鮨一 (厚福街)

呢間日本居酒屋，我已經幫襯咗好多年食物質素同服務一直都唔錯曾經有一次，我唔知刺身生日飯要提早預訂即日去詢問，佢地都肯做俾我壽星女冇失望，值得抵讚🩷食物方面，我最愛佢嘅千層海膽飯同埋清酒煮蜆每次嚟食都必點！🔥其實鯛魚奶湯都好正，不過太飽～今次冇叫🥹千層海膽飯 $298海膽超鮮甜，冇苦澀味，舖滿喺最頂層，中間係吞拿魚蓉最底係有輕微醋及醬油味嘅飯，配有紫菜，大大匙𢳂落去紫菜夾住嚟食，超有滿足感！特上八貫目 配細烏冬 $138八貫目係午市套餐，包括八件壽司，蒸蛋，沙律，螺肉，麵豉湯以及細烏冬。至於壽司，分別有海膽、三文魚、赤蝦、帶子、火炙蝶魚邊、劍魚腩、深海池魚及玉子。甲羅燒 $98濃濃蟹膏同蟹肉，混合麵豉醬及淡淡嘅清酒味，配有日本蛋黃，沾係脆卜卜多士，一塊又一塊，停唔到口！🦀清酒煮蜆$68呢一道菜係我favourite，每次都推介呢一個俾朋友。大大隻又厚身嘅蜆肉，滑嫩鮮甜，啖啖肉都充滿清酒香味，下邊墊底嘅蘿蔔，吸晒蜆肉同酒味嘅精華！我連啲湯都飲埋😛鹽燒牛舌 $38厚身牛舌，燒到面層焦香，鹹味恰到好處牛舌厚肉，略嫌有少少韌，不過不失…查看更多

尖沙咀必試日本料理🍣星期六打算Book枱 但都full咗 要walk-in 大約18:30 去到 剛好仍有二人位到走19:30 個時已經大排長龍餐廳價錢合理店員服務態度好辣酒煮蠔🦪都不錯 不過真係有少少🤏辣蘿蔔都好甜 無渣軟殼蟹手卷🦀即叫即炸👍🏻鰻魚炒飯炒飯夠乾身 入味份量大 必食第一名鹽燒牛舌所有野都可以唔叫 但一定要叫依個牛舌夠淋 燒得岩岩好配上檸檬🍋汁 完美👏🏻👏🏻👏🏻鵝肝壽司🍣大大舊 熱辣辣鵝肝入口即溶😋必食第二名…查看更多

日本A5和牛刺身丼 $398 第一次食和牛刺身，賣相好靚，油脂分佈都幾平均，好似啱啱解凍肥牛咁，食落係凍凍地，有少少嚼勁，牛味唔算好濃，但係幾特別。丼飯係啡色既，唔知係咪加左醬油既壽司飯，唔係好食得出個分別。甲羅燒 $98 蟹膏加半熟蛋，撈匀配脆卜卜烘多士好正！如果撈飯應該更加正！哈特上十貫目 $348 十件壽司有海膽，拖羅，帶子各一，其他七件係師傅拍板，唔係好知係咩魚，但都好食既。見到師傅逐件手握壽司，感覺幾治愈（係咪有啲變態...）鮨一沙律 $128 好食！每啖都食到粒粒海鮮，有三文魚，八爪魚同油甘魚，個蕃茄好鮮甜，撈匀蟹籽同沙律醬微微帶酸好開胃！鹽燒油甘魚鮫 $98 皮脆肉嫩，無三文魚餃咁油，唔錯。免治雞肉 $35 好食，入面有雞軟骨，口感豐富，點蛋食真係好正！煙肉荔枝卷 $28 呢仲配搭又係好正，荔枝又甜又多汁，中和返煙肉既肥膩。鹽燒牛脷 $38 好食，少少嚼勁但唔係韌到咬唔開，黑椒味幾濃。大蔥雞肉 $28 無咩特別，醬味濃，雞肉嫩滑，大蔥唔太乾身。梅酒 $58 本身我就唔大興趣飲酒，生日高興就飲少少啦，呢杯梅酒又好易入口，幾香醇。不過睇粒梅個質感應該浸左唔係好多年。餐廳食物質素幾高，但價錢都好高！多謝友人請食生日飯。…查看更多

