香香宮煮 (金輝大廈)

一直都有bookmark開呢間叫香香宮煮嘅火鍋店，直至上星期，終於有機會可以一嘗呢間玩味火鍋😜 店內嘅環境真係設計到一個個宮殿咁，非常古色古香！而食物都幾唔錯，等我為大家逐一介紹吓😋打邊爐最重要係個湯底！今次我哋揀咗酸菜魚鍋，餐廳為每個湯底都設有一個公主名，非常有心機🤣 而呢個湯底係用咗佢哋自家醃製嘅酸菜同龍躉片，再加上豆卜芽菜等配料。個湯酸酸辣辣好惹味，加上龍躉片份量夠哂多，口感又爽滑，幾推介👍🏻 但如果胡椒或花椒味重啲會更正🥺打邊爐點可以冇牛肉😋 我哋嗌咗呢個牛肉拼盤，一上到嚟真係「嘩嘩聲」！賣相好有氣派，打卡啱哂🤣 四款牛入邊最鍾意緊係日本飛驒和牛，肉質超嫩滑，真係有入口即溶嘅感覺🥰 另外澳洲和牛、本地手切牛肉同埋頂級雪花肥牛都唔錯，就算煮耐咗食落一啲都唔會鞋口，牛味仲幾濃郁！🌟 蟶子皇 $188 海鮮方面，我哋見佢嘅蟶子皇都幾多人推介，所以都嗌咗份。蟶子皇總共有四隻，雖然價錢有啲進取，但都真係幾好食😌，每隻都長過我隻手掌，食落鮮甜夠爽口，果然係一分錢一分貨😂🌟 日本廣島蠔 $128其實平時打邊爐好少嗌蠔食，因為唔係好食熟蠔，但今次見隔離枱嗌咗見幾吸引都叫咗份。每隻蠔大大隻夠飽滿，烚完食都係好嫩滑，都唔錯，但就未去到好驚喜，可能本身少食熟蠔🤣佢嗰到有好多款丸提供，當中嗌咗上面兩款丸。不得不說，真係幾驚喜，牛丸雖然唔係平時食開嗰隻爽口彈牙嘅質感，但牛味超級濃郁😍 食落juicy嫩口，正！ 而另一款丸都好出色，原來松露同墨魚丸都幾夾，非常爽口彈牙，而且仲配埋流心嘅芝士，每咬一啖都好滿足🤤又係一道打邊爐必食嘅菜式！佢哋嘅炸響鈴係即叫即炸嘅，一上碟就聞到好香嘅鹹蛋黃味，響鈴嘅份量好多，每一條都幾乎沾滿咗流沙嘅鹹蛋黃醬，邪惡至極呀😳呢度啲餃子都好特別，有各式各樣，而我就叫咗從來未食過嘅蟹黃餃，每粒餃子淥完之後都好似脹大咗倍咁，勁飽滿😋 咬開內餡有絲絲蟹肉，蟹黃亦都好香，如果佢嘅蟹黃再流心啲就更完美😌竟然佢呢度有我想試好耐嘅冰菜食，我即刻嗌咗份🤪 冰菜一試就愛上🤣 食落爽口又唔老，充滿水份，真係好好味😋 另外，仲嗌咗碟竹笙，份量唔少，每條都大大條，食落幾新鮮，唔錯！平時鍾意食麻辣鴨血嘅我都嗌咗一份鴨血，但嗌完先醒起個湯底唔係麻辣湯底，就咁淥鴨血嚟食會無咩味，要點醬料食先夠味，值得讚嘅係佢每舊嘅size都切到啱啱好同埋都幾嫩滑！打邊爐咁熱氣緊係要嗌返jar清熱解毒嘅竹蔗茅根飲吓，估唔到佢上到嚟係用一個好特別嘅壺裝住，勁有氣派🤣 竹蔗茅根飲落非常清涼，打邊爐飲一流！總括而言，呢間火鍋店好值得一試，非常有主題性，環境古色古香，打卡啱晒！而食物質素都偏高質，食物種類非常之多，淨係湯底都有成差唔多十種俾你揀，啱晒一大班人收咗工一齊去烚吓烚吓☺️…查看更多

去到尖沙咀，諗唔到食咩，咁岩向上望見到香香宮煮，好似幾特別就上左去！由於我係下午茶時間黎，無咩人，可以比我慢慢食！正！位置好闊落！仲有門面好特別，好靚，成個宮殿咁，仲有衫比係著黎打卡影相。坐低見到個餐牌，好特別！第一次餐牌都忍唔住影！以為自己接左聖旨！醬油都有心思，又係好靚！我叫左個卜卜蜆鍋！一黎到有啲失望，因為我唔食芫茜，點知成煲都係！眼見得幾粒蜆成煲茜！好彩同伴都唔好茜，大家好落力咁夾起哂啲茜！之後好驚喜！因為成個底都係蜆，多到最後係食唔哂！呢個湯底真係抵到喊！叫左個安格斯牛，又係驚喜之作，啲牛味好重，好嫩口，同伴腸胃唔好，食牛要碌到成個湯底都滾先敢食，但塊牛依然好好食，好嫩口！真心推薦！之後叫左魚唇，其實第一次食，黎到以為花膠啲fd，有啲失望，點知佢令到成個湯底勁鮮甜，口感仲好正，以後打邊爐都要識叫呢樣野！餃子拼盤預左係正野，因為手工餃子都唔會差，果然無錯！啲蟹肉餃係真係見到蟹肉，雲吞係成隻蝦！好好食！唯一無乜驚喜係個鴨血，係乜味！但都係好嫩滑！好似唔係叫好多野食，但最後係食唔哂！非常滿足既一餐！！！…查看更多

