古今二 (觀塘工業中心)

彩虹卷 $98壽司卷用咗三種唔同嘅刺身魚，顏色豐富，入口配合埋牛油果片，充分帶出咗刺身嘅鮮甜，而飯卷入面用咗蟹柳，令到口感更多層次。- - -三文魚壽司薄餅 $88脆炸嘅飯餅口感香脆，上面放滿厚切嘅三文魚刺身粒，以沙律醬作調味，簡單又富有特色。- - -豚肉泡菜鍋 $98泡菜鍋入面有豚肉片、豆腐、娃娃菜等配料，湯底香辣入味，適合喜歡重口味嘅朋友試試。- - -日本溫室南瓜沙律 $58南瓜香甜，蟹籽鮮，沙律底部有生菜，健康又fresh嘅配搭。- - -原條茄子燒 $48燒茄子好香口，表面嘅醬汁有少少似XO醬，放滿咗好多蝦干，食落香而不辣。- - -黑豚荔枝卷串燒 $25荔枝配豬肉食落出奇地夾，酸酸甜甜嘅荔枝被燒香嘅肉卷包裹住，串燒咬落充滿肉汁同時又唔會油膩。…Read More

唔熟唔食Don't eat anything raw here觀塘近來成了新餐廳的集中地。我之前也來嚐過幾回，水準參差不一，就是沒試過日本菜。今日難得到附近處理私務，便來一試。Kwun Tong had opened new restaurant recently.  I have  tried a few but this was my first time to try a Japanese restaurant here.來居酒屋，沒可能不點刺身吧？和大部份的居酒屋一樣，這間居酒屋的廚師也是用一碗把刺身浸死。而更進一步的地方，是他竟然會用檸檬放在赤貝下，成功令赤貝的鮮味盡失。我還是第一次吃到檸檬味的赤貝，而那赤貝還聲稱是"新鮮"的。Similar to my habit in lzakaya, sashimi served first.  Similar to most Izakaya, the chef decided to drown the sashimi by a bowl of ice, but what made it special was he decided to place a piece of lemon beneath the akagai.  Although they claimed the akagai was fresh and living, what I can tasted was just lemon.  It was indeed my first time to try a lemon-tasted akagai.  In certain extent, it was impressive. 相對的，這間居酒屋"除刺身外"的食物倒是很正常。我們點了兩個沙律，分別是甜蝦柚子沙律和龍卷風(蟹柳)沙律。個人覺得龍卷風較好。蟹柳和沙律菜的比例很好，而且沙律醬用量適中，感覺清新。至於柚子沙律，甜蝦是意料之內，倒沒想過柚子也是少得可憐。不推薦點。What lucky was other food was quite "normal".  We have ordered two sets of salad, the one on top was called "Arashi" (Crab Willow). The distribution of the crab willow , salad vegetable and the sauce was good, which made the salad tasted fresh.  The other one was pomelo with prawn salad.  I expected there wouldn't be enough prawn, but what surprised me was the pomelo was not enough too.跟住上的是燒物。這個明太子雞翼。明太子的處理是正常，釀在雞翼內，雞主翼內沒骨是正常、雞翼 尾有骨也是正常，平平無奇。我曾吃過連雞翼尾骨也起掉、釀入明太子的作品…那是將明太子的口感、配上雞皮和雞肉的味道、再加上可以一口吃掉一口雞翼的滿足感。至於這個雞翼，只能說是平平無奇。Here came the barbecue food.  This was chicken wing with mentaiko. The chicken bone was not entirely removed at the edge area, which contributed a negative experience to the dish.  這個網燒牛舌。視覺上，會覺得用來燒的火力不足。當然，味道是沒問題，入口還很嫰滑。但可惜我點的不是清蒸牛舌……既然叫網燒，我是預計有點焦口感的。可惜。This was barbecued ox tongue. Although the ox was properly cooked, but you was expecting some kind of "burnt" for a barbecue dish.  It just appeared to be a "steamed" one instead.  What a pity.茄子燒都是頗令人動容。整條茄子開邊燒，火力明顯給燒牛舌強多了。茄子入口即溶，和溫熱的配料混合在一起，很完滿。到目前為止，這是味道最好、最滿足的食品。Despite of the disappointing ox tongue and chicken wing, the eggplant was impressive.  It was properly done and perfectly match with other ingredients.  It was the best we had so far.驚喜陸續有來。這是黑豚荔枝卷串燒。雖然滿眼的也是肥肥的豚肉，但和荔枝結合起來，不得了，入口不單有豚肉的油脂口感，還有荔枝的清新味道，完全不覺得油膩，非常神奇。這個串燒，不容錯過。And the surprises were keep on coming.  This was barbecued pork with lychee.  This was marvelous.  I never expect that lychee was a perfect match with oily good like pork.  Although the pork was over-fat , it did not taste oily at all with lychee.  This is a must try item, you can't miss this.有見這間餐廳的熟食有板有眼，於是便叫了卷物試試 - 這個是火焰金龍卷。炸蝦的處理很好，而且卷物的大小剛好，飯卷並沒有搶去炸號的口感。平衡感很好。As the hot dish seems good in this lzakaya, we continue to order to decide to try its rice roll.  This was the "fired" prawn roll.  The balancing of the prawn and rice was very good, and the prawn was properly fired.  Recommended.這是綠野仙踪。同樣的，平衡感很好。於芒果和飯卷放在一起，令我想起泰國有名的芒果糯米飯 …雖然這個不是甜食便是了。唯一要吐糟的，倒是"錄"色不足。不過，擺盤本身也很好。真的沒什麼好投訴。This one reminded me of the mango sticky rice, despite this one was not a desert.  Similar to the prawn roll, the balance of this mango roll was also good.  Recommended too.結論︰來這兒，只可點熟食。Conclusion:  Don't eat anything raw here.  …Read More

