南越南咖啡廳

营业中

休息中

餐廳嘅氣氛同食物質素都非常高！🍹 Citrus Blossom（無酒精）$52飲品酸酸甜甜，口感清新可口，賣相好靚，非常吸引。🍋 柑桔檸檬綠茶 $25綠茶搭配柑桔和檸檬，口感十分清爽。而且玻璃樽的設計優雅，我地加咗$15就可以帶走，非常環保且實用！🌽 越式惹味粟米條 $48粟米條香脆可口，香料嘅味道恰到好處。粟米經過燒烤後製成條狀，不但方便食用，而且仲保持返鮮甜嘅粟米汁，令人食唔停手，係極佳嘅小食選擇！🫔 炸素食春卷（6條）$44春卷外層酥脆，裡面包裹住素食餡料，搭配特製醬汁食用，十分開胃。🥖 NVN南越法式麵包 $78 南越法式麵包質地口感十足，搭配各式肉類和豐富的蔬菜餡料，份量很足，非常飽肚！🍖 順化豬肉串 $35豬肉串肉質鮮嫩，經過醃製後的味道相當惹味，配上特製醬汁，令人食指大動。🥓 惹火上身鹹檸豬頸肉 $70店員會用火槍即場表演火燒豬頸肉，場面非常搶眼！豬頸肉肉質鮮嫩，底部鋪著菠蘿，增添了獨特的風味。店員也特別提醒我們可以食用菠蘿，菠蘿鮮甜多汁與豬頸肉互相搭配，非常值得一試！

星期日瞓晏咗想搵間好坐又唔重口味嘅餐廳雖然過咗Lunch hour但係第一次試仲要喺假日都驚要等位所以都有電話book定先入到去完全唔使等 大概有3成枱滿職員都儘量打散客人坐 座位寬敞舒服如果想打卡坐窗邊都幾靚我哋得2個人就淨係嗌咗2個主食:😋 招牌金邊粉 $88 (⭐️5/5) 個湯嘅味道啱啱好 作為第一餐完全唔會覺得重口味金邊粉同啲餸差唔多1:1🤣 好抵!啲粉保留到有少少爽口 唔會太腍啲牛肉牛筋牛尾… 全部都好軟好入味 又唔漏重點! 油炸鬼吸曬啲湯精華正! 極推!!🉑NVN南越法式麵包 $78 （⭐️3.5/5）好貼心可以被客人揀切開2份/3份上碟個法包表皮好鬆脆👍🏻但係個陷就冇咩特別🙈如果鍾意紅蘿蔔嘅話會好開心好似我咁係食肉獸就會有少少失望🌝回頭指數:4.5/5🫃🏻飽肚指數:5/5💰抵食指數:4/5下次都係兩個人食嘅話會encore 招牌金邊粉 試埋辣嫲嫲招牌金邊粉 + 滴漏咖啡多啲人先可以試小食睇隔離枱食都好正咁題外話1.佢哋張墊枱紙嘅meme 好搞笑2.Toilet好乾淨 地下有個腳印用嚟自動感應沖廁可以留意下（成日留意埋啲奇怪嘢🙈）

誤打誤撞同朋友仔去咗一間旺角彌敦道726號1樓嘅越南餐廳，一入到去好鍾意呢度浪漫嘅裝修同埋氣氛，再播緊一啲聽唔明但曲調好柔和舒服既越南歌曲，就連廁所都好有特色🤣。#火龍芒芒蝦仁配脆蝦片 $58有水果又蝦仁既開胃菜，尤其是洋蔥味出眾好清新既感覺。#越式惹味粟米條 $48一口食到每啖粟米，配既汁酸酸甜甜都好開胃！#脆米紙薄餅 $58第一次試到呢種用炸脆左既米紙做底，面頭鋪上大量青瓜絲、紅蘿白絲、醬汁同埋肉乾，每粒肉乾有種難以形容又好味既味道，好特別越南肉乾。#惹火上身鹹檸豬頸肉 $70一款表演既菜式，食之前會用火燒著一張紙輕輕係豬頸肉上再火燒一燒，令到每塊豬頸肉都有種燒燻既味道，非常唔錯。#烤蔞葉雞配青蘋果條 (半隻) $90外皮香脆亦好多配料調味既烤雞，最重點秘製醬汁昇華雞既香味，旁邊放上青蘋果條，同時食可以解雞油膩感，再一種清新感覺。#NVN南越式法麵包 $78越式法包包著肉條、青瓜、紅蘿白條等，大份、清新、有特色！最後再叫左2杯飲品，#香茅青蘋果茶 $25 同埋 #參參愛梨 $30，兩杯野飲口味唔太重，隱約都會飲到青茅味同埋人參味，尤其是人參雖然唔太重口味但飲完回韻好耐，唔錯！#南越

