本身約咗個朋友嚟呢間聚吓見佢有個summer menu好啱女仔坐底飲杯嘢食件cake不過被甩底了 最後同男朋友嚟食好在啲嘢食都好啱男仔胃口- - - - - - - - - - - - - - - - - - - - - - - -1. 牛肉壽喜燒隨餐附送麵鼓湯、咖啡/茶/汽水去到邊度 只要有壽喜燒就會想食呢間唔會令人失望 湯底唔會好咸鍋入面有好多食材 包括娃娃菜、大蔥紅蘿蔔、白蘿蔔、豆腐、冬菇、蒟蒻配上新鮮牛肉 唔會雪到硬晒值得加分另外仲有生雞蛋比人蘸肉同海藻烏冬加咗海藻 烏冬口感真係更爽口彈牙啲2. 迷你三重丼隨餐搭配一碗唔會好咸嘅麵鼓湯其實呢個都係我想食嘅XD好啱胃口細但想試唔同嘢食嘅人叫一份餐點就可以食到三種口味包括好有特色嘅爽口彈牙海藻烏冬、好多蔥花同新鮮嘅吞拿魚蓉丼飯、同埋冇骨軟腍汁燒鰻魚丼飯3. 抹茶鮮奶配小抹茶卷見到抹茶比例多過鮮奶 感覺足料男朋友鍾意飲咖啡 加咗濃縮咖啡需要自己將杯濃縮咖啡倒入鮮奶抹茶+咖啡苦甜互相交織 味道平衡一路散發咖啡香氣 配埋小抹茶卷唔係苦味嘅抹茶卷 但都唔會好甜4. 抹茶香芋鮮奶配小香芋卷抹茶同香芋嘅質感都幾濃郁厚滑已經蓋過鮮奶 好有抹茶、香芋香氣同埋都好鍾意香芋底下有啲配料好似係小芋圓 一路飲都好有咬口配埋小香芋卷 口感綿密 唔會太甜…Read More
