古今二 (The ONE)

营业中

休息中

壽司一向都是小朋友最愛😍，參加完學校活動之後，眼見餐牌的名字十分有趣，被他的名字而吸引（5⭐️最高）煙花壽司（5⭐️）當中有辣味三文魚，辣味吞拿魚、脆片。我比較喜歡辣味三文魚🍣，入口後有少少微香微辣，但不會覆蓋三文魚本身的鮮味🥰。火山（5⭐️）店員攞火槍燒一燒，真係好靚好震撼。打卡一流💓火山係火炙芝士牛油果蟹柳卷，好啱香港人口味。柚想蝦你（沙律）（5⭐️）有創意的名子，由柚子大蝦沙律嚟，加入蘋果，車厘茄，蟹籽等配料，非常開胃😆鹽燒白鰻（5⭐️）鹽燒白鱔燒到脆皮面又唔會太乾，真係少啲功夫都做唔到🤩超級龍捲風（5⭐️）入口就有香濃芝士味，加上陣陣鰻魚香，好有驚喜😘埼玉.網燒牛舌（5⭐️）把牛舌切成薄片，加入秘製汁， 滋味滿分💯

同朋友喺尖沙咀搵嘢食見到餐廳嘅menu幾特別，Menu上每個菜式都有相片同埋詳細嘅食材介紹，好方便揀食物。首先上碟嘅係日式麻醬豆腐沙律，份量足夠2-3人食，裡面有三文魚子同中華沙律，配麻醬好夾，好開胃 。日式炸年糕即叫即炸，仲可以拉絲芝士！口感外脆內軟。玉子燒非常香口，仲有好多蟹籽，份量足夠～最後叫咗「火山」！壓軸登場！擺盤成個火山咁靚，店員仲會攞火槍燒一燒，真係好靚好震撼。火山係火炙芝士牛油果蟹柳卷，好啱香港人口味。沙律醬同埋嗰隻芝士夾起嚟好好味！而且打卡一流！餐廳環境好舒適，枱同枱之間距離適中，傾偈都唔怕被隔離位聽到。而且佢哋嘅酒吧區陳列咗好多唔同款式嘅酒，好有feel；同朋友聚餐又或者兩個人撐枱腳都好適合。

光聽名字可能會猜不到是什麼東西😂是由一系列從名字到食材充滿趣味的卷物🤪如富士山或超級龍捲風等特色卷物😂還有刺身，串燒，鍋物及燒物等日式料理富士山🥑🍣富士山造型吸睛🤩，堆積如山的蟹柳絲及蟹籽，底部的卷物以鰻魚及牛油果組成，口感層次非常豐富😋超級龍捲風🍤🍣卷物以鰻魚，炸蝦🍤，芝士🧀及青瓜🥒組成，入口充滿濃郁芝士味，加上脆片口感豐富鹽燒白鰻🐟鰻魚燒過後外皮焦香脆口，但肉質仍然保持嫩滑，再配上檸檬汁🍋更帶出鮮味👍鹿兒島黑豚荔枝卷串燒🍢很新穎的串燒，黑豚肉切得薄身帶有炙烤的炭香，並包裹著荔枝肉，一口咬下滲透出香甜的荔枝味，亦可減低黑豚肉的油膩感櫻花蝦原條茄子燒🍆海量的櫻花蝦舖滿整條茄子，口感軟綿綿，塗上特製醬汁，鹹甜滋味，推介👍整體來說餐點我都好喜歡，食物質素好好，食材新鮮豐富，而且卷物創意十足🤪