好耐冇食Vietnamese cuisine~之前食過呢間南越南咖啡廳，menu選擇多，餐廳環境又夠modern，啱晒三五知己聚一聚☺️南越炸豬肉春卷 ($42)- 春卷炸到金黃色，未食已經流晒口水，同埋$42就食到六條非常抵食- 豬肉內餡都超級豐富，咬口紮實，外皮又夠香脆👍🏻扎肉心內美米紙卷 ($58)- 米紙卷超級爽口，勁refreshing ，勁鍾意佢配料、菜同扎肉嘅比例，扎肉勁好味，米紙皮薄身煙韌😊苗族椰汁淡咖喱雞肉湯米線 ($72)- 湯汁好濃郁，香味撲鼻，雞肉結實，米線掛汁，好上癮，一啖接一啖😆NVN南越法式麵包 ($78)- 法式麵包脆香硬身，配搭豐富惹味嘅配料，有扎肉、豬耳、蔬菜等等，啖啖都好豐富，好飽肚😜南越南滴漏咖啡 ($30)- 滴漏咖啡香氣撲鼻，呢隻越南咖啡入口甘香，相對平時飲嘅滴漏咖啡冇咁苦，相對易入口😍Deep Sea Fantasy ($68)- 呢杯cocktail好靚，色彩配搭和諧，會變沾滿鹽粒，飲落口感層次更豐富， cocktail base係較酸，但唔會太過，非常醒胃😙

▪️ 脆米紙薄餅 （7.5/10）💲54見差唔多每檯人客都有點呢個，我地當然都唔另外🤭米紙薄脆身，又唔算好油膩，臘腸粒既鹹香，配上清新既絲狀蘿蔔同埋青瓜，再加上微辣千島沙律醬，入口多重滋味有驚喜😍▪️ 南越蟹肉醬 配脆球餅（7/10）💲68另一個熱門小食，可以將加上沙律醬既蟹肉、蟹籽、蘿蔔絲、青瓜片，放入薄脆既球餅內，味道偏清淡有啲日式🤣▪️ NVN南越法式麵包 （7/10）💲78法包好脆身但係略乾，餡料都唔少，有燻蹄、扎肉、豬耳、蘿蔔、青瓜，配上個辣蛋黃醬同埋肝醬，肝醬味道尤其濃郁，不過估計未必個個都接受到呢個味😳▪️ 嬤嬤南越湯 招牌金邊粉（7/10）💲68一開始冇細心留意到有油條，浸耐左係湯度會比較腍，點呢個要記得盡快夾起🤭另外有豐富配料，半生熟牛肉片、牛面珠、嫩身牛尾、軟腍帶點黏性既牛筋、彈牙牛丸🐂金邊粉雖則幼身但係保持煙韌掛湯，麵質真係大大加分位💯湯底牛味不過不失，加左青檸既關係會微酸，尾段索汁後會越黎越稠身似泰式船面咁🤫▪️ 斑斕龍眼茶（7.5/10）💲23 (冷)見好多人飲蛋咖啡，不過唔太好咖啡既我就無試到🙈見到呢個玻璃樽好靚就叫左，飲到清甜龍眼味，唔會係死甜嗰種，感覺解渴😍▪️ 香

越南是一個華洋集處的地方，不同民族生活的軌跡影響了飲食文化上的「南」轅「北」轍，今次就來到位於旺角的南越 Fusion 菜主題餐廳 - NAM VIET NAM CAFÉ南越南咖啡廳。餐廳裝潢時尚休閒，不過枱與枱之間距離較近，坐得比較擠。南越菜由多國文化結合而成，南越 Fusion 菜式為傳統越式美食注入嶄新概念，融入各地具代表性的食材。最近還新推出含有酒精的特色cocktails飲品。扎肉心內美米紙卷 $58作為越南傳統美食之一，煙韌米紙緊緊捲著心內美蘿蔔片、扎肉、青瓜的豐富餡料。米紙卷色彩繽紛，五味紛陳，爽脆輕盈，沾上花生麻醬份外醒胃。南越蟹肉醬配脆球餅 $68單是賣相已充滿玩味，食法是將蟹肉醬和配菜釀入脆球餅，帶來了多重的口感層次。脆球餅金黃脆身不油膩，夾雜著絲絲蟹肉，混合酸酸甜甜的配菜，喚醒沉睡的味蕾。NVN南越法式麵包 $78法包都會先用紙包覆好，工整對稱的切口盡現配料豐富的橫切面，也可避免一口咬下便散落一地。在鬆軟的法包上塗抹自家製黑啤酒豬肝醬，佐以酸瓜、豬耳、燻蹄、扎肉、香葉、蔥花等6款餡料，即使法包外表看來很「法式」，但吃起來其實很「越南」，盡現殖民文化下誕生的混血特色

