火車頭越南餐室 (浣紗街)

今日去大坑試咗一間越南餐廳，平時太過見環境好有特色，懷舊裝修，好有越南氣息，所以今日就嚟試下。首先試嘅係蔗蝦。蝦嘅部分好好肉地，炸到香口，仲帶啲蔗甜味，好特別。香草蒜蓉包都好好味，烘到好脆，蒜蓉香味濃郁。如果你食得辣，一定要試下佢哋嘅馬拉盞炒通菜。通菜好新鮮，炒得恰到好處，小辣又惹味。主菜揀咗佢哋嘅香茅胡椒大蜆炒粉絲，賣相好吸引，夠多蜆，仲有扎肉、青椒、黃椒、紅椒、西芹同洋蔥，粉絲炒得好入味，香茅同胡椒味道都好濃郁，食得好過癮。食咗咁多辣嘢，我哋覺得唔夠喉追加咗酸辣去骨鳳爪，涼涼地順便降下溫。鳳爪酸酸地好開胃，而且去咗骨，方便又好食。…查看更多

十多年前於附近工作時會經常前來這大坑名店午餐，換了工作地點後，一直未有機會再訪，今天特意前來看看變成啥模樣小店已重新裝修，裝潢挺有心思，桌上有花的裝飾，充滿法越小餐室風情內有不少和火車有關的裝飾，如車廂座位似的梳化軟卡座，行李架上放有舊行李箱，加上極高樓底及水晶燈，感覺高級牆上掛有金庸先生的親筆題字，「天下美味越南粉，越南之最火車頭」天氣炎熱，先來一罐越南333啤酒！店家貼心地以冷藏過的飯碗讓我們暢飲啤酒整體清新甘爽，擁有麥芽的甜味和微微的苦，聞起來充滿香氣下酒小食酸辣無骨鳳爪口感爽脆，酸甜中帶辣，十分醒胃再配上洋蔥及青瓜絲，成為美味的沙拉前菜:)牛油雞中翼炸至外層酥脆富牛油香氣，內裏肉質嫩滑多汁 最驚喜是滿佈的炸蒜蓉，香脆又惹味主角火車頭招牌湯河以牛骨、花椒、南薑、洋蔥等10多種材料炮製，熬至少10小時而成，薄切生牛肉鮮嫩肥美湯底深色重口味，有着濃而不膩的中藥滷水香，配料除了生牛肉片，牛腩，牛筋，仲有牛丸，牛柏葉及入味的蘿蔔，河粉入口滑溜馬拉盞炒通菜份量十足，咸香惹味香茅鹽燒魚用料十足魚內塞滿香茅、檸檬葉、南薑、蒜茸及越南金不換，鋪上厚厚一層海鹽去燒，魚肉滲滿香料清香加點辣椒汁及魚露，很鮮很美味…查看更多

今天和同事去灣仔開完會，同事說要請食越南菜，好正宗的。在天后地鐵站落車，沿皇仁書院方向行10分鐘就到。餐廳佈置，樓底好高，木柱支撐配特別燈飾，暗暗黃黃，好有悠閒的越南風情。我們點了~火車頭套餐，火車頭招牌湯粉，大大碗，很多豐富配菜，肥牛厚切，牛肚爽口，牛丸有肉質等等。試了一啖湯底，真的難以置信，湯底清澈得來，口感可以甘濃郁。淨飲湯都滿足了。侍應說食到一半就放些芽菜，九層塔，辣椒，檸檬汁，可以提升河粉層次和口感。大蝦柚子沙律，越南扎肉，蒸粉卷，全都是越南特色美食，再來馬拉盞炒通菜，爽口惹味。咖喱雞配法包，香香濃濃，不會太辣，連咖喱汁都不浪費，配法包來食，一流。…查看更多

在附近做完運動，所以在這邊找吃的，最後決定吃這家。我們一行4人，點了大頭蝦2人套餐，火車頭套餐。火車頭湯河裡面有牛栢葉，牛肉，牛筋，牛丸，蘿蔔，很豐富，能嘗試不同的部位，湯底濃。咖喱雞挺嫩滑，咖喱味挺香濃。大頭蝦挺新鮮，起士很多。沙拉，扎肉，蒸粉卷也不錯吃。香茅豬排米紙凍卷，我覺得重點是碟子上的醬料，很特別，好吃。如果套餐包飲料那會更完美。雖然我們2男2女，但套餐的份量對我們來說也是挺多的，最後吃不完。…查看更多

