御膳

觀塘工廈區真係極多隱世美食, 敬運工業大廈12F呢間御膳都係其中一員, 門口冇任何宣傳品, 完全靠口碑👍什菌大蜆豆腐湯一坐低坐左一陣就即刻有湯飲😍豆腐湯女士飲左皮膚又白又滑, 仲有湯入面有大隻蜆比你食🤤完全無加味精, 鮮甜味就靠蜆肉帶出手撕雞青瓜絲拌入雞肉絲, 混入麻辣醬料非常惹味開胃👍作為頭盤, 安排非常妥當大肉蟹隻蟹真係極極極大隻🙈2個人黎食真係有d 吃不消, 咁新鮮既肉蟹, 我地揀左薑蔥炒最能夠突出到鮮甜味又唔會蓋左蟹肉味, 隻蟹唔單止淨係大, 肉質都非常爽甜, 完全感受到係即劏即食既感覺😍蟶子炸蒜, 香蔥, 辣椒粒蒸蟶子係最穩陣既做法👍保持到鮮味又唔會太搶, 而且用粉絲墊底, 可以吸收晒蒸出黎既鮮汁, 如果個咀夠大, 一啖過食係最為理想😍金絲翡翠鳳尾蝦呢個菜就真係私房菜獨有既菜式, 酒樓係唔會咁有心機同你砌到咁靚架😂鮮甜爽滑大蝦上面配左幾條魚翅, 大大增加左美感😍花雕蛋白蒸龍躉球呢個菜式亦算有誠意, 用花雕黎蒸龍躉做法創新, 配上蛋白能夠增添龍躉球既層次感😋蒜片牛柳粒食左咁多海鮮, 係時候食番d 肉, 蒜片一向最夾牛柳粒, 所以個味道係唔會fail, 預期之內不過不失💪蟹油炒麵用左頭先大肉蟹既蟹油黎炒呢個麵, 本身個麵炒得非常乾身, 唔會一patpat 野咁👍👍唔會好油膩之餘仲有少少蟹香添😍香芒布甸最後當然要食番個甜品, 香芒布甸都係正常味道啦, 芒果粒都算多既👍…查看更多

一直以來都無咩機會同男朋友拍拖既時候食中菜，原因係好多時食中菜都係一班人食會比較好，因為中菜好多時都分量頗大，如果兩個人拍拖去食，只能叫一兩碟， 不能試太多款嘅菜式。:)但其實我非常鍾意食中菜，尤其是食海鮮同埋粵菜，相對濃油赤醬既滬菜，或者麻辣香厚既川菜，粵菜更著重食材既鮮味同師傅既功力， 但可惜香港食到正宗同埋靚嘅粵菜嘅地方唔多。不過好好彩 ， 朋友介紹我同男朋友仔去呢一間御膳私房菜度試下。 不得了，我諗我會bookmark呢度，做日後嘅飯堂，獎賞自己。由於怕冇位嘅關係，我地一早就book 定檯， 最開心嘅係呢度同出面唔同，有得按人數去選擇，同埋按自己喜歡嘅食材去揀套餐，而且一去到餐廳就有得食。 作為蟹迷嘅我梗係要試下呢度嘅大肉蟹啦。二人套餐既前菜係麻辣手撕雞， 青瓜切成幼絲， 清爽脆身 ，手撕雞充滿麻辣醬香味， 而且雞絲長短不一，非常索汁， 冰冰涼涼嘅口感 ，加埋麻辣香，非常引起食慾。不過我見到隔離枱多啲人嘅關係，佢哋嘅前菜就係一個麻辣拼盤，除咗雞絲仲有其他鹵水，份量唔細咁， 希望下次有機會，同多啲朋友一齊嚟試下啦。黐完前菜跟住出場嘅係什菌豆腐大蜆湯，一睇就覺得吸引，好少地方可以將湯頭煲到濃沃嘅奶白色，仲白過牛奶。是真啲湯底其實應該用咗新鮮魚同大骨煲湯， 加上豆腐同大蜆，個湯鮮味十足，好有屋企嘅味道， 但當然係更加足料，而且雜菌吸收曬湯頭嘅鮮味，足料既程度，我覺得唔只係一個湯，而係一道菜。可能我影得有啲細，但其實隻蜆係有兩節手指咁大， 蜆肉鮮甜冇沙，真係想嗌多兩碗飲下。蒜蓉粉絲蒸蟶子皇， 雖然係最簡單嘅蒜蓉粉絲蒸，但亦都係最能夠帶出鮮味嘅煮法，越係簡單嘅方法，其實更顯用心， 淨係 蒜蓉都已經用咗金銀蒜，即係普通蒜蓉同埋豉油煮過嘅蒜蓉， 蟶子皇非常大隻厚肉，食落啖啖都係汁， 加上粉絲吸曬豉油汁同時蟶子汁嘅香味。「小二，唔該嚟多兩碗白飯。 」胡椒炒大肉蟹大肉蟹非常足斤兩，目測起碼斤幾兩斤，因為淨係蟹鉗都大過拳頭， 同埋師傅好細心咁將胡椒打磨到好細，咁樣撈埋薑蔥做芡，帶出肉蟹嘅鮮味，加上走過油嘅關係，鎖住咗蟹既肉汁同水分，乾身得來外脆內juicy，三個字：無得輸。如果係西貢食呢碟蟹都起碼二百蚊啦。 除番開呢個套餐其實每人400幾蚊，真係抵到不得了。淨係蟹鉗都大過我隻手，啖啖都係肉，不得了。