁厚呀！难怪老板娘都话有熟客戥佢哋唔抵啦(笑)。最欣赏系炸浆好薄脆，唔会掩盖和牛松软口感，油花依然慢慢融化口中，加埋海胆丶黑鱼子酱嘅鲜甜咸香，无论味道同口感都好丰富。
粉嫩粉嫩嘅吉列和牛，叫人点忍……
和牛最原始味道！日本产A4和牛他他
作为牛控，最开心系食到最原始肉味。呢度嘅和牛他他将牛肩肉轻烧至一成熟，再以极薄切刀功，保留和牛原始肉味同软绵绵口感。因为牛肩肉系牛只经常郁动位置，所以牛味都特别浓㗎！
开动前，老板娘细心提醒一定要将牛肉包住洋葱食，洋葱辛甜味会吊出最强肉味。加埋特调酸汁，肉味以外仲有啲微辣轻酸，食得几过瘾。
打卡玻璃盒 盒仔鲍鱼
放於玻璃盒中嘅鲍鱼极唯美，闺蜜约会一定要嗌一份影相Share。鲍鱼厚肉Q弹，简单用盐丶豉油调味提鲜就得，系日本人最锺意嘅简约料理。
一系列日本雪糕甜点 生日免费自订祝福语
店家引入多款日本雪糕口味，并配上各款甜品同装饰，为朋友庆生记住提前通知餐厅自订祝福语喔。
日本产双球雪糕: 双球雪糕有海盐丶柚子口味。日本雪糕比较清甜清爽，同熊仔冰一齐放喺浴缸超可爱！熊仔冰其实系红茶嚟㗎，配雪糕食好解暑。
日本产雪糕 配蒙布朗: 士多啤梨蒙布朗口感绵绵又有微酸果香，入口慢慢化开，另外仲有粟子口味拣。
打卡饮品 唯美颜色．可爱熊冰
呢度有多款打卡饮品—「北海道芒果牛乳乳酸」丶「洛神柠冰」丶「蜜桃乌龙熊茶」丶「士多啤梨多多熊冰」。当中「洛神柠冰」丶「士多啤梨多多熊冰」可HK$10加烧酌，更有居酒屋风味。
(左起)「北海道芒果牛乳乳酸」丶「洛神柠冰」丶「蜜桃乌龙熊茶」丶「士多啤梨多多熊冰」。
指定清酒买一送一
任何750ml 清酒都提供日式酒壶，边饮边斟好有气氛。
午餐快食解暑！夏天限定「稻庭乌冬餐」 HK$98 (原价HK$128)
夏天限定「烧春鸡稻庭乌冬餐」半只法国烧春鸡大份量，洒上百里香焗得香脆。
店家秘制黑松露忌廉汤丶蟹肉龙虾汤丶芝士浓咖哩汤口味，另有日式清汤拣。
除了烧春鸡外，并配有另外4款日式料理以供选择。
(左上起) 鳗鱼丶清酒煮蚬丶牛油炒杂菜；(右下起) 法国烧春鸡丶串烧三串。
优惠一览！ 1)「澳洲龙虾二/三食」半价低至$239 HK$239(原价HK$478) (二食) 芦笋蟹籽炒龙虾球+龙虾面豉汤 HK$599(原价HK$1,198) (三食)烧爆膏龙虾头+芦笋蟹籽炒龙虾球+龙虾面豉汤 (三食必须预约) 2) 晚市优惠单点餐牌88折(饮品除外) 周日至周四(公众假期及节日除外) 3) 指定清酒买一送一 4)「午餐新惊喜稻庭乌冬餐」HK$98 (原价: HK$128) 另串烧每日午市8折 5) 生日/周年/节日庆祝订座，消费满$1000送指定祝福语甜品1款 |
黑木亭居酒屋
地址: 天后清风街10号清风大厦地铺
电话: 26606373