品茶 (已結業)

今日響公司，同事話收到傳單，係新開既台式飲品外賣店，諗住支持下小店，每人叫杯，傳單有QR CODE, 可以下載App落單，好方便，叫完都好快直接送到公司喎，服務員送時，著了品茶的制服Tee，服務好好，有禮貌，叫了黑糖珍珠鮮奶茶$30，經典飲品，微甜，有茶香，珍珠份量都好多。Cafe Latte$38，咖啡味夠香，奶多夠滑。Fruit Tea 類係米香烏龍檸檬冷露 $24，冷露即係冬瓜，夠清新，生津解渴，好大杯，抵飲喎，另一杯高山青茶冷露$24，微甜味，飲落喉嚨好舒服，好清涼。