Eggy

所有吐司都係即叫即整，咁啱去嘅時候冇人就只係等咗10分鐘，揀咗「菠蘿炸蝦堡滑蛋吐司」，一拎上手覺得好足料，呢款吐司食落好有層次，菠蘿酸酸甜甜同炸到香脆嘅蝦堡好夾，蝦堡係有兩塊，食嘅時候要小心啲，因為份量足，個口要擘大黎食，我一唔小心就跌咗半塊蝦堡落地下（淌淚）另外買吐司可以用$10加飲品，相片外叫咗杯水蜜桃梳打，味道正常，冇咩特別。…查看更多

08.07.2021Eggy 今日用Deliveroo叫EGGY，次次經過華都舖頭，都好想試，今次終於叫外賣試食！有四個字評語：超級好食！食咗真係會上癮！😋外賣除咗本身個硬紙盒盛載，面層仲有一張類似牛油紙蓋面，相信除了保持衛生之外，應該係防止變淋，所以外賣嚟到仍然暖，而且不太淋身，保存得不錯。菠蘿炸蝦堡滑蛋吐司(走沙律醬）：滑蛋又滑又甜，蝦雖然淋左少少，仍然好香好好味，加埋菠蘿真係perfect ! 如果即刻堂食，應該更脆更好食！本身仲有好多口味，例如泡菜豚肉芝士滑蛋吐司、炸軟殻蟹滑蛋吐司、牛油果芝士黑松露滑蛋……款款都好想試吓。好期待呀！…查看更多