鍾意佢嘅咖啡所以帶屋企人黎試，蛋糕同貝果款式定期轉，再訪依然有新意。Cafe於大館對出一棟舊樓嘅頂層，有室外位置，夜晚可Shisha，但而家天氣太熱大家都係等室內位置，週末黎要預啲時間等位。🍽廣島燒貝果 Hiroshima Okonomiyaki Bagel ($58)麵團加入鰹魚湯底和海苔粉，包體鹹甜鹹甜咁好特別，韌度足要多多咀嚼，不過唔係我鍾意嘅紮實型。包餡有炒麵、焦糖洋蔥同椰菜絲，加埋面頭嘅燒汁、蛋黃醬同木魚充滿日式風味，完全捕捉到廣島燒嘅神髓，按店家建議加埋紅薑絲食出乎意料地夾。🍽靜岡焙茶愛文芒雙層芝士蛋糕 Hojicha Irwin Mango Mango Double Fromage Cheesecake ($68) 層次分明嘅芝士蛋糕，最初以為似Letao出品偏雪糕口感，原來係綿綿地似奶凍，芒果當造好甜，焙茶味就可再濃啲。
🍽粟米湯巴斯克蛋糕 Creamy Corn Basque Burnt Cheesecake ($58) 呢個配搭真係第一次見，抱住實驗嘅精神叫左，結果好有驚喜！巴斯克蛋糕好重焦香，外圍實淨，中央軟心但未到流心，味道就好似飲緊金寶粟米甜湯咁，中間仲夾住粟米粒。☕️Mocha ($50 + Iced $5 + Oat Milk $5)之前飲過覺得高質encore，朱古力味同咖啡味同樣濃郁。值得一提嘅係店員介紹呢款Ethiopia Guji帶芒果香同花香，估唔到撈埋朱古力都咁明顯。☕️White ($45 + Oat Milk $5)同樣嘅豆喺凈white coffee度風味更明顯，好飲拉花又靚。☕️Hojicha Latte ($55 + Iced $5)焙茶拿鐵嘅濃度比蛋糕高得多，好似用左唔同茶粉(?)，試飲左一啖同屋企包香月園味道幾似，唔飲咖啡嘅朋友可以一試。每次黎飲啡都好滿意，蛋糕就中上質素，下次要試試filter coffee！餐牌：…Read More
