河內越式料理 (村南道)

今次去圍方睇破地獄，不過想食啲平少少嘅嘢，所以去火車站另外一個出口搵食。咁多間舖頭，都有啲人，好彩呢間味道可以之餘，出餐幾快，所以完全趕得切。睇下有咩食先生熟牛肉湯河粉 $69牛肉有肥牛同埋牛腩片，肥牛放多一陣變成半熟，令夠甜嘅牛骨湯底多左少少油份。河粉好滑，如果想多啲香味，可以落少少辣椒碎同埋青柑仔，湯底會更多層次。素春卷撈檬 $68大條春卷切半，份量都大過一般越南春卷。見到裡面材料相當豐富，木耳、甘筍、芋頭粉絲，甚至胡椒都有，淨係無左豬肉碎，口感已經足夠。撈埋酸魚露同蘿蔔絲，非常開胃，可以一路食。香茅雞翼 （2件）$23因為有叫主食，可以跟餐要半份。雞翼炸得乾身香脆，有香茅味。但之前已經食左兩樣好嘢，就唔會覺得好特別啦！香茅沙嗲串燒豬頸肉 （3串）$72沙嗲串燒，同燒豬頸肉都食得多啦！但撈埋一齊都幾特別，因為醬碟好淺，所以點完已經有兩種味道啦！本身豬頸肉燒得乾身爽口，香料味足，所以香茅味唔算好濃味。點沙嗲之後，就會有花生香同微辣嘅感覺，加埋本身嘅香料，成條串燒味道更多層次。蜜糖柑桔冰+$12飲品色水好清澈，仲有幾個青柑仔，應該無落濃縮青檸汁，酸酸甜甜好放心。熱情果梳打+$12半杯熱情果醬，跟一罐玉泉梳打水。其實見到啲核，已經好放心，唔洗講嘢啦！純天然，唔係科技與狠活，呢度起碼有一個，加少少糖，開胃解膩。總數：$256…查看更多

呢間嘢既河粉真係好出色，而且又有分店Very Good！✨極品牛三寶湯河粉（$72）可以一次過食到生牛肉+牛𦟌+牛丸🤩，個人認為生牛肉最好食，牛丸和牛𦟌水準正常冇咩特別，剩在夠大碗CP值都算高，個湯底充滿牛味幾好。✨順化蝦餅撈檬（$68）蝦餅炸得金黃，香脆可口，蝦肉扎實有鮮味，撈檬配上檬粉汁酸酸甜甜，十分之開胃！✨香茅雞翼（2隻，追加$22）雞翼既火候控制得好好，香茅味好正，食到流曬口味，兩隻真係唔夠喉。✨越式豬頸肉（細，追加$32）豬頸肉既肉質好爽口，點埋泰式辣醬，真係開胃又滋味！✨龍眼冰（特飲，追加$12）除咗龍眼干之外，仲有杞子，適合喜歡養生既朋友仔。…查看更多

放工約咗朋友食晚飯，大圍出名多平民美食，選擇亦唔少，呢間新開張冇耐嘅越式料理係朋友近期最愛，貪佢近公司，而且性價比亦唔錯。餐廳人氣好旺，晚飯時間有唔少街坊喺門外等位，我同朋友兩個人大概等咗十分鐘先可以入去。食物選擇唔少，主打地道越式料理，越式湯粉同撈檬更加係非常受歡迎，幾乎每枱必叫。除咗粉麵之外，小菜同小食嘅選擇亦唔少，而且價錢合理。食越南菜當然唔少得生熟牛肉河，湯底好濃郁，加入生豆芽、九層塔同羅勒，令鮮味濃厚嘅湯底更有層次感，當然亦唔少得我最愛嘅辣椒同青檸。生牛肉肥瘦均勻，上菜嘅時候仲係偏生少少，放入湯底浸一陣，半生熟嘅滋味最好，口感軟腍，牛味亦算濃。熟牛肉大大件，帶少少筋，但煮得非常軟腍，感覺食緊清湯腩，唔錯。朋友點嘅牛腩片湯河粉同樣吸引，牛腩片切得薄薄哋，冇筋而且偏瘦，牛味較濃，入口同樣軟腍。食越南河當然唔少得兩色醬汁，分別係海鮮醬同辣椒醬，有種畫龍點睛嘅效果。小食亦唔遜色，香茅雞翼炸得香脆，而且非常入味。蝦餅亦算大件，蝦味非常重，配上辣醬非常惹味。點粉麵加十二蚊就有特飲，非常化算。朋友嘅椰汁冰味道清甜，冰涼消暑。我嘅芒果西米露同樣清新，芒果味道偏酸，非常開胃，西米比平時嘅大粒少少，口感唔錯。餐廳食物質素唔錯，而且性價比高，難怪生意咁好，朋友亦成日嚟幫襯，百吃不厭。…查看更多

Quick Dinner@大圍火車站對出條街, 見到li問越南🇻🇳料理好多人等外賣, 店內枱與枱之間裝唒透明隔板, 仲貼心主動提供紙袋裝口罩呢👍🏻. >順化蕃茄蟹肉扎肉湯檬 (HKD66)Menu嘅圖款款都好吸引, 平時食開生牛肉pho都揀左li個又有蟹肉, 扎肉, 豆卜嘅蕃茄湯底檬粉. 估唔到勁蟹勁好味, 湯底係濃香蟹x蕃茄, 面頭除左一大羹蟹肉, 仲有好多味道更豐富嘅蟹肉釀豬肉, 豆卜索滿湯底零舍正, 扎肉大大塊, 足料抵食之選.>越式豬頸肉撈檬 (HKD62)越南🇻🇳魚露撈檬, 醃紅, 白蘿蔔絲好開胃. 驚喜豬頸肉塊塊啲邊皮位都脆ga🤩, 肉質口感又juicy不乾柴, 仲要大塊到差啲遮唒個碗! 推介! >追加 香茅雞翼2件 (HKD20)一人一隻雞翼share, 香茅+炸蒜+脆皮+啖啖肉yummy.>椰汁冰 (HKD28> +HKD12)>鮮芒果西米露 (HKD28> +HKD12)以為只係面頭先有嘅芒果肉🥭, 原來杯底仲有🤣, li隻西米我記得喺越南🇻🇳旅行都食過類似嘅”甜品”, 粒粒半透明嘅西米粉粉爽爽嘅口感, 跟湯檬都只係加12蚊ja👍🏻👍🏻👍🏻.>原來外賣自取有discount ga !!! 樓上嘅街坊拎返屋企慢慢enjoy又一個唔貴但高質嘅option.…查看更多