御滿屋日本料理

呢幾日天氣炎熱, 倆口子響旺角行街決定去食返個日式放題午餐.樓下有熱情姐姐派傳單,  見價錢唔貴就試下.主要係用QR code落單, 亦有自助區.人客多, 但座位闊落; 枱亦夠大, 一次過叫多D亦無問題. 刺身:海鮮款式多, 整體好夠凍好新鮮. 三文魚夠肥美, 有油脂感.油甘魚亦充滿魚油香, 而劍魚腩嫩滑有魚味.北寄貝都算爽口, 夠新鮮!最抵讚係赤蝦, 好大隻好鮮甜!壽司:炙燒壽司上桌時温度剛剛好, 入口不會太燙又能保持微焦的香味.最有驚喜是燒蠔和海鰻.雖然小小一隻燒蠔不算太有蠔味但亦都沒有腥味, 值得一讚!!而海鰻魚味十足,  一口咬下去大滿足.花之卷被滿滿的蟹籽包圍, 正!! 難得是每件壽司都是細細件, 吃多幾件都不怕太飽.燒物:蒲燒鰻魚肥美香甜.鹽燒牛舌及和風牛肉粒最讚!燒帆立貝有獨特的沙律醬調味.燒菠蘿好香甜!!飲品:雪櫃有齊多款罐裝及紙包飲品.包括啤酒, 汽水, 茶類等等.另外,  亦有梅酒同清酒任你飲!!餐前小食:自助區有多款沙律蔬果, 日式漬物, 炸物等.我哋試整咗個日式三拼: 八爪魚仔,醬汁螺,中華沙律.熟食區仲有爆谷機可以自製爆谷!!甜品:MÖVENPICK雪糕: 紅桑子意大利奶凍 & 雲尼拿雪櫃內仲有多款甜品, 連西瓜都有!!整體而言, 上餐速度算快.而且點幾多嚟幾多, 無漏單!! …查看更多

   為左慶祝我同老公結婚週年記念，於是又同死野出左去食飯慶祝，而等一向為貪心，成日咩都想食少少既關係，所以老公就帶左我去呢間放題，好讓滿足吓貪吃既我一出𨋢口就好多人等緊位，好彩老公一早Book左位，唔係射一定走人＋西面，入座後桌面就有一本小黃頁，入面係點菜紙，種類有好多，於是待就起勢畫畫畫，一陣之後美食好快就到先黎就有刺身，的揀左三文魚、吞拿魚、甜蝦、帶子及螺刺身，食入口中口感QQ好新鮮，清甜之餘更很爽口，很是美味！再黎有黑松露牡丹蝦壽司，黑松露香氣撲鼻，加上牡丹蝦的爽彈口感╴這確是美味得令人想一食再食～緊接有我很喜歡的清酒煮蜆，味道清新之餘亦無沙，食吓食吓好被我KO老公叫風的火炙和風牛肉壽司比想像中好食，牛肉入味又唔會太咸，加上香濃等燒汁下，尤是美味無窮！然後又送來了我超愛的日本天婦羅南瓜及蕃薯，炸粉唔算多，能食到南瓜及蕃薯本身的甜香，很是難得，食到老公都好好味而另一最愛的一口牛柳粒又是煮得剛好，食落軟香之餘亦充滿牛肉本身的濃濃肉香，確是十分好味鹽燒雞軟骨也燒得極之香脆，微咸的口感加上軟骨的嚼勁吓，用來送酒最為合適澱粉怪的我就叫了熱稻庭烏冬一嚐，送來時仍熱熱的，加上口感彈牙，屬中上水平，滿意！之後就有老公愛食既芝麻雞翼、吉列魷魚圈、芝士年糕，個樣得之餘，食落完全唔覺得油，雞翼炸得金香美味，魷魚圈就充滿嚼感，年糕亦很軟香，食得我倆都很是開心食到差不多半飽後，我就走左出去大門口附近既自助區睇吓仲有咩好食，原來有多款甜品飲品俾客人任食，凡又唔執輸拎左D返埋位食木糠布甸做得唔錯，口感滑溜又唔覺好肥，同時亦唔太甜跟著待應又拎左張雪糕紙俾我，一見到超開心，原來呢度係有我最愛既Movenpick雪糕，超正總結成餐飯都好味，今餐食得我同老公都好開心…查看更多

