畢打奧餐廳

营业中

休息中

唔可以話難食，但亦都唔講得話好好食，普普通通。

父親節約咗屋企人食飯，佢哋咁啱去完北區大會堂睇表演，時間尚早，於是乎就搵吓附近有無一啲出名又有氣氛嘅西餐廳。見到時間5:30 ，但畢打街門口就已經有一條小小嘅人龍，問落先知道原來全部都係排緊Walk in（建議想食晏啲嘅朋友仔記得要book位，如果唔係就5:30過嚟排Walk in隊✨）我哋嗌咗頭盤、一個扒餐、同一個二人餐開心share嚟食（二人餐唔記得咗係幾多錢）🥲🥲🥲成間餐廳十分有情調同氣氛，枱面上面有提供一個細細地假嘅蠟燭仔，營造燭光晚餐嘅氣氛。😆

酥皮龍蝦湯好飲，酥皮夠香夠酥脆，龍蝦湯香濃得嚟又唔會太鹹。羅宋湯酸度剛好，驚喜地好香牛味。餐包好香黑糖味，外脆內軟。可惜蒜蓉包就焗過龍，硬到𠝹口。主菜牛柳及羊架都出色，但肉眼就好多筋又無牛味。出餐比較急，湯飲到一半就被拎開放主菜。如果有埋甜品就完美句號。整體滿意，收費合理，環境氣氛不錯，會再光顧的。

✨ 屋企住喺北區人士唔想出市區呢留喺上水食嘢都係好多選擇嘅今日第一次嚟到呢間喺上水歷史悠久嘅西餐廳感覺好似去咗外國嘅酒吧一樣好有外國風情感覺好似喺外國嘅地牢咁 嘢食煮蛋係食牛扒焗意粉等等嘅西餐 價錢好大眾化用好多選擇添 我同朋友就食咗個二人餐嘅美國t骨牛扒 半成熟 啖啖肉呀好大化兩個人食啱啱好番埋個燒汁真係一流呀仲有意粉 前菜嗌咗個細嘅三文魚沙律三文魚好大塊. 點咗佢哋出名嘅酥皮龍蝦湯都幾好香口熱辣辣湯嘅龍蝦味好濃沃好好飲 個酥皮好好脆口 仲嗌咗佢哋嘅招牌嘅法國田螺有薯蓉打底 加上好香口嘅 蒜香油真係好新鮮 酒吧裏面氣氛幾好有得睇波飲下啤酒唔使出市區喺上水都有一個 好玩 食飯嘅選擇💥餐廳資料餐廳：適雅餐廳地址：上水符興街35-39號Openrice：https://bit.ly/2CYnO1Q💥。

晏晝嘆完金都點心返屋企再訓，訓醒六點半到晚餐時間喇！豬一般的生活，訓飽食、食飽訓，夫復何求，人生一樂也！出乎意料好多食客到此晚飯，被叔叔嬸嬸、阿婆阿伯重重包圍，您地可否靜少少，講說話細聲一點呢？真係非常騷擾十分吵耳，我想安安樂樂清靜地享用佳餚。牆壁掛著幾十年前畢打奧適雅餐廳門口照片勁有趣，仲有剪報都好得意！藍妹生啤，飲得日本啤多，試試陀地啤吧。忌廉蘑菇湯，厚杰似汁可以撈意粉食，罐頭味濃。Asahi 朝日生啤，曉奧指定生啤，還有麒麟都係。焗法包，熱到燙手香噴噴，被深深吸引著。難得牛油能夠完全溶掉讓麵包吸引透徹，使我不愛包的都食指大動，狠狠地咬下！外脆內軟，濃厚麵包味道，牛油咸香幼滑，真係好好味。焗芝麻餐包，打開好似百香果！熱辣辣將牛油迅速溶掉立即吸收，脆卜卜的包皮芝麻香口，包肉綿綿像乜墳。焗脆包，比起以前凍冰冰麵包好食百倍有驚喜！微暖塗上滿滿略溶牛油，香脆包皮配嚥韌包肉，麵包味出眾跟牛油咸香撞得精采絕倫，小有地給我兩啖吞晒落肚。焗餐包，一向走包的我面對如此燙手外脆內軟香噴噴麵包，不得不心動！整磚牛油塞入，耐心等候溶化被吸收，半件入口趙得不亦樂乎。發現麵包經常轉款，唔係次次一樣架喎。羅宋湯

住左係上水差不多6年，同阿女經常路過呢間酒吧式既西餐廳，阿女一直想食呢間餐廳，明天我放例假而阿女又放緊復活節假期，放工就帶阿女黎食晚餐。入到餐廳裡面，原來係舊式既酒吧，好有英國小鎮既酒吧特色，令我好懷念以前係英國讀書時代。阿女點左「田螺牛扒餐」蒜蓉包 - 焗得好香脆，蒜蓉味又好足夠，唔錯！酥皮龍蝦湯 - 酥皮焗得剛好又好香脆，配上濃味而creamy既龍蝦湯，阿女唔駛幾分鐘已經飲完，仲想黎多碗田螺 - 好香既牛油蒜蓉味入哂係田螺裡面，而我更喜歡食底下既薯蓉，綿綿既質感又香牛油味！新西蘭西冷扒 （配薯菜）- 點左七成熟既牛扒，廚師真煮到七成熟，牛扒好香牛肉味而且好淋。呢個餐唔upgrade 包/酥皮湯/飲品，其實只係$99，相當抵食！凍水果茶 - 裡面有西瓜，橙，檸檬，火龍果，好多水果可以食，味道唔太甜，比較啱我既口味，原來裡面係有肉桂味，難怪阿女覺得同平時飮既不同。而我點左「厚砌牛仔骨餐」酥皮周打魚湯 - 酥皮又係得好香脆，配上creamy既周打魚湯，同我係三藩市飲到既好相似！厚砌牛仔骨（配薯菜） - 厚厚既牛仔骨好香肉味唔會韌，阿女食左三分二，配上黑椒汁相當野味！明天放假梗係啤啤佢，點

喺上水有歷史的餐廳越來越少，適雅餐廳係唔少北區人由細食到大的西餐廳。「畢打奧」依個名比餐廳中文名「適雅」更多人識。晚餐價格豐儉由人。每逢有波睇的日子，特別熱鬧。平日同三五知己嚟飲返兩杯都唔錯。焗法國田螺（半打）+$55牛油溶於螺肉中，螺肉肥厚軟滑。底下的薯蓉吸收螺肉和牛油的精華餐包係非常香脆的芝麻包，外脆內軟，有驚喜。碳燒安格斯T骨 $24916安士的脊骨肉係扒中之王，五成熟最完美。入口滿佈肉汁，肉質柔軟，牛味濃郁。近骨的部份充滿油香，滋味無窮。跟餐包括酥皮焗周打魚湯，入口濃滑細膩，不過今天的酥皮不夠酥脆。三文魚扒龍蝦汁 $136 三文魚扒外層香脆，肉質結實，加入鮮中帶鹹的龍蝦汁為三文魚扒增添美味。伴碟的薯菜都同樣美味，南瓜又香又甜。食西餐加一碗美味的酥皮龍蝦湯，充滿回憶的味道。龍蝦湯味道香濃，入面加入蝦肉粒。配埋香脆的芝麻包，令人回味。（餐湯升級 +$29）Fruit Tea潮流興飲水果茶，今晚唔飲啤酒，飲茶。水果茶內容豐富，味道係自然的水果味，新鮮菠蘿、提子、火龍果...填得滿滿的。跟餐只係加$19（原價$50）。