Chill and Grill

西班牙海鮮炒米粒麵： 米粒麵唔係飯，大大粒好有口感，配大蝦青口， 都好入味。香煎帶子墨汁意大利飯： 香濃壘汁，牛油味備濃， 咸度適中。意大利蕃茄大蜆意粉（微辣）：大蜆份量都多，都冇咩沙， 微辣蕃茄味，相對芝士比較清新。燒法國黃油全雞： 推薦， 色香味俱全，入味， 雞皮燒得香，肉嫩滑， 全雞但處理過，似雞扒，唔會有太多骨/或食唔到既位。香辣墨西哥粟米片： 有好多芝士撈係粟米片，牛油果蕃茄粒酸忌廉醬唔算辣。法式焦糖燉蛋： 口感順滑，但蛋味唔算太出。芒果拿破崙： 有驚喜，忌廉唔算太重奶味，芒果甜，餅層新鮮脆口。 價錢唔平， lunch set 選擇唔太吸引，散叫選擇多。 …查看更多

我地先去西環海旁睇日落打卡，之後行返過2條街去 堅尼地城站附近的 Chill & Grill 食西餐🤤揀佢的原因好揀單，除左本身餐廳的食物味道好好，最重要系有小朋友見到都會雙眼發光🤩的Candy Bar🍬，Aston仲話可以自己整棉花糖好正👍🏻，加上餐廳換上I Love Summer夏日主題風，店內每個角落都充滿打卡位，只系打卡影相已經系一個節目🤫叫左以下野食，埋單大約$1100🤤全部都好好食🤤🤤🤤🌟特選"真"龍蝦湯🌟美國頂級肉眼🌟西班牙海鮮炒米粒麵🌟香煎北海道帶子🌟兒童餐-炸魚薯條🌟朱古力曲奇奶昔🌟鮮果(芒果)乳酪沙冰🌟鮮橙士多啤梨夏日特飲…查看更多

二訪嘅高質西餐廳，對上一次嚟已經係幾年前lu, 今次再嚟質素仍然keep到🤩唔洗彈嘅一定係超大環境，坐得好舒服，仲有一個韆鞦櫈好啱打卡！✨重量級燒烤拼盤 - 2人份量果真好夠份量，有頂級西冷、燒豬扒、燒黃油雞同燒虎蝦，西冷叫左5成熟，剛剛好，幾juicy幾嫩口；豬扒都燒得幾香口👍個雞皮燒得幾脆口，肉質幾滑😍✨西班牙海鮮炒米粒麵 - 呢個真心特別，米粒麵外表同飯差唔多，但食落係意粉口感，好得意☺✨燒八爪魚鬚 - 口感好彈牙，配菜都幾有驚喜，有炸蕃薯片配西班牙肉粒，又脆又夠咸香味！✨蘋果脆脆 - 飯後甜品揀左apple crumble, 啱啱出爐真係好鬼正😋食到rum酒香味，蘋果好足料，同雪糕一齊食做到冷熱交融效果🤤✨朱古力花生香蕉奶昔 - 本身驚會好甜，但個味道調得幾好，唔會好漏，仲幾好飲~一入口花生味🥜好出，之後就係香蕉味🍌滲出嚟，最後就有淡香朱古力味🍫✨玫瑰人生 - 面頭真係整左個🌹樣出嚟，造型100分，莓味幾出幾清甜✨粉紅小兔子 - 個名好得意，甘荀同蘋果味幾香，整體好fresh好解膩臨走去廁所時經過見到職員好專注咁整緊蝴蝶酥，原來餐廳有自製嘅曲奇同蝴蝶酥，我同朋友一人買左一罐蝴蝶酥試下，即場開嚟一人一塊，超級酥脆，牛油味香濃，而且唔會太膩，食完會想再食😸…查看更多