-••••••••••••••••••••••••••••••🍣鮨一日本料理 (尖沙咀)📍尖沙咀厚福街12號藍馬商業大廈18樓☎️電話:37059227⏰營業時間:12:00-14:30，18:00-23:00🦀甲羅燒💰HKD$98呢個甲羅燒唔係用鵪鶉蛋，而係用雞黃，同埋唔係好食到蟹肉，但蟹膏都幾鮮甜🤤有淡淡清酒味，加左清酒既蟹膏無咁重味，比就咁食蟹膏更易入口👍🏾配埋脆多士一齊食，有啲食鵝肝配多士既Feel🤣🤣🤣🐮👅鹽燒牛舌💰HKD$38一串我每次食日本必叫既嘢食😋最中意牛舌又彈牙又爽口，今次呢個牛舌燒得岩岩好，唔會太韌，加埋檸檬汁🍋食，整體會再清新啲，因為本來牛舌既味道都係較重，有啲人可能會覺得有牛騷味，檸檬汁係一個好好既調和👍🏾🐟鹽燒三文魚腩 💰HKD$68鮨一既燒物真係燒得不錯，三文魚腩外脆內軟，魚腩脂比例較高，入口好快融化，肉既比例較少，怕食脂肪既朋友可以選擇其他魚同其他部位😁🍵燒明太子茶漬飯 💰HKD$45正正常常，不過不失👌🏾🍱牛油果軟殼蟹反卷 💰HKD$78牛油果軟殼蟹反卷最易出事係炸軟殼蟹上，一係炸得太勁，硬到完全食唔到軟殼蟹，一係炸完擺得太耐，放到腍哂，啲油滲哂出黎🤢但呢個又炸得岩岩好，皮夠脆又食到蟹肉，仲要無食到成口油，通常食炸軟殼蟹都係粉多過蟹，軟殼蟹同炸粉比例幾好不錯不錯😆壽司🍣(日本鮮帶子💰HKD$35@1、芥末八爪魚💰HKD$18@1、油甘魚💰HKD$32@1、火炙三文魚腩💰HKD$24@1)鮨一既壽司飯係赤醋飯，比一般白米醋飯酸度較温和，之間赤醋飯係香港比較少見，可能要係比較高級既日本餐廳先食到，不過而家越嚟越多地方都有得食👍🏾鮮帶子十分鮮甜，上面有少少柚子皮，食落有淡淡既柚子香味。芥末八爪魚不會太嗆鼻，八爪魚亦唔會好似橡筋咁咬唔爛。油甘魚就反而普通左啲，同出面食差不多。火炙三文魚腩入口即融，夠肥美，油脂十分香。🍱🍣🍱🍣🍱🍣🍱🍣🍱🍣🍱🍣🍱🍣🍱餐廳食物質素不錯，價錢都算合理，環境方面就正常，但有三層都係佢哋餐廳，所以坐位唔會好密集，呢度加左好多分，服務態度都ok，但就落錯左幾次order，落少左同埋落錯隔離枱🙈但整體都不錯既，推薦大家去試下☺️••••••••••••••••••••••••••••••…查看更多

尖沙咀高質中價日本菜🇯🇵.📍#鮨一日本料理📍G One Sushi Japanese Restaurant .🇭🇰香港尖沙咀厚福街12號藍馬商業大廈20樓🇭🇰20/F, The Lamma Tower, 12 Hai Fook Street, Tsim Sha Tsui, HK.#尖沙咀 #日本菜 #MFJ尖沙咀 #MFJ日本菜#tsimShaTsui #Japanesefood #MFJTsimShaTsui #MFJJapaneseFood.人均消費: HKD400.味道: 👅👅👅👅賣相: 👀👀👀價格: 💰💰💰環境: 服務: 👨🏻👨🏻性價比: ⭐️⭐️⭐️回頭率: 🔆🔆🔆.網上評價十分好的鮨一今日有幸一試❣️位於厚福街藍馬商業大廈18樓，地理位置方便，佔地3層但十分逼迫🤐兩枱之間大概相距30厘米，因疫情關係有塊咭板相隔，迫上加迫🙈.Ⓜ️#日本枝豆 HKD35枝豆沒特別 但鹽味不太均勻，有些咸有些不咸，做餐前小食不錯 💯#鹽燒三文魚腩 HKD68超出預期的鹽燒三文魚腩💯調味做得十分好，味道像椒鹽！焦點在魚肉，魚皮位置又薄又脆，咬落去好鬆脆，咬到魚肉時肉質好柔軟好鬆化，真係好正❤️ ⭐️#鹽燒牛舌 HKD38牛舌味道燒得挺好吃，調味剛好，而且肉味香，但牛舌略嫌有少許韌，但整體又不錯 Ⓜ️#甲羅燒 HKD98甲羅燒賣相好吸引！甲羅燒是用麵豉調過味的蟹膏，好多時係加鵪鶉蛋，成隻雞蛋好少見🤣撈咗蛋雞後再酸多士食，不過蟹膏味不足，麵豉味相對比較重，份量的話兩個人已經足夠了👌🏻 ⭐️#特上錦繡刺身 HKD488刺身拼盤一共有八款❣️上枱有少許失望，因為無論我哋點執，影相效果都好差🤣刺身比較突別，有些是平時比較少食🤩拼盤有三文魚籽，帶子，牡丹蝦，吞拿魚，另外有四款好少食嘅魚‼️牡丹蝦同帶子有少許失色，肉質唔多爽口，但其他都十分出色！特別係少見的四款，口感各有不用，有款像香港的𩶘魚，口感比較稔油脂較少！一款有應該是炙燒，十分爽口，加上炙燒香味十足！別外兩款就屬爽口類，比較鮮味！整個拼盤我覺得值得一試✨.味道不錯，CP值高，本來想試更多但真心太迫太嘈！而且食食下有隻小小強出現😭結果決定轉場再食過，希望疫情過後會再來食過🔆.#mfoodjournal #instagfood #foodstagram #foodie #hkfoodie #foodblog #hkfoodblog #tastyfood #相機食先 #吃貨 #食好西 #香港美食指南 …查看更多

