六如

中環L Place有唔少食肆，今次食左呢間新派FUSION中菜館，六如前身係中環三小漁，餐牌上菜式有功夫菜，亦有同一般中餐館不一樣的Fusion。餐廳裝潢幾中式，但每張枱有隻LEGO砌成的擺設，我呢枱有隻粉紅達摩喵陪食，都幾打卡able。① 黑磚豆腐 $18② 百香冰心丹霞 $22前菜點左兩款，豆腐外皮酥脆，內在軟滑，加上炸蒜很惹味。聖女果加上百香果汁，酸甜配搭好清新，很開胃的前菜。③ 鮮麻椒油泡聖子 $198④ 香茅烤椒煎焗生蠔 $112⑤ 六如潮香滷水鵝 $198⑥ 手作糖山冰鎮咕嚕肉 $198碟聖子好似撈起咁，有炸芋頭絲，蔥，洋蔥等，幾特別，唔算好麻。焗生蠔大隻肥美，香茅蒜椒味都幾夾。招牌滷水鵝大大件，而且無用豆腐墊底（但有少少芽菜拉~）每件都滷得入味，肉質唔韌。冰鎮咕嚕肉個酸甜味剛剛好，每件都脆皮，出色。⑦ 桂糖香芒爆珠涼粉 $48很港式的芒果涼粉，加入桂糖爆珠有驚喜，每粒咬開都滲出淡淡的桂花香甜，好有趣。.老實講中環食飯唔平，呢間餐廳價錢說不上抵，但性價比唔錯，有量有質。…查看更多

今次同朋友決定係中環食中菜！搵完就發現原來呢間餐廳前身係中環三小漁😛 平日晚市都接近滿座！<前菜>🥢黑磚豆腐🥢百香冰心丹霞炸完豆腐外脆內軟，好香口！聖女果配百香果汁，聖女果本身就已經好鮮甜，加百香果汁變得更開胃清爽！🥢六如潮香滷水鵝呢款滷水鵝皮脆肉嫩，滷汁入味，配埋白飯真係好夾！🥢香茅烤椒煎焗生蠔生蠔大大隻，用香茅烤煎過好香！🥢鮮麻椒油泡聖子聖子肉質鮮嫩，麻椒油嘅香氣好特別，帶有少少麻辣感！聖子加芋頭絲撈埋一齊食，好有口感！🥢手作糖山冰鎮咕嚕肉咕嚕肉外脆內軟，糖山嘅甜味同酸味平衡得好好，冰鎮之後更加清爽更加脆！🥢桂糖香芒爆珠涼粉呢個涼粉有驚喜！本身以為係芒果味嘅爆珠🤣原來係桂糖爆珠，咬落去陣陣桂花味出咗嚟！🤤Rating: 8/10…查看更多

同好朋友平時都好愛相約食中餐，今次搵到一間在中環高質的私房菜。「六如」是一家精緻的潮式中菜館，前身是中環三小漁。餐廳以優雅而帶點古典風的裝潢，環境好舒適，和朋友、同事、家人聚餐抑或是商務宴請都適合不過。我們今次叫了「六如」的幾道招牌菜式，菜品不單單保留了潮菜的傳統精髓，及融入創新的元素，我同好朋友食得津津有味，每道菜都好令人驚喜。🥢 1. 黑磚豆腐、川香口水瓜這道黑磚豆腐非一般普通嘅臭豆腐，新鮮即炸香噴噴。外焦酥脆，搭配特製的醬汁和炸蒜，味道香濃。豆腐的質地細膩，入口滑嫩。絕對係極好的前菜和下酒菜。這道四川風味的西瓜好清甜多汁，再淋上秘製的麻辣醬，出奇地夾。甜辣交替，口感有層次，好有驚喜，不得要讚嘆餐廳的創新！🥢 2. 六如潮香滷水鵝六如的招牌菜之一絕對包括潮香滷水鵝，無疑是每位食客的必點之選。鵝肉肉質鮮嫩，醬汁入味。🥢 3. 香茅烤椒煎焗生蠔生蠔用煲焗焗，一煲過熱辣辣呈上。生蠔每粒都好飽滿肉質肥美，烤焗後，外層微微焦脆，但內裡還好濕潤。每煲有四大粒，好滿足呢。🥢 4. 椒鹽六頭鮮鮑鮑魚外焦里嫩，口感新鮮彈牙。用椒鹽的形式烹煮更襯托出鮑魚的鮮味，非常惹味。🥢 5. 千絲芥未蝦球蝦球香炸得金黃的薄脆，夾上清新的芥末醬，增加了口感的層次感。🥢 6. 陳皮話梅燉雪梨配紅棗糕這道甜品—陳皮話梅燉雪梨配紅棗糕不僅外觀精緻，而且仲好滋潤。燉雪梨清甜滑口，陳皮與話梅的酸甜交融，好開胃得來食完仲很潤喉。紅棗糕煙韌得來不會過甜。同朋友見到其他食客點的九層東波塔很吸引，等我們再約其他朋友一起再encore 再食過。…查看更多