良朋相聚最佳選擇莫過於圍爐取暖今次來到尖沙咀香香宮煮驟眼看這個食字名字就知道是以宮廷主題的火鍋湯底選了特色卜卜蜆鍋上鍋時以乾冰製造吞雲吐霧效果貴氣十足湯底味道鮮甜能襯托食材本身鮮味材料很足其中卜卜蜆有一整盆頂級雪花牛肉擺放有心思每一卷厚度大小肥瘦分佈均勻並用沙冰墊底保持新鮮肉質嫩滑而彈牙牛肉味很濃入口後油香久久未散半熟五花腩賣相吸引油脂分布平均肉質爽口黃金響鈴是每次來必點的滾湯涮三秒的響鈴外軟內脆過一過滾湯即可食用肉丸拼盤一次過可嘗五款肉丸有豬肉丸鮮牛丸松露芝心墨魚丸蟹籽鮮蝦丸同蟹籽墨魚丸等鴨血口感夠軟滑夠味質感紮實不易散開而且沒有腥味…查看更多

同同事提早慶祝中秋節🌕在公司附近找到一家非常好食的火鍋🍲裝修古代風格非常精緻🏮🏮🏮連d用具都好特別因為預先係openrice訂座中午受疫情影響生意都唔多好加上位置比較難搵但食材新鮮坐得幾舒服3個女仔叫左以下幾樣野足料花膠雞湯養生鍋🐔厚切雪花牛肉🐂雙拼響玲羊肉片🐑手打墨魚🦑丸鴨血🦆娃娃菜🥬爆醬芝士腸小店既老板服務態度非常好😄好有禮貌👍🏻👍🏻👍🏻最近做緊優惠價😋好抵食 係附近返工既可以來試下😁…查看更多

話說我男人每月都要食幾次火鍋，作為一位跟得夫人，呢個星期咁岩收早左，就去左尖沙咀的新火鍋店打邊爐。地點非常方便，地鐵站行5分鐘到就到。場內係富有古典的中式宮庭的設計，完全演繹到香香「宮煮」呢個名。坐低當然要混醬啦，生蒜同炸蒜係加的。重點係個蒜油，真係超級香口！我只係係我的醬油碟落左一羹仔，點牛肉食真係好正！餐廳有多款公主級湯底，除了有養顏的花膠雞及惹味的黑椒肉蟹湯底外，仲有我今次叫的芫荽山湯鍋(又叫崇德公主)。鍋內芫荽真心唔少，如果鍾意食「荽」餐的人可以試試。食火鍋點可以唔叫手切肉呢？從呢客手切新鮮牛面肉的顏色，就睇得出佢夠晒新鮮。但由於手切的關係，都係做唔到切到好薄，加上肉質較咬口，所以食落唔多夠淋。餐廳有多款餃子可以選擇，我們就要左一套八隻的香香宮煮餃子拼盤。入面包括四款餃子：韭菜豬肉餃、黑松露蟹肉餃、蟹黃餃及鳳尾鮮蝦雲吞。係四款餃中，我最鍾意黑松露蟹肉餃。黑松露味的味道剛剛好，唔會蓋過蟹的鮮味，整體非常夾。另外，鳳尾鮮蝦雲吞放左一隻蝦係中間，旁邊用上多汁的豬肉包住，入口鮮甜。即炸響鈴係名乎其實的即炸！上菜時，已經聞到香氣撲鼻。由於每層之間的空位唔少，所以浸落湯幾秒後，仍然保持到中間有層次及口感。熱辣辣的自家製作炸魚皮，由於係新鮮炸起，口感特別鬆脆。尤其係大家食緊濃味的湯底！由早幾個月的一次火鍋，我開始識欣賞鴨血。今次見到餐廳都有鴨血賣，二話不說就叫左一份。一份有八塊的鴨血，食落口感夠軟滑，而且味道唔腥。餐廳的手打丸比其他火鍋店更彈牙！手打墨魚丸內釀了一粒鵝肝。甜酸苦辣丸，一份齊曬四味：甜有桂圓豬肉丸、酸有檸檬豬肉丸、苦有涼瓜牛肉丸、辣就當然係放了辣椒的牛肉丸。食完一個熱辣辣的火鍋，我就食埋一碗凍冰冰的雪耳糖水，即時降温又滋潤！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多