又黎到大叔的愛既其中一個取景餐廳🍴其實我唔認得嫁 不過🧸就記住咗 我俾唔到反應佢😆但講真既 呢度好靚好有feel 環境大之餘仲帶一點浪漫💕由入門口已經見到既粉紅粉藍設計 到內裡每一個區域都用上唔同顏色去區分 絕對唔會沉悶😍而餐廳既中間位置會設有糕餅區🥨即場見到有師傅係度整蝴蝶酥 聞到香噴噴 即刻想拎一塊食🤣原來佢有得買嫁 咁我就更加唔會放過呢個機會無論外觀設計同食物 餐廳都係咁多元化食物選擇多得黎亦都係比起一般西餐更有特色👍🏼個胃無返咁上下大真係搞唔掂 會食少好多野🥲 ➷🔹 香烤劍魚伴磯煮鮑魚配西班牙醬兩個人可以食到既野有限 每一樣都好吸引呀🥲先叫咗個lunch set 有湯之餘亦可以追加小食🍟當日餐湯似係甘筍南瓜🎃飲落甜甜地都唔錯以餐湯黎講都叫高質 起碼唔係好似飲緊水咁👍🏼而主角烤劍魚亦都係令我讚口不絕😍底面烤得均勻 面頭亦都係金黃香脆完全唔會有多餘水份流出 但係一啲都唔乾身🤤用上西班牙醬 濃香既蕃茄味再加上神物辣肉腸味濃而不膩👍🏼就咁食都覺得惹味 味道層次會更高🔹 黑松露薯條熱辣辣既薯條🍟配埋萬能黑松露醬 都好難會有問題薯條唔會碎濕濕 條條大碌脆口 私心想食又真係唔錯😋-🔹 西班牙海鮮炒米粒麵西班牙炒飯就食得多 今次呢個炒米粒麵完全係玩口感🤩佢既size比飯會大粒一倍左右 咬口好特別 有啲似意粉粒呢個口感既米粒用黎做西班牙炒飯都幾出色👍🏼內裡既海鮮配料亦都好豐富 大蝦 青口 墨魚仔🐙加上佢既調味 令到成個炒米粒都變得好惹味 一羹又一羹🥄-🔹 酥皮芒果拿破崙記得一定要留肚食呢個拿破崙🍰呢度焗既糕餅果然係有信心保證 即叫即焗 OMG‼️三層薄身既酥皮 每一層都焗到非常鬆脆🤤一切落去 個種脆卜卜既聲音🤩聽到都已經好興奮中間既cream夠細滑 而且亦都唔會十分甜👍🏼食起上黎既牛油香同芒果香係會令人難忘🥭➷🔸 焦糖蝴蝶酥臨走記得要買佢‼️除咗蝴蝶酥亦都有唔同口味既曲奇🍪返到屋企個晚都已經無咗半罐😆真係好香脆好好食😋而家好後悔點解買得一罐咁少😩佢絕對有能力開餅房經一事長一智 下次一定要買多兩罐🤣真係停唔到口➷呢間係絕對需要encore既餐廳🤩無論兩小口子定一大班人都好適合係度聚一聚👍🏼質素上有驚喜 五臟俱全既餐廳唔易搵所以就算地點上遠啲 但都好值得黎上下🥰 ➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼🔟🌟…查看更多