係香港有既越南式餐廳話多唔係多話少呢又唔係，但好有特色既真係少🙈 呢間NAM VIỆT NAM CAFÉ ，每道食物都好有特色同玩味，而價錢都好合理呀～🔸五香豬腩伴鍋巴 $60鍋巴上的五香豬腩，一咬就豬腩的肥膏，入口即溶而且底層既鍋巴減輕油膩感，更香口又脆口🤤 🔸脆米紙薄餅 $54係有臘腸粒、青瓜絲、蘿蔔絲、和芥末醬，好似pizza咁🍕 臘腸粒既咸香味濃，再配搭埋青瓜絲和蘿蔔絲好清新，一開始咸咸地食到尾又有點甜甜的，口感豐富🤩 但會有啲黏牙仔🤣haha~🔸NVN南越法式麵包 $78就咁睇都見到法式麵包入係有好多餡料🤤 有燻蹄、扎肉、豬耳、醃酸蘿萄、青瓜、辣蛋黃醬、蔥油同香菜，一咬首先咬到豬耳嘅脆卜卜，然後有好多扎肉同其他配料，不得不提嘅就係自家製黑啤酒豬肝醬，每啖都食到肝醬😋 🔸招牌金邊粉 $88有牛肉片、牛面珠、牛根、牛尾、牛肉丸、油條和生菜，而且每款都有2樣所以我係同朋友share食🤗 個湯底好濃味，再配搭檸檬葉、辣椒片再滴啲青檸汁落去再升華了。牛筋嫩滑軟稔，牛肉丸又新鮮彈牙。🔸南越滴漏咖啡（熱）$30看著咖啡從咖啡器具裏一滴一滴，呢畫面好令人放鬆😌越南咖啡既味道會偏較濃，玻璃杯裏

今日朋友介紹到彌敦道726號一越式餐廳，本以為平平無奇，菜式選擇不算多，但勝在款款夠新穎，仲有多款打卡飲品，黎多2次都唔怕悶。 脆米紙薄餅 $54薄餅以薄薄的脆米紙作餅底，口感好鬆化，配料有醃酸蘿蔔、青瓜絲及、臘腸粒、蝦乾碎，掃上沙律醬，食落酸酸鹹鹹頗香口，口感味道豐富。五香豬腩伴鍋巴 $60以肥美半淋的豬腩肉，搭上炸到脆卜卜的鍋巴，確實有點邪惡，好在肥膏面積不多，配以酸瓜碎粒和千島醬，豐富了味道之餘減卻不少油膩感。依種邪惡小食一件起兩件止，一試無妨。NVN南越法式麵包 $78賣相普通食落超級美味。法包鬆軟，餡料豐富，有扎肉、燻蹄、豬耳、醃酸蘿蔔、青瓜、肝醬、辣蛋黃醬、蒽油、香葉，醬汁酸酸甜甜，非常好食。香茅豬扒配斑蘭椰香飯 $75豬扒肉質鬆軟，好香的香茅味，配料有醃酸蘿蔔、荳芽，撈蔥油美味。斑蘭龍眼茶 $23味道清甜，甜度適中，飲落都幾舒服的。Deep See Fantasy $68賣相特別，杯上的泡泡破開，突然仙氣十足，打卡唔錯，好易入口酒精濃度不高，帶有石榴味道。

聽個名「南越南咖啡廳」覺得好特別，南越南？有分南北越南既？算啦！睇相覺得好似幾好味，原來係fusion 菜黎，好似好多別樹一格的食物，好啦！就約朋友黎食啦！脆米紙薄餅 $48見到的時候眼睛發光了，因為色彩斑斕好吸引，吃了一口，不得了，紙薄餅很脆口，千島汁酸得好吊味，越南臘腸軟熟口感好，一個字，正😋價錢唔貴，推介👍🏻南越蟹肉醬配脆球餅$68有蟹肉、蟹膏、蘿蔔粒、沙律醬拌勻，再放上脆球內，由於沙律醬唔夠，好淡味，爭少少，脆球好脆好好食😋本身個idea幾好幾特別，係味道...可以加返多啲沙律醬就perfect 啦👏🏻嫲嫲南越湯·招牌金邊粉$88(牛肉片、牛面珠、牛筋、牛尾、牛肉丸、油條)牛肉部分，好新鮮既牛肉片（上碟時係半生熟），牛丸ok，其他牛妏得好淋，原來點甜醬食幾特別，第一次咁食，而味道又夾到喎！油條勁脆，正。金邊粉夠幼，湯底夠濃味，所以金邊粉好入味，正。NVN南越法式麵包$78(肝醬、燻蹄、扎肉、豬耳、醃酸蘿蔔、青瓜、蛋黃醬、蔥油、香葉)麵包係非常軟熟，餡料非常豐富，味道就比香葉搶左，好在有醃酸蘿蔔平衡返，幾好食，食完唔會覺得滯，因為兩人各食半份。南越蛋啤酒$38睇相以為成杯係蛋溝啤