Pancake + burger = panger 呢個組合幾有新鮮感，尤其宜家各式各樣既pancake大行其道，所以見到呢間可以揀用pancake代替傳統既漢堡包🍔皮，終於唔洗去日本🇯🇵先試到，所以就黎試左，結果幾surprise～ 食完一樣有食burger既滿足感🤤 就算唔試新野，食翻普通burger一樣咁juicy同好食！裝包既紙都幾厚同埋多左一層，唔會好似M記嗰啲咁食完有時隻手會油左～ 以burger嚟講，唔同m記比，其實算ok，因為好多好似 X guys 嗰啲，單叫都七、八十蚊，叫set有埋薯條🍟汽水🥤好多時已經過百，宜家全部包已經係直接跟餐，所以呢間性價比高👍🏻呢到有兩層，平時喺下面買完，要堂食既話就上一層搵位，通常都夠坐，上面嗰層有顯示牌對翻ticket既號碼，到就要自己落去攞，都算方便～ 環境方面會有唔同hero既漫畫，對白係改左同burger有關，搞笑又充滿正能量，都幾得意同用心！(5😍 係滿分，🤩係半分）豬柳蛋咖啡味班堡 🐷🥚🧀☕️🥞🍔 - $48 (好味指數：😍😍😍😍）呢個係新口味，相對之下呢個無原味咁好，因為咖啡☕️吸水，所以整pancake burger 既時候水既比例要調整一下，宜家個panger比起原味既硬啲同乾啲，咖啡味可以濃啲，不過好在唔會好甜，因為有啲咖啡副產品會變左假味同死甜，而且個包同其他料都好和諧～ 其實都唔錯，不過原味好食啲😜 豬柳🐷同滑蛋🥚都同之前講過既一樣～豬柳蛋班堡 🐷🥚🧀🥞🍔 - $48 (好味指數：😍😍😍😍🤩）呢個組合見到有早餐既感覺😂 Panger好香蛋味🥚，同埋帶有啲牛油🧈香味，口感濕潤，綿密軟熟，比較厚實，但係唔會濟，亦都唔會好甜～ 作為漢堡包🍔皮呢個質地岩岩好，因為如果整到好似平時好多人食慣重空氣感既soufflé pancake 咁，就好難將餡料夾得實，同埋一用紙包實有機會爛曬，另外唔煎得薄身既都好，宜家厚厚地會更加有層次，同埋令人滿足啲～ 至於豬柳🐷就稍為薄左啲，不過都香口又唔會好多粉，蛋🥚又滑又香，生熟程度岩岩好，仲要份量好多真心正🤩 唔鐘意食炒蛋既仲可以轉太陽蛋🌞加埋半溶既車打芝士🧀，好滿足又飽肚😍 鹹鹹甜甜感覺幾得意！另外仲有試過煙肉🥓蛋🥚班堡，呢個煙肉🥓有啲似薄左既火腿扒，但又未至於薄到好似火腿咁，存在感無咁高，有鹹香味但無平時既煙肉🥓有好甘香既油脂，加上比較薄會比蛋🥚搶左啲味，所以比較推薦食豬柳🐷多啲😜隊長漢堡 🍔 - $72 (好味指數：😍😍😍😍🤩）呢個出品左唔喺好耐，好足料～ 塊扒幾juicy, 兩邊都煎香左，肉質幾嫩唔會鞋，亦都有牛味🤩 有齊肉、筋同脂肪唔同層次～ 成個包標榜用左100%美國🇺🇸純牛肉🐮手工做既漢堡扒🥩、有芝士🧀、煙肉🥓、煎蛋🍳、生菜🥬同蕃茄🍅 煙肉偏軟身，油脂甘香，生菜🥬爽脆，煎香左既燶邊蛋🍳仲要係流心既，配埋個溶溶地既車打芝士🧈加惹味既自家製蜜糖芥末醬🍯真心正😌 不過🍅可以再多汁啲就更好～ 而個包幾香牛油🧈味，而且軟熟，而且已經烘到乾身，又唔會太多汁搞到食食下腍左！層次好豐富😍 貼心既係就算唔食牛🐮，都可以照原來既配搭免費轉豬🐷或者雞🐥，比較有彈性～蕃薯條 🍠🍟 - +$10 (好味指數：😍😍😍😍）加10蚊就可以轉番薯條🍠🍟，份量好多，有香甜既蜜味，裡面綿密，亦都重蕃薯🍠味，唔覺得油幾好食，點唔點茄醬🍅都ok😜 不過可以再脆口啲同埋熱啲好味指數：😍😍😍😍推介指數：😍😍😍😍🤩…查看更多