🌺CHILL AND GRILL🌺富有熱帶風情，灰藍色的門面，裝潢以粉藍及粉紅花為主題，花花牆紙，木牆身，吊扇、水晶吊燈。餐廳有露天坐位，室內面積頗大，樓底高有空間感，旁邊有一個巨型的夢幻韆鞦。餐廳職員非常親切，環境歡樂, 非常適合聚會。今次，我和兩位朋友就叫左兩款小食同三款主食。燒法國黃油全雞$188，雞皮香脆又唔會太過油膩，肉質好嫩滑，細嫩多汁。一開始以為是全雞上脾，一問先知餐廳用的是幼雞🐥，再加上廚師的烹調，雞胸既位置都唔會鞋，仲唔洗點醬汁，已經夠味。配菜亦唔求其，焗薯仔夠淋加左少少鹽係表面，好入味；西蘭花苗好嫩，莖既位置好似食緊芥蘭甘，好特別。西班牙海鮮炒米粒麵$188，米粒麵係好似一粒飯既形狀，入口煙韌，粒粒分別，充分吸收醬汁，配上大蝦魷魚仔青口同蘑菇等材料🦑🦐🐙，非常豐富惹味。美國封門柳$298，叫左5成熟，每小片都帶有香濃的牛味，外層烤至微脆，肉質🐮嫩滑Juicy，有層次。新西蘭短蜆配香草清酒汁$108，蜆份量適中，每隻都好飽滿，脹卜卜。蜆肉鮮甜，配搭帶牛油蒜香既清酒汁。炸魷魚鬚配他他汁$68，份量超多，魷魚🦑有咬，炸漿加左紫菜，輕輕調味。❤️整體來說， 菜式很高質， 食物口味有層次感。環境氣氛適合傾偈， 店員態度親切有善， 值得一試再試既餐廳。❤️🤭如果想睇更多餐廳介紹，可以去Instagram: @miss_bite_more🤭…查看更多

Chill n Grill原來係大叔的愛嘅取景地點，我都係食完先知，因為我最在意嘅係西班牙海鮮炒米粒麵。*環境好舒服，位又多枱又大，仲有戶外位，而且有好多打卡位可以影相。*燒八爪魚鬚 $148Grilled octopus with romesco sauce 原條八爪魚鬚，嫩滑得嚟又不失八爪魚嘅爽脆，點啲romesco sauce，一種烤紅椒番茄果仁醬汁食，加埋chorizo西班牙辣肉腸，有種濃厚西班牙風味，辛香微辣，可惜作為side dish番薯片太油。傳統水牛城雞翼 $108Chill n grill fire wings with traditional buffalo sauce嚇死人雞翼，雞皮炸粉厚又腍，雞翼肉質乾又嚡，水牛城汁更加令人嚇到吃手手，質地杰撻撻又厚，同真正嘅美式buffalo wings差太遠。西班牙海鮮炒米粒麵 $188Riso pasta paella stylePaella係西班牙海鮮炒飯，黃色嘅米係用紅花絲 (saffron threads)染色，但呢到係paella style，當然唔會有saffron，亦唔好期待係真正嘅paella。海鮮有兩隻大蝦、三片魷魚、四隻青口，雖則冇雪藏味，但係絕對係雪藏貨嘅口感，不過我決定放過佢，畢竟佢賣$188。用米粒麵代替飯，食落口感好得意，煙煙韌韌，入面有雞肉粒、青豆，而青豆係多餘嘅🙂怕油膩嘅可以加啲清新嘅檸檬汁。蟹肉牛油果意大利飯 $168Crab meat & Avocado risotto以前都食過牛油果意大利飯，但呢個係我食過最好食嘅。雖然睇到牛油果雪得太耐黑咗，好彩食落都唔係爛。牛油果意大利飯食起嚟好香好滑，cheesy得嚟唔會漏，連埋蟹肉、三文魚子食，有種mini surprise嘅感覺。牛脂焗薯角 $48Beef fat roasted potato 我真係唔知牛脂咩味，但我食唔到牛嘅油香🙈，我都唔知有啲咩味😂黃金色嘅薯角係炸嘅…但唔會好油，熱辣辣，小心辣嘴。…查看更多