好友生日, 大家剛各自去完日本回港, 愛去日本旅遊當然喜歡食日本菜, 總是吃不厭, 回港後還選了日式放題作為她的生日飯, 可見她有多喜歡, 而我當然也樂意奉陪, 因為我也很喜歡日本菜。餐店位於食肆雲集的胡社生行上, 一出升降機門便看到闊落的等位處, 走進店內, 環境光猛,先見到擺放了沙律、水果、湯和糖水的自助區, 隔離有一個超級巨大兼放了極多款式的飲品凍櫃, 另一邊還有一個放滿多款甜品的凍櫃和一個請勿自取的雪糕櫃, 原來這裏不單止是放題店, 應說是放題和自助餐的混合, 實在太多選揀, 看來今晚一定撐看大肚子離開。內裏地方寬敝闊落, 設有多行二至四人卡座, 亦有一排排長沙發座的二至四人枱, 還有幾張大圓枱, 位置頗多, 可容納不少客人, 而我倆就被安排坐在最入一角, 但不用擔心, 服務員眾多, 我倆並沒有被人遺忘, 哈!晚巿放題分兩個時段, 不同時段和星期收費也不同, 有點複雜。5:30-11:30pm自選任何時段2小時, 星期一至三任何時段成人收費 ($228+10%), 而星期四成人收費為($238+10%); 星期五六及假期前夕成人收費($248+10%), 而星期日及公眾假期5:30-8:30pm成人收費為($248+10%)及 8:45-11:15pm成人收費為($228+10%), 還設有7:30pm前離座和9:30pm後入座85折優惠, 而8:00pm前離座則有9折優惠, 真係睇到眼花撩亂。計數後, 應該星期一至三5:30-7:30pm前離座最抵, 是每人$228+10%再85折 ($214/位), 那就一於此時段吧!枱上已放了兩本不同顏色的厚點菜簿, 填好撕下遞交便可, 最傳統的方法。黑色的點菜簿主要放刺身壽司類, 而深啡色的是放其他類。先逐一揭揭黑色點菜簿, 由A-F項, 有刺身、壽司、火炙壽司、創作壽司、卷物和軍艦; 而深啡色點菜簿, 由GL項, 有小食、串燒、燒物、天婦羅、炸物、鍋物、鐵板燒和主食, 選擇非常多, 再加埋外面的自助食物, 實在太豐富了! ******************************我倆都是刺身的愛好者, 先揀了五款刺身，每款三四件, 分別有三文魚、油甘魚、赤蝦、北海道帶子 和蘭花蚌刺身。當中最喜歡仍是肥美的三文魚，色澤亮麗, 油脂分佈平均，肉質柔軟油潤，鮮味十足。油甘魚 的味道鮮味, 肉質爽口, 其實很吸引, 可惜切得太細片, 感覺很吝嗇; 至於北海道帶子  同樣極細件, 並不肉厚肥美, 吃起來口感和鮮味也一般。反而赤蝦 大大隻, 味道鮮甜，微爽兼富黏性, 是再Encore之選。 ******************************刺身過後當然輪到壽司, 但飯類總是飽肚之物，還是揀四款最想吃的便算吧! 先吃火炙法蓮草三文魚親子壽司，火炙三文魚壽司就常吃, 加埋法蓮草和三文魚籽又如何? 伴上爽口的法蓮草 和鹹鮮的三文魚籽, 口感的確豐富很多, 亦提升鮮味, 但三文魚 不夠肥美, 火炙時間有點過時, 吃起來不算甘香油潤，可惜……另一款是火炙北海道平目魚背壽司，經火炙後迫出油份, 但魚油香味仍是一般, 沒有那份吃至滿口油潤，但肉質微爽鮮味。接着是海膽花竹蝦壽司,  花竹蝦 鮮味爽彈, 但海膽 份量實在太少, 未能嚐到它的甘香油潤，故有點失望。最後一款是卷物項目中的加州香芒三文魚卷, 數數看, 用料不少, 有黑魚籽、香芒、三文魚、蟹籽, 再捲着青瓜、玉子和蟹柳, 再唧上沙律醬, 配搭豐富。