萬發海鮮菜館

成班仔就緊係去大排擋啦, 一講就諗到萬發夜晚八點去到, 已經好虛坎, 啲檯檯櫈櫈一路擺到轉埋彎如果要有風味就一定要坐路邊, 呢間招呼不嬲都冇架喇, 可能因為太多人, 唔憂做咁黎過咁多次, 每次都必點既就一定係薯仔牛柳粒, 黃金鮮魷, 風沙雞,基本上每一檯都係點呢幾樣今次食薯仔牛柳比例接近七三比, 如果牛柳多番啲會較好黃金鮮魷雖然有啲滯, 不過味道真係相當好, 保持水準風沙雞脆得黎又香口, 忍唔住再叫多碟…查看更多

深水埗萬發唔使多講啦，咁多年嘅老字號，食咗咁多次都依然咁好食，維持到高水準有好幾次朋友聚餐都會揀去晚飯，地點就腳，味道又啱口味。🌟黑椒薯仔牛柳粒嚟得萬發冇理由唔嗌無人不曉的黑椒薯仔牛柳粒喇，每桌必點之菜，牛肉經過油炸過，有一點焦香口感外，還非常入味軟嫩～薯仔係蜜糖脆皮外脆內軟，睇落去係配角，但其實仲比牛肉更加好食😋胡椒味混合蜜糖，甜鹹甜鹹嘅口感令人食到停唔到口。成碟都好夠熱好夠鑊氣。.🌟椒鹽鮮魷 新鮮的魷魚，炸的酥香，椒鹽味道很足夠。.🌟風沙雞風沙雞都係店入面既招牌黎架，皮脆肉嫩，就係炸子雞嘅味道，配上蒜粒很惹味，不用沾上附上的醬油都已很美味。 .🌟金銀蛋莧菜比起其他菜式金銀蛋莧菜表現正正常常，係大魚大肉下，一碟清淡菜色清下腸胃都好重要。.🌟海蜇手撕雞雞肉是滑而皮爽的，配上海蜇嘅爽口，口感一流。.另外一提，餐廳的菜式普遍都很大碟，所以最好多叫幾個親朋戚友一起去吃，就可以多試幾款。雖然係一般嘅大排檔格局，但係食物都係好高質的…查看更多

萬發不嬲都係我最愛 去大排檔最好愈多人食，可以叫多幾個餸！首先一定一定一定要食薯仔牛柳粒！啲薯仔炸到外脆內軟 牛油味又重，啲牛柳粒好林好軟！黑椒味又重！真係去到一定要叫！！十萬個推介之後係黃金魷魚，膽固醇超曬標！所以多人食就好啲！！如果怕椒鹽熱氣既朋友可以點佢，佢啲鹹蛋黃好有味，同埋唔會散開一舊舊，緊緊咁癡實啲魷魚🦑❤️👍沙薑雞，因為其他餸太好味所以佢有啲失色，唔係難食ge,但唔算最推介。「老」水拼盤實真係好大碟，味又好味！紅腸腩肉豆腐牛𦟌仲有其他等等，個量都唔少架！後面係椒絲腐乳炒菜，太遠唔係好影到😂咁既價錢，咁既質素係正既但要提一提大家個環境真係好差，有老人家/小朋友/想傾計既真係注意，因為萬發係坐得好差，好逼，食完趕你走個隻黎😂仲要都算幾唔乾淨下。😂…查看更多

之前慶祝爸爸生日帶咗佢去食萬發。雖然係大排檔咁嘅格局，但係d小炒都真係幾高質所以長期keep到一定嘅人氣。我相信萬發唔只做街坊生意，好多人甚至好多遊客都會慕名而黎。因為都唔係第一次嚟，所以都知道邊啲小炒係必叫。我哋一行3人最後order左薯仔牛柳粒，小炒王同風沙雞。薯仔牛柳粒係呢間鋪頭必叫既熱門菜式。你幾乎見到每枱都一定有一碟。薯仔牛柳粒志不在牛柳粒，而係好重蜜糖味嘅薯仔，簡直係好食到你不知不覺就會食晒成碟薯仔。當然牛柳粒都炒得香兼鬆化。小炒王亦好夠穫氣，兼好足料，有我最愛嘅蘿蔔粒，韮菜，魷魚，青椒，蝦乾，花生同腰果，又係一碟令你食唔停既小炒。至於風沙雞，雖然肉質都唔「鞋」，但係就無小炒王同薯仔牛柳粒咁有驚喜。雖然小炒d價錢都唔係話特別平，但係所有野都大大碟，啱晒一大班人gathering去。…查看更多

由以前讀書時期，已經成日黎萬發食晚餐，一黎地方夠大，二黎大排檔野食夠大碟，岩晒一班朋友黎re-u！出黎做野之後已經少左黎食啦，今次食返，風味依舊！六點幾黎到，仲未有人黎，即刻影低環境比大家睇黎。比起以前，呢到環境幾企理乾淨，仲有強勁冷氣，不過冷氣有d太凍，下次要著件外套先得😂萬發必叫！薯仔牛柳粒，呢碟野，薯仔係精粹，內脆外軟！用蜜汁煮好入味！滷水拼盤都好大碟，乜都有！不過鵝腸得好少呀，食左2條就無啦😭海哲手撕雞，第一次食，幾有驚喜！點個酸醋又幾開胃喎！最後仲叫左個海味雜菜煲，海味幾多，所以個湯都充滿海味味！…查看更多