花雕蛋白蒸龍躉球龍躉球起曬肉，啖啖肉冇骨，魚皮厚身，充滿骨膠原嘅味道，彈性彈性。 除咗鮮甜實肉之外，都冇咩說話好講了，反而我想讚下個蒸蛋白，事關個蛋白用咗上湯同花雕去蒸，滑過豆腐之外，感覺就好似係食緊豆腐花，不過係上湯味嘅豆腐花。 唔係太識形容，口感介乎於飲湯同食豆腐花之間。細細聲講，我食曬呢個蒸蛋白，冇留到畀男朋友食，哈哈。金絲翡翠鳳尾蝦上面嘅金絲其實係用金華火腿燴咗嘅魚翅， 充滿火腿絲既香味， 配上非常之彈牙可口嘅鳳尾蝦，可惜一人只有一隻啦，哈。雖然配菜好似係簡單嘅節瓜同冬菇，但節瓜清甜，蒸得剛好，冬菇厚身重菇味，夾埋魚翅食又係good good good 。其實食到呢個位我已經八成飽，已經非常大滿足， 唔好睇每碟菜嘅份量好似少少哋咁，但原來食落真係可以好飽，仲可以試到每種唔同嘅菜式。蒜片牛柳粒我諗係男士嘅 favorite， 蒜片炸到脆卜卜，加上牛肉充滿蒜香，又係一個惹味嘅小菜， 絕對好啱送飯。而每粒牛肉都係mini bite size,， 女士就算飽飽哋都可以食幾粒過下口癮。蟹油銀芽炒麵蟹油呀嗚呀， 一嚟就聞到超香嘅味道， 再加上炒得非常之乾身有鑊氣， 真係好難忍口，幾飽都要食埋佢。芒果布甸至於甜品就係充滿懷舊味道嘅芒果布甸，梗係要落番少少花奶落去搵番兒時嘅味道啦， 加上大大粒嘅芒果肉，甜品胃被滿足了。成張單total九百零蚊，除開每人400幾蚊， 其實同去西貢食海鮮既價錢分別不大，不過質素就高好多。 而且唔使喺西貢俾人劏， 食嘅真係一分錢一分貨，值啦。…查看更多

今天是二師姐牛一，又大一歲，要聽聽話話，快高長大了！一早就想好要說吃海鮮慶祝生日，本來冬天冰冰冷冷吃火鍋是最好的選擇，但這個冬天真的吃得太多了！打算在家自己弄，又怕煮好一碟又一碟的時候其他海鮮都變冷了就不好吃，而且放工後自己弄又確實比較麻煩！想起上次跟我一樣愛吃的「鬼姐」介紹，有一家私房菜海鮮夠新鮮，小炒夠火喉，而且價錢也相當合理，就決定今天來這家叫 御膳 的私房菜試一下！這裡可選擇的款式也真的不少，我們就點了一個三人用套餐 (4)，食物都是我們喜歡的菜式！麻辣手撕雞中式前菜，麻辣味十足、青瓜夠清新、手撕雞絲肉感分明，這絕對是開胃菜的首選，口感非常夠辣頂癮，準備一下好胃口開大餐！什菌豆腐大蜆湯食飯又怎可以沒有一個靚湯？今天本來就是打算吃海鮮，這個用鮮甜大蜆跟新鮮什菌，還有滑豆腐熬成的湯，鮮味無與倫比，一定是最佳靚湯水之選！菊子魚 (12兩 東星斑)十二兩的東星班起肉，切花，下鍋滾油炸！熱辣辣上碟後再加上凍凍的柚子醬，一冷一熱，口感爽到不得了，我一口氣就可以吃三顆！炸粉沒有覺得有多少，外層炸得脆卜卜，內裡啖啖嫰魚肉！正！避風塘炒大肉蟹喜歡大肉蟹的肉感，店員表示可選花雕雞油蛋白蒸，避風塘炒，薑沖炒，胡椒炒，四川香辣炒等不同料理方法，可真的是任君選擇！個人喜好來說避風塘炒特別香口誘人。金黃色的蒜粒，乾紅辣椒、蔥、薑跟蟹㨮至入味。真的不得不大力讚嘆，蟹肉又鮮味又彈牙，加上避風塘炒的香口跟微辣，味蕾就是這樣震撼！蒜蓉粉絲蒸蟶子皇蟶子，當然用蒜蓉蒸的方法烹調最完美。保持原汁原味，粉絲放底吸盡蒸氣令蟶子皇溢出的肉汁精華。這個蟶子肉鮮味甜，爽口彈牙；粉絲回味無窮！金絲翡翠鳳尾蝦鳳尾蝦、素翅放於翠玉瓜面上，打上一個濃芡，爽口蝦肉滋味得很！翠玉瓜完全入味，果真色、香、味俱全！士多啤梨骨跟蜜桃骨、沙拉骨等的感覺都很像，比較特別的是她還有一點士多啤梨的酸甜感覺，非常惹味！蟹油銀芽炒麵其實真的吃到肚子都漲起來了！炒麵不算什麼，但蟹油炒麵就沒有反抗的餘地！炒得夠鑊氣，還有陣陣的蟹油香味，濃而不膩！甜品 - 芒果布甸甜品時間！不是說人有兩個胃是嗎？面對色澤吸引，而且陣陣芒果香的布甸又怎可以抗拒！芒果果肉就是令人瘋狂的理由！說真的，三人吃以上份量跟質素的菜式才一千四百多，是真的物超所值！無論份量，味道都是無可挑剔，最重要是生日的二師姐也吃得這樣高興，吃蟹的時候還會不顧儀態地吮手指！這頓飯，我給　Ａ＋　了！…查看更多