肉質柔軟油潤的三文魚伴上香甜柔軟芒果肉, 還有鮮味十足的黑魚籽和蟹籽、清爽的青瓜, 一口吃齊, 不論賣相、味道和口感也不俗。雖然各件壽司都細細件, 但反而喜歡它們啲啲骰骰, 一口一件, 不會太快飽肚, 可讓客人試多幾款, 而我倆都是沒有再點壽司, 皆因還有很多已點菜式陸續送上。******************************緊接時小食類出場, 揀了四款試試，有胡麻冷豆腐、蟹籽沙律、中華沙律和尖椒皮蛋。四款當中略為吸引是中華沙律, 微涼爽口, 製作入味, 加上混入甘香的芝麻, 味道不錯。至於胡麻冷豆腐, 個人略嫌混入過多的醬汁，吃起來有點漏滯。 ******************************放在自助區, 由客人自己動手。湯有兩款, 分別是麵豉湯和冬蔭功, 不用考慮, 冬蔭功 必是我所選。一揭開蓋子, 酸辣的香氣四散, 見用了不少食材炮製而成, 有大蝦、青口、蜆肉、蕃茄、草菇、野菌、香茅、香草 等等, 用料十足。湯身色澤鮮橙, 稀稠度適中, 味道酸酸辣辣, 既惹味又開胃, 越喝越火辣, 正! 不用多說, 碗子太細小, 再來一碗吧! ******************************取湯時, 發現另一枱客人枱上有一客玉子燒, 我倆都是玉子燒迷, 急不及待點一客試試, 但為何在兩本點菜簿上找來找去也不見? 原來自助區有一處是玉子燒攤擋, 有師傅即時燒弄, 新鮮熱辣, 讚!大大件的玉子燒 並不普通, 中間還捲着忌廉芝士和鰻魚, 取時師傅才淋上燒汁, 增添美味。玉子挺厚身，一層疊一層，細仔看看每層厚度相若，柔軟而不乾身, 除了蛋香中一份甜味外，還嚐到幼滑的忌廉芝士 和鮮味的鰻魚, 吃起來更豐富，配搭豐富，有別於一般的玉子燒, 當然毫不考慮再來一輪。 ******************************繼續熱食, 在串燒和燒物中點了鹽燒牛舌、燒鯖魚、燒栗子 和燒蕃薯仔, 四款質素也不錯, 鯖魚大小中等, 伴上一小件檸檬, 底面同樣燒得金黃，肉質紮實，鹹鮮有至。至於鹽燒牛舌 亦不錯, 雖並不是厚切, 但爽口且味道香濃。我倆都非常喜歡粒粒如拇指般大小的燒蕃薯仔，外皮柔嫩，內肉粉綿，富獨有的香甜味道; 而燒栗子則很特別, 圓形的外表, 但跟燒蕃薯仔同樣有一層柔嫩的外皮, 而口感亦挺相似。******************************本想在鍋物中選一鍋瑤柱蟹粥, 但見隔離枱點了兩鍋都大大鍋, 用料十足, 看來此刻我倆都吃不下, 還是再點一些份量較少的菜式吧! 最後在鐵板燒中選了一客鐵板牛油香蒜帆立貝和鐵板炒雜菜。先來鐵板牛油香蒜帆立貝, 兩件都肉厚肥大，燒弄時間剛好, 肉質鮮嫩中帶微爽, 裙邊則煙煙韌韌, 挺有咬口, 是encore之選。接着是鐵板炒雜菜, 熱辣辣上枱, 正! 成品有大量的芽菜、紅蘿蔔絲、椰菜、三色椒絲 和韮菜 等, 款式不少, 最讚是沒有加入大量油份炒弄, 不覺油膩, 吃起來清新爽嫩。 ******************************食下講下, 話咁快就差不多兩個鐘, 最後輪到食甜品時間, 自助區有多款甜品選揀, 還有士多啤梨朱古力噴泉, 亦有三款鮮果供應。