悅滿軒

我地一行6人諗住搵地方慶祝同學生日. 最後係Openrice簡左間係好多文青去打卡既饒宗頤文化館, 一入到餐廳D待應好積極有禮. 之後睇menu先發覺好抵, 又$10蚊蠔, 又$98任飲生啤, 又$128紅白酒任飲坐低之後我地先order左48隻蠔. 真係好低食. 之後就order左 頭盤 韃靼牛肉配和牛牛骨髓多士, 烤阿根廷紅蝦牛油果沙律配熱情果油醋汁, 香煎法國鵝肝配法國甜包. 然後order左主菜 烤完隻西班牙墨魚配墨魚汁意大利飯，蟶子配北海道刺身帶子蜆忌廉汁意大利粉，法式牛油香煎原條智利海鱸魚，蘋果木煙燻西班牙乳豬，烤焗西班牙伊比利亞羊扒配自家製羊肉腸，牛扒拼盤。甜品order咗阿拉斯加焗雪山，菠蘿雪葩配沙巴翁. $10生蠔 – 重海水味, 唔算大隻, 不過味道唔錯, $10/隻好抵食.韃靼牛肉配和牛牛骨髓多士 – D牛他他好新鮮, 配合埋牛骨髓做裝飾好靚. 烤阿根廷紅蝦牛油果沙律配熱情果油醋汁 – 阿根廷既紅蝦肉質唔係爽嗰隻, 但蝦味好重, 配合埋牛油果沙律及熱情果汁 好夾好開胃美味. 香煎法國鵝肝配法國甜包 – 鯡脆內軟, 有濃郁既香味, 加左合桃好有口感烤完隻西班牙墨魚配墨魚汁意大利飯 – 呢個飯個原隻墨魚超大隻好誇張, 一D唔韌, 好爽味道剛剛好, 個蕃茄底配墨魚汁意大利飯超好食, 出面食唔到, 唔怪得有明星介紹. 蟶子配北海道刺身帶子蜆忌廉汁意大利粉 – 做法同出面都冇食過呢D Style既做法, 好好味.烤焗西班牙伊比利亞羊扒配自家製羊肉腸 – 擺盤賣相一流, D羊味好出, 正牛扒拼盤 – 有3款牛, 一款澳洲M7和牛, 一款日本鹿兒島A4和牛肉眼, 一款特級牛腱胛扒, 相信食開牛既都知咩味, 貨真價實. 只係$688夠幾個人食, 仲要送多2杯紅酒. 法式牛油香煎原條智利海鱸魚 – 呢個我覺得普通左D, 冇左個汁就冇乜味. 阿拉斯加焗雪山 – 蛋白 + 朱古力蛋糕 + 曲奇餅底, 好啱生日食, 因為佢會淋酒點火燒, 好有生日氣氛, 好耐之前食過, 依家搵唔到邊度有得食. 菠蘿雪葩配沙巴翁 – 唔想食甜嘢可以食呢個, 酸酸地可以消滯. 總括黎講樣樣都好食, 俾90分. 一定會再黎幫襯!!!…查看更多

餐廳位於饒宗頤博物館內，離美孚地鐵站一小段距離，感覺有些隱世。餐廳外面環境青幽，內裡裝修很靚。侍應服務很周到，食物美味有驚喜。每一道菜式的擺盤也很精緻，本以為味道只是普通或好，但吃後卻超出預期。好耐冇吃火燒雪山呢類甜品，今日見到有便試。咁熱的天氣下吃著內裡的雪糕，真係好爽呀！沒有設限食飯時間，可以慢慢品嚐菜式。一邊食一邊暢所欲言。而且侍應見我們轉吃main course或甜品時會幫我們換碟，不經不覺便坐了2小時。愉快的一晚！…查看更多

