御滿屋日本料理

前排有朋友由外國返嚟，搵佢出去聚下，佢第一句就話想食放題😂，即刻諗起最近試過、覺得可以encore嘅御滿屋🍣 餐廳鄰近佢酒店，仲要地鐵站出口一分鐘直達，地點勁方便！我地揀左early dinner，由五點開始入座享受兩小時仼食，超划算🤭自助區超豐富 >>酸辣鳳爪酸甜開胃，手拍青瓜爽口清新，仲有冷盤海鮮、沙律，經典老火湯同爆谷令味覺層次多元。點心區有蝦餃燒賣，彈牙新鮮，熱食部分更有麻辣小龍蝦同豆椒炒蜆，係必試！台灣腸Juicy又彈口，口感一流！刺身絕對係亮點 >>三文魚、油甘魚、帶子、松葉蟹腳同象拔蚌，全都厚切到誇張，食落鮮甜爽滑，尤其係帶子，入口即化，令人忍唔住encore，推介指數爆燈100%！壽司飯卷方面，海膽同三文魚子手卷飯粒細膩，份量適中，光係食呢啲已經滿足，完全唔怕滯口，好適合slowly品嘗。燒物推介>>芝麻雞翼香脆惹味，鹽燒牛舌嫩滑有嚼勁，燒羊架骨肉分明多汁，蒜蓉焗生蠔蒜香濃郁，每啖都想再嚟多碟🦪必嘗甜品>>絕對hit中我心頭好，Haagen-Dazs同Movenpick雪糕款式超多，特別係Movenpick薄荷朱古力味，清新醒胃，係夏日解暑之選，必試強推！全晚清酒、啤酒、梅酒齊全任飲，汽水同特飲完美配搭，餐後再嚟杯冰涼清酒，滿足感爆燈！整體嚟講，御滿屋旺角分店環境寬敞舒適，服務貼心快捷，CP值高，強烈推薦，食得開心又飽飽！…查看更多

朋友生日去食放題，依間地方好大，坐得舒適，美食吸引，有好多款選擇，平平地放題都可一試。77品經典放題組合 $258/位前菜自助吧有好多款前菜，當中竟然有口感爽脆淡淡海水鮮味的海葡萄和麻辣爽口的魚皮，令人印象深刻。刺身拼盤挪威三文魚、帶子、甜蝦、鮑片、八爪魚和北寄貝。刺身新鮮，味道鮮甜。馬來西亞榴槤這裡有不烤凍食和烤過熱食兩款選擇，相比之下烤過的榴槤香味突出。雖則榴槤件看來很大，但果核也不示弱，任食榴槤多件都不用擔心飽肚問題。蒜蓉燒生蠔燒生蠔賣相吸引，蠔殼好大但蠔肉小不成正比要一打先夠食。蒜蓉佈得滿滿，蒜香味濃。海膽手卷海膽味偏淡但唔腥，口感creamy，細細支唔夠喉，當然要盡情encore。芝麻雞翼雞肉嫩外皮脆卜卜，香口好味。吉列炸蠔炸粉不厚蠔肉肥美多汁，俾到驚喜。特濃芝士醬燒皇帝蟹棒壽司皇帝蟹棒口感綿密淡淡鮮甜，加芝士醬，特濃芝味滿分。芝士咖喱肉醬玉子燒玉子燒好普通，加芝士和咖喱肉醬，出奇地好味。御‧泰の味冷鮑魚鮑魚口感彈牙，加上泰式辣醬，酸辣惹味相當刺激。西京比目魚魚肉軟嫰幼滑多汁，味道甘甜，好味。甜品雪糕雪條有勁多選擇，相當滿足。…查看更多

近排生活非常忙碌，坐低食飯的時間少之又少。為了轉換煩躁的心情，朋友提議食得豐富啲，諗左一陣就決定食放題～——————————🔸刺身/壽司每次食放題一定會叫三文魚刺身，而這間刺身大部分很新鮮和厚切，但不夠肥美，質素一般般；壽司🍣小小一嚿，一啖就食晒，所以食多幾嚿都唔會太飽～🔹燒物/串燒/炸物朋友最鍾意食芝麻雞翼，不過略嫌醃得不夠入味，只有表皮香脆；芝士焗蠔未食已經聞到好香芝士，雖然蠔的份量不多，但燒得熱辣辣，好邪惡；貓山王榴槤炸彈，聽個名就好吸引，食落果然冇得輸👍🏼超濃郁榴槤蓉😋🔸熟食/料理炒粟米係小編其中一款放題至愛，香甜的粟米配淡淡牛油香，非常滿足；牛肉熱烏冬很彈牙，熱辣辣，份量剛好夠一人食，不錯😋🔹甜品/雪糕店內有幾個大雪櫃擺放不少杯裝甜品/小蛋糕，整體普普通通～但最愛是Fruttato Gelato榴連味雪糕，好香榴連味，榴連愛好者必點！…查看更多