新一年同農歷新年一樣，都要同屋企人好好食一餐團聚，平時我們都會去大排擋圍住張圓枱熱鬧咁食飯，今次我地都唔例外去左私房菜館食圍飯，之前都聽聞過依間菜館幾高評價，加上我地一家人亦有興趣，所以預約座位同訂定套餐菜館位置離觀塘地鐵站大約8-10分鐘路程，雖然係工業大廈樓上，但幸好大廈只有一個停車場出入口，入到去靠右邊搭客電梯，一出電梯對正門口就到了入到店內範圍唔算好大，每張都係圓枱，有大同細枱，我都比較喜歡坐圓枱，放飯餸都可以放多些，點左個四人套餐，先上前菜拼盆同魚湯過下口癮先麻辣滷水拼盆(例)拼盆中有三款不同前菜，分別有麻辣手撕雞、鹵水大腸同金錢肚，但因為我地都唔食牛，所以菜館幫我地改左椒鹽豆腐，每款前菜份量都唔少，椒鹽豆腐外皮薄粉得黎又帶少少脆口，咬一口豆腐依然非常嫩滑且豆味香濃，食落完全唔會覺得好熱氣。麻辣手撕雞拌左青瓜絲，雞絲有咬口配埋清爽青瓜絲一齊食好惹味，麻辣味夠香且帶微辣，正啊！鹵水大腸切好擺齊整，清得乾淨又無肥膏，滷得相當入味，入口好軟熟，雖然食得多唔好，但食到停唔到口砂鍋什菌龍躉骨湯魚湯用左龍躉骨、什菌同豆腐粒煲成，味道甜得黎又有濃郁魚香，湯入面無落薑絲，但依然唔會跑出腥味，愈飲愈唔會感到澀口，唔錯呢菊子魚 (東星斑養魚12兩)整條東星斑養魚切件再用滾油落穫酥炸，炸至金黃色再每件放上碟排好，每件魚上的淋左柚子汁，味道酸酸甜甜，清新開胃又解去油膩感，最值得讚既係魚塊外皮粉薄，咬既時候有酥脆口感同聲音發出，肉質保持嫩滑，出色之作蒜蓉粉絲蒸蟶子皇份量係按人頭，平時食炒蟶子就食得多，蟶子皇真係好少食，蟶子皇每隻都大大隻，咬落去蒸得剛剛好，彈牙厚肉，加上面頭鋪滿大量蒜蓉，離遠聞到已然好香，底層係粉絲，粉絲爽口彈牙又入味，沾滿豉油汁咁蒸真係無得輸，送飯一流啊金絲翡翠鳳尾蝦碌殼鳳尾蝦放係翠玉瓜上面，頂層係素翅，旁邊放左冬菇片，再淋上芡汁，蝦肉爽口夠彈牙，翠玉瓜入口軟腍清甜，整體味道相當清新碧綠炒花枝片花枝片口感爽勁，煮得剛剛好又容易咀嚼，仲有配埋我最愛既西蘭花，食得超滿足啊金華玉樹雞半只淨係光看賣相已經好有氣勢，每件雞肉都配左一塊金華火腿，雞肉嫩滑濃郁，金華火腿甜甜地，竟然唔同平時食落既咁咸，兩樣野一口咁食味道好夾士多啤梨骨本以為食落去會有好強烈既士多啤梨味，幸好味道不會太酸，食落都似平時食既咕嚕汁，金沙骨炸得幾香脆，又一送飯之選菜式蟹油銀芽炒麵離遠已聞到陣陣香味，而且好有穫氣，炒麵夠彈牙，濃得黎又夠惹味，食個時仲有微微既蟹油香，唔錯喔是日甜品係芒果布丁，另附上花奶，倒少少同布丁一齊食似足我地細個係酒樓食到既味道，好彈好爽，芒果味又夠香唔會太甜。食完甜品真係投降了，其實食到一半既菜式我地已經差唔多飽，當然餘下既餸菜我地都有打包走，好味又唔浪費，下次再同成班朋友家人空肚子黎食過！…查看更多

朋友今天正日生日，我們怎會沒表示，作為好友已預先去御膳訂枱吃晚飯，全因御膳的菜式夠豐富，而且可以不拘一格的用膳，令我們一而再，再而三來捧場。今晚湯，小菜及甜品正好十道，也寓意朋友生日十全十美。正當朋友說剛剛在樓下涼得很的時候，砂鍋什菌龍躉骨湯就上桌了，好讓她暖暖身子。龍躉骨湯都不放味精，以龍躉骨熬煮多個小時，湯都變成乳白色的，清鮮甘甜，雜菌豆腐滑溜無比，入口順滑。麻辣滷水拼盤百吃不膩，聞著香氣十足的滷大腸，讓人口水直流，怎能讓我們忍著不動筷吃呢? 大腸處理得相當的不錯，沒有油膩感。搭配上滷水汁的滋味，豐厚的大腸令人一咬再咬，想吃再吃，回味再三它的味道。