更多
2019-09-27
1190 浏览
日式烧肉就食过好多次,最近香港就流行日式嘅石板烧肉。原理就同「鐡板牛扒」无分别嘅,不过就将「鐡板」换成「石板」。首先,「石板」嘅温度无「铁板」变化得咁快。如果下面无一直用火烧住,离火後,板上面嘅肉都可以保持到温度耐D。而如果用火一直烧住都好,「石板」变温无咁快,又有远红外线,可以令肉嘅加热比较均衡,对於唔钟意食太生牛肉嘅人,「石板」可能系一个选择。不过钟意牛扒表层焦香一点嘅朋友可能会钟意炭火/煎嘅处理方法多D。(利申:唔系专家,只系用仅有嘅少少知识分析,有错请指正🙏🏻)今次试嘅系秘chefs嘅日式石板烧肉。门面装潢十分高级,但估唔到价钱相当亲民!我叫左安格斯牛肉,加埋套餐(饭及溏心蛋)都系大约百四。牛肉好有牛味,安格斯总有保证,酱汁亦十分好。主打嘅烧肉出色都算意料中事,但惊喜系饭并唔一般!加左紫菜同芝麻等(好似叫饭之素?),无餸都食得晒碗饭!一开始仲以为系日式便当比较细嘅饭量,点知系茶餐厅饭量。完全遗反商品说明条例!搞到我食晒,睇怕嚟紧又要做运动减返...肥太㨂左鳗鱼饭,鳗鱼入口即溶,鳗鱼汁亦好浓厚,相当有水准!只系大约八十,十分抵食!仲叫左关东煮风味野菜锅share,亦系水准之作。十
首先,「石板」嘅温度无「铁板」变化得咁快。如果下面无一直用火烧住,离火後,板上面嘅肉都可以保持到温度耐D。而如果用火一直烧住都好,「石板」变温无咁快,又有远红外线,可以令肉嘅加热比较均衡,对於唔钟意食太生牛肉嘅人,「石板」可能系一个选择。不过钟意牛扒表层焦香一点嘅朋友可能会钟意炭火/煎嘅处理方法多D。
(利申:唔系专家,只系用仅有嘅少少知识分析,有错请指正🙏🏻)
今次试嘅系秘chefs嘅日式石板烧肉。门面装潢十分高级,但估唔到价钱相当亲民!我叫左安格斯牛肉,加埋套餐(饭及溏心蛋)都系大约百四。牛肉好有牛味,安格斯总有保证,酱汁亦十分好。主打嘅烧肉出色都算意料中事,但惊喜系饭并唔一般!加左紫菜同芝麻等(好似叫饭之素?),无餸都食得晒碗饭!一开始仲以为系日式便当比较细嘅饭量,点知系茶餐厅饭量。完全遗反商品说明条例!搞到我食晒,睇怕嚟紧又要做运动减返...
肥太㨂左鳗鱼饭,鳗鱼入口即溶,鳗鱼汁亦好浓厚,相当有水准!只系大约八十,十分抵食!仲叫左关东煮风味野菜锅share,亦系水准之作。十分高质
$146
83 浏览
0 赞好
0 留言
$78
79 浏览
1 赞好
0 留言
70 浏览
1 赞好
0 留言
张贴