喜煌點心牛肉世家

💈熊妹前排行過通菜街，見《喜煌點心牛肉世家》門面燈光閃閃相當吸引，係一間點心專門店，今日就帶日日都同豬朋狗友去飲茶的阿豬媽黎呢間試一下！📌原來不至門面吸引，內裡裝修都非常特別！地面層為懷舊戲院🎬裝潢，牆上掛滿即日放映的電影海報，仲有古舊鐘擺🕰️同大大個印有「牛肉世家」的牌扁。📌好少點心店有兩層，上層裝淇湛仲物別，以「喜煌地鐵站」🚊為主題，大大個「喜煌」站名同旺角地鐵站紅色瓷磚牆，仲有扶手柱同扶手掛，地鐵圖同車廂反光玻璃都做到十足，打卡真係一流！明顯裝潢上落重本，盡見心思💕。📌「我們四代也是被牛養大的」。自20世紀初，《喜煌》的太爺在廣東的肉檔販售牛肉，及後轉移到香港發展，至今，這一代秉持初心，以新鮮牛肉製作精美點心，傳承「牛肉世家」。一個人的浪漫，$67有齊8款點心，本身多人飲茶就可以食多幾款，呢款下午茶精選真係岩哂一支公！9宮格盒仔呈上，有燒賣、蝦餃、鮮肉灌湯小籠包、竹炭熔岩奶皇包、芥末沙汁三文魚春卷、鮮蝦腐皮卷、蜂巢黑糖糕同牛肉包，款款都真材實料大大粒，确實好抵食！XO醬炒腸粉，$20一上枱，熱辣辣芬香撲鼻。腸粉表面都煎到脆脆地，連埋配菜爽口銀芽、紅蘿蔔絲撈埋XO醬一齊食，帶點辣夠惹味。海苔香煎蘿蔔糕，$18嘩，一碟煎蘿蔔糕份量都幾多，六件基數推砌成金字塔形，經過香煎後，表皮脆口又唔燶，白蘿蔔饀料十足，食落軟淋又無好杰身的糕粉，做得幾出色！芥末沙汁三文魚春卷，$19春卷好大一條，兩大條切半，炸到非常脆口的春卷皮，入面包裹著煙三文魚同爽口青瓜，主要用上芥末沙律汁，加添了攻鼻的味道，不錯！蜜瓜炸鮮奶，$18蜜瓜奶味好濃郁，軟線線口感，食落口甜蜜蜜，作為飯後甜品極為滋味。雞翼蔥油撈麵配湯，$34三大隻煎香雞翼，配蔥油撈麵絕對係香港人至愛。蔥油撈麵乾身得來又充滿香蔥味，雞翼啖啖肉仲有兩條菜，一份下午茶咁食都好飽肚。跟餐例湯係紅菜頭粟米排骨頭，紅菜頭煲出來好清甜，有助舒解撈麵的油膩！白灼菜心，$23食左咁多油膩點心，當然要食菜解解膩。菜心好新鮮，菜莖位無根無渣，灼熟食非常清甜。茶位（每位），$8一坐低，店員即刻殷勤地訪問：「要飲咩茶？」阿豬媽就點選了鐵觀音，鐵茶壼呈上，保持熱度，店員仲會不斷加水，食點心，飲啖熱茶，正正是飲茶的樂趣。醋香檸檬梳打，$19凍檸茶，$19📌大吃大喝，一件一件呢樣食啲個樣食啲，唔覺唔覺都清哂食枱食物。📌早巿點心仲有半價，另有$5括括卡包含多款優惠，所得款項會捐贈給毛孩。生日有大壽包贈送，一間小本經營的點心店都推出咁多重優惠待遇，難怪好多街坊老友記來捧場一下。…查看更多

🍱一個人的浪漫配細湯（$73）如果想一次過試哂多款點心，我推薦呢道一個人的浪漫，用9宮格裝住8款點心，有鮮味足料嘅瑤柱杞子燒賣、皮薄餡靚嘅鮮蝦餃、熱辣辣流心嘅竹炭熔岩奶黃包、酥脆嘅鮮蝦腐皮卷、芥末沙汁三文魚春卷、蜜汁叉燒包，皮薄多汁嘅鮮肉灌湯小籠包同黑糖蜂巢糕🍜雞翼蔥油撈麵配湯（$34）雞翼炸得皮香肉嫩，撈麵食落有滿滿嘅蔥香同麻油香味之餘仲唔油膩，呢道菜仲要係晚市重點推介；湯係紅菜頭粟米煲豬骨，好足料而且味道甘濃🥧古法馬拉糕（$20）馬拉糕鬆軟濕潤唔會乾硬，甜度適中，而且係即叫即蒸，上枱熱辣辣🥢XO醬炒腸粉（$20）腸粉好滑，加上香辣惹味嘅XO醬，好味到唔停口🫔芥末沙汁三文魚春卷（$19）春卷好脆，包左滿滿嘅三文魚同青瓜做餡，汁係用左日式芥末同三文魚好夾之餘無平時咁攻鼻刺激🖤黑糖蜂巢糕（$18）蜂巢糕有好香甜嘅黑糖味，食落煙韌唔痴牙🍈蜜瓜炸鮮奶（$18）炸鮮奶嘅炸漿好薄身，好滑，食落口帶有淡淡嘅蜜瓜味🍇巨峰提子特飲（$22）🍋凍檸茶（$19）🫖茶位（$8）🎥餐廳有兩層，下層用咗懷舊戲院設計，貼有舊時港產片嘅海報，仲寫有嘅餐廳嘅故事：「我們四代也是被生養大的」原來系二十世紀初，老闆嘅太爺系廣東肉檔售賣牛肉，然後爺爺將家業遷至香港重新發展，希望祖業發揚光大，並以新鮮牛肉製作香港點心，以此向祖先致敬。上層用咗地鐵站做主題，好似置身系地鐵車廂，仲有扶手同地鐵出口牌，整體裝潢非常有香港特色💰優惠方面，早市設有多款半價點心（限兩點前供應），客人生日仲有大壽桃送顧客光顧後仲可以加$5獲得刮刮卡1張，內有不同優惠，所得款項會全數不扣除成本捐贈俾浪浪之家，有得玩又可以幫到毛孩…查看更多