好耐無食日本菜，一早同同事打電話黎book定呢間人氣卷物食lunch🤗Set lunch都幾多選擇幾抵食，不過我地想試多啲款所以決定單點，我地叫左日本溫室南瓜沙律，黑豚荔枝卷串燒，茄子燒，兩款卷物火山同埋超級龍捲風，仲有三文魚壽司薄餅🤣❤️日本溫室南瓜沙律 💰5️⃣5️⃣賣相精美，紅橙黃綠白色都齊晒😁 Ｄ南瓜超級甜！！😱 入口綿滑，搭配爽口既洋蔥，新鮮juicy車厘茄同濃郁既蛋黃醬，非常夾！😋❤️茄子燒 💰3️⃣5️⃣好大份，店員一放低就聞到勁香！😍平時食開燒茄子都係配蒜蓉，但今次配XＯ醬櫻花蝦同樣出色，仲多左份微微既辣更加香口惹味！🤤(唔知係賣相太靚定係太香，搞到隔離檯個男人即刻同店員落單話要一份呢個🍆😂😂）❤️黑豚荔枝卷串燒 💰3️⃣8️⃣幾有創意，竟然將荔枝融入串燒裡面😯 估唔到荔枝既清甜又幾中和到燒豚肉既輕微油膩感，出乎意料咁夾！👏🏻⭐火山 💰8️⃣8️⃣面頭有D醬撈左蟹柳同埋蟹籽，下面係有帶子，青瓜，牛油果同蟹柳既卷，入口微暖，雖然都好食但感覺比較平庸 (可能我都係中意香口脆口野多啲🙊)❤️超級龍捲風 💰8️⃣8️⃣餡料有鰻魚，炸蝦，cream cheese，青瓜同脆片，鰻魚肥美而不膩，炸蝦外脆裡面爽口，搭配爽脆青瓜同埋幼滑又唔會太濃郁蓋過其他味道既cream cheese，層次豐富得黎分明，好好食！🤤🤤❤️三文魚壽司薄餅 💰8️⃣8️⃣連張上碟既墊紙都有晒紋路好鬼靚😂 上層舖左滿滿新鮮唔腥肉質肥美既三文魚同香口脆片，底層係類似吉列飯團咁，好香口兼飽肚😋眼闊肚窄既我地唔覺意好似叫左太多飯類既料理🙈不過好彩太好食都只係食淨少少🙊唔知要黎幾多次先試得晒我想試既野呢？！🤣🤣…Read More

