劉森記麵家 (褔榮街)

今日喺澳門食咗一個蝦子撈麵後，突然諗到劉森記嘅蝦子撈麵。返香港即刻嚟深水埗對比一下啦。仲係劉森記好食D。仲好抵。朋友食咗水餃麵。水餃都幾好食。咁便宜D嘢，只得深水埗啦。…查看更多

屈指一算，小弟已經幫襯咗劉森記十多年，由老店幫襯到新店，口味依然，價錢亦非常合理。佢地最出名嘅係自家製竹昇麵，麵質彈牙，無梘水味，而家好少地方有得食。第一次同 J 大人一齊嚟，梗係推介無乜人識得叫嘅「四拼麵」。由於餐牌上只有三拼麵嘅關係，所以無乜人知道有四拼麵。話説小弟點樣會發現有四拼麵呢?事源因為小弟昔日太為食嘅關係，樣樣餸都想叫，所以多口問問阿姐可唔可以叫四拼，所以先發現有得叫。單拼麵 $33 +每個餸 $5 ，如此類推，四拼麵就係$48。今次我叫咗蝦子牛根豬手雲吞撈麵$48，而 J 大人就叫咗蝦子牛根豬手水餃撈麵$48。大家等d麵煮緊嘅時候，記得要試下檯面嘅酸蘿蔔，味道啱啱好，少少酸，好爽脆，見到d辣椒唔駛驚，因為唔辣嘅。登登登登，碗麵終於嚟啦。蝦子勁多，好似唔駛錢咁，就黎見唔到d麵，好香;牛根好腍好入味，仲有四條添;豬手好腍，有兩大嚿;雲吞三粒跟湯另上，用料足，蝦非常之彈牙。你話嘞，咁足料，邊度搵呢？美中不足係當日有d小蚊滋間中騷擾下我哋，但係情況都可以接受嘅。…查看更多

午飯時間，正當大家躊躇到那裡吃飯，大家也沒主意之際，大家都在等人出主意，最終我提議去吃雲吞麵。深水埗一帶，「劉森記」名氣手執牛耳（「劉森記」以竹昇麵掛帥，不過我既沒有吃過竹昇麵，也沒到過「劉森記」，因此很有興趣試試）各同事如釋重負，大家就向「劉森記」進發。我們一幫人走到福榮街分店，未到午飯的黃金時段，店內已擠滿了人。我們在店外約等了十分鐘左右，終於有位，不過因為我們人太多，始終要分兩張枱坐。坐定，稍為看過一下餐牌；不過第一次來，怎樣說也應該試試這裡的名物---雲吞麵，於是我叫了一個雲吞蝦子撈麵。醬料旁放了一瓶酸蘿蔔，其他幾位同事沒什興趣（其實我對酸菜之類也不太有興趣，可吃亦可不吃）不過既然來了，怎麼也夾數棵試試味道。酸蘿蔔小小的一罌，內裡裝滿了漬的白蘿蔔，還有幾块紅辣椒。因此能想像到蘿蔔會帶辣。先夾數棵（也不敢夾太多，生怕太辣，受不了，浪費就不太好了）吃起來很爽口，頗酸，帶微辣，的確越吃越來勁，越吃越想吃，不過小吃多滋味，吃了這幾棵，的確令人添了胃口（有說這是舊式雲吞麵店的傳統，於些酸蘿蔔，希望客人吃了，胃口大開，會多點些食物）蝦子撈麵蝦子撈麵及雲吞沒多久就送來了，撈麵及雲吞分上，撈麵份量適中，可蝦子卻下得夠狠，舖滿了整個撈麵，蝦子呈深啡色。先夾起麵，麵餅很好的連成一起，基本上沒有碎麵條。吃了一口，麵質爽口，吃起來相當彈牙，而且蛋香頗濃，不過細味之下，麵身仍帶非常輕微的鹼水味（不過若非非常留心品嚐，也未必會品嚐得到）唯蝦子下得雖多，但香味則不太突出，略嫌可惜（不知是蝦子本身質素還是炒蝦子的工序做得不到位）不過以麵來說，已可說是做得相當出色。而且麵底鋪了數棵菜心，難得吃麵也附上菜蔬，在現今講求健康飲食的前提下，實在做的非常貼心。雲吞雲吞及上湯同上，雲吞只有三粒，Size還算大粒，不過對我來說仍能一口吃下；雲吞亦有散尾，算是做得相當標準。味道方面，蝦與豬肉的比例剛好，吃起來相當鮮味，而且鮮味程度實屬少見（估計雲吞內有可能加入了一點大地魚碎以作提鮮之用）吃了一粒雲吞後，令人欲罷不能，一口氣就吃了三粒。順帶一提，上湯非常鮮甜，而且喝得出沒加味精，相信用了不上豬骨、蝦殼及大地魚乾熬製而成，我也禁不住喝個清光。「劉森記」裝修尚算光鮮潔淨，不過稍嫌坐得擁擠了一點，但以雲吞麵店來說，環境已算不錯。食物質素上，除了蝦子鹹香味略為遜色外，麵質及雲吞來說，對於初嚐竹昇麵的我來說，實在相當有驚喜，屬高水準之作；難怪「劉森記」能得到城中名人、食家的青睞。難的是，被推介後，仍能保持一貫水準，這一點實屬難得。Berlin…查看更多

褔榮街成條食街咁多食肆....要諗食邊間都幾煩惱....見到劉森記..好似幾得..一於入去試試...淨雲吞:$18有8隻.....雲吞唔會話好大隻..size 適中....蝦同豬肉既比例亦恰到好處......不錯...蝦子撈麵:蝦子份量足.....好香..唔會話好腥 竹昇麵底果然名不虛傳....好彈牙..明顯比其他麵店更勝一籌.... 湯底清甜..有濃濃的大地魚香......讚!!!!下次一定要試黑柏葉蝦子撈麵…查看更多

上次來吃沒點蝦子麵，這次又來試試。蝦子水餃撈麵︰都等了好一會才送上，看到份量不是太多，對我來說就剛好了，不用浪費。蝦子鋪滿麵上，只需撈撈就可以吃了。麵條比較乾身，有一點硬，但總比腍腍的有咬口多了。最驚喜的是兩隻水餃，皮很滑，餡料多且爽口，而湯又十分清，好吃﹗這新店坐得舒適，企理乾淨，可以再來﹗…查看更多

放工後逛黃金，順道去劉森記食水餃蝦子撈麵。蝦子好多同好香，麵夠爽，水餃餡料夠，湯好甜，正！…查看更多