天仁茗茶 (淘大商場1期)

平日天仁茗茶的珍珠奶茶喝得多，但吃珍珠梳乎厘班戟就是第一次有別於過往嘗過的梳乎厘，天仁茗茶的班戟吃完了也沒有一種有負擔的感覺剛取到班戟就聞到濃濃的蛋香，班戟表面鋪上軟滑的忌廉忌廉帶有913茶王的茶香，旁邊附上珍珠和草莓，讓食客配搭品嚐配搭水果和珍珠，而非一般的巧克力等醬料讓人吃完也不會有罪惡感…查看更多

天仁茗茶係我最鐘意既奶茶品牌，今日行過九龍灣，見到呢間天仁茗茶不單有舒適的沙發椅，還有新出的，很受女孩歡迎的，打卡必備的梳乎厘班戟，決定試一試。天仁茗茶淘大店備有開放式座位和幾張小圓枱，吸引不少學生在温習做功課(又是土地問題？)，我們來到時剛好有座位，只是桌上全是擦膠碎，有點污穢，除了這點，其他都可以。913茶王梳乎厘班戟等了大概20分鐘左右，等到頸也長，好彩多點了一杯913奶茶，一邊談天一邊等待，否則會悶死。終於，經過苦苦等待，主角登場，第一次食梳乎厘班戟，感覺十分空氣感，蛋味十分香濃！大愛！熱辣辣的班戟，配上冰凍的913奶茶cream，意外地十分配合，味道有點似伯爵茶味，但配珍珠就有點奇怪，不過整體覺得還不錯，可以一試。…查看更多

行開九龍灣順路嚟試下913茶王梳乎厘班戟，等了15分鐘就有，入口第一啖香味就係珍珠奶茶香味，因為班戟上面有很多cream而這味道就是珍珠奶茶味，第二種香味就係蛋香味，而伴碟是士多啤梨和珍珠，珍珠很幼滑也好香珍珠奶茶味，班戟鬆軟度很軟滑好有空氣感，可惜切開後見到未完全凝固到梳乎厘感覺有點水狀態，如果再等多10秒8秒先上碟可能會做到完美，唯一問題就是這一點。總括嚟講似這個價錢算係唔錯，還有進步空間! ^ ^😃👍…查看更多

梳乎里班戟而家真係好HIT!! 係日本食過一陣風既梳乎里班戟之後, 返唔到轉頭, 成日都好想再食, 天仁今次竟然新出梳乎里班戟, 仲要得呢間先有, 又有得坐, 一定要黎試下!!平日放工差唔多7點去到竟然都冇人排隊, 仲以為會好多人, 點左餐之後就要等15分鐘左右既製作時間, 好正常!!我地叫左2款，913茶王梳乎里班戟 $42同埋 阿薩姆珍珠梳乎里班戟 $42，價錢都好合理!! 2個梳乎里班戟都唔係好甜, 甜度岩岩好, 珍珠貫徹始終一樣煙煙UNUN, 913茶王既茶味仲好突出, 好正呀!! 阿薩姆個CREAM就實D邪惡D!! 至於個班戟質感一流, 佢唔係一陣風, 食左好似冇食咁, 但又唔係硬實實飽肚感個種, 可以做到兩者中間, 有口感之餘又冇好濟既感覺，好好!! 仲有一款GREENTEA紅豆, 下次可以試埋!!!…查看更多