今日係觀塘食埋晚飯先走。想食好西，就黎左呢間隱身於觀塘工廈既日式居酒屋古今二。古今二主打特色創意卷物，不過都有供應刺身，壽司，沙律，前菜小食，飯麵，鍋物，串燒，燒物，天婦羅等。創意卷物就必點架啦。另外叫左一份沙律，兩款串燒同一個鍋分享。麵豉湯一坐低就每人有一碗麵豉湯，湯夠濃夠鹹，入面有腐皮仔，豆腐粒，昆布同蔥花，好足料。龍卷風沙律 $68 另加一龍卷風沙律成座山咁，份量幾大！主要係新鮮生菜塊，加入脆脆海藻，蟹柳絲，蟹籽，撈埋沙律醬同佢地既招牌鰻魚汁，仲有唔少脆片碎增強口感。味道幾濃，主要係蟹柳同海藻味，仲有少少辣。金龍卷 & 蜘蛛 $173 另加一當然要叫我最愛嘅金龍卷，另外叫左蜘蛛。兩款卷物同一碟一齊上，擺盆精緻。金龍卷 $88 另加一金龍卷一客八件，分開兩條短金龍放係碟既兩邊，係加左黑白芝麻粒既壽司飯卷包住炸蝦加d 忌廉芝士，上面舖上一塊厚厚地既三文魚刺身，再加少少沙律醬。炸蝦皮好脆，我好鍾意忌廉芝士既清新味同creamy質感，加埋新鮮肥美既三文魚刺身，多重口感味道。蜘蛛 $85 另加一蜘蛛係紫菜卷包住炸軟殼蟹，蟹柳，牛油果同青瓜絲。一客五件，三件身兩件蜘蛛尾，賣相唔錯，特別係條尾。炸軟殼蟹仲好香脆，加埋青瓜同牛油果食可減膩，面頭仲加左少少蟹籽。椒鹽雞腎 $38 另加一椒鹽雞腎一客兩串，份量好足，雞腎串滿成支竹簽。雞腎質地好有咬口，味道好清，主要用黑椒調味，燒得好乾身。黑豚荔枝卷串燒 $38 另加一黑豚荔枝卷串燒一客兩串，每串三粒。燶燶哋嘅黑豚肉片包住香甜荔枝，香甜多汁嘅荔枝配香脆豚肉，好創新又夾。三文魚頭湯鍋 $88 另加一三文魚頭湯鍋個鍋好大，有半邊三文魚頭，好多甜嫩娃娃菜，幾多豆腐，京葱粒同紅蘿蔔。三文魚頭d肉居然唔算韌，都算嫩滑。個湯胡椒濃，少少辣。蔬菜吸左個湯超甜，好健康既鍋物，蔬菜量足。總括今餐嘅食物都幾唔錯，食左咁多野人均都只係$223。坐得舒服，最正係冷氣好勁，啱哂咁熱嘅夏天。…Read More