手撕雞調味剛好，微微的香辣傳入手撕雞和青瓜之中，喚起雞絲的深層美味。手撕雞有越放越香辣的感覺，特別是每口咬下所帶來的肉汁，更顯手撕雞的鮮嫩。金錢肚堪稱麻辣一絕，吃起來嫩嫩的，不會嚼不斷但有帶勁，相當容易入口。灑上芝麻，辣椒粒的金錢肚，非常下飯的一道小食，光配金錢肚，就可以扒光兩碗飯。菊子魚是私房菜的精緻版，充分展現廚師的刀工技巧，東星斑都化作金黃色的菊花球，菊子魚外脆內嫩，搭配柚子醬汁更是開胃，同時突顯熟練的炸工，香氣洋溢，菊子魚華麗登場。蒜蓉粉絲蒸蟶子皇熟度蒸得恰到好處，光看賣相已令人食指大動，吃了一口蟶子皇，鮮香甜嫩各種滋味紛紛呈現口裡，粉絲吸索蒜蓉香氣，吃起來特別入味。士多啤梨骨完全能感受到士多啤梨與豬仔骨的融合，味道不錯，酸中帶甜，甜而不膩，豬仔骨肉質細嫩入味，相當討好的開胃菜色。碧綠炒花枝片西蘭花整齊地鋪在碟上，花枝片蠻大片的，再與新鮮雜菌與蘿蔔快炒，將花枝片的鮮味逼出來，脆彈有咬勁，菜蔬清甜無比。金絲翡翠鳳尾蝦翠玉瓜綠如翡翠，金絲劃破細白如雪的鳳尾蝦，色彩千變萬化。鳳尾蝦肉質很彈，整尾蝦連翠玉瓜一起，無窮清新滋味湧出，很棒的一道菜。金華玉樹雞看似簡單的一道，其實工序可繁複得很，處理去骨的步驟如海南雞般，先替雞肉來個桑拿，再用冰水泡浸緊緻皮肉後去骨。然後再以甘香柔軟的金黃火腿片及菜心一同蒸出精髓來，每件雞肉肉嫩滑溜，其鮮香不可言喻。蟹油銀芽炒麵炒得非常乾身不油膩，蟹油香味濃重，銀芽爽脆極致，宛如銀芽與炒麵形成華麗對比，精緻的口感與飽足慾望，大家都停不下來。到尾聲之時，一定要有甜品替美味的晚餐劃下完美的句號，儘管此時已經快撐死了，但甜品卻是另一個胃。椰汁糕空氣中飄著淡淡的椰子香，一塊塊香濃柔軟的椰汁糕十分細膩，會隨著嘴巴裡熱度融化，可口滋味讓人忍不住還想再吃幾塊。…查看更多

話說今天放假同朋友去觀塘做義工，活動完後就一起吃晚飯。觀塘區我甚少去唔太熟路亦唔知有咩好野食，正當諗緊去邊度食飯時，原來佢一早已經訂左私房菜仲話佢同家人一直有幫襯，今次帶我來試試原來間餐廳係工廠大廈內在工廠大廈食私房菜我都係第一次，心裏萬分期待我地7:15來到已經坐滿人了，好食嘅野當然多客人。食物可以散嗌，唔想諗就叫套餐啦坐低左就叫左兩罐啤酒要啤一啤佢先足料豆腐好滑好有香豆味，成碗湯味道唔錯仲無乜味精岩曬我！隻蜆真係好大隻架食落的確鮮味雞肉同青瓜份量平均，重點係食落不會覺得肥膩。如果有芝麻沈喺面就仲正肉蟹真係夠晒大隻仲好有肉添一定係活蟹，因為肉質好實，食落的確好鮮味。蟶子皇蒸到啱啱好，不會過火。食落好有口感，仲有粉絲係底，好正！鳳尾蝦係活蝦，不是雪藏蝦因為食落有鮮蝦味呢度菜除咗顏色豐富，賣相靚之外色香味俱全牛柳粒份量可以多番少少，不過整體口感同賣相都令成餐飯嘅用餐經驗加分朋友平時都少吃食魚，但呢道菜竟然令佢食曬，而我只吃了花雕蛋白朋友表示味道可口，所以不斷encore炒麵賣相100分，見到已經流晒口水炒得夠乾身食落無乜味精，又無覺肥膩無諗過私房菜嘅西式甜品都做得咁出色重奶味但又不覺漏兩個人食左$942係唔平，尤其是係觀塘工業區。但私房菜一般人都係食質素，呢度嘅質素真係比到我地:)總結: 私房菜不用一大班人，兩個人吃都可以下次會同屋企人來。今日做完義工又食到美味私房菜真係好開心:)原來快樂可以好簡單…查看更多