🔅🔅🔅日本放題多不勝數但想搵間性價比較高往往價錢唔會便過三百前幾日經食家朋友A介紹嘗試了位於旺角的御滿屋🔸呢家店賣點係款色超級多無論刺身壽司串燒鍋物飲品甜品生果或熟食全部都係無限添加但不浪費為前提🖖🏻🔹整個場面積好大座位之間空間挺闊剛好坐卡位感覺舒服～🔸<刺身, 壽司 & 軍艦> 刺身款色起碼有十款以上有我最愛大赤蝦好鮮甜😍吞拿魚帶子肉質肥美甜蝦八爪魚也不錯怕吃壽司會太飽所以只點了推介的黑松露牡丹蝦卻一般反而海膽手卷令人驚喜🥰🔹<燒物>鹽燒牛舌肉質爽口很好吃肥美的蒲燒鰻魚有水準值得一讚西京比目魚煎得香脆魚油豐富😍🔸<串燒>有我至愛的燒菠蘿咬下去瘋狂爆汁三個字超鮮甜🤩雞軟骨香脆不油😍愛吃之人一定必點～羊鞍上檯已凍且帶騷😑海蝦日本番薯仔也是必食🔹<炸物>唯一值得推介的是芝麻雞翼新鮮出爐皮脆肉嫩不油膩小女子一人食左四大隻😆🔸<天婦羅>虎蝦天婦羅如手掌一樣長炸粉很薄虎蝦肉質鮮甜😋🔹<一品料理>和風牛柳粒炒蜆很一般可以一試的是炒粟米👌🔸<煮物>為減低罪疚感就食菜～雪花牛肉鍋裡的菜好清甜牛肉肉味也不錯不會柴口😋🔹<總結>食物質素確實不錯性價比高款色種類繁會多加分不少而且上菜的速度也很快還有HaagenDazs雪糕仲係不定時季節口味🤗真心每款都吃已回本了😄🔅🔅🔅…查看更多

終於加班完畢📑，與快要餓昏了的老公🍋決定在旺角覓食📍，畢竟要在這鬧市熱點中覓食😌，應該一點難道也沒有吧😏。而為了滿足這大胃王的老公🍋，放題應該是最好的選擇了🎉，剛好經過了這家店🧐，想也不用想就走進去了😌。人來人往的食店中👨‍👩‍👧‍👦，等了一會終於有位置了😄！飲品款式不少🤓，除了汽水及紙包飲品外🥤，更有罐裝特色果汁供選擇🍎，而酒類飲品也屬任飲的行列🍺。店內設有前菜自取區🥗，食客可自行拿取適合自己的份量🥄。🔹刺身🔪放題的必點項目🌟，當中有有三文魚🌵🐿、油甘魚🐠、吞拿魚❤️、帆立貝🐚、赤蝦🦐等刺身。是晚最愛的是赤蝦💘，口感鮮甜美味🤤。🔹壽司🍣點上了幾款火灸壽司🔥，魚油被火迫了出來💦，脂香於口腔中散開💥。🔹海膽手卷👐🏽一口一個的😋，吃起來特別方便😁，又怎能不點了✨？🔹燒羊架🐑入口肉質幼嫩🤤，肉汁豐富👍🏽，絕對是必點項目之一喔🎊~🔹燒牛舌👅爽嫩的口感一向是人妻🐷最愛💝，燒至剛剛好🔥，口感更好😍。🔹一口牛肉粒🐮加入了洋蔥及青椒等煮製👨🏽‍🍳，香味更為濃郁🤩。🔹芝麻雞翼🐣香脆的外皮💛，配上了嫩滑的肉質😋，讓人停不下來🍴。🔹甜品🍭店內有自助的甜品區🍦，糕點🍰及朱古力噴泉🍫等應有盡有😲，而每人更可另外點上一款雪糕🍨。總結💭超過70款的食品任君選擇✨，再加上自助區域及多款飲品與清酒任飲🍻，絕對是一應俱全的放題體驗💞。…查看更多