星期五下班去了大坑找美食，朋友想吃越南菜，所以找到這間越南餐室吃晚餐。店舖不大，但裝潢挺有心思，卓上有花的裝飾。我們點了火車頭套餐，這個套餐菜式很豐富。大蝦柚子沙律，大蝦很爽口，柚子清新，酸酸甜甜很醒胃，越南札肉，煎得香脆，很有嚼頭，特色蒜粉卷，舖上乾蔥，內有蝦米，菜等等，很惹味～馬拉盞炒通菜，用馬拉盞醬汁，炒通菜和紅椒、夠火候，味道剛好沒有過咸。咖哩雞配法包，咖哩汁足夠，微辣，椰子香味濃，雞也煮得很軟腍入味，法包外脆內軟，上菜時還是熱的～火車頭招牌湯河材料也十分豐富，有牛丸、牛柏葉、牛肉、牛筋，摘下金不換，下一些辣椒、芽菜，青檸，整個湯底味道更提鮮了～～芒果梳打是真芒果肉，底下是一絲絲芒果肉，和芒果蓉，服務也親切週到，食物水準也不錯。…查看更多

火車頭其實以前已經食過，不過就無寫到食評，一直都好記掛住佢既蟹肉湯底，所以今日早收工就揸車落大坑食一食佢啦！去到大坑剛剛好18:00，平時灸手可熱既錶位仍有一兩個空缺，幸運地泊正無門口錶位，爽！室內環境同幾年前一樣，樓底高，唔會太嘈雜。即刻叫返兩碗湯河醫醫肚！蟹肉湯底依然非常惹味鮮甜，啖啖濃湯，又真係有蟹肉食到，湯底贏曬好多間港島越式餐廳！大蝦好爽甜，如果多隻就更加好，可以Share。牛腩就煮得非常適中，夠淋身唔痴牙，但又無煮到散開曬。炒菜對比中式大牌檔，稍缺火喉，不過仍然香辣惹味，通菜唔老無渣。米紙卷都值得一食，平時我唔食牛油果，不過咁樣混合一齊又意外地味道調和，夏天食都幾舒服。軟殻蟹唔洗多講，甘香脆口，想食多幾舊。最後必定動作：一人叫杯凍熱越南滴漏咖啡！煙薰味香濃，再加濃滑煉奶，一飲即刻上曬電。值得一讚既細心位，就係凍飲冰底係厚實碎冰，能夠有效吸收同冷卻滾熱咖啡，唔會好似市面其他越南餐廳咁，一撞熱咖啡落冰底就滿瀉或者冰塊𣊬間溶化搞到杯咖啡稀釋曬咁。埋單每人$200幾蚊，價錢唔算貴，個人認為物有所值！下次條癮起再食過！…查看更多

很少去大坑搵食, 今日來才發現咁多姿多彩, 事先無特別計劃想試邊間餐廳, 只是隨便經過與朋友揀了越南菜. 這餐廳樓底好高, 餐枱不多, 大約10張枱, 不過枱與枱之間都鬆動. 餐牌選擇都頗多, 雖然我們2人, 但好肚餓所以都order了5個菜, 不過沒有試招牌菜"火車頭".  大致上食物味道都幾好, 而且份量都頗多, 唯一係價錢偏高. 1) 魚露蜜糖雞翼 - 好大隻, 酸酸甜甜醬汁好開胃, 類似泰式雞醬, 但就多了蒜頭粒蜜糖, 因為有汁, 所以沒有牛油焗雞翼咁熱氣2) 雞肉串燒 - 雖然好大串, 但雞肉較實, 沙嗲汁不夠香濃3) 蕃茄牛腩煲 - 好多蕃茄好多牛腩, 蕃茄汁好濃, 我用蒜蓉包伴食4) 焗蒜蓉包 - 質素一般, 不夠香脆 5) 馬拉盞炒通菜 - 用鑊仔上碟, 炒得幾惹味.…查看更多