呢間餐廳🍴相信大家都唔陌生😎 個名都好有意思，既有傳統既日本野食風味，擺盤同配搭同時有創意同新鮮感，味道唔錯之餘擺盤仲好靚tim🤤 所以呢間小編都幫襯左幾多次，今次就揀啲唔同既野食寫比大家參考～ 呢間既裝修繼續行簡約既木系風格🪵，感覺舒服寧靜😌，係傳統既日式風格～(5 😍 係滿分，🤩係半分）富士山 🗻 - $98 (好味指數：😍😍😍😍🤩)之所以叫做富士山🗻係因為啲料堆到成座山⛰️咁高🤩 一樣有好多料，包括有蟹柳🦀️、鰻魚、牛油果🥑同脆片，有超多既蟹柳🦀️，軟腍綿密又鮮甜，配埋蛋黃醬🟡就更加惹味同凸顯左個鮮味，仲有啲焦香，真係絕配👍🏻 入面既鰻魚食落唔覺有骨🦴，肉質幾嫩滑，甜甜啲燒得幾香口～ 仲有清新creamy既牛油果🥑可以解膩，配埋香脆既薯片碎，感覺滿足😌超級龍捲風🌪️ - $98 (好味指數：😍😍😍😍🤩)個龍捲風🌪️既size真係超級大😍 亦都有好多料，好似用緊巨無霸既形式上枱😂 入面包括有鰻魚、海老🦐、芝士🧀️、青瓜🥒、脆片，無諗過鰻魚同炸蝦🍤都幾夾～ 鰻魚食落嫩滑，甜甜啲燒得幾香口～ 而炸蝦🍤金黃香脆，鮮甜彈牙～ 裡面有帶鹹香又creamy既芝士🧀️，表面仲有啲惹味既燒汁，同埋碎碎地既薯片

放假去咗尖沙咀行街，行到攰攰地係商場見到一間食日式串燒同特色卷物嘅餐廳幾吸引，就膽粗粗入咗去試下。餐廳唔係好大，但環境都OK，當日被安排坐係卡位，坐得都幾舒服。✨雜錦刺身沙律沙律大大碗，用料非常豐富，有角切吞拿魚、角切三文魚、角切劍魚、三文魚籽、蟹籽、車厘茄和生菜等配料，配上微辣嘅醬汁食落都幾開胃。✨超級龍捲風有鰻魚、海老、芝士、青瓜和脆片等配料做嘅卷物，每件都好大舊，海老炸得夠脆，用料豐富，每食一啖都充滿層次感。芝士嘅鹹味加埋甜甜地嘅醬汁食落好惹味。✨櫻花蝦原條茄子燒大量嘅櫻花蝦鋪滿在茄子上，上菜時都聞到櫻花蝦味道香氣四溢，茄子冇燒到好乾，仲可以保留到香甜嘅水份，加埋香濃鹹香嘅味道食落非常惹味。✨黑豚豬頸肉串燒黑豚豬頸肉食落爽口又多汁，燒得啱啱好完全唔乾。✨鹿兒島黑豚荔枝卷串燒外層嘅鹿兒島黑豚肉肉味香濃又Juicy，包係入面嘅荔枝仍保留到荔枝嘅水份，香甜爆多汁，配黑豚肉食好夾完全唔覺得膩👍串燒、卷物、沙律、茄子樣樣都好好味，絕對值得我再二訪。

我同朋友都想食日本嘢，但又想特別啲，就揀咗創意卷物出名既古今二，原來尖沙咀都有分店，而且位置好方便。雜錦刺身沙律一上枱已經見到超大碗，沙律菜同埋刺身份量都好多，刺身有油甘魚、吞拿魚、蟹籽、三文魚籽等等，加埋特製沙律醬汁，食完好滿足。超級龍捲風壽司卷入面有鰻魚、炸海老、芝士粒、青瓜、脆片，超大件，份量多，食落去好有層次感。櫻花蝦原條茄子燒一上枱已經香氣四溢，櫻花蝦經過烘烤之後香氣加倍濃郁，第一次試呢個食物組合，配搭特別之外味道亦好夾。黑豚豬頸肉串燒一咬落去食到黑豚油脂香，肉質係口慢慢溶化，非常高質。鹿兒島黑豚荔枝卷串燒包住既荔枝令串燒口感清新，完全中和黑豚油脂感，食完一個好想再食另一個。