🇫🇷🌝 隱世法菜。文化館內的法式情調🥂💓🍴悅滿軒📍荔枝角青山道800號饒宗頤文化館H座聽聞荔枝角的山崗上有間隱世法國菜🇫🇷，今晚趁佳節專程上山，一試究竟😋餐廳果真隱蔽，恰好當天饒宗頤文化館有展覽，人流很多，更難找🤣🔆 餐前麵包蕃茄提子乾麵包🥖，暖暖地，好有蕃茄香🍅，好軟熟個黑松露牛油🍄🧈松露味濃，搽麵包好好食👍🏻🔆 法國泥蟹湯🦀🫕蟹味濃郁，好鮮美😋仲可以用餐前麵包點晒湯精華🤪🤪🔅 澳洲藍青口配白酒紅花忌廉汁🫕青口肉超～細～粒～🤭可幸，青口好嫩滑，食落有海水味，好鮮甜😋😋配埋個濃厚的白酒紅花忌廉汁好creamy 好winey，更能帶出青口的鮮味👍🏻🔅 焗澳洲龍蝦尾配海膽燴意大利飯 🦞海膽味好濃郁，每一粒意大利飯都有海膽的鮮甜🤤飯底仲有小蕃茄同青瓜粒，食多多都唔覺”漏”😋個龍蝦尾🦞會起埋肉，放喺蝦殼上，啖啖肉，好彈牙，好正👍🏻🔅 法國油封鴨髀配南瓜燴薏米。意大利黑醋汁🦆鴨皮🦆好脆好鬆化，有鴨油香🤤但鴨肉有少少🤏🤏乾，好彩有配個意大利黑醋汁🧉夾埋食，算🆗 南瓜燴薏米食唔到南瓜味🎃，加埋個酸酸的黑醋汁都幾特別，整體感覺唔算太油膩🔅 阿拉斯加焗雪山典型火焰雪山🏔️🔥，店員一上碟，就會叫你拎相機📷，之後就會點火🔥再淋酒🥃😎個蛋白忌廉皮好甜，燒得香暖，中心是朱古力蛋糕同雪糕，冰火交融，好正👍🏻👍🏻😋可憾掛住影相，蛋白忌廉皮燒得太耐，有點燶同苦😢🐷🐷整體評價: 食物高質，菜色擺盤精緻，用餐環境都幾有情調、幾有feel，是慶祝特別日子的好去處👍🏻惟餐廳人手不太足夠，只有2-3個侍應，包括一個估計已屆60歲的高齡伯伯招呼食客，東奔西走，弄得我們也不好意思叫他加水了🤭🤭🤭🤭…查看更多

呢一間位於美孚嘅法國餐廳，雖然佢嘅位置係饒宗頤文化館入面，距離地鐵站都要行少少路先到，但如果咁啱假日嚟行吓，不妨嚟呢間法國餐廳試吓，餐廳外面就已經好多位可以打卡！📷一坐低，店員就上咗一份蕃茄包🍅，麵包鬆軟，蕃茄味都幾濃，麵包搽埋香草牛油就更加香🤤法國油封鴨脾配南瓜燴薏米 $258鴨肉好入味，皮煎得好脆，肉質嫩滑，唔會話特別油膩，脂肪同肉嘅比例啱啱好😆香煎鵝肝配自家製鴨批 $178 既然嚟到法國餐廳，咁就要試吓佢嘅法國鵝肝，口感細膩，厚身而且煎得香脆，入口即溶，加埋無花果莎莎即刻昇華左，至於鴨批既味道都好夾~阿拉斯加焗雪山 $88呢個甜品真係有驚喜！雪山最出面係微焦甜甜地嘅棉花糖，面頭有鮮甜嘅士多啤梨🍓，可以中和一下甜味，而入面就係朱古力蛋糕，但係最最最吸引嘅係最入邊嗰層雲呢拿雪糕！雪糕質感軟綿，完全係冰火兩重奏🧊🔥無論係餐廳外面嘅紅磚牆，定入面佈置嘅歐陸風格，都令人好似置身於外國，見到好多一家大細係放假，行完文化館就嚟食飯，有興趣嘅朋友可以過嚟行吓打個卡，順便欣賞下歷史建築😉…查看更多

