更多
2015-12-02
555 浏览
我嚟过食好多次鸡煲,因为呢度嘅鸡煲真系唔单止做得有心机,仲别有一番人情味同热诚!每次同朋友一齐嚟食,老板都已经认得我哋,成日同我哋倾下计,推介我哋有咩好食,有咩料够新鲜!最欣赏老板原来都系廿几岁出头後生仔,年纪轻轻又带着满满真心同热诚,希望前家乐可以带比每一位客人家嘅感觉和温暖!听完佢嘅分享,真系比佢梦想感动咗,希望你的梦想会成真!加油!入正路写食评!Johnny老板今次就推介我哋食香辣鸡蟹煲。足料又够丰富,成煲都系海鲜,只蟹好大只,啲鱼肉质够晒嫩滑,又好入味!果然冇介绍错!我哋叫左已经少辣,但愈食就愈辣,食到条脷痹左,都keep住食!哈哈!讲到火锅配料,又点少得牛肉!呢个厚切牛肩肉牛味好香,食落去又够鲜嫩,同一班牛魔王食,个个都大赞,眨下眼又清晒一碟噜!就连手切肥牛都不错!讲到牛味,比牛肩逊色一点点,但都几新鲜!而黑豚腩片,口感挺爽口!本人最锺意食芝士竹轮,一口咬,满满芝士,简直系火锅必食!仲有脆脆嘅响铃,专门系品嚐晒鸡煲嘅香辣汤底精华,索晒啲汁,好正!而且份量都好多啊!仲有其他火锅配料都好新鲜咖!多谢Johnny老板嘅好招待,精心炮制好味嘅鸡煲,我哋每次都食到Lamlam脷呀!
每次同朋友一齐嚟食,老板都已经认得我哋,成日同我哋倾下计,推介我哋有咩好食,有咩料够新鲜!
最欣赏老板原来都系廿几岁出头後生仔,年纪轻轻又带着满满真心同热诚,希望前家乐可以带比每一位客人家嘅感觉和温暖!听完佢嘅分享,真系比佢梦想感动咗,希望你的梦想会成真!加油! 入正路写食评!Johnny老板今次就推介我哋食香辣鸡蟹煲。
足料又够丰富,成煲都系海鲜,只蟹好大只,啲鱼肉质够晒嫩滑,又好入味!果然冇介绍错!
我哋叫左已经少辣,但愈食就愈辣,食到条脷痹左,都keep住食!哈哈!
$288
23 浏览
0 赞好
0 留言
我哋每次都食到Lamlam脷呀!
张贴