壹盅湯

差唔多試過晒全荃灣既燉湯～唯獨呢間真係最好味🥹🥹🥹唔會好藥材味，湯料超足👍🏻👍🏻👍🏻晚餐二人餐好抵食～跟餐燉湯會係每日唔同～比較正價燉湯會細碗少少，但真係少少🤏🏻🤣都好大碗下勁抵～蒸倉魚每次都keep到水準又大條👍🏻蒸到啱啱好唔會過老🤤🤤生炒骨火喉控制得好好，脆得黎唔乾～本身自己唔太鍾意食菜，但呢度既津白又整得好好🤤🤤最後仲有兩個燉糖水甜品～抵食到爆👍🏻👍🏻👍🏻…查看更多

心血來潮又想飲燉湯，記得曹公坊入面有間小店係主打燉湯，就決定走去試試。招牌壹盅湯（$78，叫主食加配燉湯可減$12，即是$66）鮑魚花膠螺片燉雞，燉盅幾大碗，而且湯料幾足，湯亦清唔油膩，味道微甜但唔太濃郁。本來仲想要埋燉魚頭，但賣哂。菠蘿生炒骨（$55）即叫即制，裡面炸排骨仍脆，少骨頭，外層醬汁酸甜適中，整體味道不錯。配白飯一碗。鮑汁荷葉福建籠仔飯（$65）味道比較普通，唯一個人覺得幾好係個飯底幾乾身唔會濕淋淋。PS：嚴重扣分位，店內好嘈。噪音疑似由廚房機器不斷發出，成餐冇停過（over 30 mins）。因為太嘈，店內員工交談要加大聲線，結果更嘈。食得唔太舒服。…查看更多

#壹湯 💛平日經過見到就俾佢大大個招牌吸引👀 今次夜晚終於有機會試到啦🤤🤤男女小編就入佐去餐廳😽😽Menu上面有好多野食俾你揀 有唔同嘅小菜 湯飯 老火靚湯等等😋環境方面舖頭好光猛 都有好多座位😆😆坐得幾舒服 店員服務態度幾好 會提小編9點半就完堂食㗎啦 仲食唔食🙈🙈仲要係黃店嘅老火靚湯 係時候試一試嚕✨菠蘿生炒骨 $48💰 (8/10)送到上枱係熱辣辣㗎🔥🔥份量都唔少👍🏻👍🏻配料有菠蘿🍍青椒🫑同紅椒 菠蘿幾鮮甜 可以中和返生炒骨嘅甜味同埋可以解膩🤤🤤 而生炒骨方面做得幾岀色 外層都仲係有少少脆😋😋 醬料調配得酸酸甜甜咁 好開胃‼️個醬係杰身嘅 唔會話好唏 配飯食可以話一流😻😻加上只係$48呢個價錢但有呢個質素 性價比嚟講幾抵㗎✨蜜椒牛柳粒 $63💰 (8/10)同樣地上枱係熱辣辣✨Feel到係即炒嘅😋配料除佐牛柳粒仲有薯仔🥔同洋蔥🧅 牛柳粒係一口牛Size🤤方便大家容易啲食落去 而且唔會好韌 反而係幾嫩 份量都唔少✨✨而薯仔都係切成一口Size 細細粒咁好可愛 仲要好香‼️‼️真係即刻流晒口水 加上薯仔佢吸晒啲汁 就會好好食😋 醬汁方面係有少少蜜糖黑椒味 甜甜地幾好食😻😻蟲草花花膠百合燉唐排 $68💰 (8/10)份量十足 送到上枱小編嚇親🤯竟然咁大碗😋仲要超級熱辣辣🔥🔥男小編太急去試 第一羹就辣親條脷啦 所以小編建議大家要吹下先放入口🤣🤣🤣而呢款湯嘅功效係補腎補血氣✨美容護膚同埋潤肺止咳😋😋男女小編就揀佐啦❤️碗湯好鮮甜 有好大塊花膠 蟲草 同埋好大舊肉阿😻😻😻真係足料靚湯 佢亦都係一碗女小編肯一啖又一啖飲落肚仔嘅湯🙈🙈佢唔會太肥或者太鹹 反而係濃味😋😋只可以講真係好好飲🤤🤤🤤大家睇到呢度快啲約埋朋友去試吓☺️☺️‼️✨推薦指數🌟 8 / 10 🌟💛#巨B食黃店📍#巨B覓食荃灣 壹湯 (荃灣)⚜️荃灣曹公坊3號德仁樓地下…查看更多