亞南雞煲

講起食雞煲都分了有好幾級別，其一係價錢差別等如係食材質素，其二係配搭方面都好重要，加埋出色醬汁烹調先至可以食到美味雞煲，今次都唔例外又去品嚐至愛雞煲店舖位置係花園街亞南雞煲，睇個名就知道係專食雞煲嘅專門店，係餐單上面已有十多個款口味選擇，必定有一款啱心水，我哋叫了呢款日本帶子雞煲(細煲）$318除了招牌美食，仲有多款餐前小食提供，點了兩款食住先，第一款麻辣墨魚鬚$65，入口已感受麻香味幾刺激，墨魚酥肉質爽滑口感十足襯埋天地一號蘋果醋解解辣味又繼續食至於第二款酥炸桶蠔（每隻$48），最小要order兩隻起先至有有食，一人最小都食到兩隻，尤其我呢D蠔痴啱晒胃口，而且份量都有咁上下大件金黃鬆脆嘅炸漿包住肥美飽滿桶蠔，咬一啖已食到爆汁嘅蠔肉鮮甜十足，真係首選必點小食，一邊食一邊等終於輪到主菜雞煲始滚起已經聞到醬汁散發出濃郁香味係時候慢慢品嚐一下當然吸精地方之一，有剌身級嘅日本帶子，連埋花甲提升整個煲味道，帶子肉質爽彈囗感一流再食件雞肉掛滿晒汁食落更惹味花甲肉一樣咁出鮮，連埋其他配料一齊食會更滋味更濃，不知不覺地咁享受一餐豐盛滋味雞煲。…查看更多

天文台發出寒冷天氣溫馨提示，我卻過了一個暖和的晚上！點解呢？因為與好友相聚一起、齊齊吃了兩個雞煲火鍋，涼風陣陣，仲有乜嘢更好嘅節目！相約花園街的老字號「亞南雞煲」，預先訂了一只新鮮雞（+$200），但求滋補雞煲更盡善盡美。一個清湯煲未能滿足，再來一個惹味的方才完美，多點一個辣雞乾鍋，鴛鴦口味，朋友們可以各適其適。冬瓜瑤柱花膠新鮮雞湯鍋新鮮雞果然不同，肉質嫩滑，雞珍亦沒有放過。湯頭奶白，冬瓜瑤柱吸盡湯汁，鮮美無比；花膠半溶化，口感軟熟，裏面仲有一些蜆仔。每人喝了至少三碗湯，溫暖在心頭！野生竹笙皇 $118「亞南雞煲」選用的竹笙皇，超巨型，於這個滋補花膠雞鍋是絕配！日本帶子辣雞鍋（小） $308調味出色，香惹微辣，估計有咖喱粉成份，雞件非常入味，肉質嫩滑，口口皆滋味。日本帶子大大隻，調味了的花膠更討好。「亞南雞煲」的餐前小吃非常出色，尤其是炸物，自製飲品非常大杯，我們當然不會錯過。尖椒皮蛋 $55皮蛋很軟糯，微辣令人開胃。麻辣墨魚鬚 $65非常輕微的辣與麻，剛好為墨魚鬚提味。皇牌脆炸牛坑腩 $88酥脆不膩，牛坑腩肉質上乘，炸功出色，不愧為招牌。椒鹽鮮鮑魚  $48/隻賣相已經令人垂涎欲滴，口感一流。酥炸桶蠔 $48/隻外脆內爆汁。火鍋配料，我們吃了這些，材料全部嚴選，新鮮上乘，沒有可能不滿意。手切極品肥牛（小）$238深海龍躉片 $138日本帶子 $108大花蜆 $98用心製作湯底，食材優質，服務友善有效率，環境清潔，周一晚亦門庭若市，真心推薦！話說現在香港人北上消費，週一週五晚的食肆淡靜，在這裏光景完全不一樣！有興趣，記得預先訂位。…查看更多