除取了香甜的哈蜜瓜 和香橙 外, 其他甜品都沒有取, 皆因差不多飽到上心口, 還要留肚吃每人有一杯MÕVENPICK品牌的雪糕。共有四款MÕVENPICK雪糕 口味選擇, 分別是朱古力、雲尼拿、士多啤梨和意大利奶凍, 友人選了佈滿雲尼拿籽的雲尼拿味, 而我則選了意大利奶凍口味。的確每次吃它也令人高興 雪糕細膩幼滑, 意大利奶凍 奶味香濃郁, 混入酸咪咪的紅桑子, 吃起來無咁甜膩, 每啖都令人吃得津津有味。------------------------------ 前兩個月先跟另一位好友吃放題賀生晨, 現在又一次放題賀生晨, 其實選放題作為生日飯也不錯, 選擇多多, 總有岩心水的食物, 絶對不用擔心不合壽星女口味, 加上任點任食, 亦可吃得開懷, 吃得飽足, 相信是一個不錯的選擇。 …查看更多

對於放題, 久不久就會心思思想去放縱一次。 一個價錢就可以滿足多種要求, 夫復何求。而這家的放題有推廣優惠, $238 就可以食到, 經濟的放題加鐵板燒, 難怪等候的食客迫滿整個大堂。餐廳佔地頗廣, 是夜雖是平日晚上, 光顧的卻絡繹不絕, 非常熱鬧。 原來除了放題選擇外, 近入口處亦有如自助餐般供應熱葷, 甜品和湯類, 真叫心多的人心花怒放, 挑戰胃納的極限! 除了壽司刺生和鐵板燒有專門的出處外, 還有一處是準備墨魚丸和玉子燒, 可惜到臨走前才發現這counter呢!之前光顧的放題類, 落單紙已算是多, 而這家的落單紙誇張得竟像本電話簿, 兩本厚厚的, 而且選擇過百款呢! 因為放題有限時, 選擇都需時, 還是趕緊打開這本電話簿重點挑選。先來飲品。 飲品選擇非常多, 紙包裝, 罐裝, 膠樽裝, 汽水啤酒, 就連平常放題少見提供的維他奶也有, 任君選擇。 如果不愛凍飲, 也可選擇熱茶, 全自助型式。所點的一系列食物很快送上。 由生到熟, 先來壽司刺身類。刺身多款刺身中選擇了三文魚刺生和北海道帶子刺身來淺嚐。 兩款都是厚切, 質地亦夠清甜鮮美, 質素蠻不錯, 令人吃得滿意!手卷軍艦壽司軟殼蟹手卷, 手卷較平常吃到的為細件, 軟殼蟹份量沒因此而縮水, 炸得香口而又不太油膩, 不錯。味付螺肉軍艦, 同樣是迷你版的軍艦, 小巧的一件一口, 微辣香口的螺肉份量頗多。卷物迷你版花之戀, 大小好比一節手指, 很可愛, 小食多滋味, 多吃兩件罪疚感也不太重。芝士軟殼蟹卷, 有點像元氣的波士頓卷, 味道也不俗。創作型的鰻魚露筍卷, 鰻魚跟芝士露筍也蠻配合。火炙壽司點上了火炙醬燒蟹腳壽司, 火炙穴子片壽司, 火炙三文魚壽司和火炙北海道平目魚背壽司。很喜歡御滿屋的壽司大小, 的的骰骰, 每件做到剛巧一口, 既可品嚐各款壽司, 又不會令胃部吃了太多飯而無法容納其他食物。 淺嚐後再追加, 又不會造成浪費, 很好! 經火炙後的三文魚和蟹腳相當不錯, 香氣更是突出。壽司過後, 緊接而上的是熟食。炸物天婦羅天婦羅是最喜歡的一道料理。 其中以蝦天婦羅和綠葉蝦天婦羅最為好吃。 蝦雖不算大隻, 但用來做天婦羅就剛好, 炸漿不太厚身, 沒有太多油份溢出, 脆而香口, 之後要追加多兩回呢! 而日本蕃薯天婦羅和溫室南瓜天婦羅, 炸得有板有眼, 蕃薯更是用上紫心的, 水準都不錯。一品料理清酒煮扇貝, 蠻有驚喜的一鍋。 鍋內有5隻連殼的扇貝, 肉質挺鮮甜, 加上微微的清酒香, 幾好味, 不錯! 