个人觉得海鲜最重要真系个「鲜」字，如果海鲜来货质素好真系点煮都好食，所以拣海鲜餐厅前都会留意吓间餐厅用咩货源先。出晒名食Shake Shake 海鲜嘅Mr. Crab by The Captain's House，除咗必食Shake Shake 海鲜拼盘外，最近仲同美国非营利组织Food Export USA - Northeast 合作，引入正宗波士顿龙虾(Boston Lobster) 同黄道蟹(Jonah Crab) 设计多款新菜式。
Mr. Crab by The Captain's House 主打美式海鲜。
原来唔系所有波士顿龙虾都正宗？
Food Export USA - Northeast帮助美国既东北部地区将优质海鲜丶农产品出口到世界各地。Mr. Crab by The Captain's House 就透过组织由美国缅因州引入正宗波士顿龙虾，点解会讲「正宗」呢？因为缅因州先系波士顿龙虾原产地，但坊间好多声称嘅「波士顿龙虾」都由其他地方引入，有啲甚至唔系嚟自美国㗎。
店内有水缸养住游水海鲜。
原产地缅因州 保护龙虾生态
由原产地缅因州出产嘅龙虾，特别爽甜厚肉之外，当地亦采取好多措施保护龙虾资源，包括要有捕捞许可证嘅人先可以进行捕获，并限制证许可证发放量；而且不得捕捞带卵雌性龙虾或体积过小嘅未成年龙虾，确保龙虾生态可持续发展。所以食嚟自缅因州嘅正宗波士顿龙虾，除咗好味之外，仲为保护龙虾资源出一分力。
食正宗波士顿龙虾 肥美爽甜
Mr. Crab by The Captain's House 为咗呈现波士顿龙虾天然鲜味，回归基本用最简单嘅炭烧方法煮制，轻轻扫上牛油已经好够。用叉一拮已经起到完整肥美龙虾肉出嚟，口感味道系预想中嘅弹牙爽甜，有惊喜嘅反而系超多龙虾膏好香浓。
龙虾肉厚，嫩滑得嚟够扎实。
龙虾头＋龙虾壳煮出精华Pizza 酱
懒得自己拆肉嘅话仲可以拣波士顿龙虾Pizza，将原只虾龙起肉铺满Pizza。呢度嘅Pizza 薄而脆，饼底再扫上龙虾酱汁～酱汁系大厨将龙虾壳打碎，再加埋龙虾头煮成，可以话系龙虾精华呀～
龙虾Pizza 集合龙虾肉同龙虾精华，又系另一种风味。
黄道蟹 一次过食晒蟹肉蟹膏
讲完大家都熟悉嘅波士顿龙虾，Food Export USA - Northeast 亦引入咗香港比较少见嘅美国黄道蟹(Jonah Crab)。好多人食蟹都会问「呢种蟹多肉定多膏?」，黄道蟹就唔使你喺蟹肉同蟹膏之间痛苦选择，因为黄道蟹有肉又有膏，肉质鲜甜，每只约重400至500克，2个人食1至2只啱啱好。
虽然唔使喺蟹肉蟹膏之间选择，但如果你真系好锺意蟹膏嘅Creamy 香浓味，可以拣呢道黄道蟹意大利饭。大厨将浓郁蟹膏煮入意大利饭，口感软绵，食落先有蟹膏味再渗出淡淡菌香。推荐先食鲜甜嘅蟹钳肉，再留少少蟹肉捞落饭食，由淡至浓食最滋味。
蟹膏意大利饭好Creamy。
香港风味 超香避风塘炒黄道蟹
想试真啲黄道蟹，仲有呢道避风塘炒钟拿蟹，两只完整黄道蟹上枱，两个人Share 都满足。大厨想融入香港风味，所以加入满满蒜蓉炒香，但就无传统避风塘咁多乾蒜同辣椒，避免抢走蟹肉鲜味。
避风塘炒法加入蒜蓉，好香口。
招牌Shake Shake海鲜 冬季限定巴马臣芝士酱一齐Shake
嚟到Mr. Crab by The Captain's House 当然要食埋Shake Shake 海鲜，嚟梗新Menu 都会加埋波士顿龙虾同黄道蟹畀大家加入一齐Shake 㗎。海洋蓝Shake Shake 袋入面有海鲜丶粟米丶肠仔同番薯。酱汁有4款拣，限定巴马臣芝士酱预定冬季推出～浓郁醇厚芝士包住海鲜劲暖胃满足。
海洋蓝Shake Shake 袋装满海鲜上枱。
Mr. Crab by The Captain's House
网上订座即赚里数
地址: 湾仔庄士敦道74-78号一楼及地下C号铺
电话: 23288511
Product of USA