［美孚］悅滿軒.美孚真係好少呢類高質餐廳！.香煎鵝肝配自家製鴨批食剩指數:0/100自家製鴨批好香鴨味好濃但唔蘇鵝肝表面少少脆入面好軟熟一咬啲香味融化喺口油而不膩仲有少少無花果芒果莎莎喺上面令成個味更balance.烤澳洲龍蝦尾配海膽燴意大利飯食剩指數:0/100一上枱龍蝦既香味已經好出龍蝦仲要拆埋舊肉出嚟肉質好彈牙好鮮甜飯底都好驚艷海膽汁超濃厚海膽燴意大利飯估唔到可以咁好食入面仲有洋蔥車厘茄同意大利瓜味道好多層次.阿拉斯加焗雪山食剩指數:0/100之前睇好多食呢類甜品既地方都無左终於揾到有地方可以食!!!呢種蛋白雪山一上碟就淋酒點火一定要拍片影相打卡入面係朱古力蛋糕同牛奶雪糕味道香甜朱古力蛋糕質地就好似莎莉蛋糕~…查看更多

餐廳位於饒宗頣文化館入面，較為清幽遠離煩囂，餐廳播住柔和音樂份外舒適，和朋友慢坐傾下計都幾寫意。入住後店員先奉上麵包，熱辣辣岩岩焗起，脆卜卜好香蕃茄味。香煎原條龍脷魚配炒菠菜·檸檬牛油汁 $258龍脷柳魚原條奉上，肉厚肥美少骨，二人分享好滿足，加上龍脷柳魚下面舖滿厚厚菠菜，吸晒檸檬牛油汁，開胃又美味。寶雲酥焗西班牙伊比利亞羊扒配自家製羊肉腸·砵酒汁 $298賣相吸引，羊扒七成熟剛好，羊脂香濃一啲都唔騷，羊肉腸肉質鮮甜多汁，少有食到的口感，配埋砵酒汁非常夾。阿拉斯加焗雪山 $88蛋白打造焗雪山，落酒起火打卡一流，蛋白包住朱古力蛋糕及雲尼拿雪糕，冷熱交融完美配搭。…查看更多

饒宗頤文化館一向都係文青嘅打卡勝地📸️影完靚相就梗係要醫下肚啦🍴《頭盤 Starter》香煎日本松葉蟹餅配金蘋果蓉(雞尾酒汁) 煎得香脆可口，滿滿嘅蟹肉🦀味道鮮味。配以酸酸甜甜嘅雞尾酒汁正好解煎炸嘅油膩。香煎鵝肝配自家製鴨批鵝肝外脆內軟，口感軟滑。🈶️別平常地配上無花果莎莎，好特別。鴨批邊位有高湯啫喱，食落有啲似水晶肴肉。《Main主菜》自家製菠菜貝殼粉配鑽石蜆賣相吸引。忌廉菠菜汁加上鑽石蜆鹹鮮味十足😋《Grill Steak 烤扒》美國安格斯肉眼扒12oz 一上枱就已經聞到烤肉香味😌牛扒烤🉐️外脆而能保持肉質鮮嫩多汁，唔使點任何調味料已經好好味🤤《Dessert 甜品》阿拉斯加焗雪山非常有儀式感。將點着火嘅酒淋上雪山，火熄滅之後就可以品嚐暖暖嘅蛋白糖同埋包裹住嘅朱古力蛋糕及雲呢拿雪糕。冷暖交融嘅感覺好特別，而且唔會好甜，very nice。…查看更多