早前劇集《大叔的愛》掀起全城熱話，而劇中多間取景餐廳亦因而成為焦點，位於堅尼地城的Chill and Grill正是其中之一，環境一洗之餘食物質素同樣令人稱心滿意。餐廳佔地七千呎果然相當寬敞舒適，而店內的鞦韆更是不容錯過的熱門打卡位置。西班牙海鮮炒米粒麵 ($188) 有別於一般西班牙海鮮飯（Paella），以米粒麵取代傳統所有的西班牙米（Bomba Rice），口感煙韌分明別樹一幟，入口充滿番紅花及紅辣椒粉等香料的香氣。燒大蝦、青口及魷魚雖不至於鮮甜無比但份量十足，米粒麵中更加入西班牙香腸（Chorizo）及雞肉等配料令層次更加豐富。香煎帶子墨汁意大利飯 ($158) 飯粒軟硬適中並混入魷魚更添口感，除了墨魚汁所帶的淡淡鹹鮮味外芝士及忌廉奶香相當醇厚。北海道帶子煎至表面金黃焦香而內裡保持鮮嫩。燒法國黃油全雞 ($188) 燒得皮脆肉嫩之餘肉汁豐沛，肉味鮮明絕無半點冰鮮雪藏味，調味恰到好處無需加上任何醬汁已經足夠，就連配菜薯仔亦烤得香口惹味。…查看更多

同朋友周圍搵嘢食真係好開心，尋晚去咗之前好hit嘅西餐廳打卡。都唔算好近地鐵, 可能預返5分鐘步行路程。室內既設計好有特色，特別鍾意佢既花花牆，裏面仲有花花木千秋俾人打卡📸️整體黎講，真係值得一試！餐廳環境好靚，食物亦相當有質素，無論係同朋友黎聚會，定係同另一半黎約會都好合適。餐廳既樓底好高 空間感勁大 餐廳佔地面積超大 😳！呢度主打西餐，並提供各式肉扒同意粉。門口以藍粉色拱門吧枱設計 已經覺得好少女心😍  戶外仲有pet friendly位～ 西班牙海鮮炒米粒麵Riso Pasta Paella Style($188)，見人地介紹好吸引就嗌左😚 飯粒被一眾海鮮所覆蓋，包括有烤大蝦、青口同魷魚等，佢哋全部都好新鮮。西班牙菜一向比較濃味，佢亦唔例外比利時豬鞍架，$218豬鞍燒得幾嫩，不過稍微肥咗少少，三個人share食就冇咁邪惡😆配埋一款幾特別嘅醬汁，食落唔錯。總括嚟講，Chill and Grill嘅食物質素好有水準🍽，即使係貴啲，但都係一個值得嘅體驗。除咗嚟食嘢，打卡更係必須！ 環境好igable之餘仲坐得好舒服 😚 岩晒gathering或者談心 快啲去朝聖啦😛可以再encore ！！…查看更多

一大伙兒食生日飯，選擇左香港區比較遠既西環。呢邊好多西餐廳，今次book左呢間食晚飯。西班牙海鮮炒米粒麵 $188推介指數：⭐️⭐️⭐️⭐️好特別的米粒 好長身 脆卜卜 又好入口，加埋啲海鮮實在太好味，蝦同魷魚雖然唔多 但好彈牙。美國封門柳 $278推介指數：⭐️⭐️⭐️呢個分量好小，雖然好食但係偏貴。燒八爪魚鬚 $ 148推介指數：⭐️⭐️⭐️⭐️粟米脆片煙肉裏面有條好長嘅八爪魚鬚。酸酸辣辣好惹味。鮮蝦乳酪水耕菜沙律 $138推介指數：⭐️⭐️⭐️開胃菜。牛油果沙冰 $68推介指數：⭐️⭐️⭐️飲落去冇乜牛油果味。…查看更多