疫情關係，都令我地嘅外賣選擇都有所製肘，但好食嘅又點會受到影響呀！今日就來到朋友所介紹的「古今二」，未食已令我驚喜十足。首先地點非常接近地鐵站，相當很容易找到，而且店內有幅大壁畫更是洋溢著日本風味，但又有著懷舊的輕工業風，可見佈置上都落足心機。「古今二」最特別的就在其卷物的新鮮感，我都忍不住下了數款卷物、沙律、前菜。龍捲風沙律 / 八爪魚丸 / 黑豚荔枝卷串燒蜘蛛 / 金龍卷 /煙花真係外賣都不失其霸氣。龍捲風沙律龍捲風沙律中有鮮甜蟹柳絲、爽口中華沙律、新鮮沙律菜外，還加上蟹籽、沙律醬、秘制醬汁，令味道酸酸甜甜，口感豐富，絕對是非食不可的前菜小吃。八爪魚丸八爪魚丸外脆內軟，麵糰口感軟彈、食起來佈滿了彈牙多汁的八爪魚粒，配上燒汁、木魚碎，更覺惹味。黑豚荔枝卷串燒這特別的做法，以黑豚肉卷上香甜的荔枝肉，火炙後油脂滲入荔枝內，咬起來多汁Juicy，無得頂。當然還有令人最期待的卷物。蜘蛛 以青瓜、牛油果、蟹柳、軟殼蟹捲成的卷物，賣相已經相當吸引，軟殼蟹就如蜘蛛🕷️腳般走了出來，但配上味道清新的青瓜、牛油果、蟹柳，令口感香脆之餘更帶點清新的感覺。金龍卷以三文魚、炸蝦、芝士捲成，先有芝士的咸香感，再有三文魚的鮮味，更有炸蝦的香脆口感，口感豐富，活像一條金龍般，難怪成了他們的主打卷物。煙花煙花...以脆脆片放上辣味吞拿魚蓉/蟹籽上，營造一種煙花🎆爆破的感覺，甚有心思。細看下非常足料，吞拿魚蓉、三文魚、脆脆片、蟹籽擠得滿滿的，入口口感豐富、微微的香辣中更帶鮮味，真是完美配搭。…Read More

之前生日有朋友請我到古今二吃晚飯:)， 食過一次已經愛上這裏的卷物， 喜歡古今二的卷物很有特色， 種類又多。 星期五晚上想出街食飯，因為還未開返晚市的關係， 今次只能外賣， 好開心外賣的賣相都非常靚， 令我忍唔住立即在餐廳相機食先。 今次點煙三文魚沙律$75、 彩虹卷$98、 黑龍卷$95、 綠野仙蹤$98、 黑豚荔枝卷串燒$38和秘製蒜香牛油燒帆立貝$48。煙三文魚沙律～沙律菜新鮮，口感爽脆，醬汁量剛好， 煙三文魚油花口感，加上粒粒魚籽，很豐富。黑龍卷～ 古今四小龍卷之一， 個名已經很有氣派，有芝士、炸蟹柳、鰻魚和牛油果， 鰻魚做頂層， 卷物裏面有炸蟹柳和牛油果， 配上芝士味道好夾。彩虹卷～ 青瓜、牛油果、蟹柳和刺身魚， 外型色彩繽紛， 頂層有新鮮的刺身魚， 配上滿滿的配料， 多層次口感。綠野仙蹤～ 餐牌上寫新卷上市， 當然要試下新嘢啦！有八爪魚、蘋果、水蜜桃、蟹柳、牛油果和飛魚子， 超豐富的食物材料， 牛油果健康又好味， 水蜜桃香甜， 蘋果爽口， 再配八爪魚、蟹柳和飛魚子，非常豐富滋味。秘製蒜香牛油燒帆立貝～ 燒得剛剛好， 大大粒帆立貝肉質鮮嫩。黑豚荔枝卷串燒～黑豚肉的鮮味，荔枝的果甜味， 兩者很配合。今次外賣的質數keep住有水準， 卷物和串燒都做得很好， 期望晚市早日開返， 就可以約朋友們再來了。…Read More