今晚相約久未見面的朋友來到食久違的日式放題，重溫大學時光。御滿屋就係正旺角E1出口右面既胡社生行1樓真係好放便，我哋約食晚餐緊係book左枱啦，但入面原來真係大到可以唔使book。長話短說，放題一坐底就寫野食紙是常識吧，野食有炸物，小食，串燒，刺身，鍋物，壽司，而甜品同野飲都可以出去自己拎。由於朋友唔多食刺身，所以我叫左自己喜歡的甜蝦，肉質軟滑鮮甜。壽司則叫左三文魚，左口魚邊呢啲大路野，識食一定係叫多啲刺身加落壽司度食，例如整成勁多甜蝦既壽司。熟食方面，燒菠蘿其實冇得輸，多汁酸甜解膩。另外芝麻雞翼亦都係必點項目，外脆內軟又juicy。由於今日lunch已經好想食鲭魚既關係，所以即使朋友唔食都叫左一件，份量一個女仔食係岩岩好，燒得干身有油香。其他野都不過不失，而呢度最後重點係haagen dazs 或 movenpick 雪糕每人一客，士多啤梨味 movenpick 真係冇得頂，自然既酸甜味加牛奶，質地幼滑。整體黎講2百幾蚊真係好抵食，質素唔差又唔使等位，乾淨企理，侍應們會主動收碟，如果口痕想食日本野，呢度係唔錯既選擇。…查看更多

突然好想食放題，於是就約朋友book呢間御滿屋食放題就係為左可以盡情叫自己鐘意嘅野食　先嚟一盤刺身，一大堆甜蝦同大赤蝦震懾場面，呢座蝦山成功吸引我同朋友嘅眼球其他刺身好似變左配角咁，赤蝦好大隻好新鮮好好食，甜蝦好鮮甜，呢到有其他放題比較小見嘅象拔蚌刺身，食落新鮮爽口唔錯，三文魚幾新鮮，劍魚楠肥美，帶子鮮甜可口壽司款式都唔小，而且壽司飯好細舊所以叫多小小都唔怕，呢到d手卷都係細細件size好似d迷你雪糕筒咁，唔駛擔心會食得太多飯太飽肚，個海膽手卷我一啖就食左個手卷落肚海膽鮮甜美味，齒頰留香；蒲燒鰻魚厚身帶一點焦香，必食　羊胺好淋好入味炸物方面點左炸蝦天婦羅同炸蠔仲有芝麻雞翼，炸蝦天婦羅大大件香脆可口，天婦羅炸粉岩岩好唔會太厚亦唔會太薄，吉列蠔香脆內軟亦都好好食 芝麻雞翼岩岩炸起熱辣辣好香好惹味飲品同甜品可以到出面Ｘ雪櫃自取，款式好多　甜品方面除左出面有甜品凍櫃任揀任食之外，仲每人有一張甜品紙可以haagen dazs, movenpick同fruttato榴槤雪糕之中任揀一款嚟食 我就揀左movenpick雲呢拿雪糕作為我餐後嘅甜品…查看更多

