川大哥

夜麻麻又係搵宵夜食嘅時候，搜尋到附近有間食四川菜，仲有串燒食，一於gogogo！門面光猛，有室內室外座位Menu有好多選擇，首先叫咗一個串燒組合拼盤，每樣有少少可以試吓，仲可以揀辣度，啱我呢啲唔係好食得辣嘅人。串燒組合：有雞中翼、雞軟骨、牛肉串、羊肉串、雞肉香腸和雞腎串，份量十足，每款都有兩串。我揀咗小辣，唔會好鹹，辣到亦都啱啱好。蒜香烤生蠔：呢個真係要推介吓，生蠔勁大隻，熱辣辣仲有好多蒜蓉，好惹味。蒜香燒茄子：size好大條好香，味道唔會俾辣味搶咗尖椒皮蛋：我平時都好鍾意食皮蛋，呢個尖椒皮蛋嘅汁比較特別雞皮餃子：有四隻，味道不錯炒萵筍絲：原本以為係小碟，原來都好大碟哦！我揀咗清炒，萵筍絲好鮮甜，入邊有一片片嘅辣臘腸，只係好輕微嘅辣，唔食得辣嘅人應該都唔會覺得辣。羅漢果雪梨菊花茶：飲品清涼解渴，飲到底原來仲有冰粉，幾有咬口，微甜。…查看更多

呢個位置基本上唔會點經過，如果唔係朋友話呢度有一間好正嘅烤魚，都唔會特登嚟試，絕對係隱世美食餐廳🤭呢度除咗烤魚之外，仲有雞煲、酸菜魚等等，亦有火鍋配料可以加配打埋個邊爐，另外仲有其他小食同埋串燒。《川大哥》係酒吧餐廳嘅裝修風格，可以坐半戶外座位或室內座位，燈光幽暗幾有feel，適合同朋友嚟飲吓酒relax吓。============ヽ(○´∀`)ﾉ♪🐟烤魚 $328▫️三種魚選擇：江團魚、鱸魚、鴨嘴魚▫️五種口品選擇：麻辣、青藤椒、酸菜、特濃蕃茄、蒜香▫️再揀辣嘅程度❥揀咗青藤椒味鴨嘴魚小辣，鴨嘴魚真係未見過😆 專登上網search睇倒個嘴長到好搞笑！原來呢種魚厚肉，而且好少骨，做烤魚都好正🤭 唔使怕哽魚骨～ 青藤椒味道好香，越煮越辣。跟鍋上嘅配菜有豆卜、冬瓜、芽菜，煮到入晒味之後超好食。❥加咗一份紅薯粉（$22）落去煮，每次食烤魚都一定要加，煙煙韌韌加埋烤魚嘅辣湯好好食。🍢串燒組合B $169❥雞中翼、厚切牛脷、黑豚五花腩、墨魚丸、脆皮芝士腸 各2串❥用火爐上檯唔怕啲串燒會凍晒，一樣可以揀辣嘅程度，加咗孜然粉辣粉同其他香料好有新疆風味。🦪蒜香烤生蠔（6隻） $192❥不得了，呢個好鮮甜又脹卜卜嘅生蠔，蒜香味味勁香唔會燒到入面乾晒，正👍🏻🌶️泡椒魚皮 $39❥每次食川菜必食前菜，呢度整得好爽脆唔算好辣，配上大量洋蔥絲。🥟雞皮餃子（4隻）$33❥用雞皮代替餃子皮，包住肉餡，佢嘅餡餡料好多，而雞皮亦唔會燒到乾晒保留咗雞皮嘅油，熱辣辣咬落去超好食！🍆蒜香燒茄子 $39❥原條茄子肉燒到勁淋，入口即溶嘅程度，面頭嘅蒜蓉同香料好惹味，呢個必食！🍺飲品❥除咗可以嘆番杯啤酒之外，唔鍾意飲酒嘅朋友呢度除咗有汽水之外，仲有手工冷泡茶同埋滋補熱茶選擇。🍵自家製無糖冷泡茶·玫瑰烏龍 $17❥非常清香，唔甜。🫖熱茶·阿膠黑糖姜棗 $33❥成個茶壺上枱，微甜好滋潤。…查看更多

朋友帶我去深水埗吃烤魚，餐廳位置都好隱蔽, 條街又好靜招牌好大個, 無人帶不會行入來,感覺做熟客多.有外和內坐位，燈光暗暗好有情調.完全不像吃烤魚中式餐廳，反而像酒吧氣氛，好浪漫！餐牌很多串燒，蒜香燒蜆／金菇／茄子／蠔……配酒真的是夜宵好地方。我們去時候只有3枱客，以魚和火鍋為主，越夜越多人，走時候門口都坐滿.門口的人吃小菜（辣子雞／辣子肥腸）和串燒多。這裏有啤酒／紅酒／白酒 很適合配串燒。我們選了酸菜烤魚-江豚魚（此魚特別嫩，不會太多幼骨）加手切肥牛。烤魚水準完全出付意外香脆和焦香。廚師好有心機烤透才放酸菜鍋出菜。我們把邊位，魚頭，尾部骨都吃了，因為烤得脆脆！魚肉好白好軟，滑滑的不老，無選錯江豚魚。酸菜鍋酸辣我們選了中辣，剛剛好不會過辣而沒有魚味！此魚烤好完全不腥魚味甜甜地真的驚喜！鍋內除了酸菜辣椒花椒還有冬瓜、娃娃菜、大豆芽菜、豆腐卜、芫荽等配料，麻麻酸辣味好喜歡。 手切肥牛-色澤漂亮像蝴蝶形狀，牛肉味濃有筋位，筋位有彈牙嚼頭，燙7成可吃。蒜香燒茄子 現燒的最後才到滿滿蒜泥和辣椒，一見就流口水超喜歡！紅糖糍粑  炸得外面有吉列口感，內皮糯米軟軟的中間流心紅糖 ，要小心燙口慢慢食，又甜又軟臥,好正@@另外飲了1 支青島, 過了一個有啤酒約會. 烤魚好好吃, 我們吃到很乾淨.…查看更多