我哋星期日行咗去西環尾散步，並特意到訪近嚟大熱嘅打卡餐廳「Chill and Grill」。嚟潮聖除咗因為裝修靚之外，佢更加有著「麗寶扒房」嘅身份，哈哈哈🤣。如果你有睇港版大叔的愛📺，你應該明我講乜。餐廳佔地面積超大，粗略估計可以坐百五人或以上。再者，喺寸金尺土嘅香港，好少餐廳會劃咁大個區域做廚房😳！呢度主打西餐，並提供各式肉扒同意粉，定價較為進取，不過食物質素係成正比嘅。澳洲上等羊西冷扒Australian Lamb Sirloin($248)，🥩牛扒成日食，今日想轉轉口味食羊。羊扒賣相吸引，上碟時經已切件，每件外層均蘸上香草麵包糠🌿，保持保雲酥嘅傳統製法，並散發出濃郁香草香。羊扒預設生熟度介乎五至七成，肉身因此呈嫩粉紅色，肉質唔嚡，加上有一定厚度，整體口感出色🐐。伴旁嘅醬汁清清哋，應該係青檸汁，並能襯托出羊肉嘅鮮味，但羶味都幾強，不過係可接受水平。配料有沙律菜同露筍條，後者非常清甜。西班牙海鮮炒米粒麵Riso Pasta Paella Style($188)，西班牙海鮮飯用料上乘🇪🇸，飯粒被一眾海鮮所覆蓋，包括有烤大蝦、青口同魷魚等，佢哋全部都好新鮮。🍚米粒麵係呢道菜式嘅一大賣點，米嘅造型配合麵嘅口感，食落煙煙韌韌，幾得意。麵粒不知不覺間混入咗雞肉、青豆同魷魚粒🦑，佢哋能進一步提升滋味。西班牙菜一向比較濃味，佢亦唔例外，朋友話有啲似臘味飯，但我又唔多覺。另外，我建議要吱檸檬汁🍋，加少少酸味食更開胃。意大利芝士蛋糕CHILLN’GRILL Tiramisu($88)，作為提拉米蘇專員嘅我，當然要試匀唔同餐廳嘅出品。呢度嘅Tiramisu令我又愛又恨，☕️我欣賞佢咖啡同酒味比例平衡，唔會過甜。甜品走新派路線，配搭上西班牙油炸鬼Churros，組合幾新穎，別具自家特色，但個人認為始終不能取替手指餅濕潤嘅口感，皆因呢部份先係精華所在。青瓜莫希托Cucumber Mojito($58)，佢係預期中嘅味道，清新解渴🥒，而且大大杯。我呢杯係無酒精Moctail，嗜酒者唔使擔心，呢度有大量選擇。題外話，餐廳自設工場整餅，中庭位置更擺放多款曲奇以供試食🍪，我食咗塊抺茶味都唔錯。總括嚟講，Chill and Grill嘅食物質素好有水準🍽，即使係貴啲，但都係一個值得嘅體驗。除咗嚟食嘢，打卡更係必須！我藉住呢篇食評向大家分享多啲餐廳嘅環境圖片，唔知各位睇完相有冇更加想嚟潮聖呢✨。…查看更多

門口以藍粉色拱門吧枱設計 已經覺得好少女心😍 bar枱前既花花sofa特別有fu😚 戶外仲有pet friendly位～ 餐廳既樓底好高 空間感勁大 以花花壁紙同木系打造歐陸風格 仲有千秋打卡位😚Menu選擇好多 以烤品為主打 食肉獸既我就覺得肉類最吸引我😛 見到隔離枱gathering嗌左塊斧頭扒share 好心動🥺🥺.▫️燒法國黃油全雞 $188😋👍🏻：👅👅👅👅.5/5分超大隻春雞😍😍😍燒至金黃色 外皮酥脆 啖啖肉好嫩滑 油香滿溢 味道好香口🤤 另有燒汁可以點 中和返個油膩感😚 伴碟有微微燒過既薯仔粒 好有薯香味😍.▫️西班牙海鮮炒米粒麵 $188😋👍🏻：👅👅👅👅/5分見人地介紹好吸引就嗌左😚 一上碟已經好香～ 同普通西班牙飯一樣用Pan上 唔同既係將飯粒變左米粒麵😍 超可愛der 食落口感更加粒粒分明 啖啖都充滿焦香感 不過相對地海鮮味道就一般😶.▫️意大利雪糕三文治 $88😋👍🏻：👅👅👅👅.5/5分同tiramisu掙扎咗好耐 因為款款都整得好精緻 最後揀左依款😍 整到星球咁勁igable 可以好似我咁仆爛佢黎食😛 個雪糕係焦糖曲奇咁 仲夾雜住啲花生味 勁有層次感😚 旁邊仲有花生碎同焦糖碎片點綴一齊食 增加口感 最特別係用左拖肥繪碟 勁邪惡🤭 不過好正～～～ 外層既朱古力仲剛好中和返焦糖既甜膩 就咁食都唔會過甜 幾喜歡😚.總結，食物質素好高質 連甜品都好有驚喜😍 定價都唔算好高 環境好igable之餘仲坐得好舒服 勁有情調desu😚 岩晒gathering或者談心 唔怪得知KK都揀呢度表白🤭 快啲去朝聖啦😛…查看更多