日式煮牛尾, 同樣有驚喜的一道。 牛尾入味又腍軟, 醬汁濃郁, 還有角蓮藕, 非常欣賞, 若不是胃納接近尾聲, 真想來多一回呢!燒物燒粟米和燒菠蘿, 燒過的粟米和菠蘿很香甜又多汁, 還帶有點點焦香味, 燒菠蘿最後還要來多一回呢! 燒紐西蘭羊鞍帶點點羶, 肉質帶粉嫩而腍軟入味。鐵板燒是御滿屋其中一項主打。 師傅們不斷在廚房內炒呀炒, 忙得不可開交。美國薄燒牛肉, 牛肉內卷了蔥粒, 令味道更香口, 挺不錯。鐵板醬汁魷魚筒, 醬汁均勻地沾到每圈魷魚筒上, 香口又有嚼勁。鐵板大蝦, 去了殼的蝦仁吃起來很方便, 塗上醬汁一起炒更加滋味。鐵板牛柳粒不會炒得過熟過韌, 連同金黃的蒜片同吃更惹味, 很討好。最後是甜品環節。有2座甜品櫃, 全是自助形式。 櫃內排滿了一杯杯的甜品。 但實在太飽, 只能淺嘗兩款: 木糠布甸和楊枝金露。兩款挺不錯, 甜度適中, 的的式式, 兩三口已吃光, 最適合吃到最後飽滿的狀態, 而又能滿足舌頭。最後是最期待的一環 - 雪糕。 一般的放題雪糕極其量, 最頂級的都是供應Haagen Daz, 而御滿屋供應的是Movenpick, 好開心, 可惜每人只限一盒。 不過雪糕很香又嫩滑, 已食到滿滿的, 一杯都已很滿足。食物上檯很緊湊, 把檯面堆到滿滿的, 蠻滿足多心的心理。經濟步向低迷時期, 大家尤其喜愛這種放題來大肆滿足, 同時對放題亦也有要求, 這家選擇超多之餘, 質量水準亦不俗。二百多元的價錢就可飽腹, 夫復何求呢!…查看更多

滿屋放題一向聲譽良好，最近新開張嘅升級版，多咗個「御」字，仲有6折優惠既然難得咁平，冇理由唔趁佢仲有優惠個陣去食呱？6折喎！！！！首先要講呢度d服務真係好好，食完個碟野1秒都唔使就俾即刻俾店員收左，因為如果收慢d佢地係會俾人教訓架，真係好勤力！而如果你有件褸或者袋擺係椅背，店員都會好細心咁用個套幫你套住，咁d人行過就唔會整跌或者整污糟講返食物，食到3個中，大部分食物以放題黎講都係好出色。刺身大部分都好新鮮，沙律竟然有泰式鳳爪，冇骨真係好正；炸物必試紫心香芋丸、御品榴連炸彈；燒物必試鐵板大蝦。最特別係有多款fusion壽司🍙，非常有新鮮感，而且細細粒容易入口；重點：一定要去拎師傅即制嘅鰻魚煎蛋卷飲品櫃係超級大個，你想飲咩唔想飲咩都有得你揀。不得一提，隔離有個朱古力火鍋俾你玩架刺身黎講呢，真係冇樣野唔新鮮。但個人覺得魚類個樣靚d有d好特別既fusion壽司，全部都係細細粒容易食，細粒係個飯細粒，完全唔會用舊飯黎整飯你，真心想俾你試多d唔同款既野食沙律除左普通野，連泰式鳳爪沙律都有，冇骨又酸酸地真係好鬼開胃去到邊都要既系列－軟殼蟹手卷，都係細細個，但隻蟹就大大個，好香呀！卷物，都係fusion特別野，唔係普通咩太卷個d黎架又係fusion野，估唔到泰式生蝦都可以拎黎做壽司。不過我都係中意就咁食泰式生蝦加蒜片多d去到邊都要食系列－火炙三文魚壽司，不過唔夠火炙同圖片唔同樣架，但真係比想像中好食好多年糕同香芋丸都係我最愛，因為我係唔食榴蓮既。但食榴蓮既友人就話榴蓮炸彈先食極品中既極品！仲有一樣野係一定要試，就係去門口位個counter度拎玉子燒，日本師傅即刻整架，好滑好香，好食過台北肥前屋多多聲最後整返杯movenpick，完！…查看更多