週六帶媽媽去食日本野，就腳去番本區工廠大廈食最好不過。該店早有聽聞卷物出名，今次一試果真係堅。日式麻醬豆腐沙律 $75大大碗份量十足，新鮮生菜和嫩滑豆腐，配上美味的麻醬當然好食。青龍卷 $98有入口即溶的牛油果蓋面，飯裡有鰻魚和蟹柳，配搭得宜味道清甜，簡單好味。蜘蛛 $85特別的名字熟悉的餡料，青瓜、牛油果、蟹柳、炸軟殼蟹皆見，口感爽脆味道清甜不油膩。黑豚荔枝卷串燒 $38薄薄的豚肉捲住荔枝燒，清甜美味，唔錯。網燒牛舌 $48薄薄的牛舌有六大塊，口感爽彈肉質鬆軟，味道甘香，蘸埋醬汁酸酸地好好食，值得推介。三文魚頭湯鍋 $88見到咁大鍋真大鑊，一鍋夠晒兩人份量，十分足料，鍋裡有手掌咁大的三文魚頭，湯底奶白色味道鮮甜，甜味來自大量紅蘿蔔和娃娃菜，要ＫＯ整鍋不易。…Read More

Bookmark左古今二好耐，終於有機會試到佢既創意卷物😊 望住menu上面好有霸氣既卷物名，真係完全估唔到係咩黎，好有神祕感😎煙三文魚沙律 $75依個前菜勝在醬汁好出色，酸酸甜甜，好開胃👍 煙三文魚都好新鮮，肉質鮮嫩!!金龍卷 $88芝士、炸蝦、三文魚金龍原來係指炸蝦🍤 卷物中間係脆卜卜既炸蝦，上面仲鋪左三文魚同芝士，味道超夾👍富士山 $88牛油果、蟹柳、鰻魚、脆片依個富士山應該叫蟹柳山😂 海量既蟹柳下面就係牛油果、鰻魚卷😋 真心三樣都係我至愛，完美組合😎煙花 $95辣味三文魚、辣味吞拿魚、脆片雖然係寫住辣味，但不太辣的，大家可以放心😉 鋪係面既係吞拿魚蓉，三文魚就係卷物中間，兩樣都好新鮮😋黑豚荔枝卷串燒 $38依個季節都有又甜又大粒既荔枝🤩 仲要用黑豚肉包住，一咬落去香甜既荔枝汁爆出黎!! 依個串燒真心高質👍鰻魚炒飯 $105日本珍珠米咁煙韌，粒粒米都炒得好乾身好飽滿，依個炒飯點可能唔好食先😋 如果鰻魚既份量多點就完美啦🤩…Read More

同朋友去觀塘搵食，去咗一間好近地鐵站嘅人氣日本料理餐廳🇯🇵，主打日式創意卷物。 🥗煙三文魚沙律 $75 🥩炭烤油鹽羊架 $78 🌋火山 $88 🐉金龍卷 $88 🍡黑豚荔枝卷串燒 $38 🐠三文魚頭湯鍋 $88 我覺得最特別係串燒，佢用豚肉包住荔枝，食落去感覺特別。 至於最啱打卡就係火山，山丘由蟹籽和蟹柳堆成，精緻得來又好味。 個湯鍋真係有好大個三文魚頭，而啲湯好清甜。 個沙律嘅三文魚都算多，不過如果三文魚籽可以多啲就更加正。 羊架我覺得都唔錯，我朋友就話有啲韌。 店內裝潢幾靚，當日平日去都幾多人，價錢方面算幾抵食，兩個人五舊水左右。 📍KOKON2 - 官塘工業中心4期1樓 📮Follow @fm.feed ➡ to discover more appetizing foods …Read More