朋友生日飯 仲要係平日, 所以想揀近近地既觀塘. 主角今次揀左觀塘工廈既「御膳」. 我地預早兩個星期就打去訂定台, 原來呢間私房菜係以人頭收費, 仲可以揀定菜式, 於是我地揀左七餸一湯 ^^餐廳雖然係工廈入面, 但環境乾淨, 餐廳有足夠既空間, 唔會有壓迫感, 感覺舒服,  適合三五知己亦適合一大家細. 首先上個 “招牌小吃麻辣鹵水拼盆”有大腸、麻辣雞絲、牛肚. 雖然我本身唔係好鐘意食牛雜之類, 但D朋友話好好食, 我就試左兩舊, 的確大腸同牛肚都好入味,  又好林. 而麻辣雞絲加上青瓜絲配麻醬, 味道配合得好好, 辣辣地好醒胃, 讚!讚!讚!砂鍋什菌龍躉骨湯奶白色既湯配芫, 魚味好濃, 亦好清新. 湯入面仲有好多菇菌, 有益又好食,  加少少胡椒粉, 味道剛剛好, 有湯飲又有魚食, 一舉兩得, 四個人既話, 一人都可以飲到兩碗. ^^菊子魚，東星斑12兩，養魚一上台大家都嘩一聲, 呢個餸用足12兩既東星斑, 整到好似朵菊花咁去炸, 賣相好靚好精緻, 呢個餸最考大廚既就係刀功. 既然係炸左, 但D魚肉仲好嫩滑, 口感鬆鬆脆脆, 上面加左柚子醬, 酸酸甜甜好開胃, 味道真係好特別, 讚! 讚! 讚! 士多啤梨骨未食前, 朋友們都議論“生炒骨咕嚕骨就食得多, 唔知加左士多啤梨汁會係?” 呢道士多啤梨骨味道好有趣, 甜甜鹹鹹的, 排骨外面好香脆, 但食落肉質有點硬 >< 加左 D士多啤梨汁會冇咁油膩, 亦係一個開胃既餸, 但賣相就一般啦~蒜蓉粉絲蒸大蟶子皇聖子好爽口, 加埋蒜蓉食落去好香 (如果再多D蒜蓉會更好味)....敗筆係..太多油 ><金絲翡翠鳳尾蝦金華玉樹雞甜品 : 芒果布甸食到中段已經好飽, 因為呢度D餸都幾大碟, 但係甜品係另一個胃, 幾飽都要食, 哈哈!芒果布甸, 好香甜幼滑, 又唔會太甜, 味道唔錯, 細細杯份量岩岩好!! --- 飽晒 ----…查看更多

與舊同事聚會平時大家都忙，也很難得約出來吃個飯，我一早訂好枱，今次咱們吃私房菜。 早幾天跟餐廳溝通好，咱們不吃羊，其他都可以，前一天餐廳把菜單傳來，看過覺得沒問題，當晚上去等齊人就可以上菜了。我還滿喜歡這種方式的，一來只要說不吃什麼就可以，二來菜式不用自己看自己想。先來個砂鍋什菌龍躉骨湯目測比較清，有大魚頭，什菌，芫荽。 飲落魚味濃濃，很鮮味。魚湯我最愛，養顏又不油膩，皮膚越飲越滑。 芫荽不是每個人都喜歡，我還可以接受，味道不算重，有小清新的香，加一點已做到下火功效，同事則非常欣賞，要求他那碗要有大量芫荽 。 招牌小吃麻辣鹵水拼盆有大腸、麻辣雞絲、牛肚非常入味的大腸及牛肚，而且很腍沒有痴牙! 麻辣雞絲有點辣，加上清瓜絲有中和作用，不會辣到要喝水那種，味道還是非常誘人。 這道招牌小吃做得非常好!蒜蓉粉絲蒸蟶子皇，每人一隻。我超級喜歡吃聖子，而這裡的聖子蒸得很爽滑，外加小許蔥乾濕蒜，聞起上來非常香。 舖底的粉絲已經索了醬汁，聖子的甜香味，吃時再夾雜聖子一起入口，味道鮮得很，亦不會乾，非常好吃。 菊子魚，東星斑有12兩，很美的名稱，將魚起骨，每塊肉切開 成花形，再淋上柚子汁。口感鬆鬆脆脆，味道酸酸甜甜，很開胃的一道菜。 朋友讚絕，因為他很怕吃多骨的魚，這道菜他大愛。 金絲翡翠鳳尾蝦這道菜很精緻，簡單清而鮮，鳳尾蝦肉質爽，清甜之餘緩一緩味覺。 士多啤梨骨，上面的是餐廳特製以士多啤梨調出的醬料，酸甜又不膩，接近天然口感。 肋排有肉，配這個汁，味道沒有過重，反而很fresh。金華玉樹雞(半隻)初時看菜單，只知道有雞吃。看到上來的雞才知道名稱也起得真夠直接，真好:)。 金華火腿、玉樹指的是菜、及雞。賣相 非常晶瑩，雞微咸夠嫩，吸收了金華的精華，茨汁調得恰好，火腿味道也夠鮮，沒又硬得咬不開咸得吃不下。 如果多幾粒杞子，外觀就更加分了。 呵呵呵！碧綠炒花枝片最後還有一個西蘭花炒花枝，清清爽爽，少油又健康。 主食是蟹油銀芽炒麵，我們特登不要飯，但又怕不夠飽，所以要了這個炒麵。 麵身比較幼，沒有很油，炒得很香，嚐得出微微蟹香，不是太重。 每口夾著爽爽銀芽，又香又有口感還好，已經是尾聲，大家都是8分飽，再太油膩得話就太過了 ... 吃過一輪，聊過一陣，最後的甜點是芒果佈丁。 芒果味道很重，甜甜酸酸，令整個晚餐變得更完美。…查看更多