計上次動漫節後臨時臨急黎呢度食放題有驚喜後，今次又再黎了！小妹覺得呢間放題的食物款式算多，偶然仲有推出新款式，兩個鐘其實唔多夠食，所以餐廳更有三個鐘時段可以慢慢食，當然兩個鐘的價錢又會再平點，小妹就食兩個鐘都夠飽。除左劃紙外，外面仲有沙律，甜品和飲品可以任拎 （請勿浪費）。第一輪先黎點左一堆壽司和卷物，每一次黎食放題就會不其然點左好多壽司，好彩底下既飯團細，食多都未至於飽!呢度既壽司有好多選擇，配搭多樣，仲有以jelly同水果做食材既壽司，好多人可能會覺得好怪，但食落味道係唔差，亦都幾新穎。另外都鍾意食呢度既燒牛肉壽司，賣相睇得，味道都唔錯!今次黎估唔到仲有即叫即整既鰻魚玉子燒 （上次唔見有），整好仲會直接送黎比你。玉子入口又滑又嫩，食落仲有蛋汁，富明顯蛋香，加埋中間的鰻魚，好食啊！他一口氣食左四件，我就淺嚐好喇，仲要留肚食其他野。老公話整個個疑似係日本人，話見到佢講日文。刺身：三文魚、吞拿魚、希靈魚、油甘魚、鮑片，北海道帶子、蘭花蚌、甜蝦、赤蝦、北海道角螺和赤貝等。不過小妹都係覺得油甘魚最好食，最食到魚脂香；角螺咬落都幾爽，其他都係普通。鐵板大蝦大蝦size幾大隻，咬落爽口啖啖肉。炸蝦天婦羅，炸粉尚算脆身，味道不錯!美國薄燒牛肉超懷念以前金田放題的薄燒牛肉，見到呢度有梗係即點。薄牛肉內捲了點蔥花，本身食落頗惹味的，但牛肉煎得較乾唔夠肉汁，失色了！芝麻雞翼每次去放題必點的，這裡炸得夠乾身，炸得外脆內軟，好食。燒菠蘿菠蘿燒過後會更加香甜，咬落甜美多汁，不過可再燒耐少少，因為食落覺得沒什麼燒過!雪花牛肉鍋喜歡這牛肉鍋的湯底似壽喜燒的味道，放了簡單的配菜，像娃娃菜、豆腐，粉絲，食落香甜美味！最後仲有一人一杯movenpick雪糕作結，雲呢拿、朱古力，士多啤酒，連最新的紅莓奶凍味都有，不過始終都係覺得士多啤梨最好食！…查看更多

這晚來到這間御滿屋，來到的時候幾乎已經滿座。整間店挺大的，座位很多但有點密。點餐紙藏在2本軟皮簿內，簡潔又豪華。因為2本簿都很厚很大，店鋪很細心地在桌子花了點心思－桌子下有位置能放東西。 先說一說刺身～三文魚：從圖中可以看見是非常的厚，色澤亮麗鮮明，入口結實飽滿，口感豐富。希靈魚：味道鮮甜，我挺喜歡希靈魚內的魚籽，吃的時候感覺爽脆。赤蝦： 剝殼後晶瑩透白，味道亦鮮甜，口感彈牙爽口。至於壽司方面～黑松露牡丹蝦壽司：當牡丹蝦配上黑松露，成為極品中之中的極品。牡丹蝦又軟又有彈性，內含膠質，有豐富的營養價值－女士必點！極壽司（左）＋品壽司（右）： 上面有很多的蟹籽，為壽司添加口感，而壽司飯亦挺紮實的。黃金魷魚軍艦： 黃色的魷魚真的很奪目，魷魚很爽口彈牙！來到手卷系列，點了海膽手卷嚐嚐，這樣的大小剛剛好，而海膽味道亦帶點濃郁。來到熱食系列～芝麻雞翼： 即炸雞翼灑上芝麻，十分的脆，並且香口，連肉也入味。鹽燒牛舌： 鹽的份量剛剛好，味道可口。燒菠蘿： 菠蘿稍暖，入口多汁並且甜甜的。來到甜品系列～因為有點飽，所以拿了少許的甜品，而MOVEPICK雪糕只能每位客人拿一杯。甜品我不逐一講了，算是中上的水準，吃完後真的非常非常滿足與飽足xd店內的飲品種類算多，這只是其中一個飲品櫃，還有另外一個的～總結：滿足xd…查看更多

大學同學敘舊，好耐冇見梗係搵個地方又可以食餐飽嘅又可以坐耐啲食個飯傾過計。之前同女朋友黎過依度食一次覺得唔錯，所以就再同啲同學再黎。就好似放左啲藝術品咁，歡迎人客。提供免費Wi-Fi有啲嘢食可以系出邊定嘅，沙律、甜品、小食等等。碗仔翅材料十分足料，口感的順滑，啖啖都有材料。海膽手卷一口就可以食晒，對於食放題來講係一件好事因為可以試吓唔同款嘅嘢食，比起其他放題好。海膽有鮮味略帶少少海水味，本人不喜歡有菜，但這一個並沒有對手卷帶來任何影響因為我已經自行移除。這個手卷自己一個食左了三個手卷，覺得很美味！芝麻雞翼表皮香脆，裡面的肉很嫩滑，入口雞皮很香脆和雞肉味濃，完全沒有油膩感。通常我食刺身都係食嗰兩款北寄貝同甜蝦，兩款都好新鮮同甜。甜蝦都幾大隻下，而且都幾粗。有幾隻既蝦膏都覺得甜甜地，北寄貝入口鮮甜爽口。還有甜品～…查看更多