是次與朋友慶生，主要選取方便的地點。餐廳環境細小，枱與枱之間的空間不大，會聽到旁邊一枱的對話。點了個千層海膽（$298）雖然海膽厚厚的，但只屬一人份量，我們4個人，分到每人一口多少少海膽十分鮮甜，下面還夾著吞拿魚蓉，是十分肥美的菜色。八爪魚燒餅（$32）章魚丸的扁版，也好吃。鹽燒牛舌（$32）不會太難咬，有點咸，不過椒鹽就是咸。椒鹽軟殻蟹（$68）沒什麼特別。特上十貫目（$328）新鮮的，只是不夠特別。4件芥辣八爪魚（$56）正常的味道。3件蟹肉蟹羔（$60）不太腥，味道是好吃的！煙肉帶子炒飯（$88）沒特別好吃，就拿來充飢填肚。銀雪魚西京燒（$128）挺滑身的。雪味腥味都不重。豚肉露筍卷（$35）味道比較普通，不是必選。總結：還點了別的食物，$500以下埋單！值得一食。…查看更多

如果鐘意食日本野，並對海膽情有獨忠，咁一定會留意到呢間最近成為城中熱話既餐廳。聽講事情已經發展到Walk-in起碼要等一小時既地步，所以我同朋友都一早訂左位，但由於真係好多人食，到左都要等10分鐘左右。最終好好彩，我地被安排到坐係BAR枱位置，可以睇住師傅整野食。點餐之後，我地就耐心等待。師傅把一個日本長野縣高糖度蕃茄放在沙律菜上的中央，蕃茄被角切魚生，加入酸酸甜甜的沙律醬汁，就完成這度鮨一沙律。沙律口感清新，作為前菜感覺一流。最令我驚喜的就是沙律中央的蕃茄，真的超清甜！暫時是我吃過最好吃的！特上錦繡刺身拼盤，有拖羅、帶子、海膽、金目鯛、大甜蝦、劍魚同我最愛的油甘魚，師傅話有龍蝦刺身，問我地想唔想試下。我同朋友都未食過龍蝦刺身，所以都想試下，最後加左$300要埋龍蝦刺身。可能師傅覺得冇咩靚刺身，所以比左四件油甘魚我地。拖羅油花好靚，但未去到入口即溶，不過都食到油香。龍蝦刺身好爽脆，口感肉厚，味道比較清淡，其實沒有什麼特別，加上份量唔多，個人覺得要另加$300感覺不太化算。今晚主角千層海膽丼出現了！相信每個客人黎到鮨一都係為左佢！半板以上韓國馬糞海膽一層一層咁疊係舖左吞拿魚蓉既赤醋壽司飯上面，最後加上小小金萡作點綴。「千層海膽」真係唔係浪得虛名，朋友話第一次食海膽仲多過飯既海膽丼，一食就表現出好滿足既樣子，形容海膽口感Creamy而且鮮味十足，完全係視覺同味覺既享受。第一次食甲羅燒，係蟹肉、蟹膏同個生蛋黃。將生蛋黃混合蟹肉、蟹膏，然後塗左多士上，蟹膏味濃郁，係一款好好的助酒小食。除左生野，師傅都介紹左幾款熟食比我地。一款我超喜歡的就係辣酒煮蜆。辣湯清甜好香，有微辣，好惹味。蜆大部份都幾大隻，肥大肉厚，鮮甜好食。因為我鐘意食辣，所以呢個我超推介呀。我地仲點左鹽燒牛舌同炸蝦天婦羅。當然天婦羅要趁熱食先好食。大蝦天婦羅味道還可以，但我覺得炸漿有點兒略厚；仲有我第一次接觸的炸金菇，油味較重，個人不太喜歡。因為呢度所有野都黎得好快，最後到食燒牛舌時，牛舌已經凍左，不過都仲咬得到，而且切得唔會太薄，厚度適中，明顯冇燒得過時，相信趁熱食會更好味。…查看更多