阿囡就黎生日，又有藉口食餐好嘅今晚我地揀咗觀塘呢間御膳，地點唔算方便，但有好幾個同事食過都話正，於是我哋就黎試吓。私房菜要預早聯絡餐廳，揀定菜式，我哋今晚個餐好豐富架打頭陣嘅係野菌龍骨湯，個湯味道都幾濃但又唔會太鹹喎，入面有好多菇菇同滑溜嘅豆腐。頭盤係一個拼盤，同事話麻辣拼盤好味，但我哋全家都唔係好食得辣，於是就叫咗個唔辣嘅拼盤！拼盤有三樣嘢：豬腸、涼拌雞絲、牛肚。豬腸最好食，又腍又入味中間嘅涼拌雞絲撈咗啲青瓜，感覺幾fresh！牛肚都煮得好腍，不過我就嫌佢味道重左少少。之後到菊子魚，好睇又好食！條東星班起晒肉變咗一球球菊花，上面淋咗好清新嘅柚子味醬汁，酸酸甜甜咁，中和左炸魚嘅油膩感，大人細路都好欣賞呢個菜式蒜蓉粉絲蒸蟶子皇，一人一隻！聖子落咗生蒜熟蒜一齊蒸，一上枱已經聞到好香嘅蒜味！聖子皇大大隻，用料新鮮，口感爽彈墊底嘅粉絲仲正，吸晒聖子嘅鮮味同埋蒜蓉嘅味道之後嚟咗個金絲翡翠鳳尾蝦呢個餸擺得好精緻，鳳尾蝦肉質爽口，而且去咗蝦殻，食起上嚟好方便。呢個餸嘅顏色睇落好清淡，但食起上嚟味道都幾濃，特別係墊底嗰件瓜，吸收晒高湯嘅味道，略為鹹咗少少。跟住就到左今晚另一個最正嘅菜式：花雕蛋白蒸大肉蟹大肉蟹蝦蝦霸覇咁坐喺碟花雕蒸蛋白上面 蛋白有淡淡嘅酒香，老公就最欣賞！蟹肉味道鮮甜，口感細嫩，識食一定係咁樣成隻蟹鉗食，非常滋味食咗咁多肉點都要食番啲蔬菜西蘭花同花枝一向都係理想配搭！碧綠嘅西蘭花新鮮爽口，花枝片口感有彈性，成個餸健康又好味其實食到呢度已經好飽不過我哋仲有兩個餸、炒麵同埋甜品！我哋成日都係咁，點餸嘅時候眼闊肚窄。。半隻金華玉樹雞味道清清地，金華火腿可能浸過蜜糖，鹹鹹甜甜咁，味道好特別最後食唔晒啲雞，但金華火腿就食晒囉不過金華火腿味道好突出，掩蓋左雞嘅味道。呢個士多啤梨骨係阿囡女全晚最鍾意嘅餸，味道酸甜，食到佢lam lam脷本身我覺得士多啤梨同排骨呢個配搭好奇怪，但點知出到嚟效果都唔錯，味道新奇，排骨食落又唔會好滯最後仲有蟹油炒麵同甜品不過飽得滯，差唔多成碟麵打包咗，一啲都冇浪費:)臨走同侍應傾咗幾句，原來兩個人都可以book佢地嘅私房菜，菜式當然無四人餐咁豐富，不過勝在人小小都OK，而且又係免開瓶費，下次兩公婆拍拖食飯都得…查看更多

點解要食私房菜？ 咪就係因為想食屋企嘅感覺，但係又懶得煮囉 御膳位於觀塘嘅工廠區，都唔算好難搵。 內部裝修簡簡單單，是是正正。 但係因為用咗木嘅傢俬，所以都有種溫暖嘅感覺。 來之前已經whatsapp知道菜單，有啲咩修改可以同食肆商量。 咁樣就可以就到唔同人嘅口味啦！先上嘅係呢個魚湯，冇得頂，好好味！ 我本身都係鍾意飲魚湯嘅人， 特別係嗰啲煎咗嘅魚頭湯，我次次都飲+食剩啲骨。 呢個湯有魚嘅濃味，但同時亦都有豆腐同埋雜菌嘅清淡。 有一種好似加左牛奶落去煮嘅感覺，好滑！未食飯先飲湯，係屋企既感覺呀！麻辣鹵水拼盆作為前菜都幾開胃。用料食得出好新鮮，豬肚好彈，我最喜歡既係中間既雞絲mix青瓜絲，好好味！不過如果呢個頭盆可以再雪凍少少先，我會覺得更適合夏天蟶子皇。一人一大隻！未食都已經覺得正！d肉好爽好彈，上面d蒜蓉份量好充足,，配埋一齊食岩岩好！呢味菊子魚，係我最喜歡嘅菜！ 之前冇喺其他地方食過。佢上嘅時候已經覺得好靚。好似嗰啲滿漢全席嘅其中一道菜式嗰啲friend。 原來將啲魚嘅魚肉拆咗出嚟，切開，然後拎去炸。出到嚟好似菊花咁樣，在喺上面鋪嗰啲柚子汁，酸酸甜甜，好好食 冇諗過係私房菜都有得食啲咁樣嘅菜式，名副其實嘅色香味俱全！呢個鳳尾蝦嘅蝦肉好彈，之前食左咁多肉， 食番個清清哋嘅鳳尾蝦配瓜就啱啱好！ 上面仲放咗少少好似瑤柱扒蛋白嗰啲汁調一調味，鮮甜既感覺就出黎啦！