前排咁小机会同朋友食饭，饿咗咁耐堂食紧系想同朋友边食边倾计啦！第一时间即刻谂起食串烧，好怀念呢种微醺慢谈时光。我自己最锺意拣靓环境小店食串烧，有种日本居酒屋感觉～所以天后呢间「黑木亭居酒屋」一直On List。
岩手县A4和牛主题 第2份和牛68折
超厚切和牛三文治
今次共有4道和牛菜式拣，只要Order 其中2款就可以享受优惠喇！当中最有惊喜嘅，不得不提呢道日本产A4吉列和牛三文治 (120g)，和牛厚度绝对称得上夸张！我哋仲笑问老板娘块和牛迟啲会唔会薄咗㗎？老板娘笑言「一样系咁厚！有啲熟客见到和牛咁厚，仲讲笑话戥我哋唔抵𠻹 (笑)」。小店另一引人入胜嘅地方，就系可以同老板好似朋友咁倾计，特别有亲切感同气氛。
和牛极厚切，一咬即渗出油香，多士同海胆解腻恰到好处。
幸福感！海胆鹌鹑蛋和牛饭
丼饭铺满和牛，炙烧牛肉依然粉嫩烧得啱啱好，咬落软嫩有肉味。最好味嘅食法，系先用筷子戳开半熟鹌鹑蛋，将蛋浆丶海胆丶和牛同饭捞匀，蛋浆同海胆嘅绵滑+软嫩和牛，配埋微QQ口感嘅日本产久保田米，几种口感混合真系好食到有幸福感㗎！
和牛轻轻炙烧，保留和牛油脂同肉香。
一试和牛最原始味道 和牛他他
和牛他他嘅和牛轻烧至一成熟，配埋极薄切刀功，最保留到和牛原始肉味同软绵绵口感。食前先沾上自家调制洋葱酸汁，微辣轻酸，好自然咁一片接一片食晒清碟。
和牛他他一食上瘾，好快就清碟。
有油香．有咬口 板烧和牛扒
想享受实实在在嘅和牛扒，推荐板烧日本产和牛扒。师傅将和牛轻烧至5成熟，外香内嫩，切件上枱食落更轻松，一夹入口，同朋友Share 都方便得多。和牛扒另一吸引之处在於够厚度，保留到油脂香之馀又有咀嚼乐趣，可以愈咬愈有肉香。
和牛扒切件上枱，方便同朋友Share。
店主开设呢间串烧店初衷，系感叹坊间串烧店经常欠主食，食客只能无奈将串烧当作宵夜。所以呢度主打串烧之馀，仲引入多款和牛丶海鲜。海鲜更会依时令定期更新，最近就轮到日本松叶蟹喇，即睇有咩食啦！
升级版蟹甲罗烧+海胆
蟹甲罗烧有蟹肉丶鹌鹑蛋丶葱花，同时加入蟹味噌突显蟹肉鲜甜味。上枱後可以自己将几款食材捞匀，令鹌鹑蛋浆丶蟹味噌绵绵包住蟹肉，再连埋日本马粪海胆一齐放上面包食，味道浓郁之馀，仲有香脆丶Creamy两种口感冲撃。
松叶蟹钳配三文鱼籽酱
蟹控一定要试呢道「松叶蟹钳配三文鱼籽酱」，作为蟹控都知松叶蟹钳一向出名鲜味丶蟹香突出，呢道菜就铺满松叶蟹蟹钳，配上欧洲三文鱼籽一齐食一绝。全因欧洲三文鱼籽较细粒爽脆，味道亦比一般三文鱼籽浓郁，同清甜蟹钳配搭恰好平衡。
串烧新味觉 (蜜糖丶麻辣丶芝士丶明太子丶汁烧)
文初提到呢度系间串烧店，当然有超多款串烧拣啦！大厨根据食材特性加入蜜糖丶麻辣丶芝士丶明太子丶汁烧调味。个人最锺意麻辣串烧，入口少少麻再有後续香辣，系会上瘾嗰种辣～辣得啱啱好，佐酒一流。
串烧食材高质，猪颈肉丶黑豚五花腩丶牛舌丶白鳝等都相当厚身，唔会烧得乾涩，入口仲有Juicy 肉汁；健康选择就有银杏丶脆烧豆腐丶鸳鸯翠玉瓜等，女仔想食得Fresh 啲都得。
(图左至右丶上至下) 鸡翼(蜜糖)丶黑豚五花腩串(麻辣)丶厚切猪颈肉串(麻辣)丶免治鸡肉棒(芝士)(附生蛋黄)丶厚烧牛舌(盐烧)丶白鳝(盐烧)丶黑豚荔枝卷(盐烧)丶银杏丶鸡肉博多冬菇丶脆烧豆腐丶鸡腿肉(明太子)丶鸳鸯翠玉瓜(蒜蓉牛油芝士+明太子)。*若无写明口味即为原味。
生日/周年/节日庆祝 甜品免费写字
同朋友庆祝生日，餐厅帮手写埋寿星名就更易制造惊喜啦！只要订座时 或 用餐前通知餐厅就得。
提拉米雪糕(含酒精) 酒香雪糕+抹茶蕨饼
Tiramisu 口味雪糕配上烟韧抹茶蕨饼，仿如日本传统甜点；却又巧妙喺底部加入清酒，微微酒香配雪糕，又有种食紧Tiramisu 嘅奇妙感觉。
日本产雪糕配蒙布朗
简简单单嘅雪糕配蒙布朗，估唔到都有惊喜。日本雪糕比一般雪糕更清甜软绵，口味亦系清爽解腻嘅海盐／柚子选择；蒙布朗则有栗子／抹茶拣，口感扎实丶味道香浓，一啖蒙布朗再一啖雪糕好夹。
而家「黑木亭居酒屋」仲有多项优惠，即刻一表睇清！
1) 和牛第二份68折(全日适用) *优惠菜式包括日本产A4和牛他他丶板烧日本产A4和牛丶日本产和牛海胆丼丶日本产A4吉列和牛三文治 2) 晚市优惠单点餐牌88折(饮品除外) 周日至周四(公众假期及节日除外) 3) 指定清酒买一送一 4) 生日/周年/节日庆祝订座，送即影即有心意卡及消费满$1000送指定祝福语甜品1款 5) 串烧每日午市8折 |
黑木亭居酒屋
地址: 天后清风街10号清风大厦地铺
电话: 26606373