收工黎6點幾左右 唔洗等位不過都坐滿8成客人 上菜時間快得誇張！！落單唔洗10分鐘已經上曬4樣餸，黑椒薯仔牛柳粒 賣相堆得好吸引！約2-3人份量我覺得應該叫蜜椒薯仔牛柳粒因為蜜糖味比黑椒更重薯仔炸過黎 外脆內軟 加埋蜜糖炒牛柳粒厚實 軟淋入味🤤一啲都唔韌好惹味 餸飯一流係暫時係出面食到最好味既薯仔啊個底仲有好多蜜糖 極邪惡我會為咗呢個餸回頭豉椒炒蜆 炒蜆係 呢大排檔必嗌既！但黎到個下已經失望咗因為蜆殼大但幾乎10隻蜆得4隻有蜆肉而且味道都過鹹⋯萬發既炒蜆比我係其他地方食既更加少得誇張同貴金銀蛋萈菜一直都好鍾意呢個菜！呢到既份量好多而且菜唔老好新鮮 加埋皮蛋鹹蛋無得輸啊八珍豆腐煲 有豬潤、魷魚、蝦、豆腐、娃娃菜蝦同魷魚都勁新鮮 爽口彈牙但各樣得兩舊味道同豆腐比較普通一般，可以唔嗌！…查看更多

想吃大排擋風味食物，可選擇菜館又真的不多。 有時想吃得地道一些，大家放下身段大啖大啖吃喝，萬發真的最佳選擇。 白灼蝦(意想不到的大隻，又新鮮味美)椒鹽鮮魷(炸得太耐過咗火，令到鮮魷有點乾硬。)薯仔牛柳粒(仍然是皇牌菜式，薯仔外層炸得脆，也炒得夠火喉，味道也調得好，超美味。)魚香茄子(可能其他餸也十分美味，顯得這餸一般，味道也較淡。)蝦子柚皮(工夫菜式，工序較多，但味道不算突出，蝦子略少。)蒜茸豆苗(豆苗好難炒得香，但這菜館就可以炒到它又香又美味。)…查看更多

之前睇左篇報導，說人愈大生日就愈簡單，小時候都是個人生日會，長大後卻變了集體慶生聚會。早前終於約齊人開秋季生日會，因為臨時臨急先約到，最後去左妹妹介紹的萬發海鮮酒家，仲講到有個鎮店之寶必定不可錯過！終於齊人，影返張乾杯相先做opening 先啦～街坊小店主打各款小菜，大碟夾抵食係基本，沒什麼裝修但環境好適合一班人來食飯吹水。叫左幾款小菜 鹵水大拼盤 樣樣都有點，整體不過不失吧～ 風沙雞半隻坦白講，不計必試的牛柳粒，這個風沙雞是幾高分的，雞件煮得夠嫩滑不老，脂肪不會好多，醬汁甜甜地再加埋d炸蒜，根本無得輸。最重要負責切雞的師傅切到每件大小相約，讚。薯仔牛柳粒這個就是妹妹口中的鎮店之寶。不過牛柳粒只是配角，雖然都好好食，口感夠淋又亦夠晒味！而主角其實薯仔，你有無食過薯仔係脆卜卜甜甜地好似有層焦糖面，而咬開係軟熟的？就是這個感覺，味道又咸又甜充滿衝擊，多多薯仔都食得晒。呢個我地六個都食到耳仔郁！炸脆鱔朋友忽然話要食所以叫左，金黃色的鳝球一睇就知炸得好脆身，入面的鳝亦夠彈牙同厚身。鳝明顯沒有額外調味，雖然有炸過但依然食到鳝獨有香味。在大排檔也不太重味精呢，就是有一份難得的脫俗感。萬發海鮮飯店深水埗九江街150-152號地下…查看更多

在1月29日, 一行12人晚上大約6:30pm到萬發晚飯歡送同事.坐在B2大.很快齊人, 跟著叫了15,16 個, 其中有牛仔粒, 蠔餅, 炸大腸, 鐵板豬手, 燒鵝, 梅菜扣肉, 魚腸, 豆苗, 小炒皇.各樣都沒有什麼驚喜, 一般大排檔水準, 比大角咀新錦園, 石X尾愛文生差最貴的燒鵝是微凍的! 焗魚腸很少魚腸.其他都是一般大排檔水準.我們進食期間, 回因為是歡送同事, 我們說笑時聲浪有點大, 招待我們的阿姐叫我們靜少少, 我們十分驚奇!去大打排檔不可暢所欲言?! 我們就是覺得可以大聲說笑才去大排檔. (說真, 我們也不是很大聲, 有男有女, 沒有一個字是粗口, 只是說笑談往事)不過我們之後真的有將聲浪收細, 阿姐一真一臉不悅. 大約8:15pm左右, 阿姐粗聲粗氣地問我們"重叫唔叫, 唔叫就要走! 門口好多人等位!" 我們說想坐耐少少, 想叫多兩枝啤酒, 阿姐答" 唔叫, 無得叫啤酒!", 跟著黑面走.大約8:30pm, 阿姐突然走來, 將收據丟在上, 命令說"唔叫野, 出去比錢!"我們全靜了, 即時心情大減, 比錢走人.出到門口, 沒有人在等位.全程令我們最失望的是, 我們選擇在大排檔歡送同事食晚飯是想暢所欲言, 大聲說笑談往事, 我們全晚一個粗口也沒說過, 竟然被人如此不禮貌對待, 差不多是趕我們走!如果你真是很多人在等位, 我們也合作, 無憤的是竟然沒人等位, 只是不滿我們大聲.我和同事一共12人決定以後不會再光顧最萬發大排檔!今次的結果是去了一間一般水準的大排檔, 各樣沒有驚喜, 招呼惡劣. …查看更多