御麵 (已結業)

今集又係孤獨的美食家時間，中午一條友放飯搵食，呢間御麵網上睇到不少好評都想試下，今日就一於試試。小店鋪面好細，數埋無10張枱，其中有3張4人枱，家庭式經營，夫妻檔，當日仲見到帶住2個仔仔幫手，睇落幾溫馨。望下餐牌，食物款式主要都係果幾樣，差在係跟飯定係湯麵或撈麵，比較有特色就係炸雞球，其他丸類都係來貨現成野。酥炸雞球撈麵網上最多人推薦既招牌菜，我就照揀粗麵，先講賣相幾靚，粗麵我覺得略硬左少少，自家製甜豉油既份量岩岩好，味道不會好甜，鹼水味就唔太覺好重，仲有少少蔥花同菜點綴下，份量黎講正常一碗湯麵份量，男士黎講可能會覺得爭少少，再講講主角炸雞球，有4大粒，炸雞球聽老闆講係反轉d皮黎炸，入面再加左d類似黃薑粉咁既，味道唔會太單調，先食個皮好脆口，本身都調左味就咁食皮都好好食，雞球既質地係外脆內軟型，但當日食到既我略慊外層乾左d，中間部份還可以，如果有d醬再點下食可能會好d，餐黎講係幾好不過炸雞較乾所以食完會比較口乾。熱檸茶跟餐送基本熱飲要杯熱檸茶，味道正常。整體黎講小店製作算幾有誠意，當然你話好高質就未算，但炸雞球黎講做得有特色都推薦一試，價錢方面就元朗區黎講略貴一d，服務方面老闆對每枱客

【勁大粒！連皮炸嘅酥炸雞球撈麵】呢間位於元朗大坑渠既御麵，最出名係大大粒既酥炸雞球撈麵，今日終於試左！四粒雞球真係大大粒！！大過煎釀三寶嘅魚蛋，大個高爾夫球！雞球圓碌碌，另外有個尖尖位，食落原來係炸雞皮😻，脆卜卜咬開雞球，入面有黃色嘅調味粉，應該係黃薑粉呢雞球內裡肉質嫩滑，但略嫌表面炸到有少少乾另外佢淋咗好多甜嘅豉油醬，豉油醬應該自己調，甜過同杰過支裝煲仔飯豉油，我好甜，好中意💝佢嘅撈麵，係鹼水麵。落單時會問你要幼麵定粗麵。食落啖啖鹼水味，再加埋微微甜嘅醬油另加煎蛋$5，半熟蛋黃好自癒$58+$5 total $63，包普通熱飲，係有特色嘅，係好味嘅，但價錢略貴。元朗六十幾蚊出面食到更加多花款嘅嘢。✏✏✏✏✏✏✏👅味道：8/10🌌環境：7/10👍🏻推薦：6.5/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作__________________

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻 /5🛋 環境：👍🏻👍🏻👍🏻 /5每隔一段時間總會到元朗國一遊，旨在隨便四處逛逛，順道尋找隱世美食 😋 的確，元朗國美食多，很多餐廳食肆更是回頭之選～ 😉一向愛吃炸雞的我，在元朗國找到一間隱世地道小店，專門做各式撈麵，而酥炸雞球更是其中主角 🤩 除此之外，還有同樣出色的紅燒豬手撈麵等，客人還可選配米線或白飯，整體食物都很有水準！💋 酥炸雞球撈麵 ($48)炸雞球絕不是那些只有厚厚粉漿的一般貨色，反之是蓋上薄薄的脆漿，口感香脆而不會太油膩，大啖大啖雞肉，肉質很嫩滑，還帶點薑黃粉的味道，確實令人想一吃再吃～ 😋 粗麵份量頗多，質感有嚼勁，最重要是完全沒有我最怕的梘水味道，再配上特製的自家甜醬油，和那撮錦上添花的蔥花，實在回味無窮！💋 紅燒豬手撈麵 ($48)豬手炆得非常入味，是香濃帶甜的滋味，炆豬手火喉非常講究，要炆得軟腍而微帶口感才是王道，這家豬手基本上咬下去已骨肉分離，仍帶嚼感，滿口骨膠原的感覺真的很滿足！😍✨ 整體：CP值高街坊之選！✨✅ 食品水準不錯，吃得出是用心之作✅ 除了多款麵食，還有米線

👨🏻‍🎓要數多黃店嘅地區，不得不提自成一角嘅元朗國，簡直就係總有一間喺左近，無論中西日韓台泰嘅黃店都可以喺到搵到，今次P仔就要介紹間食中式撈麵嘅餐廳。🍜今次P仔食嘅呢間就係叫御麵，舖仔細細咁太係真係估唔到咁好食，而且價錢唔貴，佢嘅好味完全係出乎預期！🍝佢呢到嘅招牌菜其實就係佢哋嘅酥炸雞球撈麵，大大粉又好食！首先要講下佢哋嘅撈麵，質地方面係偏粗少少嘅麵，食落唔會好稔，反而都幾彈牙，配埋佢哋獨一無二嘅自家製甜豉油同應該係蔥油，食落甜甜地又好香，完全係會一啖接一啖停唔到，算係食過最好食嘅撈麵！🍗至於佢哋嘅酥炸雞球就有4大舊，全部都係肉，應該加咗啲黃薑粉之類醃，所以黃黃地同有陣香味。呢個雞球最好食嘅地方係佢外面炸到勁脆，連埋塊皮都勁脆，入面就都仲幾juicy，唔會好乾，所以都好好食！☕️另外呢個麵係會有埋一杯熱飲，P仔就加咗HKD 2轉凍檸茶少甜，飲落唔會好甜，但係茶味都幾香，同一般飲到嘅分別唔大！🍽整體嚟講呢個麵同雞球都好高質，而且價錢唔貴好大份，絕對係P仔會回頭嘅餐廳之一！不過唯一就係小店有小小逼，但係佢太好食所以其他嘢都唔重要！

今日放假經過呢間御麵，老板拎住餐牌誠意介紹。嗌左一碗香茅豬扒榨菜米線。米線份量正常，無乜味精（老板話係清雞湯）清清哋配埋個豬扒就岩岩好，唔會太咸。👍🏻老板勁推酥炸雞球撈麵，雞球用黃薑粉醃，無落粉漿，去咗皮下脂肪，再捲住炸。呢個我真係俾滿分！雞球好大粒，雞皮真係好脆，最重要係唔油 ！！肉質嫩！撈麵嘅醬汁都好味，甜甜地。仲有豬手，炆得好腍好入味。份量足，抵食！🙌🏼服務質素良好，老闆熱心介紹。小店性價比高，絕對會再黎！

第一次係度寫野，因爲真係抵讚酥炸雞球外脆內嫩，新鮮熱辣撈麵係本人偏好既簡水口味😂都坐得舒服老細好好人好有禮貌價格就唔算好平，不過間中一次lunch食都ok希望佢做得耐啦