同鏡粉食飯揀左呢間「大叔的愛」取景嘅餐廳，淺藍同粉紅色嘅門面好易認，有室外座位。餐廳佔地7000呎，空間感十足，一入去係吧枱，抬頭見到擺滿各式各樣嘅酒，行入啲就係就見到好啱打卡嘅木韆鞦同多列長枱，好適合大班人聚會。環境舒適之餘，食物質素都幾好呢~(w/ 10% service charge)

🍽燒法國黃油全雞 Roasted Corn Fed Chicken ($188)1公斤重嘅黃油雞燒至金黃色，雞皮薄脆，雞肉嫩滑多汁，唔駛點附帶嘅肉汁都夠味，伴碟嘅有帶皮嘅焗薯及餐廳自家水耕菜，好食！🍽西班牙海鮮炒米粒麵 Riso Pasta Paella Style ($188)米粒麵煙煙韌韌，有咬口又入味，亦無西班牙海鮮炒飯咁滯。海鮮方面有青口，魷魚同大蝦，蝦肉開左邊挑左腸好貼心。
🍽椰林飄香 Pina Coladas Crush ($58)以菠蘿同椰奶製成，比飲品更似沙冰，最頂放左新鮮菠蘿粒，味道清甜。
🍽蝴蝶酥 Palmier餐廳仲推出左曲奇同蝴蝶酥，吧枱對面有得試食，蝴蝶酥一罐有約三十塊，酥脆有牛油香，灑上糖粒但唔算好甜，估唔到西餐廳嘅烘焙產品都唔錯。餐牌：…查看更多

近期大熱既大叔的愛，當然要去試下佢地取景既餐廳，呢間Chill and Grill處於西環，係劇中Francesca要求田田陪佢捉姦既餐廳🤣而且餐廳設室外坐位，可以比大家帶埋寵物一齊食野，重點係餐廳好大，成7000呎！！仲有韆鞦打卡位，女士們黎就岩哂😍-新奧爾良炸芝士海鮮餅 $138 （5/10）呢個分別有6件炸物，3件炸芝士，3件炸海鮮餅配上一個蕃茄dip ，首先講炸芝士，個皮都算薄唔厚粉，不過我覺得個芝士味比較淡，佢係流質芝士 （金文畢），唔係拉絲個種，因為岩岩炸起，所以大家食個陣要小心，唔好焫親🤣至於炸海鮮餅，聽餐廳員工講係將啲海鮮搞碎再拎去炸，但都好明顯見到隻蝦仔係入面🤣對比芝士，我就比較中意個海鮮餅啦，可能有口感啲（就好似海鮮卷咁啦）但我就唔係太鍾意啦。-西班牙海鮮炒米粒麵 $188（7.5/10）我第一次食呢個米粒麵，佢係屬於意大利嘅一隻麵食，佢外型好似一粒米，但口感係意粉類，好特別，而且海鮮好足料，有蝦，青口，魷魚等，全部都好新鮮，建議大家去真係要試下。😋但留意番佢係有青豆粒嘅😂-手打羊肉漢堡 $148 (6.5/10)呢個羊肉漢堡係超入味，肉質好軟同又厚，不過我覺得都有少少偏重羊味，如果唔太接受到羊既朋友可能未必中意，整體味道係唔錯，但就油左少少啦🤏。如果唔係趁熱食嘅話，羊騷味極濃，唔鍾意嘅人就要留意一下。-整體食物其實就中評啦，賣相係吸引既，同環境真係唔錯，面積同裝修都好加分，係開放式廚房，環境就焗少少！不過大家都可以去試下😌最緊要係大叔的愛同款餐廳嘛🤣🤣，而且打卡位都幾多，門口仲有餐廳嘅水耕菜係幾特別嘅。…查看更多