2018年6月23日。九龍灣。雨。天仁喺香港嘅台式手搖飲品界一直都佔一席位分店越開越多，由本來淨係開喺誠品入面，到而家開咗好多間獨立店舖淘大呢間分店新開無耐，主打有呢一兩年大熱嘅梳乎厘班戟珍珠奶茶同梳乎厘班戟，概念上除咗大家都係甜嘅之外，應該大纜都扯唔埋天仁淘大分店限定嘅梳乎厘班戟，當然要冒名一試淘大分店舖面比起誠品店大好多，而且店外面擺咗枱櫈，買完班戟可以坐低慢慢食舖頭開咗都一段時間，可能已經消化咗啲朝聖人流，所以落單唔使排隊咁滯嗌咗一份913茶王梳乎厘班戟同埋一杯咁啱做優惠嘅消暑冬瓜茶冬瓜茶等咗大概5分鐘左右就有啦但係班戟就等得比較耐，要成15分鐘到手仲熱辣辣，即整要等耐啲都合理嘅～913茶王梳乎厘班戟，$42，以梳乎厘班戟來講，份量都幾多，好抵食一份班戟有兩件，每塊厚度2至3厘米，旁邊擺咗啲士多啤梨同珍珠，班戟面就淋上忌廉同埋幾粒珍珠用具唔太環保，但賣相都算唔錯雖然未比得上Flipper's嗰啲咁fluffy，但班戟鬆軟得來又唔似食空氣，入口即融，質感非常唔錯忌廉食到茶香，同班戟配合得幾好可惜嘅係士多啤梨唔甜，而珍珠煙韌嘅口感同班戟亦有啲格格不入見到好多人都食剩晒啲珍珠就走咗以後如果可以揀配料，自己Mix & Match就更佳…查看更多

近年班戟和台式飲料店大行其道，而最早進入香港市場的天仁茗茶竟然踩過界，推出梳乎厘班戟，把所有流行元素加在一起mix & match，實在過癮！可能因為這家分店除了售賣飲料外，同時提供班戟、麵包和冰淇淋等甜品，所以設置了少量座位用餐。（值得一提的是，可能因為店員不足，這裡用餐後需要顧客自行清理乾淨，所以各位記得要有手尾，方便下一手用餐）周六中午時段，人流量頗多，加上班戟即叫即製，下單後需要等候約20分鐘。不過就現場所見，大部分也客人只是外帶飲料，所以梳乎厘班戟的實際等候時間並不長。班戟的配料包括珍珠和士多啤梨，梳乎厘班戟配合珍珠的口感特別，出乎意料的搭。特別的是，忌廉能吃到淡淡奶茶香，卻不會過份甜膩，但配合班戟食用的話味道不夠突出。另外，雖然名義上稱為梳乎厘班戟，卻絲毫沒有空氣感，嚴格來說只是兩款雪芳蛋糕。如果把它視為普通蛋糕，那倒是能獲得一個頗高分數。整體而言，珍珠加梳乎厘班戟這個配搭很特別，可惜敗筆在於最重要的班戟上，更加完全不能稱為梳乎厘班戟。如果你是913系列的粉絲，或者特別喜歡天仁茗茶系列的話，可以一試。當然，用作打卡呃like也是不錯的選擇。…查看更多

以甜品黎講，最近的大熱話題莫過於係淘大商場新開的天仁茗茶分店，首次推出的即製梳乎厘班戟🥞😍開張的第三日，我已經急不及待要去試試！中午十二時已經有一條人龍了。取班戟的位置新開張限定的913茶王梳乎厘班戟😍😍😍$35超抵食！新推出三款梳乎厘班戟，全部即叫即制，仲要用黎自日本🇯🇵鹿兒島縣的雞蛋🥚及明治4.3特濃牛奶🥛製成！仲有一系列輕食遲下推出😋我點了新開張限定的913茶王梳乎厘班戟試試🤤🤤🤤等了約20分鐘終於見到你了😍士多啤梨及珍珠的配搭覺得好新頴！忌廉入口有香濃的茶味，梳乎厘口感鬆軟，配上煙韌的珍珠，真係食得非常過癮！美食是值得等待的！👍🏻…查看更多

今日第一日開張，喺附近返工當然即刻去試啦估唔到夜晚8點落去冇乜人排隊舖頭分左2邊，一邊整野飲，一邊整pancake叫左一個pancake試下，新開張有優惠$35我地張單number係478，由466等到478大概等左15分鐘左右就有啦如果擺多d珍珠喺面賣相仲靚👍🏻個汁既奶茶味頗重，夠點晒2塊pancake空氣感做得幾好，有動L既效果珍珠好有咬口👍🏻👍🏻珍珠俾滿分不過士多啤梨好酸😣😣…查看更多