此雞非彼雞，「亞南雞煲」是我吃過中最好吃的雞煲，雖然同樣用冰鮮雞，但肉質鮮嫩細緻，相比一般坊間吃到的有質素。湯煲湯頭濃郁，乾鍋香辣惹味。另一亮點是火鍋材料的質素，新鮮上乘，物有所值。怪不得在寧靜街頭上，「亞南雞煲」是最熱鬧的一間店。此外，飯店非常清潔，沒有黐立立的餐桌及地下，就算洗手間亦意料之外的乾淨，在旺角區街坊店甚難得，值得嘉許！返回主題，咁我哋食咗啲咩呢？人多好辦事，我們吃了多款香口餐前小吃，湯鍋及乾鍋，之後如常點選肥牛、黑毛豬、海鮮、餃丸及蔬菜等，大飽口福！皇牌脆炸牛坑腩 $88牛坑腩真係靚，肉質鬆軟，炸過之後，外脆內軟有牛肉的咬口。椒鹽鮮鮑魚 $48/隻處理得很好，鹹香與柔韌的鮑魚合拍，小口小口慢慢咀嚼，配點冰涼啤酒喝，黃金組合。酥炸桶蠔 $48/隻酥脆惹味，巨型桶蠔，入口爆汁！蝦多士拼油炸鬼墨魚滑 $62鮮美香口。麻辣墨魚鬚 $65墨魚鬚切成幼條，非常彈牙可口。不過唔知係咪同伴要求雞煲微辣，服務員也替這個麻辣墨魚鬚安排了少辣，所以依我口味並不麻辣，下次再來要吃正常味道的啊！蟲草花野生竹笙花膠濃湯雞煲 半隻$328奶黃色的湯頭見者垂涎，雞湯香氣四溢；很多蟲草花在湯面，咬落很有口感；再夾起竹笙，嘩！果然是皇，未見過咁大條，花膠份量都唔少，呢煲湯真係足料；醇厚味甜，飲得落幾碗。雞的質素已經談過，皮爽肉滑，好吃。日本帶子花甲雞煲 細煲$308因為有抉擇困難症，我們選了帶子與花甲雙拼，哈哈！飯店果然嚴選食材，花甲及帶子皆厚肉鮮嫩。乾煲調味豐富，少少辣的雞，風味有別，同樣出色。手打極品肥牛（細）$238脂肪豐富，色澤亮麗，口感軟滑。極品黑豚肉（小）$188肥瘦肉比例適中，肉質上乘，嫩滑富嚼勁。深海龍躉片 $138日本帶子 $108大花蜆 $98手打雙拼滑（蝦滑墨魚滑）$88野生竹笙皇 $118蔬菜籃 $48雜瓜拼盤 $48全部食材新鮮夠份量，難有投訴。鳳城餃子 $55鮮蝦雲吞 $55餃子雲吞果然是自家製，有意想不到的有蝦香，皮薄餡料足；鹹蛋流心丸 $55咬一口流心丸，鹹蛋液流出，味香討好。冰凍檸檬茶 $33特別介紹這杯檸檬茶，清涼可口真大杯！服務態度良好，心水推薦，值得重訪。…查看更多