士多啤梨骨提我好期待嘅一道菜，平時去大排檔最鍾意就係叫西拉骨。我真係好鍾意食金沙骨配生果或者係沙律d friend架！ 咁樣酸酸甜甜，飯都食多幾碗呀！ 呢個士多啤梨骨嘅士多啤梨味都好夠重，唯一美中不足既係啲骨仲有小小雪味，如果呢樣都處理埋就正啦！btw, 其實我鍾意再多d士多啤梨帶子炒西蘭花，繼續保持高水準！帶子吸咗啲鑊氣之後更香更滑！呢一味菜個名好有詩意，勁似睇緊還珠格格食乞兒雞個幕係到改嗰啲名。 隻雞叫得金華玉樹雞，就當然係配有金華火腿同埋靚靚菜心啦！ 未試過將金華火腿同雞配埋一齊。咁樣食法都幾新鮮！個配搭都唔錯！金華火腿嘅甜味好足。滲入啲雞嗰度，又冇搶咗啲雞味喎。 其實食到呢味菜，我同媽媽都開始停口啦！四個人既份量真係好多！最後好似酒樓去飲咁，臨尾有伊麵同埋炒飯。呢度就有炒麵！個炒麵係乾炒牛河咁既味架好乾爽，都幾好食食甜品係呀另一個胃㗎嘛！我好快就食曬杯芒果布甸lu！呢度既芒果布甸係用新鮮嘅果肉，我食得出芒果嘅甜味！ 其實我本身以為成餐中菜，臨尾嘅甜品應該紅豆沙啲friend，所以見到布甸都幾喜出望外！幾有驚喜同新鮮感呀！…查看更多

上月初有同事做成單大生意，所以就請我地部門同事食餐飯。我地訂左係公司附近嘅“御膳”，因為私隱度高，且菜式特別，唔會千篇一律。我地當日點左好多菜式：金絲翡翠鳳尾蝦……用翠玉瓜做底，鳳尾蝦放在上面，蝦肉非常新鮮且爽口彈牙白胡椒爆炒南非鲍魚………鮑魚煮得恰到好處，唔會韌，好彈牙，好有頭。避風塘炒蟹…………超野味，肉蟹好大隻，肉質鮮甜，蟹鉗超大，剝出黎好多肉甜品：椰汁紅荳糕，好滑，唔會太甜，幾好食。大家當晚食完都相當滿足，菜式新穎，價錢合理，不過需要提早預訂好菜式，好多walk in食唔到㗎！！…查看更多

嚟到位於觀塘區工廈中嘅御膳，入到去個環境都幾光猛企理。可能有唔少人覺得去食私房菜都一定要好大班人去，但係呢度除咗大圓檯之外，其實都有啲細細哋嘅小圓檯。訂檯嗰陣只要同佢哋講好人數同飲食喜好，佢哋就會安排菜單，同埋會晌事前用whatsapp確認，所以好似我哋咁得兩個人嚟都冇問題。佢哋都有啲散叫菜式，不過我哋想每款少少哋咁試多幾樣，所以訂檯時就揀咗試套餐。豆腐大蜆湯，湯色奶白，飲起上嚟有芫茜清香。我個碗入面有三隻蜆肉，豆腐亦滑溜溜嘅。麻辣手撕雞，加咗啲青瓜絲晌手撕雞入面，再撈埋麻辣醬，惹味得來又唔會太辣。金絲翡翠鳳尾蝦，蝦肉厚身，仲有節瓜同花菇，味道夠又唔會過份濃郁。蒜蓉粉絲蒸蟶子皇，蟶子皇彈牙，蒜蓉等配料令佢更加甘香，底下嘅粉絲就吸滿蒸煮時釋出嘅精華。大肉蟹，單係烹調方法已經有花雕蛋白雞油蒸、薑蔥炒、避風塘炒、四川香辣炒、胡椒炒五款，我哋想食比較原本嘅風味，於是試咗花雕蛋白雞油蒸。蟹肉蒸得啱啱好，食起上嚟鮮甜，蛋白嫩滑有微微花雕香。花雕蛋白蒸龍躉球，烹調方法同大肉蟹一樣，龍躉球肉質軟綿，魚皮滑嘟嘟。我哋都覺得花雕同海鮮幾夾，唔會喧賓奪主之餘又可以提鮮。蒜片牛柳粒，牛柳鬆化有油香，蒜片脆口。蟹油銀芽炒麵，炒麵入面有大量銀芽、韭黃、蔥、紫洋蔥、白芝麻等等，口感爽脆。呢日嘅甜品係椰汁紅豆糕，椰汁糕同紅豆蓉原來係分體嘅，講真係有少少煞風景，不過椰汁同紅豆兩者嘅味道突出，又唔會過份甜膩，同埋用咗鮮藍莓、士多啤梨、芒果等等伴碟，總算加返啲分。…查看更多

前日係端午節，但我地一家人已經係上星期提前慶祝。今年我地想食D比較有特色中菜，所以提早預訂左觀塘敬業街嘅“御膳私房菜”。當晚御膳為我地安排左好多特色菜式：金絲翡翠鳳尾蝦蝦肉非常新鮮彈牙，好鮮甜。另外，底放翠玉瓜，清甜爽口，非常適合夏天悶熱天氣。避風塘炒蟹蟹好大隻，啖啖肉，而且炒得十分野味。细菊子魚細菊子魚係用東星班拆肉再炸，炸得非常香口，再加D柚子蜜，特别開胃醒神。不過我都係覺得魚還是清蒸係最好。“御膳”整體都唔錯，而且前一晚已經可以將所設計菜式ws给客人，確實非常貼心且可以免除好多選菜的煩惱，值得一讚。…查看更多

