更多
2011-05-25
313 浏览
今日山長水遠去到鴨脷洲海怡見客,見完客要近近地搵個地方坐低同幾個拍檔傾埋啲手尾,有人提議去sift。佢話呢間嘢啲cupcake好出名,老實講我最憎食cupcake,甜爺爺得個靚字。可能係weekday, 去到一個客人都無,正!因為就算坐耐啲慢慢傾都唔會唔好意思。我當然無揀cupcake,揀咗件sift chocolate cake,同埋一杯jasmine tea。件朱古力蛋糕好好味喎,唔會好heavy,朱古力mousse好滑,最鍾意面頭同中間啲薄脆,在滑溜的mousse中加添質感。朋友點咗carrot cupcake,我一向不愛甘筍,沒有任何意圖試小小,不過見朋友用膠叉切下,蛋糕感覺頗鬆軟,有別於一般cupcake實迪迪的質感。杯jasmine tea雖然都幾貴($20細細杯),不過朋友說是英國品牌,三角形的茶包十分精緻,茶葉浸泡散開後是完整一塊塊的,好清香,浸耐咗都無澀味,真係貴得有道理。可惜坐咗一陣之後個職員竟然話佢地夠鐘收鋪,都未夠六點!之後我地問洗手間要唔要拎鎖匙,幾個職員都好似借咗聾耳陳隻耳咁,一啲反應都無。我要好大聲咁叫左幾次唔該,佢地先啋下我,最後我地走左之後佢地即刻鎖門
我當然無揀cupcake,揀咗件sift chocolate cake,同埋一杯jasmine tea。
件朱古力蛋糕好好味喎,唔會好heavy,朱古力mousse好滑,最鍾意面頭同中間啲薄脆,在滑溜的mousse中加添質感。 朋友點咗carrot cupcake,我一向不愛甘筍,沒有任何意圖試小小,不過見朋友用膠叉切下,蛋糕感覺頗鬆軟,有別於一般cupcake實迪迪的質感。 杯jasmine tea雖然都幾貴($20細細杯),不過朋友說是英國品牌,三角形的茶包十分精緻,茶葉浸泡散開後是完整一塊塊的,好清香,浸耐咗都無澀味,真係貴得有道理。
可惜坐咗一陣之後個職員竟然話佢地夠鐘收鋪,都未夠六點!之後我地問洗手間要唔要拎鎖匙,幾個職員都好似借咗聾耳陳隻耳咁,一啲反應都無。我要好大聲咁叫左幾次唔該,佢地先啋下我,最後我地走左之後佢地即刻鎖門落閘,攪到我地好似不受歡迎人物咁。其實佢地好聲氣D同我地講,我地都唔會特登賴死唔走啦。
张贴