第一次嚟饒宗頤文化館🤣嚟到呢間high class嘅西餐廳食晚飯~呢度嘅裝修擺設以fine dining為主,有唔同款式嘅starter, mains, desserts同drinks😋呢度嘅服務態度十分之好👍🏻會不停幫你斟水😂而且呢度環境好舒服🥰好適合情侶約會💕或者家庭，朋友聚餐～意大利蕃茄餐包配自家製黑松露牛油餐包脆卜卜😍一咬落去就食到酸酸甜甜嘅蕃茄味😆搽左黑松露牛油喺餐包面，有浸濃郁嘅黑松露味🥰令到餐包食落感覺好Rich同好好味😋香煎鵝肝配鵝肝批無花果芒果莎莎($138)鵝肝好香濃🥰配埋特製嘅無花果醬汁😍酸酸地，中和翻鵝肝油膩嘅感覺，十分之夾👍🏻鵝肝係軟軟淋淋😆好易入口😋自家製意粉配慢煮八爪魚海膽汁($228)海膽汁好creamy😋甜甜地又鹹鹹地嘅感覺😂八爪魚好新鮮爽口👍🏻咬落去好彈牙💕意粉幾軟淋☺️咬落煙煙韌韌～阿拉斯加焗雪山($88)係我哋超級鍾意嘅甜品😍一上碟係好靚嘅一碟雪山形狀嘅甜品😆又有啲似好多舊雲🤣好適合打卡😂職員用rum酒點火燃燒雲狀嘅蛋白😍令到蛋白有少少燒燶嘅感覺～外層嘅蛋白食落甜甜地而且軟軟綿綿☺️入面仲有朱古力蛋糕，內層係雲呢拿雪糕😆雲呢拿雪糕香甜好味😋底層係Oreo朱古力餅底，幾脆幾甜💕…查看更多