一般日本餐廳未必有咁多唔同種類卷物。古今二主打唔同種類卷物，選擇多達45種！所有卷物皆為即點即做！淨係睇餐牌都睇到花多眼亂！食物名好特別，十分有創意！價錢中等，食物質素唔錯，賣相唔差！＊－。－。－。－。－。－。－。－。－。－＊🔸彩虹卷$98卷物上層鋪滿三文魚、吞拿魚、牛油果，顏色鮮艷似彩虹咁，中層捲着青瓜，非常爽口。🔸煙花 $95卷物上層係辣味吞拿魚，加上脆片好香口。中間係辣味三文魚，微辣唔會蓋過魚的鮮味。🔸綠野仙蹤 $98滿滿的水蜜桃粒同飛魚子鋪滿卷物上層，中層包裹着牛油果、八爪魚、蘋果粒同蟹柳，除咗食到有果香味，口感亦非常豐富。🔸龍捲風沙律 $68沙律新鮮，份量多。蟹柳絲同飛魚子堆砌成一座小山丘。中下層係中華沙律，帶微辣，開胃一流。🔸黑豚荔枝卷串燒 $38將荔枝肉卷在黑豚肉入面燒，配搭新穎，不會太乾。荔枝味道清甜，肉質帶爽脆，與黑豚肉味道好夾。串燒上加了少量芝麻，香氣洋溢。🔸日式炒烏冬 $78如果食完卷物都未夠飽，可以叫一份炒烏冬填飽個胃。烏冬彈度適中，加入三色椒、雜菇、木魚碎，熱辣辣炒起好夠鑊氣！＊－。－。－。－。－。－。－。－。－。－＊…Read More

成日係ig見到人post呢間有好多特色壽司卷物 今日終於去左觀塘分店試 晚市人流都好多 餐廳都滿座☺️前菜我地揀左煙三文魚沙律同埋秋葵蝦肉天婦羅👅 煙三文魚沙律非常推介 有好多煙三文魚 沙律菜好新鮮 加埋蟹籽清新👍🏻 秋葵蝦肉天婦羅好特別 好似釀青椒咁 好鬆脆😋串燒方面我地就試網燒牛舌同黑豚荔枝卷串燒🤩 網燒牛舌又係非常推薦 抵食 超級juicy 厚身點埋d汁好好食🤤 黑豚荔枝卷串燒荔枝味香甜 加埋黑豚肉中和左油膩既感覺👍🏻卷物方面我地就揀左金龍卷 綠野仙蹤同富士山😍 金龍卷就係三文魚 芝士同炸蝦 炸蝦仲好香脆 三文魚上加上沙律醬 整個配搭好好食👅 綠野仙蹤上面有粒粒芒果 包住牛油果 蟹柳等食材 好清新👍🏻 配埋中間既富士山視覺效果好震撼 富士山入面有鰻魚同牛油果 面頭舖上滿滿嘅炙燒蟹柳 好香好惹味好滿足🌟…Read More

好多朋友講過都話哩間好食，今日終於抽到時間約朋友聚聚，順便潮聖一下，去到門口見到店鋪裝修有一種型格既工業風。龍卷風沙律($68)，非常大份，女士必食之選，將材料切成絲，底下鋪住生菜，一軟一爽口既口感好豐富，健康得黎又好味。古今日式餃子($40)，餃子煎得香脆，餡料既肉鎖得住肉汁，食落帶少少薑味。黑豚荔枝卷串燒($38)，創意小食，一般比較少菜式用水果做熱食，豚肉卷住荔枝肉出奇地幾夾，咬開荔枝爆出荔枝汁，甜甜地，加埋肉既鹹香，而且一冷一熱既口感不錯。主角兩款卷物出場啦。蜘蛛($85)，軟殼蟹配卷物簡直絕配，酥脆香口，盡可能一口放晒入口，因為餡料不易一咬就甩。忘不了您($88)，面層既醬汁真係無得頂，甜甜辣辣咁非常惹味，最內層係炸牛肉，食左一啖發覺有脆口既口感，細心一睇，原來牛肉係沾上左粉漿再炸，所以飯和牛中間有一層脆口炸粉漿。超級龍卷風($88)，最後再order多一款卷物，另一創意料理，餡料除左用上炸蝦和鰻魚之外，面頭再曬上薯片碎，有助提升口感，而且係我最喜愛既芝士味。…Read More