由於男閏密念念不忘古今二，所以又嚟食啦～紅粉佳人有辣味吞拿魚、辣味三文魚、蟹柳、牛油果..咁粉紅色除咗少女心，味道都👌🏼超級龍捲風有鰻魚、海老、芝士、青瓜、脆片，大人小朋友都一定會好中意！推薦🌟雜錦刺身沙律有三文魚籽、章魚粒、蟹籽、油甘魚、三文魚、吞拿魚,劍魚腩,海量沙律菜、車厘茄…配辣辣地既salad dressing,微辣同刺身好夾鹿兒島黑豚荔枝卷串燒黑豚肉包住荔枝肉，入面鮮甜減低黑豚肉嘅肥膩感今次再食水準都保持水準，價錢屬於中上，家姐仔話都要試，但尖沙咀唔就腳所就去咗銅鑼灣果間，想睇銅鑼灣食評，請睇下一稱啦⋯⋯如果大家中意俾個like支持下🤟🏽 𝗖𝗶𝗮𝗼~古今二 (尖沙咀)尖沙咀彌敦道100號The ONE5樓502號舖

每日返工最開心係同男閨密一齊食晏一齊做嘢真係好開心🥳今日就嚟到日式𝗳𝘂𝗶𝘀𝗼𝗻菜😍啱晒中意試新嘢既我哋😂🍱雜錦刺身沙律 𝗵𝗸𝗱$𝟭𝟬𝟴非常足料雜錦刺身‼️份量十足‼️4個人食都夠,有三文魚籽,🐙章魚粒,🦀蟹籽,油甘魚,三文魚,吞拿魚,劍魚腩,海量沙律菜,車厘茄…配辣辣地既salad dressing,微辣同刺身好夾👍🏽🍣#超級龍捲風 𝗵𝗸𝗱$𝟵𝟴鰻魚,海老,芝士,青瓜,脆片…🦐海老非常之薄粉,好脆,配搭埋鰻魚一齊食啱啱好🥓#埼玉網燒牛舌 （4件） 𝗵𝗸𝗱$𝟳𝟴非常之厚肉‼️好𝗷𝘂𝗶𝗰𝘆‼️配搭酸酸甜甜既柚子醋+芝麻油香, 減低肥膩感😍 超級推介中意食牛舌既朋友🍖#黑豚豬頸肉串燒 （1串）𝗵𝗸𝗱$𝟯𝟮滿滿油香,每一啖油香充斥在口腔裏面🙈唔會「乾」 + 「鞋」鍾意食肥肉呢一個一定要叫😝Overall 人均消費$17x左右,但食到係好滿足感嚟講都真係唔錯…燒物真係有驚喜😋大家經過不妨一試如果大家中意俾個like支持下🤟🏽 𝗖𝗶𝗮𝗼~🍣古今二 (尖沙咀)🍣尖沙咀彌敦道100號The ONE5樓502號舖

之前喺觀塘嘅工廈食過古今二，覺得性價比勁高，原來佢而家都已經做到有聲有色，慢慢地開咗好多分店，今日就去到尖沙咀The One嘅分店再次回味，入面嘅環境都靚咗好多。最鍾意食沙律做前菜，呢個名為柚想蝦你沙律係有柚子同甜蝦，而且仲包括蟹籽、豆腐、沙律菜等，味道清新又鮮甜。彩虹卷係必點嘅菜式，非常打卡able。三款唔同顏色嘅刺身再以沙律生菜作伴，猶如一幅風景畫。彩虹卷入面卷有牛油果同蟹柳，感覺幾清新。另外就揀咗超級龍捲風，上面灑滿咗脆片。兩端仲露出炸蝦尾。而入面除咗有炸蝦，仲有鰻魚同芝士，呢個就比較惹味得多。另外仲叫咗雜錦天婦羅，除咗有炸蝦之外，仲有秋葵同迷你紫薯。三款之中我覺得秋葵最驚喜，以天婦羅製作嘅秋葵冇咗滑潺潺嘅感覺，變得最好食嘅一款。我最鍾意食茄子，而朋友就鍾意食櫻花蝦，呢個櫻花蝦燒茄子對我哋來講簡直係完美嘅組合。一絲絲嘅茄子肉掛住香烤過嘅櫻花蝦，味道實在令人回味。最後食個日式炒烏冬，配料唔多，但好味嘅日式醬汁混入彈牙嘅烏冬就已經足夠，確係簡單而好味嘅菜式。