更多
2021-01-12
205 浏览
喺2020年最後一日,繼續我嘅食咗當去之旅!今次我去嘅係「印度」——餐廳Anjappar!😂點解突然叮起條癮想食印度嘢,事源我就諗起前幾日同老友Timbee嘅對話。我問佢去年點興祝聖誕或元旦,佢竟然話係拖另一半去食印度嘢...然後佢話大時大節當然要食印度嘢!果然係零浪漫細胞嘅生物~😅雖然講就咁講,佢提起印度菜,都真係有少少叮起我嘅飯癮!年近歲晚,今次就輪到我拉佢去食!尖沙咀有好多印度餐廳,今次揀Anjappar,係因為佢哋歷史悠久(品牌開創於1964年),所有菜餚都由印藉主廚主理,夠晒正宗,既然要食,當然食間最地道嘅!🤤✦ Anjappar chicken meal打開Menu一刻,就被呢個set meal吸引!好大堆頭!一大盤直上,除咖喱雞、牛油烤餅、脆薄片及印度香米外,仲有9款醬料!一邊點醬,一邊食飯/烤餅,樣樣嘢都試齊,啱晒我呢啲為食怪!😍其中,我勁鍾意佢哋個酸奶醬,點住脆薄片食,一入即化,酸酸地,口感超過癮!其次,仲有隻醬係用扁豆泥做,杰身少少,送飯一流!不過,唔知係咪試咗幾隻醬再食咖哩雞,相對嚟講,款咖哩雞就較一般,煮得有啲老,咖哩汁亦有啲淡,可能下次嚟,我會揀
今次我去嘅係「印度」——餐廳Anjappar!😂
點解突然叮起條癮想食印度嘢,事源我就諗起前幾日同老友Timbee嘅對話。我問佢去年點興祝聖誕或元旦,佢竟然話係拖另一半去食印度嘢...然後佢話大時大節當然要食印度嘢!果然係零浪漫細胞嘅生物~😅
雖然講就咁講,佢提起印度菜,都真係有少少叮起我嘅飯癮!年近歲晚,今次就輪到我拉佢去食!
尖沙咀有好多印度餐廳,今次揀Anjappar,係因為佢哋歷史悠久(品牌開創於1964年),所有菜餚都由印藉主廚主理,夠晒正宗,既然要食,當然食間最地道嘅!🤤
$100
23 浏览
0 赞好
0 留言
$100
18 浏览
0 赞好
0 留言
打開Menu一刻,就被呢個set meal吸引!好大堆頭!一大盤直上,除咖喱雞、牛油烤餅、脆薄片及印度香米外,仲有9款醬料!一邊點醬,一邊食飯/烤餅,樣樣嘢都試齊,啱晒我呢啲為食怪!😍
其中,我勁鍾意佢哋個酸奶醬,點住脆薄片食,一入即化,酸酸地,口感超過癮!其次,仲有隻醬係用扁豆泥做,杰身少少,送飯一流!
不過,唔知係咪試咗幾隻醬再食咖哩雞,相對嚟講,款咖哩雞就較一般,煮得有啲老,咖哩汁亦有啲淡,可能下次嚟,我會揀魚/牛。
$60
18 浏览
0 赞好
0 留言
初時睇到呢款炸雞,都擔心會好辣,係店員推介下,我就試下。所謂65,其實係店家自家調製嘅醃雞醬料,同烹調方式或温度無關。睇上去紅卜卜,實際唔辣,食上口薑味及香草味濃重,雞肉咬開亦算Juicy,整體都唔錯,但都幾熱氣,食多2舊感覺好涸喉。
$70
34 浏览
0 赞好
0 留言
呢款係薄荷烤雞肉串燒!鐵板直上,上枱時都咋咋聲,好正!🤤
用咗雞脾肉,好嫩滑,外皮烤得香脆,加埋清新嘅薄荷醬,好正!呢款大推薦!
$110
8 浏览
0 赞好
0 留言
Masala係印度常食嘅料理,嚟到呢度當然要食下。個人覺得呢款Masala係幾有誠意,好濃郁,醬汁偏杰身,明顯食到唔同層次嘅香料,如茴香、胡椒、肉桂、豆蔻等,幾香口!
✦ Garlic Naan
Set meal嘅烤餅完全唔夠喉!我哋又追加多份蒜蓉烤餅!不得不讚,印度人做烤餅真係有一手,煙韌得嚟又香口,點醬超正!
$40
11 浏览
0 赞好
0 留言
食咗咁多香口嘅印度嘢,當然點返杯奶昔順下喉。佢哋呢度嘅奶昔真係好creamy,意外地幾飽肚,第一下飲覺得有啲甜,但襯咖哩食又ok wo!唔會比咖哩搶味,又有助解辣,幾好。
P.S. 無論係廚師定店員,Anjappar都清一式係印度人,不過佢哋英文好好,加上有中文menu,唔洗擔心溝通問題!另外,店員嘅服務態度都好好,親切帶位,解釋菜單,成個用餐體驗都好窩心。
张贴