上水貨舖 (已結業)

上完堂打算周圍行下搵野食，行過見到一間咁特色既舖頭。八卦行去睇吓有咩食，竟然發現有kebab 同 沙律食 輕食除左咖啡 原來仲有得揀，樣樣都想 try try最後揀左＂香煎叉燒五花腩沙律餐＂

上水貨舖提倡Farm to Table (由香港農場種植有機菜，直送貨舖)、Grab & Go，以本地食材同埋菜式重新包裝🇭🇰🥗香煎叉燒五花腩沙律 💰75 🔎呢個系列叫「科學園沙律」，因為佢哋用咗喺科學園魚菜共生所種植嘅有機雜錦沙律菜🥬🔎廚師仲提到佢哋用咗薄啲嘅叉燒五花腩取代一般梅頭豬肉，冇咁肉、同沙律夾啲；而咁樣就好似韓燒用生菜包住五花腩嘅港式版本😹🥢沙律新鮮大份，除咗沙律菜之外仲有紫洋蔥、青瓜、西蘭花、蕃茄仔、果仁碎同埋粟米，另外會有兜橄欖醋俾你自己加😋叉燒五花腩大概係50%肉50%肥膏，偏薄所以冇咁膩，而果仁碎味道濃郁所以個沙律唔會好寡👍🏼一個人食呢個沙律都飽，所以想特別適合想keep fit嘅人呀😆·喺貨品方面，店內有售賣從綠芝園 (本地植物工廠) 直送的有機蔬菜，以魚菜共生、大數據管理系統等嶄新科技種植🌱；店內亦都有多款老字號小食，例如急凍餃子同埋榮獲米芝連街頭小食嘅福元湯圓🥟；值得一提嘅仲有西式料理，好似本土品牌What The Soup嘅健康湯包；同埋多款醬料，好似蝦醬、腐乳等等，大家唔使再去離島都可以買到呢啲老字號啦😆

叉燒五花腩煎到啱啱好，有啲脆口燶邊勁香口，沙律菜好新鮮同埋爽嫩，食得出係水耕菜，配料揀咗果仁同粟米粒，再加橄欖醋同埋蜂蜜芥末醬成個沙律撈埋食好夾，$75真係好抵食，比中環灣仔百幾蚊一份嗰啲好食好多夠飽肚，仲要本地材料，好有驚喜見到kebab同沙律都係環保包裝，抵讚！講返間舖頭先，入到去成個裝修好靚同埋有香港特色，啲貨都係香港品牌，好多文青精品同埋嘢飲嘢食，宜家搞啲緊啲裝置藝術幾得意，順手買咗包蝦子麵同幾條鮮果雪條

上星期去咗大圍間上水貨舖買啲香港製造手工啤酒，發現原來轉咗menu😂 即刻試吓個叉燒沙律，成件事好fusion好chill。沙律用咗科學園魚菜共生嘅沙律菜，又fresh又organic。聽廚房妹妹介紹，啲叉燒仲係每日新鮮製作，成件好有heart🥹新menu仲有港式kebab，但係一次過食唔到咁多嘢😭下次放假一定要約埋班friend子嚟試吓港式kebab，開幾支手工啤酒、聽住本地hiphop 音樂🍻