雞煲呢家嘢晌香港都興咗好耐，就算只喺雞煲，商家都各出奇謀，最後，朋友介紹位處太子嘅「亞南雞煲」，皆因雞煲嘅款式超多之餘，配料更喺重質不重量嘅，故此，約埋老友一心過嚟食靚嘢。鋪外、鋪內裝潢都比較樸實唔花巧，最緊要夠整潔，地方企理，天花更安裝咗好多部冷氣，絕對唔會食到一身汗，而牆上貼咗好多唔同嘅雞煲及其他食物嘅相片，非常吸引。再走入啲，餐廳盡頭，仲有另一個用餐區，眼見有多張散枱，但店長話夠人都可以僻為一個廂房。香港人向來都好喜歡雞煲、打邊爐，雖然話家下經濟唔多景氣，但唔喺講笑，幾乎全場爆滿，可見餐廳有質素先喺咁。究竟雞煲有幾多選擇？仲有啲咩配料、飲品？我就唔講太多喇，索性掃描晒所有點餐紙出嚟俾大家參考就一目了然。而雞煲有乾嘅，有湯嘅，辣度及麻度都有得揀。溫馨提示，店內有列明用餐時間為入座後2小時，除非出面真喺好多人等位，否則，店長話都未必好嚴格執行，反正大家嚟都喺想食得開心愉快。自家製涼茶系列 $28平時打邊爐就好鍾意嗌汽水飲，不過，喺牆上見到佢有啲自家製涼茶，兼且款式特別，當然要試試嚟降下火。有老友就揀海底椰雪梨茶，而小弟嘅選擇喺羅漢果菊花靈芝茶，少甜之餘，最正喺標明成份同功效，又夠大樽，邊食邊飲去除罪惡感。麻辣墨魚鬚 $65 等齊人嘅時候，最好喺叫啲餐前小食過吓口癒，小食選擇多，又有特色。好似呢一款墨魚鬚，鮮甜柔韌，極具口感。雖然叫麻辣，嗌之前都問過店員會唔會好辣，入口確實唔太辣，帶濃濃麻騷感，如果真喺好搶心辣嘅問題，可以揀冰鎮墨魚鬚喔。椒鹽鮮鮑魚 $48 /隻兩隻起，如果純粹想試試，可以麻煩師傅一開二，多幾個人「些牙」。而呢個小食重點喺食質素，鮮鮑魚好大隻，甚有鮑鮮味，口感煙韌有咬口，酥炸後再灑上椒鹽調味，鹹香微辣，好有風味。皇牌脆炸牛坑腩 $88牛坑腩就肯定唔會喺第一次食啦，不過，以脆炸形式去做就肯定喺第一次喇。牛腩南送到上枱，店長特別強調佢哋啲坑腩喺新鮮貨，所以，就更加落力去細味。個脆皮炸得金黃，夠薄又酥脆，兼唔油膩，而腩位好鬆化，又好有肉香，口感極佳。蟲草花野生竹笙花膠濃湯雞煲 $328我哋就想食得濕濕哋，又有啖靚湯飲，所以，揀個湯雞煲，而呢款有竹笙，又有花膠，啱晒我哋啦。唔喺講笑，我都喺第一次見啲咁大條嘅竹笙，好有睇頭，加埋湯內有唔少花膠同雞件，超抵食喎。先飲啖湯，奶白色嘅雞湯，味道好甜，濃而不濁，飲得到啖啖都喺精華。蟲草花有咬口，啲野生竹笙果然好堅，非常之大條，入口好爽脆，吸滿湯汁，非常鮮味，而啲花膠亦食得出喺靚料，柔韌富膠質，而絕對無一陣陣腥味，啲雞件肉質好嫩滑，又好有鮮雞味，幾款食材都無令人失望。順帶一提，原來事前預訂成隻雞嘅話，喺可以要求選用新鮮雞，價錢當然會貴啲，不過，就算我哋無預訂，所食嘅喺冰鮮雞，質素都已經好高質。手打雙拼滑 $88清咗個雞煲嘅食材之後，跟住再嗌其他火鍋料試試，先喺啲墨魚滑同蝦滑，打得夠功夫，所以，口感非常之彈牙，前者好有墨魚嘅甜味，後者好有蝦鮮味。大花蜆 $98花蜆用上大花甲，睇樣已經見到非常之大隻，灼熟之後，蜆肉食落非常之厚身肥美，仲帶有陣陣海水嘅鹹鮮味。極品肥牛拼龍躉片 $248打邊爐又點可以少得肥牛呢！呢度賣嘅牛亦都喺好高質素，油脂分佈平均，色澤鮮豔，唔會暗暗啞啞。揀咗呢個肥牛拼龍躉片，就可以一次過試兩樣嘢，隨拼盤仲奉送一份蔬菜。 淥龍躉片真喺要講手勢，淥嘅時間啱啱好，魚肉入口非常之嫩滑，而且，極具魚味，好鮮甜；至於啲肥牛，放晌湯內灼一灼，轉色就食，嗰份嫩滑感，油脂香，真喺無得輸，仲甚富肉味，真喺一塊接一塊咁淥嚟食。最後，仲送咗啲優惠券俾我哋，真識做生意，其中一張更喺半價雞煲換領券，咁當然要湊大棚人啲嚟食個大雞煲啦。總結一句，唔單止雞煲款式多，食材用料靚，而且，啲招呼亦非常好，店員細心有禮又殷勤，讓客人都食得開心。所以，咁多客人嚟幫襯，真喺不無道理。…查看更多

不管天氣如何，港人都鍾意打邊爐同埋食雞煲，這晚來到太子亞南雞煲 ，幾乎全場滿座，幸好朋友先到達，不用等位即可入座。這裡都幾多雞煲選擇，還可以選冰鮮雞或新鮮雞呢，當然價錢會不一樣啦！**新鮮雞必須預訂**冬瓜瑤柱花甲濃湯雞煲 $628，超喜歡這個湯底，用上整隻新鮮雞、金華火腿、粟米等熬，鮮甜度爆登，花甲新鮮飽滿，記得不要烚太久，以免過火影響口感；女士們要滋陰養顏，還另加了原條花膠筒呢！火鍋配料都幾高質，尤其是野生竹笙$118，脆嫩爽口，可以完美吸收湯底精華。再來個手切極品肥牛 $318，油花分佈均勻，燙兩三下已可吃，入口柔嫩，肉味香濃。而花膠雞煲$308，則用了半隻冰鮮雞加上新鮮雞雞雜，少少麻辣好惹味，另加了日本刺身級帶子$224做配料，吃得過癮。同時，要喝杯鹹檸檬七喜 $33解渴解辣。不得不說，這裡除了雞煲，原來小食也相當出色，麻辣墨魚鬚 $65 ，入口爽彈帶點麻辣，佐酒一流。脆皮牛腩 $88，炸漿薄脆，牢牢地貼在牛坑腩上，沒有鬆開，外脆內嫩，口感極佳。想不到在這裡也可以吃到懷舊手工菜，油炸鬼拼蝦多士 $62，脹卜卜的，炸得鬆化酥脆不油膩。…查看更多