呢日同呀媽提早食聖誕大餐🎅🏻，之前扮文青嚟過美孚饒宗頤文化館影相，知道入面有間西餐廳唔錯，因為我食過afternoon tea。我揀嚟呢到食聖誕餐，係貪佢環境靜靜地，causal得嚟又好氣氛，唔使喺商場入面咁焗促。食之前，我仲可以同呀媽喺館內周圍行下，睇下野☺。由於訂咗枱，一入到餐廳店員就已經搵到我個名同電話資料，好快安排我哋入座。餐廳環境好decent，枱櫈地板係有襯過，採用湖水綠同白色嘅座椅；餐廳主要分開左右兩邊座位，一邊有窗，另一邊就有梳化位🛋。除此之外，我好鍾意呢到好有聖誕氣氛，掛滿咗雪人仔☃，成個感覺好溫馨，同時仲播住聖誕歌。呀媽比較少食西餐，所以由我發辦😎。我之前已經上網睇過個menu，見到呢度嘅菜式比起出面西餐廳特別，用嘅食材顯得出係有心思，唔係普通一塊扒或一碟意粉。餐廳由湯、前菜、主菜、伴菜、甜品到飲品，都有唔少選擇，花多眼亂🤤。首先，店員為我哋送上熱辣辣嘅法式麵包🥖，外皮偏硬，但係脆脆的，而且富有麵包嘅香味。最特別之處係，呢到唔係好普通咁搭配快餐牛油，而係用上黑水欖牛油(我都係專登問店員先知🙈)，隻味甘甘地幾正，黑色嘅一點點應該就係橄欖。法國泥蟹湯($78)，湯嘅顏色同味道都有啲龍蝦湯🦞嘅感覺，但無咁濃咁鹹之餘，仲好鮮味，而且真係食得出有蟹肉㗎🦀。同時，湯用上咗白蘭地忌廉同洋蔥熬煮，所以好creamy同有好微好微嘅酒香。香煎鵝肝配鵝肝批無花果芒果莎莎($128)，前菜造型非常精美。一邊係香煎鵝肝配salsa，煎鵝肝嗰種油份加埋好fluffy嘅口感真係無得輸🤤，配上水果salsa中和返一下，成個組合無懈可擊。Salsa芒果味唔算太出，反而有啲青瓜味🥒🤔。另一邊係細細個圓形嘅凍鵝肝批，口感似醬多啲，啱配麵包食。烤西班牙乳豬配蘋果醋燴紅椰菜($268)，🐷烤西班牙黑毛乳豬仔嘅份量一啲都唔細，有2大塊，其中一邊仲係豬脾仔嚟添。乳豬皮雖則無港式燒味嗰種脆得咁誇張，但一啲都唔韌，連埋下面類似手撕豬肉口感嘅肉絲一齊食，又係另一種風味，唔錯唔錯。不過唯一有少少煩就係乳豬係原大塊上，🍴無切開一件件，食落無咁方便，但好彩有媽的孩兒像個寶，將乳豬交比呀媽搞掂😛。烤乳豬旁邊其實有唔少配菜，首先有一個完整嘅烤蒜頭，平日多數我都無理佢，但一食發現口感原來係有啲啲似啫喱，稔稔地，幾得意，同埋唔算好大浸味。另外，就有一兜🍎蘋果醋燴紅椰菜，呢個食落唔似椰菜，似果肉同莓粒，味道甜甜酸酸，啱哂解食咗大嚿肉嘅膩😌。醬就有2種，分別係印尼燒烤汁同芥茉汁，我鍾意食前者多啲，似BBQ ribs；後者嘅芥茉同平日有啲分別，無咁攻鼻，我自己一般。蘋果木煙燻美國野雞($238)，呢度主菜一上碟嘅時候，真係估唔到佢個造型。因為店員真係會喺你面前將件雞🐔，由喺一個煙燻緊嘅爐仔網上面搬落隻碟到，期間散發出嚟嘅煙燻味真係好香好正😍。燒雞上面配上大量嘅墨西哥harissa汁🇲🇽，都幾辣下，就咁試啲醬我嫌太濃，但連埋雞肉食又ok啵。雞肉好嫩唔鞋口，有2大件，每件都有隻雞髀同去骨雞胸，啖啖肉啊！燒雞下面嘅配菜係令我非常欣賞嘅地方，因為唔係一般嘅薯蓉同薯仔粒，而係用上椰菜仔(Brussels Sprout)，西芹頭蓉同埋粟子。每樣食材均唔係常見嗰啲，同時個配搭又幾好，上碟造型亦睇得出花上心思，大大加分💯。阿拉斯加焗雪山($88)，食埋呢個甜品就為呢餐畫上一個完美嘅句號。甜品可以話係隆重登場，因為係食晒主菜先焗，要等一陣。造型同想像中一樣吸引，店員會嚟到你面前將啲酒淋上個雪山到，做出火焰嘅效果🔥。但我掛住影相，店員提我可以吹熄嘅時候，已經遲咗少少，所以望落好似燶咗啲🙈。我鍾意食焗雪山主要係貪佢有冰火嘅口感，而且有幾層layer，外面係焗蛋白，中間係朱古力蛋糕，最入面就係雪糕。我覺得🍨雪糕口味係芝士蛋糕味，所以有少少鹹鹹甜甜嘅感覺，複雜得嚟又幾特別。總括嚟講，悦滿軒真係一間無乜可挑剔嘅餐廳，我唔敢講食物味道係超級好食😋，但每道菜都睇得出餐廳別出心裁，花心思注重喺食物嘅細節位上，例如造型、食材同食物組合等。依個係我捨得比錢花費嘅原因，因為你買到嘅正正係烹調技巧，唔單單係高級食材。服務方面，每位店員都非常專業，對菜式有充分嘅了解，好好笑容又好好禮貌😚，而且主動幫我哋換咗幾次乾淨嘅碟。呢一餐雖然唔平，但物有所值，我媽媽都好滿意，絕對係一頓令人開心嘅聖誕大餐🎄🎅🏻。…查看更多