雖然大叔的愛已經大結局，想重溫當中既經典情節，除咗煲劇，仲可以去拍劇取景既地方打卡，感受下昔日阿田、阿牧同KK既恩愛片段！Chill & Grill 位於堅尼地城佔地7000呎既地鋪，就係阿田、Francesca同KK 捉姦情節既取景地，除此之外，呢到仲有好多打卡位，巨型鞦韆，粉藍門面，靚靚花紙壁畫等，都真係幾靚同夢幻架！-1️⃣燒八爪魚鬚💰138（👅: 8.3/10）推介‼️見到呢條巨型八爪魚，頓時覺得$138真係好抵！八爪魚鮮嫩爽脆，有嚼勁都黎又唔會話過熟咬唔爛，好高質🤤！另外伴有炸青椒、墨西哥脆片等，一爽一脆，配搭得宜！-2️⃣木燻挪威三文魚💰198（👅: 8.4/10）三文魚肉質好鮮嫩，有種入口即溶既口感，魚皮香脆，伴碟既椰菜花口感爽脆，調味適中～-3️⃣燒法國黃油全雞💰188（👅: 7.3/10）燒春雞一分為4，以髀位為住，所以雞肉口感都幾滑嫩，雞皮有油脂香～如果再入味少少就perfect喇！-4️⃣西班牙海鮮炒米粒麵💰188（👅: 7.8/10）推介‼️炒米粒麵好特別！幾有嚼口，乾濕做得幾平衡，無平時d Risotto咁油膩，味道仲有一陣香炒味！海鮮有青口，魷魚，大蝦等，食得出用料好新鮮，唔會有雪藏味！-5️⃣意大利雪糕三文治💰88（👅: 7.4/10）打卡藝術甜品！表面係朱古力球體，入面係芝麻花生雪糕，雪糕好香果仁味，伴黑朱古力食好夾，伴碟仲有chocolate brownie，果仁脆片等！雖然整體甜度稍高，但勝在配料豐富、有層次，食落啖啖香口滋味！-6️⃣鮮果沙冰芒果味💰68（👅: 7.1/10）正常發揮，清甜芒果香，但又唔會好死甜！-7️⃣青檸梳打💰38（👅: 7/10）酸酸甜甜，梳打好清爽～-✨整體黎講，絕對係高質好食既西餐廳，加埋係大叔的愛既取景地，完全沒有唔去既理由！…查看更多

好少黎西環食野，原來呢到有一間超超超大西餐廳，環境靚坐得又舒服，餐廳仲有自己種水耕菜添～————————❦ 西班牙海鮮炒米粒麵 $188Paella食得多，但米粒麵真係第一次食。米粒麵索哂海鮮味同醬汁，食落超入味！質感煙煙韌韌好特別，好食過用飯做base嘅paella!評分：🌕🌕🌕🌕🌗-❦ 燒法國黃油全雞 $188隻雞外皮好脆，一咬d肉汁同油脂味好香，點埋個汁食一流！評分：🌕🌕🌕🌖🌑-❦ 美國封門柳 $2585成煮得岩岩好，唔會d血水流哂出黎但同時又好嫩好juicy！評分：🌕🌕🌕🌗🌑-❦ 蟹肉牛油果意大利飯 $168食落好creamy，飯唔會煮得太淋，口感岩岩好！如果多d蟹肉就好啦～評分：🌕🌕🌕🌗🌑…查看更多