週四晚相約幾位朋友食飯，見過呢間私房菜有巨多好評，有魚有肉有海鮮，相當吸引，知道位置唔多，所以預先訂位。預約位置後，餐廳會以whatsapp跟食客溝通，會先了解客人有冇咩特別菜式要求，根據客人口味、預算設計菜單，按人頭收費。我地早兩日已經收到餐廳回覆相關菜式，基本上都好滿意，冇作修改餐廳就喺敬運工業大廈，唔難搵嘅，地鐵站一出見到馬會直行右轉就係。一共有六張大枱，空間感足，裝潢簡單，以木枱木凳為主。當日我地五位就坐埋邊最入嘅枱，好闊落。旁邊坐兩個女仔，心諗兩個人都食到私房菜？事後先知原來佢地嘅餐牌選擇係2人起，人多食又得，人少食都歡迎；而且未有好似我地咁預先選定菜式，亦都可以單點按每個餸收費。我地 (5人份) 當日就食左9款菜，有海鮮、湯、魚、肉、菜、水果，每位四百三十蚊左右，相當豐富。香芒沙律大蝦球 新鮮沙律菜、配大量切粒生果，再加五份蝦球，蝦一食就知係新鮮，因為非常彈牙；炸粉薄薄一層完全唔油膩。蔬果當然都係合格有餘，全部用鮮果非罐頭野，作為頭盤係唔錯嘅菜式略嫌切得有少少太細粒，變相有啲難「畢」黎食。什菌大蜆豆腐湯豆腐湯都好足料，用上好大蜆，爽口冇沙！豆腐都相當滑溜~碗仔都裝到七碗多啲，夠哂一配般飲呢個湯都會加有芥菜，餐廳就選用什菌，都唔會搶風頭。不過調味重手左，稍為蓋過蜆肉嘅鮮味。胡椒炒大肉蟹 (可選花雕雞油蛋白蒸/避風塘炒/薑蔥炒/胡椒炒/四川香辣炒)大肉蟹有多種煮法，即場選擇，我地揀左胡椒炒，平時較少食，好味呀胡椒味道好香濃，帶好微辣；而且肉蟹非常新鮮，好好肉地，肉質爽口彈牙，入哂味，好正！有機會再約朋友黎，要加碼，因為個個都鐘意食蟹~菊子魚 (東星斑12両)做法好特別，類似食上海野嘅松子魚，將魚起肉，炸完配上柚子醬汁，我地就未試過咁食。對於小朋友或者怕吐骨嘅我黎講，呢個係幾唔錯嘅選擇，因為起哂肉，食落啖啖肉，而且配上柚子醬，酸酸甜甜，好清新！連旁邊嘅魚骨都炸到脆一脆不過朋友係鐘意食魚，就覺得柚子醬味道突出，變相食唔到魚鮮味，鐘意蒸魚定炸魚，各有喜好。金絲翡翠鳳尾蝦用上金勾翅、金華火腿絲、鮮蝦製成，賣相好精緻！翅、金華火腿主要令道菜感覺高級啲，份量就唔係話好多。我地一致認為呢度嘅海鮮真係幾新鮮，蝦、蟹、蜆都正。肉質彈牙，雖然唔會話好驚喜，都屬中上水平。士多啤梨骨以前都喺其他餐廳都食過呢道菜，呢度嘅士多啤梨醬唔係好清甜嗰種，反而係比較濃，稠身得黎偏甜。肉排大大舊，肥肉比例較多，而且煮得有點韌，唔係好咬到。上湯竹笙浸時蔬大魚大肉之後黎個清清地嘅上湯浸白菜仔啱哂~白菜仔唔會煮得過腍，竹笙又爽口！上湯完全唔會鹹，我同男朋友都鐘意呢味~招牌御膳炒飯用上牛柳粒、帶子、蝦肉炒過，我自己覺得炒飯幾有驚喜，飯粒分明，調味適中，唔會太多蠔油鹹到死。牛柳粒切到好細好細炒，雖然都食到有牛味，但唔夠過癮；帶子、蝦肉一貫水準，爽口！作為最後一味主菜，食個炒飯，包保飽肚。如果唔喜歡炒飯，我見隔離枱食炒麵，賣相唔唔錯。菠蘿鳥菠蘿鳥其實就係生果盤，就算佢係生果盤，都係幾有心思嘅果盤 (笑)將新鮮菠蘿挖空，配上一隻鸚鵡造型，賣相都幾吸引啦菠蘿、奇異果、青提、士多啤梨、梨全部都係好新鮮，特別係菠蘿，雪到好凍，作為飯後果，相當滿足。like餐廳fb,share相就有汽水，唔係唔like呀。總括黎講，每人四百零蚊就食到咁多款式嘅野食，都幾抵食呀。私房菜同其他中菜館唔同，慢慢食冇人催，食嘅野精緻啲，菜式特別啲，亦都唔會好似食圍餐咁，嘭嘭聲上菜、扒飯，催催貢。環境方面一般唔會太大，每晚招呼嘅客人唔會多，廚師更加集中專注煮當晚嘅餸菜。今次連茶位費$2/位，埋單$2190，捧住個肚走架！…查看更多