今日返工返觀塘，經同事介紹先知就觀塘的美食～鋪名好易記叫做「古今二」，同事果然無介紹錯，食完的確覺得幾好味😋前菜整個健康沙律先，是「龍捲風沙律」，底下鋪滿新鮮爽脆的生菜，中層有中華沙律，頂層是蟹柳絲和蟹籽，配合燒汁及千島醬，超！好！味！網燒牛舌：牛舌厚厚一片好有口感，黑豚荔枝卷串燒，燒得好香，咸咸地的豬肉片配甜甜地的荔枝肉好夾～荔枝都中和左豬肉本身的油膩感，驚喜😊青龍卷：牛油果同鰻魚好夾～彩虹卷有青瓜、蟹柳作為餡料，上面是三文魚、吞拿魚及牛油果，好清新辣妹：炸蝦卷同吞拿魚蓉的創新配搭，又幾好味😋…Read More

聞說古今二有很多別具特色的壽司，於是便到此吃晚飯，並叫了五道菜。第一道是金龍卷，即是三文魚芝士炸蝦壽司。 炸蝦頗香脆，味道不算很驚喜，正正常常。第二道是龍卷風，即是鰻魚芝士脆片壽司。芝士味略嫌過重，令到壽司只有芝士味而沒有鰻魚味。第三道是黑豚荔枝卷串燒，十分有驚喜！黑豚有很重的肉香味，咬下去，沁出清甜可口的荔枝汁，很有創意的一個串燒。第四道是日式焗豬扒飯，其實即是滑蛋吉列豬扒飯，吉列豬扒的炸粉不算厚，而且不會啖而無味，如果有更多滑蛋便更好！最後一道便是和風吉列牛肉飯，餐牌上寫著是有四件，原來是一件大的牛肉餅一開四，有取巧之嫌。牛肉口感頗像山竹牛肉，個人偏向牛肉打得無咁碎的牛肉餅，更有口感和能夠鎖住肉汁。來古今二吃的是創意，比上不足比下有餘，喜歡新派菜的朋友不妨一試。…Read More

契妹在古今二訂了枱為我慶祝生日，她說之前已經與朋友試過這裏的卷物做得幾出色，所以今次帶我來。 餐廳用餐時間個半鐘， 我們點了厚切黑椒牛舌$40， 黑豚荔枝卷串燒$35， 火山$88， 龍捲風沙律🥗$68， 三文魚壽司薄餅$88， 龍蝦卷$198， 芒果益力多特飲$32， 青檸熱情果梳打$38，Sapporo$28🍺。龍捲風沙律～ 份量多， 蔬菜新鮮， 賣相精美！😊火山～ 用細小的壽司砌成的，造型真是很像一個火山， 味道普通，但外觀特別。:)三文魚壽司薄餅～ 餅底是炸過的， 脆卜卜好香口，面層佈滿三文魚， 可以一試。:)黑豚荔枝卷串燒 ～ 甜甜多汁的荔枝， 還有外層的豚肉， 味道唔錯。厚切黑椒牛舌～ 可能太厚的關係， 比較硬很難咬。龍蝦卷～ 外層用牛油果包住，卷物入面龍蝦肉比較少， 反而食到蟹柳的感覺多些。Sapporo～ 食串燒一定要飲啤酒，解渴又清熱。青檸熱情果梳打～ 這杯是我契妹飲的，她說甜甜酸酸味道幾好。芒果益力多特飲～ 香甜的芒果汁配益力多，微甜！第一次到古今二，是在觀塘的工廈區，有很多不同種類的特色卷物，還有串燒和刺身。 如果用餐時間可以再多些就比較好，因為個半小時真是不夠用喎！…Read More