私房菜就听得多，私房火锅又试过未呢？天后呢间大隐隐于市嘅「狮子林私房火锅」就以私房饭堂为理念，唔单止挑选新鲜食材入馔，用心将传统美食改良，仲可以按口味同需求，预订一份专属于你嘅特定菜单！
汤底及配料选择多元化，亦可以按需求预订私房菜单
楼上设有三个唔同大细房间，私隐度高
养生美颜 台式人蔘白汤锅
师傅以台式养生锅同美人锅为灵感，设计出呢款以韩国人参、当归、杞子、红枣、龙眼乾、党参等药材熬製而成嘅台式养生人蔘白汤锅，味道甘甜、补而不燥。裡面仲有吸饱汤底嘅蜂巢冻豆腐同台湾直送鸭血，绝对必食！
台式养生人蔘白汤锅
酸香细腻 自家酸菜白肉锅
自家酸菜白肉锅同样走台式风格，自家製酸菜醃製需时两个礼拜以上，令酸菜足够入味。配搭脂香十足嘅白肉，酸味突出但唔呛、反而细腻柔和，配唔同食材都夹到。锅中亦有唔少粉条，爽滑弹牙。
自家酸菜白肉锅
生猛海鲜推介 南非鲍鱼．新鲜龙趸
汤底係火锅灵魂嘅同时，配料当然亦要有水准。餐厅精选各款时令产地直送海鲜，南非原隻鲍鱼每隻约九头大，肉质嫩滑弹牙，充满鲜味。新鲜龙趸片更係用20至30斤嘅大龙趸生劏而成，鱼皮爽韧、鱼肉雪白嫩滑！而且一啲都唔腥呀。
南非原隻鲍鱼
新鲜龙趸片
多款生猛海鲜
牛魔王必食！盛极安格斯牛拼盘
香港人打边炉点少得肥牛？但随着各位越食越精，睇嚟只有呢份盛极安格斯牛拼盘先满足到牛魔王们。有齐牛胸爽、牛颈嵴、牛舌、安格斯牛肉同安格斯牛粒，仲有秘製酱汁係专门带出安格斯牛肉嘅牛香！牛胸爽係牛胸腔肋骨中间嘅软骨，又称「牛白肉」，爽口带油香。牛颈嵴油花适中，肉质软嫩。牛舌鲜脆有嚼劲。
盛极安格斯牛拼盘(300g)
精心巧製 自家手打肉丸．饺子
肉丸同饺子都係唔少人打边炉必食，同坊间千篇一律嘅肉丸唔同，餐厅唔单止坚持自家手打，仲会加入唔同创意配搭。例如性格四式手打墨丸就係混入芫荽、黑松露、鲍鱼、蟹子，的确四款食材各自有唔同独特香气，风格多变又够弹牙。而本土味四式猪肉丸就以家常肉饼常见嘅菜、虾乾、土鱿、咸蛋黄作为配料，无谂到变成火锅肉丸又几好食几过瘾。唔好错过自家饺子拼盘，一份有齐饺子、云吞同韭菜饺，大粒饱满、皮薄馅多。
性格四式手打墨丸
本土味四式猪肉丸
自家饺子拼盘
惹味炸物 蟹粉鱼皮．虾酿老油条．即炸响铃
炸鱼皮见得多，当一般火锅店只有原味同咸蛋黄味，呢度居然推出蟹粉炸鱼皮，仲係用大闸蟹嘅蟹粉製作啊！师傅话想带多啲新嘅口味畀大家选择，蟹膏咸鲜香浓，同鬆脆嘅鱼皮好夹，当小食就咁食，或者浸几秒汤底食又得。台式火锅常见嘅老油条香脆又索汤，师傅就酿入弹牙嘅自家手打虾胶变成台式虾酿老油条，增加口感层次。讲到索汤，当然不得不提最经典嘅即炸响铃卷，脆口得嚟最紧要係乾爽唔油腻呀。
蟹粉炸鱼皮
台式虾酿老油条
即炸响铃卷
特色推介 鲜鹅肠．鸡子．紫淮山
为咗精益求精，师傅仲特别准备唔少需要花功夫製作嘅配料，例如鲜鹅肠近年越嚟越少火锅店有供应，皆因一定要将鹅肠洗得乾淨先可以去除腥味，相当费时。但呢度就有老饕最爱嘅肥美鲜鹅肠，名副其实保留咗鹅肠裡面嘅肥膏，食落外脆内软，油脂甘香！农场鲜鸡子特别以绍兴黄酒浸泡，提鲜同时减少腥味，口感嫩滑。新鲜紫淮山亦值得一试，口感同淮山差唔多，胜在含大量花青素，具抗氧化同美容功效。
肥美鲜鹅肠
农场鲜鸡子
新鲜紫淮山
狮子林私房火锅
地址: 天后永兴街21号地舖
电话: 35636887
WhatsApp: 97362742