【地道韩烧】任食高质烤肉.酱油虾
有时喺香港搵韩烧食,唔只系想食烤肉咁简单,而系想搵嗰种地道韩烧Feel,就系嗰种坐喺圆櫈,三五知己围住铁圆枱食烤肉丶饮酒嘅感觉。旺角呢间韩烧专门店平昌就做到呢种地道Feel,仲要系高质任食!入场有3款御膳拣,分别只在於价钱同菜式,全部都可以120分钟任食。想平食过口瘾倾计饮酒;抑或贵食高质猪牛烤肉,完全自己话事。

平昌店内好有韩国地道气氛。

国王御膳 任食高质烤肉
食得最豪最正就系国王御膳,HK$400有找就食到逾90款特级美国牛丶西班牙猪丶海鲜同韩式料理。

超多款式美国牛
要食到回本,国王御膳嘅牛类系必点!全部美国来货,如有汁特级牛肉眼丶安格斯黑牛金钱展丶特级牛板腱等。全部牛味够浓,均匀油脂好似无筋咁,入口够软绵。

特级西班牙五花肉
烤肉梗系「肉」系主角啦,除咗美国靓牛,猪肉都系高质货—西班牙伊比利亚五花肉,厚切五花肉一落烤板就融出油脂,入口够油香又松化。记着食埋香草羊架同3寸BB猪仔骨,带骨但够多肉,唔会食到无瘾。

香港罕有 外脆内嫩青衣柳
任食最怕食到「颓海鲜」,所谓嘅颓就系唔新鲜。但你一试平昌嘅特级象拔蚌片,嗰种爽弹咬口系新鲜货先做到。店主同样推介香港罕有嘅青衣柳,有别於一般鱼柳烧完都唔乾身,反而外脆内嫩。

各款高质熟食 自家制豚肉肠
烧到闷闷哋嘅话,仲有唔少高质熟食换吓口味。编辑特别推介社洛克豚肉肠,系店家用猪肉肉碎打出嚟,咬落口感更扎实又有肉味外,亦唔怕食到额外添加剂啦。
社洛克豚肉肠

韩式白肉

调味鸭舌

世子御膳 中庸价钱食高级料
想拣个价钱中庸又食到好嘢嘅套餐,可以拣世子御膳。HK$300有找就食到70款高级猪牛丶海鲜同酱油虾。

韩烧必食护心肉
店主话自己食韩烧都必点护心肉,所以一定要公诸同好呀!其实护心肉系横隔膜同肝之间嘅肉,烧香後油分确实唔多,食落又爽滑弹牙,包埋生菜食真系会上瘾。

多款高级肉类拣
话明系120分钟任食,梗系要试埋其他肉啦,世子御膳仲有牛肉眼丶牛前胸腹肉丶辣猪肠都好推介。
牛前胸腹肉系厚切,锺意啖啖肉嘅必试。

韩国当地人好锺意食辣猪肠丶牛大肠,但香港好少地方可以食到。

任食自家制酱油虾
最估唔到系韩烧店都有酱油虾食,仲要系任食呀!而且店家嘅熟食都系自家制,连酱油虾都系自家腌制㗎,唔驶惊由韩国空运过程会变质,食落仲好香酒味𠻹!

炖蓝青口同带子都系新鲜货。

大君御膳 聚会抵食之选
成班朋友约出嚟志在饮吓酒聚旧,顺便食吓烤肉过口瘾嘅话,大君御膳就系抵食之选,平日入场仲HK$200有找,食到逾40款前菜丶猪肉丶鸡肉丶海鲜同韩式料理。

肉类应有尽有
虽然价钱咁抵,但肉类选择都好多!LA牛排丶薄切五花腩片丶猪梅头肉等,基本烤肉类都应有尽有。

新鲜海鲜料
讲明系平得嚟抵食,海鲜款都有返咁上下,半壳石蚝丶虎虾同带子都有。

热辣辣韩式传统锅物
仲有各款锅物拣,韩国传统嘅辣海鲜豆腐汤丶肥牛大酱锅同猪肉泡菜锅都有。
肥牛大酱锅

辣海鲜豆腐汤

一眼睇晒3款御膳价钱!
国王御膳
星期一至四 HK$378(成人)/HK$218(小童及长者)
星期五至日 HK$398(成人)/HK$218(小童及长者)

世子御膳
星期一至四 HK$278(成人)/HK$158(小童及长者)
星期五至日 HK$298(成人)/HK$158(小童及长者)

大君御膳
星期一至四 HK$198(成人)/HK$138(小童及长者)
星期五至日 HK$218(成人)/HK$138(小童及长者)

平昌
地址: 旺角西洋菜街1号兆万中心13楼
电话: 26121682
* 资料由客户提供
餐厅资料