泰皇閣泰國菜館 (已搬遷) 新店位置

迎接初夏，有位中泰混血既朋友推介試呢間「泰皇閣」驟眼睇，呢度條條街都一樣樣，所以搵佢都有啲難度🙈可能因為係中午既關係，暫時看不長長的人龍食咩好呢？咁我位泰國朋友就推介，試左以下幾個餸：燒豬頸肉、蛋包鮮蝦金邊粉、泰皇秘制鰂魚沙律、串燒☺️咁係上菜前就緊係要上消暑既飲品啦！第一個：燒豬頸肉泰皇呢度既豬頸肉燒得都算乾身，配埋個辣汁，入口酸酸辣辣幾醒胃👍🏼而且佢個份量都多，可以話抵食夾大件👀第二個：蛋包金邊粉呢個造型既金邊粉我都係第一次見，賣相都已經勁吸引😍聽朋友講其實咁食金邊粉，係泰國都好普遍⋯撩開面個層蛋，裡面既金邊粉都仲熱辣辣架，即使坐係冷氣底，佢個熱力都last到好耐。味道方面，金邊粉入口係偏甜既，但食食下都會食到有少少辣😋至於蝦方面，隻隻都超彈牙，配埋個汁，有少少似食茄汁蝦既味道第三個：串燒三拼（注意：串燒製作需時啊！）串燒每串都用醃料醃過，而係燒烤既過程中都有落調味料去燒，所以大致上唔使點佢個沙嗲醬入口都好夠味！！😋第四個：泰皇秘制鰂魚沙律（注意啊！呢個沙律係有啲辣架！同埋都幾大碟，可以三、四個人share）說真的，我都係第一次見原條鰂魚咁上既沙律，而泰皇好貼心，係將魚肉片成一片片然

九龍城呢個小曼谷真係可以搵到好多泰國餐廳，要係呢到立足到當然有咁上下既實力，泰皇閣就係一間又抵食又好味既小店。餐廳入面既佈置都充滿左泰國既特色，牆上貼滿左好多食物既照片可以俾客人睇到成品既樣黎落單。冬蔭海鮮湯($68)冬蔭功湯係食泰國菜必點既一味餸，酸酸辣辣既口感無論係冬天定夏天都十分吸引。湯入面既海鮮材料好多，加上菇類同埋小番茄，材料十分多，湯味十分濃，酸辣十分配合，食野之前先飲一碗湯都好開胃。蛋包鮮蝦金邊粉($70)蛋包鮮蝦金邊粉粉得十分有嚼勁，而且好入味。蛋網做得十分精緻，加上三隻鮮蝦整得一D都唔馬虎，肉質十分細嫩彈牙。燒元貝($70)元貝十分大，燒完之後仍然有一隻食指咁長，燒完加上類似XO醬既惹味醬料，帶出元貝既鮮味。元貝燒得剛剛好，厚厚既肉，一口咬落去仍然十分鮮嫩。師傅火喉控制得十分好。鮮嫩既肉質加上惹味醬料，美味又抵食。炸蝦餅拼魚餅($70)蝦餅薄薄既外皮十分香脆，入面既蝦肉十分嫩滑同埋肉汁十分多，香口得黎又多汁。魚餅亦一樣，炸後仍然保持到本身既肉汁沒有流失，份量亦不少每款有4塊。串燒三拼($70)叫左牛肉/墨魚丸/雞肉 牛肉燒得剛剛好，肉嫩多汁，點埋美味既沙嗲醬十分可口。

九龍城出名多家庭式經營的食店，也有一段時間沒來九龍城尋食了，知道這區近排開多了很多新食店，今日一於來過九龍城尋食記吧！先選一間泰國餐廳來吃吃，泰皇閣是區內新開的泰國菜之一，位於九龍城最入的一條街，位置相較小XX, 黃XX 輸蝕，但食物就比前者有特色了！由於之後再會去其他食店尋食，在這兒只選了幾款菜色來吃。餐廳環境坐得舒服，不會似一般泰國餐廳很逼迫，燈光也光猛。菜式選擇很多，也有些菜色是一般泰國餐廳找不到的！點了蛋包鮮蝦金邊粉$70， 泰皇秘制鰂魚沙津$168及燒豬頸肉$72。炸蝦片是今位都會送的，但餐廳不會另收加一，茶芥！燒豬頸肉$72： 泰國菜一定要食食燒烤類呢！ 燒豬頸肉一客份量很足，每塊切很厚度均一，外邊帶炭烤過的焦邊啡色，入邊則是令人心動的豬肉紋理。吃下，豬頸肉炭烤香味濃郁，豬頸肉不會被燒至乾柴，入口具彈性，當中的脂肪位還是爽囗的，原來這兒用的是新鮮豬頸肉，非雪藏貨式，難怪肉質比一般吃到的不同。經常認為醬汁是泰國菜的靈魂，每間的醬汁都有些兒不同，這兒的醬汁惹味，但若然酸味可更重一些， 如多帶一些檸檬葉，青檸等的酸味就更好了。泰皇秘制鰂魚沙津$168：這個真的是來到這兒必點的菜色

泰菜館位於啟德道，雖然屬九龍城區，但聽其名就知道位於啟德附近。而由於啟德過去都是指舊啟德機場、舊跑道、停機坪或前皇家空軍基地一帶，所以附近都有不少建築以啟德命名，如啟德河、啟德消防局、啟德大廈......但至於啟德這名字的由來，卻可能不太多人知道。原來在20世紀初，有兩個人，一個叫何啟，而另一個則叫區德，他們合資經營啟德營業有限公司，以在九龍灣北岸進行填海工程，所以填海地域就以二人合資之公司的名字命名，稱作「啟德濱」。原本計劃發展成花園城市住宅區，但完成了前兩期工程後公司就倒閉，當時政府為免浪費了這片土地，就打算將它用作機場用途，因此土地先後成為英國皇家空軍機場、飛行會和飛行訓練中心，最後建成啟德機場。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊九龍城雖然多美食，但由於遠離地鐵站，入夜後本就人流不多，而食店位於九龍城的邊緣，雖然毗鄰的太子道西有不少巴士站，但轉入食店位處的啟德道卻變得人煙稀少。雖然食店有大大個黃色招牌，但由於門面較窄小，如果不抬頭觀看，很容易便會錯過。雖然是晚為周六，但可能地理位置，加上時間尚早，所以甫進店內亦只有一枱食客，不過吃到一半都已幾乎滿座。食店