呢個年紀真係開始會同fd子約飲茶🫖食下中菜😝今次就黎到中環一間主打精緻既潮式中菜館，佢既前身係中環既三小漁，呢度既菜式融合左傳統與現代既元素，相當創新特別！-🎈黑磚豆腐 (2件) $36外層炸得好香脆鬆化，入口超軟超滑溜！配上炸蒜更添層次，回味十足！-🎈川香口水瓜 (2件) $44真心好特別可以一試😚完全估唔到兩者係咁夾！西瓜本身好香甜多汁冰涼，淋上一層麻辣醬，味蕾好錯綜複雜，但又好清新！個人認真好滿意🤩-🎈六如潮香滷水鵝 (例) $198滷水鵝幾入味而且夠哂嫩😋香氣濃郁味道剛剛好！-🎈香茅烤椒煎焗生蠔 $112用煲咁上熱辣辣好惹味！每粒生蠔都大大粒好飽滿，一煲裡面足足有四大粒🦪估唔到價錢仲要一啲都唔貴，性價比超高！-🎈椒鹽六頭鮮鮑 (隻) $68雖然係用椒鹽既形式去烹煮，但入口一啲都唔油膩！六頭鮮鮑好爽口彈牙🤤🤤-🎈千絲芥末蝦球 (4隻) $148雖然味道係想像到既個種炸過既蝦球再包裹住啲芥末醬，但都真係好好食🤣仲要上面灑上啲香芋脆片，好有口感！-🎈陳皮話梅燉雪梨配紅棗糕 (位) $68呢個陳皮話梅燉雪梨真係不得了！非常滋補！飲完喉嚨好舒服帶點回甘，仲可以有助止咳😝至於紅棗糕好煙韌👍🏻-題外話，個日食飯見到其他枱有叫到九層東坡塔，份量都好多，認真吸引😍😍可惜我地得兩個人真係食唔到咁多，唯有下次再黎試啦🙆🏻‍♀️-🔸六如📍中環皇后大道中139號The L.Place 5樓…查看更多

Sales同事今月爆數, 夜晚請食dinner, book咗中環呢間餐廳「六如」, 前身為「三小漁」, 自己一向不太好食中菜, 豈料今晚道道菜都食出驚喜, 回頭率極高, 值得推介!!餐廳環境簡潔, 乾淨企理, 放有多張圓檯、長檯。本意為中環食肆價錢偏貴, 但呢間餐廳性價比高, 擺盤、質素均能看出餐廳用心經營。先來頭盤三款:【黑磚豆腐】HK$36/兩件竹炭豆腐外層超鬆化, 內裡豆腐超嫩滑, 配上脆炸蒜, 香口美味。【煙燻糖心蛋(半隻)】HK$36/兩客煙燻溏心蛋口感超軟滑, 蛋黃流心配上鹹香有嚼勁嘅油茶菇, 雙重口感, 正!【香檸凍蝦】HK$56/兩客凍蝦爽口彈口有鮮味, 配上秘製檸檬汁, 清爽可口。【香茅烤椒煎焗生蠔】HK$112 (四隻)上檯開蓋, 煲仔熱得還是滋滋聲香噴噴, 每隻蠔非常肥美脤卜卜, 蠔味濃郁又juicy, 夾集香茅烤椒碎粒食, 辣辣地, 惹味開胃。【鮮蘋果陳醋香煎牛柳粒】HK$268牛柳粒煎至約八成熟, 很有鐵板燒風味, 肉味濃郁又多汁, 配上爽脆蘋果粒同埋陳醋醬, 平衡了牛柳本身濃郁肉味, 有助減膩。【紅湯酸菜辣煮龍躉球】HK$328龍躉球份量不少, 富有魚鮮味, 皮爽肉滑, 湯底酸酸辣辣, 惹味開胃之餘, 唔會全覆蓋魚本身嘅鮮味, 反而整體提升了味道, 伴有煙韌上海年糕、盡吸湯汁嘅豆卜+芽菜、超爽脆白木耳, 豐富又滿足! 推介!!【士多啤梨芝士軟糕】HK$78 (四件)想不到甜品同樣有驚喜!! 士多啤梨香甜多汁, 下層芝士味濃郁, 散發了焦糖嘅香甜, 大愛!! 絕對不能錯過!!…查看更多